<div class="version vid3363 iso6393mri" data-vid="3363" data-iso6393="mri">
 <div class="book bkEXO">
 <div class="chapter ch18" data-usfm="EXO.18">
 <div class="label">18</div><div class="s">Ka Toro a Ietoro ki a Mohi</div><div class="p"> 1&#256;, ka rongo a Ietoro, te tohunga o Miriana, te hungawai o Mohi, ki ng&#257; mea katoa i meatia e te Atua ki a Mohi, ki a &#298;haraira hoki, ki t&#257;na iwi; ki a Ihow&#257; an&#333; hoki kua whakaputa mai i a &#298;haraira i &#298;hipa.</div><div class="p"> 2K&#257;tahi a Ietoro, hungawai o Mohi, ka tango i a Hipora, wahine a Mohi, i muri nei i t&#257;na tononga i a ia kia hoki, 3me &#257;na tamariki tokorua, ko te ingoa o t&#275;tahi ko Kerehoma, i mea hoki ia, &#8220;He manene ahau i te whenua k&#275;,&#8221; 4ko te ingoa hoki o t&#275;tahi ko Eri&#275;tere; &#8220;M&#333;ku hoki i &#257;whinatia mai e te Atua o t&#333;ku p&#257;p&#257;, n&#257;na hoki ahau i whakaora i te hoari a Parao.&#8221;</div><div class="p"> 5N&#257;, ka haere mai a Ietoro, te hungawai o Mohi, r&#257;tou ko &#257;na tamariki, ko t&#257;na wahine, ki a Mohi, ki te koraha i noho ai ia, ki te maunga o te Atua. 6&#256;, ka mea ki a Mohi, &#8220;Ko ahau, ko Ietoro, ko t&#333;u hungawai, kua tae mai ki a koe, me t&#257;u wahine, r&#257;tou ko &#257;na tama tokorua.&#8221;</div><div class="p"> 7N&#257;, ka haere a Mohi ki te whakatau i t&#333;na hungawai, &#257;, ka tuohu, ka kihi hoki i a ia; &#257;, ka ui r&#257;ua ki a r&#257;ua ki te pai i t&#275;tahi, i t&#275;tahi; &#257;, haere ana r&#257;ua ki te t&#275;neti. 8N&#257;, ka k&#333;rerotia e Mohi ki t&#333;na hungawai ng&#257; mea katoa i meatia e Ihow&#257; ki a Parao r&#257;tou ko ng&#257; &#298;hipiana, m&#333; &#298;haraira, me ng&#257; mate katoa hoki i pono ki a r&#257;tou i te ara, me r&#257;tou hoki kua whakaorangia nei e Ihow&#257;.</div><div class="p"> 9N&#257;, ka hari a Ietoro m&#333; ng&#257; mea pai katoa i meatia e Ihow&#257; ki a &#298;haraira, m&#333; r&#257;tou hoki i whakaorangia e ia i te ringa o ng&#257; &#298;hipiana, 10&#257;, ka mea a Ietoro, &#8220;Kia whakapaingia a Ihow&#257; n&#257;na nei koutou i whakaora i te ringa o ng&#257; &#298;hipiana, i te ringa hoki o Parao; n&#257;na hoki te iwi nei i whakaora i raro i te ringa o ng&#257; &#298;hipiana. 11K&#257;tahi ahau ka m&#333;hio he nui ake a Ihow&#257; i ng&#257; atua katoa; &#257;e r&#257;, i te mea hoki ka whakapehapeha r&#257;tou, hira ake ana an&#333; ia i a r&#257;tou.&#8221; 12N&#257;, ka tangohia e Ietoro, e te hungawai o Mohi t&#275;tahi tahunga tinana me &#275;tahi patunga tapu m&#257; te Atua; &#257;, haere mai ana a &#256;rona, me ng&#257; kaum&#257;tua katoa o &#298;haraira, ki te hungawai o Mohi, ki te kai taro ki te aroaro o te Atua.</div><div class="s">Te Whakat&#363; o he Kaiwhakaw&#257;</div><div class="r">(Tiuteronomi 1.9-18)</div><div class="p"> 13&#256;, i te aonga ake o te r&#257; ka noho a Mohi ki te whakaw&#257; i te iwi; &#257;, ka t&#363; te iwi i te taha o Mohi n&#333; te ata &#257; ahiahi noa. 14&#256;, n&#333; te kitenga o te hungawai o Mohi i ng&#257; mea katoa i mea ai ia ki te iwi, ka mea ia, &#8220;He aha t&#275;nei mea e mea nei koe ki te iwi? He aha koe i noho ai ko koe anake, i t&#363; ai hoki te iwi katoa i t&#333;u taha n&#333; te ata &#257; tae noa ki te ahiahi?&#8221;</div><div class="p"> 15&#256;, ka mea a Mohi ki t&#333;na hungawai, &#8220;E haere mai ana hoki te iwi ki ahau, ki te rapu tikanga i te Atua. 16Ka ai he mea ki a r&#257;tou, n&#257;, ka haere mai ki ahau; &#257;, m&#257;ku e whakarite te whakaw&#257; a t&#275;tahi ki t&#275;tahi; e whakaatu hoki ng&#257; tikanga a te Atua me &#257;na ture.&#8221;</div><div class="p"> 17N&#257;, ka mea te hungawai o Mohi ki a ia, &#8220;Ehara t&#275;nei i te pai e mea nei koe. 18Ka honia noatia iho koe, koutou tahi ko t&#275;nei iwi i a koe nei; he p&#275;hi rawa hoki t&#275;nei mea i a koe; e kore e taea e koe anake. 19N&#257;, whakarongo mai ki t&#333;ku reo, m&#257;ku koe e tohutohu; hei a koe te Atua, hei te aroaro o te Atua koe m&#333; te iwi, &#257;, m&#257;u e kawe ng&#257; k&#333;rero ki te Atua. 20M&#257;u an&#333; r&#257;tou e whakaako ki ng&#257; tikanga, ki ng&#257; ture, e whakaatu hoki ki a r&#257;tou te huarahi e haere ai r&#257;tou, me ng&#257; mahi e mahi ai r&#257;tou. 21M&#257;u an&#333; hoki e titiro i roto i te iwi katoa &#275;tahi t&#257;ngata m&#257;ia, e wehi ana i te Atua; hei te hunga pono, e kino ana ki te apo; ka waiho ai hei rangatira m&#333; r&#257;tou, hei rangatira m&#333; ng&#257; mano, hei rangatira m&#333; ng&#257; rau, hei rangatira m&#333; ng&#257; rima tekau, hei rangatira m&#333; ng&#257; tekau. 22&#256;, m&#257; r&#257;tou te iwi e whakaw&#257; i ng&#257; w&#257; katoa; &#257;, ko ng&#257; mea nunui katoa, me kawe mai ki a koe; ko ng&#257; mea nohinohi katoa ia, m&#257; r&#257;tou e whakarite; p&#275;nei ka m&#257;m&#257; koe, &#257;, m&#257; koutou tahi te p&#299;kaunga. 23Ki te mea koe i t&#275;nei mea, &#257;, ka k&#299; mai te Atua ki a koe, k&#257;tahi koe ka matat&#363; ake, &#257;, ka haere m&#257;rie t&#275;nei iwi katoa ki &#333; r&#257;tou k&#257;inga.&#8221;</div><div class="p"> 24&#256;, rongo tonu a Mohi ki te kupu a t&#333;na hungawai, &#257;, meatia katoatia iho e ia ng&#257; mea i k&#333;rero ai ia. 25&#256;, whiriwhiria ana e Mohi &#275;tahi t&#257;ngata m&#257;ia i roto i a &#298;haraira katoa, &#257;, waiho iho r&#257;tou e ia hei upoko m&#333; te iwi, hei rangatira m&#333; ng&#257; mano, hei rangatira m&#333; ng&#257; rau, hei rangatira m&#333; ng&#257; rima tekau, hei rangatira hoki m&#333; ng&#257; tekau. 26&#256;, n&#257; r&#257;tou te iwi i whakaw&#257; i ng&#257; w&#257; katoa; ko te mea pakeke i kawea e r&#257;tou ki a Mohi; ko ng&#257; mea nohinohi katoa ia n&#257; r&#257;tou an&#333; i whakarite.</div><div class="p"> 27N&#257;, ka tukua atu e Mohi t&#333;na hungawai; &#257;, haere ana ia ki t&#333;na whenua.</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Ā, ka rongo a Ietoro, te tohunga o Miriana, te hungawai o Mohi, ki ngā mea katoa i meatia e te Atua ki a Mohi, ki a Īharaira hoki, ki tāna iwi; ki a Ihowā anō hoki kua whakaputa mai i a Īharaira i Īhipa.
Kātahi a Ietoro, hungawai o Mohi, ka tango i a Hipora, wahine a Mohi, i muri nei i tāna tononga i a ia kia hoki, me āna tamariki tokorua, ko te ingoa o tētahi ko Kerehoma, i mea hoki ia, “He manene ahau i te whenua kē,” ko te ingoa hoki o tētahi ko Eriētere; “Mōku hoki i āwhinatia mai e te Atua o tōku pāpā, nāna hoki ahau i whakaora i te hoari a Parao.”
Nā, ka haere mai a Ietoro, te hungawai o Mohi, rātou ko āna tamariki, ko tāna wahine, ki a Mohi, ki te koraha i noho ai ia, ki te maunga o te Atua. Ā, ka mea ki a Mohi, “Ko ahau, ko Ietoro, ko tōu hungawai, kua tae mai ki a koe, me tāu wahine, rātou ko āna tama tokorua.”
Nā, ka haere a Mohi ki te whakatau i tōna hungawai, ā, ka tuohu, ka kihi hoki i a ia; ā, ka ui rāua ki a rāua ki te pai i tētahi, i tētahi; ā, haere ana rāua ki te tēneti. Nā, ka kōrerotia e Mohi ki tōna hungawai ngā mea katoa i meatia e Ihowā ki a Parao rātou ko ngā Īhipiana, mō Īharaira, me ngā mate katoa hoki i pono ki a rātou i te ara, me rātou hoki kua whakaorangia nei e Ihowā.
Nā, ka hari a Ietoro mō ngā mea pai katoa i meatia e Ihowā ki a Īharaira, mō rātou hoki i whakaorangia e ia i te ringa o ngā Īhipiana, ā, ka mea a Ietoro, “Kia whakapaingia a Ihowā nāna nei koutou i whakaora i te ringa o ngā Īhipiana, i te ringa hoki o Parao; nāna hoki te iwi nei i whakaora i raro i te ringa o ngā Īhipiana. Kātahi ahau ka mōhio he nui ake a Ihowā i ngā atua katoa; āe rā, i te mea hoki ka whakapehapeha rātou, hira ake ana anō ia i a rātou.” Nā, ka tangohia e Ietoro, e te hungawai o Mohi tētahi tahunga tinana me ētahi patunga tapu mā te Atua; ā, haere mai ana a Ārona, me ngā kaumātua katoa o Īharaira, ki te hungawai o Mohi, ki te kai taro ki te aroaro o te Atua.


Ā, i te aonga ake o te rā ka noho a Mohi ki te whakawā i te iwi; ā, ka tū te iwi i te taha o Mohi nō te ata ā ahiahi noa. Ā, nō te kitenga o te hungawai o Mohi i ngā mea katoa i mea ai ia ki te iwi, ka mea ia, “He aha tēnei mea e mea nei koe ki te iwi? He aha koe i noho ai ko koe anake, i tū ai hoki te iwi katoa i tōu taha nō te ata ā tae noa ki te ahiahi?”
Ā, ka mea a Mohi ki tōna hungawai, “E haere mai ana hoki te iwi ki ahau, ki te rapu tikanga i te Atua. Ka ai he mea ki a rātou, nā, ka haere mai ki ahau; ā, māku e whakarite te whakawā a tētahi ki tētahi; e whakaatu hoki ngā tikanga a te Atua me āna ture.”
Nā, ka mea te hungawai o Mohi ki a ia, “Ehara tēnei i te pai e mea nei koe. Ka honia noatia iho koe, koutou tahi ko tēnei iwi i a koe nei; he pēhi rawa hoki tēnei mea i a koe; e kore e taea e koe anake. Nā, whakarongo mai ki tōku reo, māku koe e tohutohu; hei a koe te Atua, hei te aroaro o te Atua koe mō te iwi, ā, māu e kawe ngā kōrero ki te Atua. Māu anō rātou e whakaako ki ngā tikanga, ki ngā ture, e whakaatu hoki ki a rātou te huarahi e haere ai rātou, me ngā mahi e mahi ai rātou. Māu anō hoki e titiro i roto i te iwi katoa ētahi tāngata māia, e wehi ana i te Atua; hei te hunga pono, e kino ana ki te apo; ka waiho ai hei rangatira mō rātou, hei rangatira mō ngā mano, hei rangatira mō ngā rau, hei rangatira mō ngā rima tekau, hei rangatira mō ngā tekau. Ā, mā rātou te iwi e whakawā i ngā wā katoa; ā, ko ngā mea nunui katoa, me kawe mai ki a koe; ko ngā mea nohinohi katoa ia, mā rātou e whakarite; pēnei ka māmā koe, ā, mā koutou tahi te pīkaunga. Ki te mea koe i tēnei mea, ā, ka kī mai te Atua ki a koe, kātahi koe ka matatū ake, ā, ka haere mārie tēnei iwi katoa ki ō rātou kāinga.”
Ā, rongo tonu a Mohi ki te kupu a tōna hungawai, ā, meatia katoatia iho e ia ngā mea i kōrero ai ia. Ā, whiriwhiria ana e Mohi ētahi tāngata māia i roto i a Īharaira katoa, ā, waiho iho rātou e ia hei upoko mō te iwi, hei rangatira mō ngā mano, hei rangatira mō ngā rau, hei rangatira mō ngā rima tekau, hei rangatira hoki mō ngā tekau. Ā, nā rātou te iwi i whakawā i ngā wā katoa; ko te mea pakeke i kawea e rātou ki a Mohi; ko ngā mea nohinohi katoa ia nā rātou anō i whakarite.
Nā, ka tukua atu e Mohi tōna hungawai; ā, haere ana ia ki tōna whenua.

සවන් දෙන්න Ekoruhe 18