<div class="version vid3363 iso6393mri" data-vid="3363" data-iso6393="mri">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s">Te Tinihanga a Ap&#299;mereke e &#298;haka</div><div class="p"> 1N&#257;, ka matekai te whenua, h&#257;unga te matekai tuatahi i puta mai i ng&#257; r&#257; o &#256;perahama. &#256;, ka haere a &#298;haka ki a Ap&#299;mereke, k&#299;ngi o ng&#257; Pirihitini, ki Kerara. 2N&#257;, ka puta mai a Ihow&#257; ki a ia, ka mea, &#8220;Kaua e haere ki raro, ki &#298;hipa; e noho ki te whenua e k&#333;rero ai ahau ki a koe. 3E noho i t&#275;nei whenua, &#257;, ka tata ahau ki a koe, ka manaaki hoki i a koe; ka hoatu nei hoki e ahau &#275;nei whenua katoa ki a koutou ko &#333;u uri, &#257;, ka whakap&#363;mautia te oati i oati ai ahau ki a &#256;perahama, ki t&#333;u p&#257;p&#257;. 4&#256;, ka whakanuia e ahau &#333;u uri kia p&#275;r&#257; me ng&#257; whet&#363; o te rangi, ka hoatu hoki e ahau &#275;nei whenua katoa ki &#333;u uri; &#257;, m&#257; t&#333;u uri ka manaakitia ai ng&#257; iwi katoa o te whenua; 5n&#333; te mea i rongo a &#256;perahama ki t&#333;ku reo, i mau ki &#257;ku ako, ki &#257;ku whakahau, ki &#257;ku tikanga, ki &#257;ku ture.&#8221;</div><div class="p"> 6N&#257;, ka noho a &#298;haka i Kerara. 7&#256;, ka ui ng&#257; t&#257;ngata o taua w&#257;hi ki t&#257;na wahine, &#257;, ka mea ia, &#8220;Ko t&#333;ku tuahine ia,&#8221; i wehi hoki ia, te mea ai, &#8220;Ko t&#257;ku wahine,&#8221; i mea hoki, &#8220;Kei patua ahau e ng&#257; t&#257;ngata o t&#275;nei w&#257;hi m&#333; Ripeka, he &#257;taahua hoki ia ki te titiro atu.&#8221;</div><div class="p"> 8&#256;, ka maha &#333;na r&#257; ki reira, ka titiro atu a Ap&#299;mereke, k&#299;ngi o ng&#257; Pirihitini, i te matapihi, &#257;, ka kite, n&#257;, ko &#298;haka e t&#257;karo ana ki a Ripeka, ki t&#257;na wahine. 9N&#257;, ka karangatia e Ap&#299;mereke a &#298;haka, ka mea atu, &#8220;Koia an&#333;, ko t&#257;u wahine tonu ia. N&#257; te aha koe i mea ai, &#8216;Ko t&#257;ku tuahine ia&#8217;?&#8221;</div><div class="p">Ka mea a &#298;haka ki a ia, &#8220;I mea hoki ahau, Kei mate ahau m&#333;na.&#8221;</div><div class="p"> 10N&#257;, ka mea a Ap&#299;mereke, &#8220;He aha t&#275;nei mahi &#257;u ki a m&#257;tou? W&#257;hi iti kua takoto t&#275;tahi o te iwi nei ki t&#257;u wahine, &#257;, kua t&#257;kina mai e koe he hara ki runga ki a m&#257;tou.&#8221;</div><div class="p"> 11N&#257;, ka whakat&#363;pato a Ap&#299;mereke ki t&#333;na iwi katoa, ka mea, &#8220;Ko te tangata e p&#257; ki t&#275;nei tangata, ki t&#257;na wahine r&#257;nei, he pono ka mate ia.&#8221;</div><div class="p"> 12&#256;, i rui a &#298;haka ki taua whenua, &#257;, maea ake i taua tau an&#333; kotahi rau. I manaakitia hoki ia e Ihow&#257;, 13n&#257;, ka kake taua tangata, ka tino nui haere, n&#333; ka nui noa ake ia. 14&#256;, ka whiwhi ia i ng&#257; k&#257;hui hipi, i ng&#257; k&#257;hui kau, i te tini o te pononga, &#257;, ka hae ng&#257; Pirihitini ki a ia. 15N&#257;, ko ng&#257; poka katoa i keria e ng&#257; pononga a t&#333;na p&#257;p&#257; i ng&#257; r&#257; o &#256;perahama, o t&#333;na p&#257;p&#257;, i tanumia &#275;r&#257; e ng&#257; Pirihitini, i whakak&#299;ia hoki ki te oneone.</div><div class="p"> 16N&#257;, ka mea a Ap&#299;mereke ki a &#298;haka, &#8220;Haere atu i roto i a m&#257;tou; he kaha rawa hoki koe i a m&#257;tou.&#8221;</div><div class="p"> 17N&#257;, haere atu ana a &#298;haka i reira, &#257;, whakat&#363;ria ana t&#333;na puni ki te awaawa o Kerara, &#257;, noho ana i reira. 18N&#257;, ka keria an&#333; e &#298;haka ng&#257; poka wai i keria r&#257; i ng&#257; r&#257; o &#256;perahama, o t&#333;na p&#257;p&#257;; i tanumia hoki e ng&#257; Pirihitini i muri i te matenga o &#256;perahama. &#256;, huaina ana e ia hei ingoa m&#333; aua poka ko ng&#257; ingoa i huaina iho e t&#333;na p&#257;p&#257;.</div><div class="p"> 19N&#257;, ka keri ng&#257; pononga a &#298;haka ki te awaawa, &#257;, ka kitea e r&#257;tou i reira he puna manawa-whenua. 20N&#257;, ka tautohe ng&#257; h&#275;para o Kerara ki ng&#257; h&#275;para a &#298;haka, ka mea, &#8220;N&#257; m&#257;tou t&#275;nei wai.&#8221; &#256;, huaina ana e ia te ingoa o te poka ko &#274;heke; m&#333; r&#257;tou hoki i whakatetete ki a ia. 21N&#257;, ka keri r&#257;tou i t&#275;tahi atu poka, ka tautohetia an&#333; t&#275;r&#257; e r&#257;tou; &#257;, huaina iho e ia t&#333;na ingoa ko Hitina. 22N&#257;, ka neke atu ia i reira, &#257;, ka keri i t&#275;tahi atu poka. K&#299;hai t&#275;r&#257; i tautohetia e r&#257;tou; n&#257;, ka huaina e ia t&#333;na ingoa ko Rehopoto; i mea hoki ia, &#8220;K&#257;tahi nei hoki a Ihow&#257; ka whakaw&#257;tea i t&#275;tahi nohoanga m&#333; t&#257;tou, &#257;, ka hua t&#257;tou ki runga ki te whenua.&#8221;</div><div class="p"> 23N&#257;, ka haere atu ia i reira ki runga, ki Peerehepa. 24&#256;, ka puta mai a Ihow&#257; ki a ia i taua p&#333; an&#333;, ka mea, &#8220;Ko ahau te Atua o &#256;perahama, o t&#333;u p&#257;p&#257;. Kaua e wehi, kei a koe nei hoki ahau, &#257;, ka manaaki ahau i a koe, ka whakanui hoki i &#333;u uri, he whakaaro ki a &#256;perahama, ki t&#257;ku pononga.&#8221;</div><div class="p"> 25N&#257;, ka hang&#257; e ia he &#257;ta ki reira, &#257;, ka karanga ki te ingoa o Ihow&#257;, &#257;, whakat&#363;ria ana hoki e ia t&#333;na t&#275;neti ki reira. &#256;, ka keria t&#275;tahi poka ki reira e ng&#257; pononga a &#298;haka.</div><div class="p"> 26N&#257;, ka haere mai a Ap&#299;mereke i Kerara ki a ia, r&#257;tou ko Ahutata ko t&#275;tahi o &#333;na hoa, ko Pikora hoki, ko te rangatira o t&#257;na ope. 27&#256;, ka mea a &#298;haka ki a r&#257;tou, &#8220;I haere mai koutou ki ahau ki te aha, in&#257; hoki kua kino koutou ki ahau, kua pei hoki i ahau i roto i a koutou?&#8221;</div><div class="p"> 28&#256;, ka mea r&#257;tou, &#8220;I kite m&#257;rama m&#257;tou, kei a koe a Ihow&#257;; koia m&#257;tou i mea ai, &#8216;Kia takoto &#257;ianei he oati ki waenganui i a t&#257;tou, ki waenganui o m&#257;tou,&#8217; &#333;u, kia whakarite kawenata hoki m&#257;tou ki a koe; 29kia kaua koe e t&#363;kino i a m&#257;tou, kia p&#275;nei me m&#257;tou k&#299;hai nei i p&#257; ki a koe, k&#299;hai hoki i aha ki a koe, heoi ko te pai anake, i &#257;ta tuku an&#333; i a koe. In&#257;ianei ko koe te manaakitanga a Ihow&#257;.&#8221;</div><div class="p"> 30N&#257;, ka tukua e ia he h&#257;kari m&#257; r&#257;tou, &#257;, ka kai r&#257;tou, ka inu. 31N&#257;, ka maranga wawe r&#257;tou i te ata, ka oati r&#257;tou t&#275;tahi ki t&#275;tahi; &#257;, tukua ana r&#257;tou e &#298;haka kia haere, &#257;, hoki m&#257;rie atu ana r&#257;tou i a ia.</div><div class="p"> 32&#256;, i taua rangi an&#333; ka haere mai ng&#257; pononga a &#298;haka, ka k&#333;rero ki a ia i te poka i keria e r&#257;tou, &#257;, ka mea ki a ia, &#8220;Kua kitea e m&#257;tou he wai.&#8221; 33&#256;, huaina iho e ia taua poka ko Hepaha. N&#333; kon&#257; te ingoa o t&#275;n&#257; p&#257;, o Peerehepa, &#257; mohoa noa nei.</div><div class="s">Ng&#257; W&#257;hine Tauiwi a &#274;hau</div><div class="p"> 34&#256;, ka wh&#257; tekau ng&#257; tau o &#274;hau, ka tango ia i a Iuriti tam&#257;hine a Peeri Hiti, hei wahine m&#257;na, r&#257;ua ko Pahemata tam&#257;hine a Erona Hiti; 35&#257;, ka waiho r&#257;ua hei mea p&#333;uri ki ng&#257; ng&#257;kau o &#298;haka, r&#257;ua ko Ripeka.</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Nā, ka matekai te whenua, hāunga te matekai tuatahi i puta mai i ngā rā o Āperahama. Ā, ka haere a Īhaka ki a Apīmereke, kīngi o ngā Pirihitini, ki Kerara. Nā, ka puta mai a Ihowā ki a ia, ka mea, “Kaua e haere ki raro, ki Īhipa; e noho ki te whenua e kōrero ai ahau ki a koe. E noho i tēnei whenua, ā, ka tata ahau ki a koe, ka manaaki hoki i a koe; ka hoatu nei hoki e ahau ēnei whenua katoa ki a koutou ko ōu uri, ā, ka whakapūmautia te oati i oati ai ahau ki a Āperahama, ki tōu pāpā. Ā, ka whakanuia e ahau ōu uri kia pērā me ngā whetū o te rangi, ka hoatu hoki e ahau ēnei whenua katoa ki ōu uri; ā, mā tōu uri ka manaakitia ai ngā iwi katoa o te whenua; nō te mea i rongo a Āperahama ki tōku reo, i mau ki āku ako, ki āku whakahau, ki āku tikanga, ki āku ture.”
Nā, ka noho a Īhaka i Kerara. Ā, ka ui ngā tāngata o taua wāhi ki tāna wahine, ā, ka mea ia, “Ko tōku tuahine ia,” i wehi hoki ia, te mea ai, “Ko tāku wahine,” i mea hoki, “Kei patua ahau e ngā tāngata o tēnei wāhi mō Ripeka, he ātaahua hoki ia ki te titiro atu.”
Ā, ka maha ōna rā ki reira, ka titiro atu a Apīmereke, kīngi o ngā Pirihitini, i te matapihi, ā, ka kite, nā, ko Īhaka e tākaro ana ki a Ripeka, ki tāna wahine. Nā, ka karangatia e Apīmereke a Īhaka, ka mea atu, “Koia anō, ko tāu wahine tonu ia. Nā te aha koe i mea ai, ‘Ko tāku tuahine ia’?”
Ka mea a Īhaka ki a ia, “I mea hoki ahau, Kei mate ahau mōna.”
Nā, ka mea a Apīmereke, “He aha tēnei mahi āu ki a mātou? Wāhi iti kua takoto tētahi o te iwi nei ki tāu wahine, ā, kua tākina mai e koe he hara ki runga ki a mātou.”
Nā, ka whakatūpato a Apīmereke ki tōna iwi katoa, ka mea, “Ko te tangata e pā ki tēnei tangata, ki tāna wahine rānei, he pono ka mate ia.”
Ā, i rui a Īhaka ki taua whenua, ā, maea ake i taua tau anō kotahi rau. I manaakitia hoki ia e Ihowā, nā, ka kake taua tangata, ka tino nui haere, nō ka nui noa ake ia. Ā, ka whiwhi ia i ngā kāhui hipi, i ngā kāhui kau, i te tini o te pononga, ā, ka hae ngā Pirihitini ki a ia. Nā, ko ngā poka katoa i keria e ngā pononga a tōna pāpā i ngā rā o Āperahama, o tōna pāpā, i tanumia ērā e ngā Pirihitini, i whakakīia hoki ki te oneone.
Nā, ka mea a Apīmereke ki a Īhaka, “Haere atu i roto i a mātou; he kaha rawa hoki koe i a mātou.”
Nā, haere atu ana a Īhaka i reira, ā, whakatūria ana tōna puni ki te awaawa o Kerara, ā, noho ana i reira. Nā, ka keria anō e Īhaka ngā poka wai i keria rā i ngā rā o Āperahama, o tōna pāpā; i tanumia hoki e ngā Pirihitini i muri i te matenga o Āperahama. Ā, huaina ana e ia hei ingoa mō aua poka ko ngā ingoa i huaina iho e tōna pāpā.
Nā, ka keri ngā pononga a Īhaka ki te awaawa, ā, ka kitea e rātou i reira he puna manawa-whenua. Nā, ka tautohe ngā hēpara o Kerara ki ngā hēpara a Īhaka, ka mea, “Nā mātou tēnei wai.” Ā, huaina ana e ia te ingoa o te poka ko Ēheke; mō rātou hoki i whakatetete ki a ia. Nā, ka keri rātou i tētahi atu poka, ka tautohetia anō tērā e rātou; ā, huaina iho e ia tōna ingoa ko Hitina. Nā, ka neke atu ia i reira, ā, ka keri i tētahi atu poka. Kīhai tērā i tautohetia e rātou; nā, ka huaina e ia tōna ingoa ko Rehopoto; i mea hoki ia, “Kātahi nei hoki a Ihowā ka whakawātea i tētahi nohoanga mō tātou, ā, ka hua tātou ki runga ki te whenua.”
Nā, ka haere atu ia i reira ki runga, ki Peerehepa. Ā, ka puta mai a Ihowā ki a ia i taua pō anō, ka mea, “Ko ahau te Atua o Āperahama, o tōu pāpā. Kaua e wehi, kei a koe nei hoki ahau, ā, ka manaaki ahau i a koe, ka whakanui hoki i ōu uri, he whakaaro ki a Āperahama, ki tāku pononga.”
Nā, ka hangā e ia he āta ki reira, ā, ka karanga ki te ingoa o Ihowā, ā, whakatūria ana hoki e ia tōna tēneti ki reira. Ā, ka keria tētahi poka ki reira e ngā pononga a Īhaka.
Nā, ka haere mai a Apīmereke i Kerara ki a ia, rātou ko Ahutata ko tētahi o ōna hoa, ko Pikora hoki, ko te rangatira o tāna ope. Ā, ka mea a Īhaka ki a rātou, “I haere mai koutou ki ahau ki te aha, inā hoki kua kino koutou ki ahau, kua pei hoki i ahau i roto i a koutou?”
Ā, ka mea rātou, “I kite mārama mātou, kei a koe a Ihowā; koia mātou i mea ai, ‘Kia takoto āianei he oati ki waenganui i a tātou, ki waenganui o mātou,’ ōu, kia whakarite kawenata hoki mātou ki a koe; kia kaua koe e tūkino i a mātou, kia pēnei me mātou kīhai nei i pā ki a koe, kīhai hoki i aha ki a koe, heoi ko te pai anake, i āta tuku anō i a koe. Ināianei ko koe te manaakitanga a Ihowā.”
Nā, ka tukua e ia he hākari mā rātou, ā, ka kai rātou, ka inu. Nā, ka maranga wawe rātou i te ata, ka oati rātou tētahi ki tētahi; ā, tukua ana rātou e Īhaka kia haere, ā, hoki mārie atu ana rātou i a ia.
Ā, i taua rangi anō ka haere mai ngā pononga a Īhaka, ka kōrero ki a ia i te poka i keria e rātou, ā, ka mea ki a ia, “Kua kitea e mātou he wai.” Ā, huaina iho e ia taua poka ko Hepaha. Nō konā te ingoa o tēnā pā, o Peerehepa, ā mohoa noa nei.

Ā, ka whā tekau ngā tau o Ēhau, ka tango ia i a Iuriti tamāhine a Peeri Hiti, hei wahine māna, rāua ko Pahemata tamāhine a Erona Hiti; ā, ka waiho rāua hei mea pōuri ki ngā ngākau o Īhaka, rāua ko Ripeka.

සවන් දෙන්න Kenehi 26