<div class="version vid3363 iso6393mri" data-vid="3363" data-iso6393="mri">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s">Te Kino o Horoma</div><div class="p"> 1N&#257;, ka haere mai ng&#257; anahera tokorua ki Horoma i te ahiahi; &#257;, ko Rota i te k&#363;waha o Horoma e noho ana. &#256;, ka kite a Rota i a r&#257;ua, ka whakatika ki te whakatau i a r&#257;ua, &#257;, ka tuohu t&#333;na kanohi ki te whenua, 2ka mea ia, &#8220;Nan&#257;, e &#333;ku ariki, peka mai ki te whare o t&#257; k&#333;rua pononga, n&#275;? Ki konei moe ai, horoi ai hoki i &#333; k&#333;rua waewae, &#257;, ka moata ai te maranga, ka haere i t&#257; k&#333;rua haere.&#8221;</div><div class="p">Ka mea r&#257;ua, &#8220;K&#257;hore; engari ki te huarahi noa m&#257;ua moe ai.&#8221;</div><div class="p"> 3N&#257;, ka kaha t&#257;na tohe ki a r&#257;ua, &#257;, peka atu ana r&#257;ua ki a ia, haere ana ki t&#333;na whare. N&#257;, ka taka ia i t&#275;tahi h&#257;kari m&#257; r&#257;ua, ka tunu hoki i &#275;tahi keke r&#275;wenakore, &#257;, ka kai r&#257;ua. 4K&#299;an&#333; r&#257;ua i takoto noa, ka karapotia te whare e ng&#257; t&#257;ngata o te p&#257;, e ng&#257; t&#257;ngata o Horoma, e te koroheke, e te taitamariki, e ng&#257; t&#257;ngata katoa o ng&#257; w&#257;hi katoa. 5&#256;, ka karanga r&#257;tou ki a Rota, ka mea ki a ia, &#8220;Kei hea aua t&#257;ngata i haere mai nei ki a koe i te p&#333; nei? Whakaputaina mai ki a m&#257;tou, kia m&#333;hio ai m&#257;tou ki a r&#257;ua.&#8221;</div><div class="p"> 6N&#257;, ka puta atu a Rota ki a r&#257;tou ki te k&#363;waha, me t&#257;na t&#363;taki an&#333; i te tatau i muri i a ia. 7Ka mea, &#8220;Kaua r&#257; e kino, e &#333;ku tu&#257;kana. 8Nan&#257;, tokorua &#257;ku tam&#257;hine, k&#257;hore nei i m&#333;hio noa ki te t&#257;ne, me whakaputa atu r&#257;ua e ahau ki a koutou, &#257;, m&#257; koutou e mea ki a r&#257;ua te mea e pai ana ki t&#257; koutou titiro. Kaua ia e meatia t&#275;tahi mea ki &#275;nei t&#257;ngata; he mea hoki ka tae mai nei r&#257;ua ki te taumarumarutanga iho o t&#333;ku tuanui.&#8221;</div><div class="p"> 9An&#333; r&#257; ko r&#257;tou, &#8220;T&#363; atu!&#8221; &#256;, ka mea an&#333; r&#257;tou, &#8220;I haere mai t&#275;nei korok&#275; kotahi ki konei noho ai, &#257;, e whai ana kia m&#257;na e whakarite tikanga. &#256;kuanei t&#333;u mate i a m&#257;tou nui atu i t&#333; r&#257;ua.&#8221; N&#257;, ka &#257;ki rawa r&#257;tou ki te tangata r&#257;, ki a Rota, &#257;, ka whakatata ki te w&#257;hi i te tatau.</div><div class="p"> 10Otir&#257;, ka totoro atu te ringa o aua t&#257;ngata, &#257;, k&#363;mea ana a Rota ki a r&#257;ua ki roto ki te whare, &#257;, t&#363;takina ana e r&#257;ua te tatau. 11N&#257;, ka whiua e r&#257;ua ng&#257; t&#257;ngata i te k&#363;waha o te whare, te iti, te rahi, ki te matap&#333;tanga; &#257;, ngenge noa r&#257;tou i te rapunga i te tatau.</div><div class="s">Te Ngaromanga o Horoma me Koroma</div><div class="p"> 12N&#257;, ka mea aua t&#257;ngata ki a Rota, &#8220;K&#257;hore atu r&#257;nei &#333;u t&#257;ngata i konei? Me he hunaonga, he tama r&#257;nei &#257;u, he tam&#257;hine r&#257;nei &#257;u, t&#275;tahi atu mea r&#257;nei &#257;u i roto i te p&#257;, mauria atu i t&#275;nei w&#257;hi. 13Ka whakangaromia hoki t&#275;nei w&#257;hi e m&#257;ua, n&#333; te mea kua nui t&#333; r&#257;tou karanga ki te aroaro o Ihow&#257;; kua tonoa mai hoki m&#257;ua e Ihow&#257; ki te whakangaro.&#8221;</div><div class="p"> 14N&#257;, ka haere a Rota, ka k&#333;rero ki &#257;na hunaonga i m&#257;renatia nei ki &#257;na tam&#257;hine, ka mea, &#8220;Whakatika, haere atu i konei; ka whakangaromia hoki e Ihow&#257; t&#275;nei p&#257;.&#8221; Otiia, ki te whakaaro o &#257;na hunaonga i rite ia ki t&#275;tahi tangata e hangareka ana.</div><div class="p"> 15&#256;, i te huakanga ake o te ata, ka akiaki ng&#257; anahera i a Rota, ka mea, &#8220;Whakatika, haria t&#257;u wahine, me &#275;nei tam&#257;hine tokorua &#257;u, kei hun&#257; koe i roto i te kino o t&#275;nei p&#257;.&#8221;</div><div class="p"> 16Otir&#257;, i whakaroa ia; n&#257;, ka hopu aua t&#257;ngata ki t&#333;na ringa, ki te ringa o t&#257;na wahine, ki ng&#257; ringa o &#257;na tam&#257;hine tokorua; he tohu hoki n&#257; Ihow&#257; i a ia. &#256;, kawea atu ana ia e r&#257;ua ki waho, ka waiho i waho o te p&#257;. 17&#256;, ka oti r&#257;tou te kawe atu e r&#257;ua ki waho, ka mea ia, &#8220;Rere atu kia ora ai koe; kaua e titiro ki muri i a koe, kaua hoki e t&#363; ki t&#275;tahi w&#257;hi o te m&#257;nia; rere atu ki te maunga, kei ngaro koe.&#8221;</div><div class="p"> 18N&#257;, ka mea a Rota ki a r&#257;ua, &#8220;Kaua r&#257; e p&#275;n&#257;, e t&#333;ku Ariki. 19Nan&#257;, kua manakohia nei t&#257;u pononga e koe, kua whakanuia an&#333; e koe t&#333;u aroha i whakaputaina nei, e koe ki ahau, i a koe i whakaora nei i t&#333;ku wairua; n&#257;, e kore e taea e ahau te rere ki te maunga, kei mau ahau i t&#275;tahi kino, &#257;, ka mate. 20Titiro hoki, e tata ana t&#275;nei p&#257; hei rerenga atu, he mea nohinohi noa nei. Kia rere ahau ki reira n&#275;? &#8211; Ehara ianei i te mea nohinohi? &#8211; &#257;, ka ora t&#333;ku wairua.&#8221;</div><div class="p"> 21An&#333; r&#257; ko ia ki a ia, &#8220;N&#257;, kua whakaae an&#333; hoki ahau ki t&#275;nei meatanga &#257;u, kia kaua e hun&#257; e ahau t&#275;nei p&#257; i k&#333;rero mai n&#257; koe. 22Kia hohoro, rere atu ki reira; e kore hoki e taea e ahau t&#275;tahi mea, kia tae r&#257; an&#333; koe ki reira.&#8221; N&#257; reira i huaina ai te ingoa o taua p&#257; ko Toara. 23Kua rewa te r&#257; ki runga ki te whenua, ka tae a Rota ki Toara.</div><div class="p"> 24K&#257;tahi ka uaina e Ihow&#257; ki Horoma, ki Komora, he wh&#257;n&#257;riki, he ahi n&#257; Ihow&#257;, n&#333; te rangi; 25&#257;, hurihia iho e ia aua p&#257;, me te m&#257;nia katoa, me ng&#257; t&#257;ngata katoa o ng&#257; p&#257;, me ng&#257; mea e tupu ana i te whenua. 26N&#257;, i titiro t&#257;na wahine ki muri i a ia, &#257;, meinga ana hei pou tote.</div><div class="p"> 27&#256;, i maranga wawe a &#256;perahama i te ata ki te w&#257;hi i t&#363; ai ia i te aroaro o Ihow&#257;. 28N&#257;, ko t&#333;na tirohanga atu ki te ritenga o Horoma, o Komora, ki te whenua katoa hoki o te m&#257;nia, ka kite, n&#257;, e kake ana te paowa o te whenua, me te mea he paowa oumu.</div><div class="p"> 29N&#257;, i te whakangaromanga a Ihow&#257; i ng&#257; p&#257; o te m&#257;nia, ka mahara te Atua ki a &#256;perahama, &#257;, tonoa ana e ia a Rota i roto i te hurihanga i t&#257;na hurihanga i ng&#257; p&#257; i noho ai a Rota.</div><div class="s">Te P&#363;take o ng&#257; Moapi me ng&#257; &#256;moni</div><div class="p"> 30N&#257;, ka piki atu a Rota i Toara, ka noho ki te maunga, r&#257;tou tahi ko &#257;na tam&#257;hine tokorua; i wehi hoki ia ki te noho i Toara; &#257;, ka noho i roto i t&#275;tahi ana, a ia me &#257;na tam&#257;hine tokorua. 31N&#257;, ka mea te tuakana ki t&#333; muri, &#8220;Kua koroheke t&#333; t&#257;ua p&#257;p&#257;, &#257;, k&#257;hore he tangata o te whenua hei haere mai ki a t&#257;ua, hei p&#275;r&#257; me t&#333; te whenua katoa tikanga. 32T&#275;n&#257;, t&#257;ua ka whakainu i t&#333; t&#257;ua p&#257;p&#257; ki te w&#257;ina, ka takoto ai t&#257;ua ki a ia, kia tupu ai i a t&#257;ua t&#275;tahi uri m&#333; t&#333; t&#257;ua p&#257;p&#257;.&#8221;</div><div class="p"> 33N&#257;, ka whakainu r&#257;ua i t&#333; r&#257;ua p&#257;p&#257; ki te w&#257;ina i taua p&#333;; &#257;, ka haere atu te tuakana, ka takoto ki t&#333;na p&#257;p&#257;, k&#299;hai hoki t&#275;r&#257; i m&#333;hio ki t&#333;na takotoranga iho, ki t&#333;na whakatikanga ake.</div><div class="p"> 34&#256;, i te aonga ake ka mea te tuakana ki t&#333; muri, &#8220;Nan&#257;, i takoto ahau inap&#333; ki t&#333;ku p&#257;p&#257;; t&#257;ua an&#333; ka whakainu i a ia ki te w&#257;ina i t&#275;nei p&#333;; &#257;, m&#257;u e haere atu, e takoto ki a ia, kia tupu ai i a t&#257;ua t&#275;tahi uri m&#333; t&#333; t&#257;ua p&#257;p&#257;.&#8221; 35N&#257;, ka whakainu an&#333; r&#257;ua i t&#333; r&#257;ua p&#257;p&#257; ki te w&#257;ina i taua p&#333;; &#257;, ka whakatika t&#333; muri, ka takoto hoki ki a ia; &#257;, k&#299;hai ia i m&#333;hio ki t&#333;na takotoranga iho, ki t&#333;na whakatikanga ake.</div><div class="p"> 36Koia ka hap&#363; ng&#257; tam&#257;hine tokorua a Rota i t&#333; r&#257;ua p&#257;p&#257;. 37&#256;, ka wh&#257;nau t&#257; te tuakana, he tama, &#257;, huaina ana e ia t&#333;na ingoa ko Moapa; ko ia te p&#257;p&#257; o ng&#257; Moapi, &#257; tae noa ki t&#275;nei r&#257;. 38Me t&#333; muri, wh&#257;nau ake an&#333; t&#257;na, he tama, &#257;, huaina iho e ia t&#333;na ingoa ko Penami. Ko ia te p&#257;p&#257; o ng&#257; tama a &#256;mona, &#257; tae noa ki t&#275;nei r&#257;.</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Nā, ka haere mai ngā anahera tokorua ki Horoma i te ahiahi; ā, ko Rota i te kūwaha o Horoma e noho ana. Ā, ka kite a Rota i a rāua, ka whakatika ki te whakatau i a rāua, ā, ka tuohu tōna kanohi ki te whenua, ka mea ia, “Nanā, e ōku ariki, peka mai ki te whare o tā kōrua pononga, nē? Ki konei moe ai, horoi ai hoki i ō kōrua waewae, ā, ka moata ai te maranga, ka haere i tā kōrua haere.”
Ka mea rāua, “Kāhore; engari ki te huarahi noa māua moe ai.”
Nā, ka kaha tāna tohe ki a rāua, ā, peka atu ana rāua ki a ia, haere ana ki tōna whare. Nā, ka taka ia i tētahi hākari mā rāua, ka tunu hoki i ētahi keke rēwenakore, ā, ka kai rāua. Kīanō rāua i takoto noa, ka karapotia te whare e ngā tāngata o te pā, e ngā tāngata o Horoma, e te koroheke, e te taitamariki, e ngā tāngata katoa o ngā wāhi katoa. Ā, ka karanga rātou ki a Rota, ka mea ki a ia, “Kei hea aua tāngata i haere mai nei ki a koe i te pō nei? Whakaputaina mai ki a mātou, kia mōhio ai mātou ki a rāua.”
Nā, ka puta atu a Rota ki a rātou ki te kūwaha, me tāna tūtaki anō i te tatau i muri i a ia. Ka mea, “Kaua rā e kino, e ōku tuākana. Nanā, tokorua āku tamāhine, kāhore nei i mōhio noa ki te tāne, me whakaputa atu rāua e ahau ki a koutou, ā, mā koutou e mea ki a rāua te mea e pai ana ki tā koutou titiro. Kaua ia e meatia tētahi mea ki ēnei tāngata; he mea hoki ka tae mai nei rāua ki te taumarumarutanga iho o tōku tuanui.”
Anō rā ko rātou, “Tū atu!” Ā, ka mea anō rātou, “I haere mai tēnei korokē kotahi ki konei noho ai, ā, e whai ana kia māna e whakarite tikanga. Ākuanei tōu mate i a mātou nui atu i tō rāua.” Nā, ka āki rawa rātou ki te tangata rā, ki a Rota, ā, ka whakatata ki te wāhi i te tatau.
Otirā, ka totoro atu te ringa o aua tāngata, ā, kūmea ana a Rota ki a rāua ki roto ki te whare, ā, tūtakina ana e rāua te tatau. Nā, ka whiua e rāua ngā tāngata i te kūwaha o te whare, te iti, te rahi, ki te matapōtanga; ā, ngenge noa rātou i te rapunga i te tatau.

Nā, ka mea aua tāngata ki a Rota, “Kāhore atu rānei ōu tāngata i konei? Me he hunaonga, he tama rānei āu, he tamāhine rānei āu, tētahi atu mea rānei āu i roto i te pā, mauria atu i tēnei wāhi. Ka whakangaromia hoki tēnei wāhi e māua, nō te mea kua nui tō rātou karanga ki te aroaro o Ihowā; kua tonoa mai hoki māua e Ihowā ki te whakangaro.”
Nā, ka haere a Rota, ka kōrero ki āna hunaonga i mārenatia nei ki āna tamāhine, ka mea, “Whakatika, haere atu i konei; ka whakangaromia hoki e Ihowā tēnei pā.” Otiia, ki te whakaaro o āna hunaonga i rite ia ki tētahi tangata e hangareka ana.
Ā, i te huakanga ake o te ata, ka akiaki ngā anahera i a Rota, ka mea, “Whakatika, haria tāu wahine, me ēnei tamāhine tokorua āu, kei hunā koe i roto i te kino o tēnei pā.”
Otirā, i whakaroa ia; nā, ka hopu aua tāngata ki tōna ringa, ki te ringa o tāna wahine, ki ngā ringa o āna tamāhine tokorua; he tohu hoki nā Ihowā i a ia. Ā, kawea atu ana ia e rāua ki waho, ka waiho i waho o te pā. Ā, ka oti rātou te kawe atu e rāua ki waho, ka mea ia, “Rere atu kia ora ai koe; kaua e titiro ki muri i a koe, kaua hoki e tū ki tētahi wāhi o te mānia; rere atu ki te maunga, kei ngaro koe.”
Nā, ka mea a Rota ki a rāua, “Kaua rā e pēnā, e tōku Ariki. Nanā, kua manakohia nei tāu pononga e koe, kua whakanuia anō e koe tōu aroha i whakaputaina nei, e koe ki ahau, i a koe i whakaora nei i tōku wairua; nā, e kore e taea e ahau te rere ki te maunga, kei mau ahau i tētahi kino, ā, ka mate. Titiro hoki, e tata ana tēnei pā hei rerenga atu, he mea nohinohi noa nei. Kia rere ahau ki reira nē? – Ehara ianei i te mea nohinohi? – ā, ka ora tōku wairua.”
Anō rā ko ia ki a ia, “Nā, kua whakaae anō hoki ahau ki tēnei meatanga āu, kia kaua e hunā e ahau tēnei pā i kōrero mai nā koe. Kia hohoro, rere atu ki reira; e kore hoki e taea e ahau tētahi mea, kia tae rā anō koe ki reira.” Nā reira i huaina ai te ingoa o taua pā ko Toara. Kua rewa te rā ki runga ki te whenua, ka tae a Rota ki Toara.
Kātahi ka uaina e Ihowā ki Horoma, ki Komora, he whānāriki, he ahi nā Ihowā, nō te rangi; ā, hurihia iho e ia aua pā, me te mānia katoa, me ngā tāngata katoa o ngā pā, me ngā mea e tupu ana i te whenua. Nā, i titiro tāna wahine ki muri i a ia, ā, meinga ana hei pou tote.
Ā, i maranga wawe a Āperahama i te ata ki te wāhi i tū ai ia i te aroaro o Ihowā. Nā, ko tōna tirohanga atu ki te ritenga o Horoma, o Komora, ki te whenua katoa hoki o te mānia, ka kite, nā, e kake ana te paowa o te whenua, me te mea he paowa oumu.
Nā, i te whakangaromanga a Ihowā i ngā pā o te mānia, ka mahara te Atua ki a Āperahama, ā, tonoa ana e ia a Rota i roto i te hurihanga i tāna hurihanga i ngā pā i noho ai a Rota.

Nā, ka piki atu a Rota i Toara, ka noho ki te maunga, rātou tahi ko āna tamāhine tokorua; i wehi hoki ia ki te noho i Toara; ā, ka noho i roto i tētahi ana, a ia me āna tamāhine tokorua. Nā, ka mea te tuakana ki tō muri, “Kua koroheke tō tāua pāpā, ā, kāhore he tangata o te whenua hei haere mai ki a tāua, hei pērā me tō te whenua katoa tikanga. Tēnā, tāua ka whakainu i tō tāua pāpā ki te wāina, ka takoto ai tāua ki a ia, kia tupu ai i a tāua tētahi uri mō tō tāua pāpā.”
Nā, ka whakainu rāua i tō rāua pāpā ki te wāina i taua pō; ā, ka haere atu te tuakana, ka takoto ki tōna pāpā, kīhai hoki tērā i mōhio ki tōna takotoranga iho, ki tōna whakatikanga ake.
Ā, i te aonga ake ka mea te tuakana ki tō muri, “Nanā, i takoto ahau inapō ki tōku pāpā; tāua anō ka whakainu i a ia ki te wāina i tēnei pō; ā, māu e haere atu, e takoto ki a ia, kia tupu ai i a tāua tētahi uri mō tō tāua pāpā.” Nā, ka whakainu anō rāua i tō rāua pāpā ki te wāina i taua pō; ā, ka whakatika tō muri, ka takoto hoki ki a ia; ā, kīhai ia i mōhio ki tōna takotoranga iho, ki tōna whakatikanga ake.
Koia ka hapū ngā tamāhine tokorua a Rota i tō rāua pāpā. Ā, ka whānau tā te tuakana, he tama, ā, huaina ana e ia tōna ingoa ko Moapa; ko ia te pāpā o ngā Moapi, ā tae noa ki tēnei rā. Me tō muri, whānau ake anō tāna, he tama, ā, huaina iho e ia tōna ingoa ko Penami. Ko ia te pāpā o ngā tama a Āmona, ā tae noa ki tēnei rā.

සවන් දෙන්න Kenehi 19