<div class="version vid326 iso6393csy" data-vid="326" data-iso6393="csy">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s1">Isaac ii Suana</div><div class="p"> 1A kamciamsa bangin Topa in Sarah thupha pia hi, 2tuaciang Sarah naupaai in Abraham huai zawkciang ama atu tapa khat nei hi. Tua tapano sia Pathian in ama piang tu a ci hun ma in suak hi. #Heb 11:11 3Abraham in a tapa min Isaac phuak hi, 4tuaciang Pathian thupiak bangin Isaac ni liat a phak ciang Abraham in a vunteap atsak hi.#Pian 17:12; Sawl 7:8 5Isaac a sua in Abraham kum zakhat pha hi. 6Sarah in, &#8220;Pathian in lungnopna le nuina hong pia zo hi. Hi thu a za peuma in hong nuipui tu hi,&#8221; ci hi. 7Tua zawkciang, &#8220;Sarah in patangte noaitui taw vaakin a omh tu hi, ci in akua in Abraham tungah son ngei natu ziam? Ahizong a huai ciang ama atu in tapa khat ka nei zo hi,&#8221; Sarah in ci thua hi.</div><div class="p"> 8Nauno hong khang a, noai a kitensak ni in Abraham in anneakpoai lian khat vawt hi.</div><div class="s1">Hagar le Ishmael Kihawlkhia</div><div class="p"> 9Ni khat ni in, Egypt mi Hagar ii Abraham atu a nei a tapa Ishmael le Sarah tapa Isaac kimai hi. 10Sarah in amate a mu ciang Abraham tungah, &#8220;Hi sila numei le a tapa hawlkhia in. Ka tapa Isaac ii lua tu nei le lamh khen khat zongh hisia nu ii tapa in nga thei ngawl tu hi,&#8221; ci hi. #Gal 4:29-30 11Tua in Abraham thinngimsak mama hi, banghang ziam cile Ishmael zongh ama ta ma ahi hi. 12Ahizong Pathian in Abraham tungah, &#8220;Hi tapano sia le na sila Hagar huvau in thinngim heak in. Sarah hong ci bang pawpo in seam in; banghang ziam cile kong kamciamsa suan le paalte Isaac tungtawnin na nei tu hi. #Rom 9:7; Heb 11:18 13Na silanu ii tapa tung zongh ah amate minam khat a suak tu in ta tam mama ka pia tu hi. Ama zongh nangma tapa ahi hi,&#8221; ci hi.</div><div class="p"> 14A zing ciang zingtuung in, Abraham in Hagar tungah an pawl khat le savun thawl khat dim tui pia hi. Ama in a tapa, a nu nungzaang ah suanhin paikhiasak hi. Hagar pai in Beersheba duisung tengah vak kawkoai hi. 15A tui ken teng a bo ciang ama in sawlpaang nuai khat ah a tapa nusia a, 16meter zakhat bang a khuala na mun khat ah tosuk hi. Ama le ama, &#8220;Ka tapa a thi ka en ngam buatu hi,&#8221; ci hi. Tualai ah to in kap hi.</div><div class="p"> 17Pathian in patang kaana aw za hi. Pathian vantunglalang in vantung pan Hagar paupui a, &#8220;Hagar awng, bang in nang hong thinngimsak ziam? Lau heak in! Pathian in patang kaana aw za zo hi. 18Ding in, pai in a, ama la in va theam ta'n. Ama ii suan le paal sia minam lian khat ka suaksak tu hi,&#8221; ci hi. 19Tua zawkciang Pathian in Hagar mit vaaksak a, ama in tuikhuk khat mu hi. Ama pai in savun tuithawl sia dim a, pawlkhat tua patang pia hi. 20Patang sia hong khangin Pathian in ompui hi; ama Paran dui sungah teang a, savai thiam khat suak hi. 21A nu in Egypt numei khat a zi tu in zonsak hi.</div><div class="s1">Abraham le Abimelech Thukimna</div><div class="p"> 22Tua hun in Abimelech sia a ngalkaphonpi ukpa Phicol taw Abraham kungah pai in, &#8220;Na nasepna theampo ah Pathian in hong ompui hi. #Pian 26:26 23Tua ahikom keima, ka tate ahibuale, ka suan ka paalte kong theam buatu hi ci in hisung Pathian mai ah kiciamna khat vawt in. Nang tungah kong thumaan zo hi, tua ahiciang kei tung le na teenna hi ngam zong ah nong thumaan natu in kamciam hong pia ta'n,&#8221; ci hi.</div><div class="p"> 24Abraham in, &#8220;Kamciam kong pia hi,&#8221; ci hi.</div><div class="p"> 25Abimelech naseamte ii a sutol tuikhuk khat taw kisai, Abraham in a lungkim ngawlna thu Abimelech tungah son hi. 26Abimelech in, &#8220;Akua in hong sut ziam, ka he bua hi. Nangma nong son bua a, tu a sia ka zaak ciilna hi,&#8221; ci hi. 27Tuaciang Abraham in tuu le khui pawlkhat Abimelech pia in, amate nii in thukimna khat vawt uh hi. 28Abraham in a tuuhon sung panin tuuno sali tuamkoi hi, 29tuaciang Abimelech in ama tungah, &#8220;Banghang tuabang hi ni ziam?&#8221; ci in dongh hi.</div><div class="p"> 30Abraham in, &#8220;Hi tuuno salite hong sang ta'n. Hi bang nong saanna in hi tuikhuk a to sia keima ka hina thu nong pualaak na ahi hi&#8221; ci in zo hi. 31Tua ahikom in tua mun sia, Beersheba kici hi, banghang ziam cile amate nii tua munah kiciamna khat vawt uh hi.</div><div class="p"> 32Beersheba ah hi thukimna a vawt zawk uh ciang, Abimelech le Phicol, Philistia ah cia kik uh hi. 33Tuaciang Abraham in Beersheba ah makeang kung khat suan a, Tawntung Pathian, Topa bia hi. 34Philistia ngam ah Abraham khuangei ma teang hi.</div>
 </div>
 </div>
</div>

Siyin Chin Bible © Bible Society of Myanmar, 2016

A kamciamsa bangin TOPA in Sarah thupha pia hi, tuaciang Sarah naupaai in Abraham huai zawkciang ama atu tapa khat nei hi. Tua tapano sia Pathian in ama piang tu a ci hun ma in suak hi. Abraham in a tapa min Isaac phuak hi, tuaciang Pathian thupiak bangin Isaac ni liat a phak ciang Abraham in a vunteap atsak hi. Isaac a sua in Abraham kum zakhat pha hi. Sarah in, “Pathian in lungnopna le nuina hong pia zo hi. Hi thu a za peuma in hong nuipui tu hi,” ci hi. Tua zawkciang, “Sarah in patangte noaitui taw vaakin a omh tu hi, ci in akua in Abraham tungah son ngei natu ziam? Ahizong a huai ciang ama atu in tapa khat ka nei zo hi,” Sarah in ci thua hi.
Nauno hong khang a, noai a kitensak ni in Abraham in anneakpoai lian khat vawt hi.

Ni khat ni in, Egypt mi Hagar ii Abraham atu a nei a tapa Ishmael le Sarah tapa Isaac kimai hi. Sarah in amate a mu ciang Abraham tungah, “Hi sila numei le a tapa hawlkhia in. Ka tapa Isaac ii lua tu nei le lamh khen khat zongh hisia nu ii tapa in nga thei ngawl tu hi,” ci hi. Tua in Abraham thinngimsak mama hi, banghang ziam cile Ishmael zongh ama ta ma ahi hi. Ahizong Pathian in Abraham tungah, “Hi tapano sia le na sila Hagar huvau in thinngim heak in. Sarah hong ci bang pawpo in seam in; banghang ziam cile kong kamciamsa suan le paalte Isaac tungtawnin na nei tu hi. Na silanu ii tapa tung zongh ah amate minam khat a suak tu in ta tam mama ka pia tu hi. Ama zongh nangma tapa ahi hi,” ci hi.
A zing ciang zingtuung in, Abraham in Hagar tungah an pawl khat le savun thawl khat dim tui pia hi. Ama in a tapa, a nu nungzaang ah suanhin paikhiasak hi. Hagar pai in Beersheba duisung tengah vak kawkoai hi. A tui ken teng a bo ciang ama in sawlpaang nuai khat ah a tapa nusia a, meter zakhat bang a khuala na mun khat ah tosuk hi. Ama le ama, “Ka tapa a thi ka en ngam buatu hi,” ci hi. Tualai ah to in kap hi.
Pathian in patang kaana aw za hi. Pathian vantunglalang in vantung pan Hagar paupui a, “Hagar awng, bang in nang hong thinngimsak ziam? Lau heak in! Pathian in patang kaana aw za zo hi. Ding in, pai in a, ama la in va theam ta'n. Ama ii suan le paal sia minam lian khat ka suaksak tu hi,” ci hi. Tua zawkciang Pathian in Hagar mit vaaksak a, ama in tuikhuk khat mu hi. Ama pai in savun tuithawl sia dim a, pawlkhat tua patang pia hi. Patang sia hong khangin Pathian in ompui hi; ama Paran dui sungah teang a, savai thiam khat suak hi. A nu in Egypt numei khat a zi tu in zonsak hi.

Tua hun in Abimelech sia a ngalkaphonpi ukpa Phicol taw Abraham kungah pai in, “Na nasepna theampo ah Pathian in hong ompui hi. Tua ahikom keima, ka tate ahibuale, ka suan ka paalte kong theam buatu hi ci in hisung Pathian mai ah kiciamna khat vawt in. Nang tungah kong thumaan zo hi, tua ahiciang kei tung le na teenna hi ngam zong ah nong thumaan natu in kamciam hong pia ta'n,” ci hi.
Abraham in, “Kamciam kong pia hi,” ci hi.
Abimelech naseamte ii a sutol tuikhuk khat taw kisai, Abraham in a lungkim ngawlna thu Abimelech tungah son hi. Abimelech in, “Akua in hong sut ziam, ka he bua hi. Nangma nong son bua a, tu a sia ka zaak ciilna hi,” ci hi. Tuaciang Abraham in tuu le khui pawlkhat Abimelech pia in, amate nii in thukimna khat vawt uh hi. Abraham in a tuuhon sung panin tuuno sali tuamkoi hi, tuaciang Abimelech in ama tungah, “Banghang tuabang hi ni ziam?” ci in dongh hi.
Abraham in, “Hi tuuno salite hong sang ta'n. Hi bang nong saanna in hi tuikhuk a to sia keima ka hina thu nong pualaak na ahi hi” ci in zo hi. Tua ahikom in tua mun sia, Beersheba kici hi, banghang ziam cile amate nii tua munah kiciamna khat vawt uh hi.
Beersheba ah hi thukimna a vawt zawk uh ciang, Abimelech le Phicol, Philistia ah cia kik uh hi. Tuaciang Abraham in Beersheba ah makeang kung khat suan a, Tawntung Pathian, TOPA bia hi. Philistia ngam ah Abraham khuangei ma teang hi.

සවන් දෙන්න Pianciilna 21