<div class="version vid326 iso6393csy" data-vid="326" data-iso6393="csy">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s1">Babylon Tausaang</div><div class="p"> 1A masa phitin leitung buppi mihingte in kampau khat bek kinei a kammal kibang zangh uh hi. 2Amate nisuana sangah vak kawkoai a, Babylon ngam zaanglei mun khat a thet ciang tua munah khua saat uh hi. 3Amate khat le khat, &#8220;Hong pai tavun! uksuang seakin a sahin hal tawng&#8221; kici uh hi. Tua hi a, amate inn sak natu in uksuang te a kimat natu in kattaza zangh uh hi. 4Amate in, &#8220;Eite ii min nga thei natu le leitung theampo ah ih kithethaang ngawl natu in khuapi khat saatin van a baan tu tausaang khat ciang to tawng,&#8221; ci uh hi.</div><div class="p"> 5Tuasia ciang tua mite ii a vawt khuapi le tausaang a en tu in Topa hong paisuk a, 6ama in, &#8220;Tu ciangin, hite sia a vekpi in mihing ci khat sa khat hi a, amate kam nam khat pau hi; a nasep tute a kipatna hi pheang hi. Hai ngawlin a nasep nop pawpo hong seam suak thei tu uh hi! 7Eite paisuk in khat le khat a kam kitel ngawl natu in a kampau toknoaisak tawng,&#8221; ci hi. 8Tua ahiciang Topa in amate leitung mun theampo ah kithethaangsak hi, tuaciang amate in a khuapi saat tawlnga hi. 9Tua khuapi sia Babylon ci uh hi, banghang ziam cile Topa in tua munah mihingte theampo ii kampau kitoknoai a, tua mun panin leitung mun theampo ah amate kithethaangsak hi.</div><div class="s1">Shem ii Suan le Paalte</div><div class="r">(1 Khangtaanghthu 1:24-27)</div><div class="p"> 10Hite sia Shem ii suan le paalte hi. Shem kum 100 a phak, tuipi liim zawk kum nii a phak ciangin ama in Arpachshad kici tapa khat nei hi. 11Tua zawk in ama kum 500 nungta lai a, ta dangte zongh nei hi.</div><div class="p"> 12Arpachshad kum 35 a phak ciang, ama in Shelah kici tapa khat nei hi; 13Tua zawk in, ama kum 403 nungta lai a, ta dangte zongh nei hi.</div><div class="p"> 14Shelah kum 30 a phak ciang, ama in Eber kici tapa khat nei hi; 15tua zawkciang, ama kum 403 nungta lai a, ta dangte zongh nei hi.</div><div class="p"> 16Eber kum 34 a phak ciang, ama in Peleg kici tapa khat nei hi; 17tua zawk in, ama kum 430 nungta lai a, ta dangte zongh nei hi.</div><div class="p"> 18Peleg kum 30 a phak ciang, ama in Reu kici tapa khat nei hi; 19tua zawk in, ama kum 209 nungta lai a, ta dangte zongh nei hi.</div><div class="p"> 20Reu kum 32 a phak ciang, ama in Serug kici tapa khat nei hi; 21tua zawk in, ama kum 207 nungta lai a, ta dangte zongh nei hi.</div><div class="p"> 22Serug kum 30 a phak ciang, ama in Nahor kici tapa khat nei hi; 23tua zawk in, ama kum 200 nungta lai a, ta dangte zongh nei hi.</div><div class="p"> 24Nahor kum 29 a phak ciang, ama in Terah kici tapa khat nei hi; 25tua zawk in, ama kum 119 nungta lai a, ta dangte zongh nei hi.</div><div class="p"> 26Terah kum 70 a phak zawkciang, ama sia Abram, Nahor le Haran ii pa suak hi.</div><div class="s1">Terah ii Suan le Paalte</div><div class="p"> 27Hite sia Terah ii suan le paalte hi a, Terah sia Abram, Nahor le Haran te ii pa ahi hi. Haran sia Lot ii pa hi a, 28ama ii pa Terah a nuntak lai in, a suana Babylon ngam Ur khuapi ah Haran thi hi. 29Abram in Sarai teenpui a, Nahor in Haran ii tanu Milcah teenpui hi. Haran sia Iscah ii pa zongh ahi hi. 30Sarai in ta nei thei ngawl hi.</div><div class="p"> 31Terah in a tapa Abram, Haran ii tapa ama ii tupa ahi Lot le a tapa Abram ii zi ahi a monu Sarai sam a, amate taw Canaan ngam ah pai tu in Babylon ngam Ur khuapi nusia uh hi. Amate Haran dong pai in tua munah teang uh hi. 32Terah kum 205 a phak ciang tua munah thi hi.</div>
 </div>
 </div>
</div>

Siyin Chin Bible © Bible Society of Myanmar, 2016

A masa phitin leitung buppi mihingte in kampau khat bek kinei a kammal kibang zangh uh hi. Amate nisuana sangah vak kawkoai a, Babylon ngam zaanglei mun khat a thet ciang tua munah khua saat uh hi. Amate khat le khat, “Hong pai tavun! uksuang seakin a sahin hal tawng” kici uh hi. Tua hi a, amate inn sak natu in uksuang te a kimat natu in kattaza zangh uh hi. Amate in, “Eite ii min nga thei natu le leitung theampo ah ih kithethaang ngawl natu in khuapi khat saatin van a baan tu tausaang khat ciang to tawng,” ci uh hi.
Tuasia ciang tua mite ii a vawt khuapi le tausaang a en tu in TOPA hong paisuk a, ama in, “Tu ciangin, hite sia a vekpi in mihing ci khat sa khat hi a, amate kam nam khat pau hi; a nasep tute a kipatna hi pheang hi. Hai ngawlin a nasep nop pawpo hong seam suak thei tu uh hi! Eite paisuk in khat le khat a kam kitel ngawl natu in a kampau toknoaisak tawng,” ci hi. Tua ahiciang TOPA in amate leitung mun theampo ah kithethaangsak hi, tuaciang amate in a khuapi saat tawlnga hi. Tua khuapi sia Babylon ci uh hi, banghang ziam cile TOPA in tua munah mihingte theampo ii kampau kitoknoai a, tua mun panin leitung mun theampo ah amate kithethaangsak hi.


Hite sia Shem ii suan le paalte hi. Shem kum 100 a phak, tuipi liim zawk kum nii a phak ciangin ama in Arpachshad kici tapa khat nei hi. Tua zawk in ama kum 500 nungta lai a, ta dangte zongh nei hi.
Arpachshad kum 35 a phak ciang, ama in Shelah kici tapa khat nei hi; Tua zawk in, ama kum 403 nungta lai a, ta dangte zongh nei hi.
Shelah kum 30 a phak ciang, ama in Eber kici tapa khat nei hi; tua zawkciang, ama kum 403 nungta lai a, ta dangte zongh nei hi.
Eber kum 34 a phak ciang, ama in Peleg kici tapa khat nei hi; tua zawk in, ama kum 430 nungta lai a, ta dangte zongh nei hi.
Peleg kum 30 a phak ciang, ama in Reu kici tapa khat nei hi; tua zawk in, ama kum 209 nungta lai a, ta dangte zongh nei hi.
Reu kum 32 a phak ciang, ama in Serug kici tapa khat nei hi; tua zawk in, ama kum 207 nungta lai a, ta dangte zongh nei hi.
Serug kum 30 a phak ciang, ama in Nahor kici tapa khat nei hi; tua zawk in, ama kum 200 nungta lai a, ta dangte zongh nei hi.
Nahor kum 29 a phak ciang, ama in Terah kici tapa khat nei hi; tua zawk in, ama kum 119 nungta lai a, ta dangte zongh nei hi.
Terah kum 70 a phak zawkciang, ama sia Abram, Nahor le Haran ii pa suak hi.

Hite sia Terah ii suan le paalte hi a, Terah sia Abram, Nahor le Haran te ii pa ahi hi. Haran sia Lot ii pa hi a, ama ii pa Terah a nuntak lai in, a suana Babylon ngam Ur khuapi ah Haran thi hi. Abram in Sarai teenpui a, Nahor in Haran ii tanu Milcah teenpui hi. Haran sia Iscah ii pa zongh ahi hi. Sarai in ta nei thei ngawl hi.
Terah in a tapa Abram, Haran ii tapa ama ii tupa ahi Lot le a tapa Abram ii zi ahi a monu Sarai sam a, amate taw Canaan ngam ah pai tu in Babylon ngam Ur khuapi nusia uh hi. Amate Haran dong pai in tua munah teang uh hi. Terah kum 205 a phak ciang tua munah thi hi.

සවන් දෙන්න Pianciilna 11