<div class="version vid3363 iso6393mri" data-vid="3363" data-iso6393="mri">
 <div class="book bkEXO">
 <div class="chapter ch22" data-usfm="EXO.22">
 <div class="label">22</div><div class="s">Ng&#257; Ture m&#333; ng&#257; T&#257;hae, m&#333; te Utunga</div><div class="p"> 1&#8220;Ki te t&#257;hae te tangata i te kau, i te hipi r&#257;nei, &#257;, ka patua, ka hokona r&#257;nei e ia; kia rima ng&#257; kau e h&#333;mai e ia hei utu m&#333; te kau kotahi, kia wh&#257; hoki ng&#257; hipi m&#333; te hipi kotahi.</div><div class="p"> 2&#8220;Ki te mau te t&#257;hae e poka ara ana, &#257;, ka patua, ka mate, k&#257;hore he toto e heke m&#333;na. 3Ki te mea kua whiti te r&#257; ki a ia, ka heke he toto m&#333;na; me h&#333;mai hoki e ia he utu; ki te k&#257;hore &#257;na mea, n&#257;, me hoko ia m&#333; t&#257;na t&#257;hae.</div><div class="p"> 4&#8220;Ki te mau p&#363; ki t&#333;na ringa te mea i t&#257;haetia, he kau, he k&#257;ihe r&#257;nei, he hipi r&#257;nei, &#257;, e ora ana; kia rua ng&#257; utu e h&#333;mai e ia.</div><div class="p"> 5&#8220;Ki te mea t&#275;tahi tangata kia kainga t&#275;tahi m&#257;ra, t&#275;tahi k&#257;ri w&#257;ina r&#257;nei, &#257;, ka tukua atu e ia tana kararehe hei kai i te m&#257;ra a t&#275;tahi; me utu e ia ki ng&#257; hua papai rawa o t&#257;na m&#257;ra, ki ng&#257; hua papai rawa hoki o t&#257;na k&#257;ri w&#257;ina.</div><div class="p"> 6&#8220;Ki te toro atu te ahi, &#257;, ka pono ki ng&#257; t&#257;tar&#257;moa, &#257;, ka pau ng&#257; whakap&#363; w&#299;ti, te w&#299;ti r&#257;nei e t&#363; ana, te m&#257;ra r&#257;nei; me &#257;ta whakautu e te tangata n&#257;na i tahu te ahi.</div><div class="p"> 7&#8220;Ki te h&#333;mai e te tangata t&#275;tahi moni &#275;tahi mea r&#257;nei, ki t&#333;na hoa kia tiakina, &#257;, ka t&#257;haetia i roto i te whare o taua tangata; ki te kitea te t&#257;hae, kia rua ng&#257; utu e h&#333;mai e ia. 8Ki te k&#257;hore i kitea te t&#257;hae, n&#257;, me kawe te rangatira o te whare ki te Atua, kia kitea me k&#257;hore i totoro t&#333;na ringaringa ki ng&#257; taonga a t&#333;na hoa. 9I ng&#257; whakaw&#257;kanga hara katoa m&#333; te kau, k&#257;ihe, hipi, k&#257;kahu, m&#333; te ngaromanga o t&#275;tahi mea e k&#299;ia ana e t&#275;tahi n&#333;na, me haere te k&#333;rero a te tokorua ki te Atua; ko te tangata kua whakataua te h&#275; ki a ia e te Atua, kia rua ng&#257; utu e h&#333;mai e ia ki t&#333;na hoa.</div><div class="p"> 10&#8220;Ki te h&#333;mai e t&#275;tahi he k&#257;ihe ki t&#333;na hoa, he kau r&#257;nei, he hipi r&#257;nei, t&#275;tahi r&#257;nei o ng&#257; tini kararehe, kia tiakina; &#257;, ka mate, ka whara r&#257;nei, ka p&#257;huatia r&#257;nei, k&#299;hai an&#333; hoki i kitea. 11Ka waiho i waenganui i a r&#257;ua te oati a Ihow&#257;, m&#333; t&#333;na ringa k&#299;hai i totoro atu ki te taonga o t&#333;na hoa; &#257;, me whakaae mai e te rangatira o taua mea, e kore an&#333; hoki e utua. 12Otiia, ki te mea kua t&#257;haetia atu i a ia, me hoatu he utu ki t&#333;na rangatira. 13Ki te mea kua haehaea, me kawe mai e ia hei whakaatu, &#257;, e kore e utua e ia te mea i haea.</div><div class="p"> 14&#8220;Ki te t&#299;kina an&#333; hoki e te tangata t&#275;tahi mea a t&#333;na hoa, &#257;, ka whara, ka mate r&#257;nei, me te ngaro an&#333; te rangatira o taua mea, me &#257;ta whakautu an&#333; e ia. 15Kei reira te rangatira, e kore e utua; ki te mea e utua ana t&#333;na tukunga, i haere mai hoki m&#333; t&#333;na utu.&#8221;</div><div class="s">He Ture Whanonga Pono hei aha</div><div class="p"> 16&#8220;Ki te whakawai te tangata i te k&#333;tiro k&#299;hai i taumautia, &#257;, ka moe r&#257;ua, me whakarite he t&#257;p&#257;k&#363;h&#257;, &#257;, me m&#257;rena e ia hei wahine m&#257;na. 17Ki te tino whakak&#257;hore rawa t&#333;na p&#257;p&#257;, &#257;, e kore e tukua ki a ia, me h&#333;mai e ia ng&#257; moni e rite ana ki te kaireperepe m&#333; ng&#257; k&#333;tiro.</div><div class="p"> 18&#8220;Kei tukua e koe te wahine m&#257;kutu kia ora.</div><div class="p"> 19&#8220;Ko te tangata i takotoria e ia he kararehe, me whakamate rawa.</div><div class="p"> 20&#8220;Me whakangaro rawa te tangata e patu whakahere ana m&#257; t&#275;tahi atua k&#275;; engari m&#257; Ihow&#257; anake.</div><div class="p"> 21&#8220;Kaua hoki e whakatoia te manene, kaua an&#333; hoki ia e t&#363;kinotia; he manene hoki koutou i mua, i te whenua o &#298;hipa.</div><div class="p"> 22&#8220;Kaua e whakatupuria kinotia te pouaru, te pani r&#257;nei. 23Ki te anga koe ki te whakatupukino i a r&#257;ua, &#257;, ka tangi r&#257;ua ki ahau, in&#257;, ka whakarongo ahau ki t&#257; r&#257;ua karanga; 24&#257;, ka mura t&#333;ku riri, ka patua an&#333; hoki koutou ki te hoari; &#257;, ka pouarutia &#257; koutou w&#257;hine, ka pania an&#333; hoki &#257; koutou tamariki.</div><div class="p"> 25&#8220;Ki te whakat&#257;rewa koe i te moni ki t&#275;tahi o t&#257;ku iwi, ki t&#275;tahi o &#333;u rawakore, kei rite t&#257;u ki a ia ki t&#257; te kaiwhakatuputupu moni, kei tangohia i a ia te moni whakatuputupu. 26Ki te tangohia e koe te k&#257;kahu o t&#333;u hoa hei taunaha, kaua e tukua kia rere te r&#257; ka whakahoki ai ki a ia; 27ko t&#275;n&#257; anake n&#257; hoki hei uhi m&#333;na, hei k&#257;kahu m&#333;na, m&#333; t&#333;na kiri; &#257;, ko te aha hei moenga iho m&#333;na? Ki te karanga mai hoki ia ki ahau, n&#257;, ka whakarongo atu ahau; n&#333; te mea he mahi tohu tangata t&#257;ku.</div><div class="p"> 28&#8220;Kaua e kohukohu ki te Atua, kaua an&#333; hoki e kanga ki te ariki o t&#333;u iwi.</div><div class="p"> 29&#8220;Kei whakaroa koe ki te h&#333;mai i ng&#257; m&#257;t&#257;mua o &#333;u hua, o &#333;u wai.</div><div class="p">&#8220;Me h&#333;mai e koe te m&#257;t&#257;mua o &#257;u tamariki ki ahau. 30Kia p&#275;r&#257; an&#333; t&#257;u e mea ai ki &#257;u kau, ki &#257;u hipi: e whitu ng&#257; r&#257; e noho ai ia ki t&#333;na whaea; i te waru o ng&#257; r&#257; me h&#333;mai ki ahau.</div><div class="p"> 31&#8220;Hei t&#257;ngata tapu hoki koutou m&#257;ku; kaua an&#333; e kai i te kikokiko i haea ki te p&#257;rae; me maka m&#257; te kur&#299;.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

“Ki te tāhae te tangata i te kau, i te hipi rānei, ā, ka patua, ka hokona rānei e ia; kia rima ngā kau e hōmai e ia hei utu mō te kau kotahi, kia whā hoki ngā hipi mō te hipi kotahi.
“Ki te mau te tāhae e poka ara ana, ā, ka patua, ka mate, kāhore he toto e heke mōna. Ki te mea kua whiti te rā ki a ia, ka heke he toto mōna; me hōmai hoki e ia he utu; ki te kāhore āna mea, nā, me hoko ia mō tāna tāhae.
“Ki te mau pū ki tōna ringa te mea i tāhaetia, he kau, he kāihe rānei, he hipi rānei, ā, e ora ana; kia rua ngā utu e hōmai e ia.
“Ki te mea tētahi tangata kia kainga tētahi māra, tētahi kāri wāina rānei, ā, ka tukua atu e ia tana kararehe hei kai i te māra a tētahi; me utu e ia ki ngā hua papai rawa o tāna māra, ki ngā hua papai rawa hoki o tāna kāri wāina.
“Ki te toro atu te ahi, ā, ka pono ki ngā tātarāmoa, ā, ka pau ngā whakapū wīti, te wīti rānei e tū ana, te māra rānei; me āta whakautu e te tangata nāna i tahu te ahi.
“Ki te hōmai e te tangata tētahi moni ētahi mea rānei, ki tōna hoa kia tiakina, ā, ka tāhaetia i roto i te whare o taua tangata; ki te kitea te tāhae, kia rua ngā utu e hōmai e ia. Ki te kāhore i kitea te tāhae, nā, me kawe te rangatira o te whare ki te Atua, kia kitea me kāhore i totoro tōna ringaringa ki ngā taonga a tōna hoa. I ngā whakawākanga hara katoa mō te kau, kāihe, hipi, kākahu, mō te ngaromanga o tētahi mea e kīia ana e tētahi nōna, me haere te kōrero a te tokorua ki te Atua; ko te tangata kua whakataua te hē ki a ia e te Atua, kia rua ngā utu e hōmai e ia ki tōna hoa.
“Ki te hōmai e tētahi he kāihe ki tōna hoa, he kau rānei, he hipi rānei, tētahi rānei o ngā tini kararehe, kia tiakina; ā, ka mate, ka whara rānei, ka pāhuatia rānei, kīhai anō hoki i kitea. Ka waiho i waenganui i a rāua te oati a Ihowā, mō tōna ringa kīhai i totoro atu ki te taonga o tōna hoa; ā, me whakaae mai e te rangatira o taua mea, e kore anō hoki e utua. Otiia, ki te mea kua tāhaetia atu i a ia, me hoatu he utu ki tōna rangatira. Ki te mea kua haehaea, me kawe mai e ia hei whakaatu, ā, e kore e utua e ia te mea i haea.
“Ki te tīkina anō hoki e te tangata tētahi mea a tōna hoa, ā, ka whara, ka mate rānei, me te ngaro anō te rangatira o taua mea, me āta whakautu anō e ia. Kei reira te rangatira, e kore e utua; ki te mea e utua ana tōna tukunga, i haere mai hoki mō tōna utu.”

“Ki te whakawai te tangata i te kōtiro kīhai i taumautia, ā, ka moe rāua, me whakarite he tāpākūhā, ā, me mārena e ia hei wahine māna. Ki te tino whakakāhore rawa tōna pāpā, ā, e kore e tukua ki a ia, me hōmai e ia ngā moni e rite ana ki te kaireperepe mō ngā kōtiro.
“Kei tukua e koe te wahine mākutu kia ora.
“Ko te tangata i takotoria e ia he kararehe, me whakamate rawa.
“Me whakangaro rawa te tangata e patu whakahere ana mā tētahi atua kē; engari mā Ihowā anake.
“Kaua hoki e whakatoia te manene, kaua anō hoki ia e tūkinotia; he manene hoki koutou i mua, i te whenua o Īhipa.
“Kaua e whakatupuria kinotia te pouaru, te pani rānei. Ki te anga koe ki te whakatupukino i a rāua, ā, ka tangi rāua ki ahau, inā, ka whakarongo ahau ki tā rāua karanga; ā, ka mura tōku riri, ka patua anō hoki koutou ki te hoari; ā, ka pouarutia ā koutou wāhine, ka pania anō hoki ā koutou tamariki.
“Ki te whakatārewa koe i te moni ki tētahi o tāku iwi, ki tētahi o ōu rawakore, kei rite tāu ki a ia ki tā te kaiwhakatuputupu moni, kei tangohia i a ia te moni whakatuputupu. Ki te tangohia e koe te kākahu o tōu hoa hei taunaha, kaua e tukua kia rere te rā ka whakahoki ai ki a ia; ko tēnā anake nā hoki hei uhi mōna, hei kākahu mōna, mō tōna kiri; ā, ko te aha hei moenga iho mōna? Ki te karanga mai hoki ia ki ahau, nā, ka whakarongo atu ahau; nō te mea he mahi tohu tangata tāku.
“Kaua e kohukohu ki te Atua, kaua anō hoki e kanga ki te ariki o tōu iwi.
“Kei whakaroa koe ki te hōmai i ngā mātāmua o ōu hua, o ōu wai.
“Me hōmai e koe te mātāmua o āu tamariki ki ahau. Kia pērā anō tāu e mea ai ki āu kau, ki āu hipi: e whitu ngā rā e noho ai ia ki tōna whaea; i te waru o ngā rā me hōmai ki ahau.
“Hei tāngata tapu hoki koutou māku; kaua anō e kai i te kikokiko i haea ki te pārae; me maka mā te kurī.”

සවන් දෙන්න Ekoruhe 22