<div class="version vid3247 iso6393acr" data-vid="3247" data-iso6393="acr">
   <div class="book bkGEN">
      <div class="chapter ch30" data-usfm="GEN.30">
         <div class="label">30</div><div class="p"><span class="content">  </span><span class="verse v1" data-usfm="GEN.30.1"><span class="label">1</span><span class="content">Are xretamaj ati Raquel chi ire kalan taj are uri xpe roywal puk'ux che i ratz, rumali xub'ij che ma Jacob:</span></span></div><div class="p"><span class="verse v1" data-usfm="GEN.30.1"><span class="content">&#8212;Cheaya wak'al yin, man we kaya taj, su' chinkamoq.</span></span></div><div class="p"><span class="verse v1" data-usfm="GEN.30.1"><span class="content">  </span></span><span class="verse v2" data-usfm="GEN.30.2"><span class="label">2</span><span class="content">Xwiri ma Jacob lik xpe roywal che ati Raquel, rumali xub'ij i tziji che:</span></span></div><div class="p"><span class="verse v2" data-usfm="GEN.30.2"><span class="content">&#8212;&#191;Xatab'a yin in Dios? Are Ire u'anom chawe chi katalan taj.</span></span></div><div class="p"><span class="verse v2" data-usfm="GEN.30.2"><span class="content">  </span></span><span class="verse v3" data-usfm="GEN.30.3"><span class="label">3</span><span class="content">Are uri ati Raquel xub'ij che ma Jacob:</span></span></div><div class="p"><span class="verse v3" data-usfm="GEN.30.3"><span class="content">&#8212;Chak'ama i wajke'el chi al Bilha; chamina awib' ru', are kealax rak'al ire le, ke'el uri chi pacha taq yin xinalanik, keje ile o ni wak'al yin &#8212;xcha.</span></span></div><div class="p"><span class="verse v3" data-usfm="GEN.30.3"><span class="content">  </span></span><span class="verse v4" data-usfm="GEN.30.4"><span class="label">4</span><span class="content">Keje u'anik ile chi ati Raquel xuya i rajke'el chi al Bilha che i rachijil, i ma Jacob xumin rib' ru'. </span></span><span class="verse v5" data-usfm="GEN.30.5"><span class="label">5</span><span class="content">Ati Bilha xk'aqtajik, are uri xalax nab'e rak'al ma Jacob ru'. </span></span><span class="verse v6" data-usfm="GEN.30.6"><span class="label">6</span><span class="content">Are uri xub'ij ati Raquel: &#8220;I Dios xu'an atb'al tzij chwe, lik xuta wach xintz'onoj che, man xuya jun walab'.&#8221; Rumali xuya pub'i a Dan.</span></span></div><div class="p"><span class="verse v6" data-usfm="GEN.30.6"><span class="content">  </span></span><span class="verse v7" data-usfm="GEN.30.7"><span class="label">7</span><span class="content">Xk'aqtaj chik ati Bilha, chi rajke'el ati Raquel, are uri xalax chik ukab' rak'al ma Jacob ru'. </span></span><span class="verse v8" data-usfm="GEN.30.8"><span class="label">8</span><span class="content">Xub'ij ati Raquel: &#8220;Ru' nim laj cho'ab' xin-an ch'oj ru' i watz, xwiri xinqajsaj u'ij.&#8221; Rumali xuya pub'i i ukab' rak'al le a Neftal&#237;.</span></span></div><div class="p"><span class="verse v8" data-usfm="GEN.30.8"><span class="content">  </span></span><span class="verse v9" data-usfm="GEN.30.9"><span class="label">9</span><span class="content">Are xunab'ej ati Lea chi ire kalan ti chik, are uri xaq xuya i rajke'el chi ati Zilpa che i rachijil. </span></span><span class="verse v10" data-usfm="GEN.30.10"><span class="label">10</span><span class="content">I ati Zilpa le, chi rajke'el ati Lea, xalax nab'e rak'al, rak'al ma Jacob ru'. </span></span><span class="verse v11" data-usfm="GEN.30.11"><span class="label">11</span><span class="content">Are uri xub'ij ati Lea: &#8220;&#161;Lik utz we yin!&#8221; Lik kinkikotik, man xk'un i utz pink'aslemal, rumali xuya pub'i ak'al le a Gad.</span></span></div><div class="p"><span class="verse v11" data-usfm="GEN.30.11"><span class="content">  </span></span><span class="verse v12" data-usfm="GEN.30.12"><span class="label">12</span><span class="content">I ati Zilpa, chi rajke'el ati Lea, xalax chik ukab' rak'al ma Jacob ru'. </span></span><span class="verse v13" data-usfm="GEN.30.13"><span class="label">13</span><span class="content">Are uri ati Lea xub'ij chik: &#8220;Lik kinkikotik, man i ixoqib' kkib'ij ni chwe chi yin lik kinkikotik.&#8221; Rumali xuya pub'i i ak'al le Aser.</span></span></div><div class="p"><span class="verse v13" data-usfm="GEN.30.13"><span class="content">  </span></span><span class="verse v14" data-usfm="GEN.30.14"><span class="label">14</span><span class="content">Che i ij re i molonik re i trigo, i a Rub&#233;n x-e pa malkatik pa taq es, are uri xuriqa li jub'an echa' chi mandr&#225;gora ub'i, ire xuk'am li che uchuch, chi ati Lea. Are xril i ati Raquel, xub'ij che ati Lea:</span></span></div><div class="p"><span class="verse v14" data-usfm="GEN.30.14"><span class="content">&#8212;Kintz'onoj jun utzil chawe chi chaya jub'i' we i echa' le chi xuk'am li awalab' chawe &#8212;xcha.</span></span></div><div class="p"><span class="verse v14" data-usfm="GEN.30.14"><span class="content">  </span></span><span class="verse v15" data-usfm="GEN.30.15"><span class="label">15</span><span class="content">Xwiri ati Lea xula' uwach che ati Raquel:</span></span></div><div class="p"><span class="verse v15" data-usfm="GEN.30.15"><span class="content">&#8212;&#191;Kach'ob' taq yet ile chi lik nim ti k'ax a'anom chwe chi amajom i wachijil chwe? Xaq wo'or kawaj tan chik kamaj i echa' le chwe chi re i walab'. Are uri ati Raquel xub'ij:</span></span></div><div class="p"><span class="verse v15" data-usfm="GEN.30.15"><span class="content">&#8212;Chwar kani ma Jacob awu' che a'ab'i puk'exel i echa' mandr&#225;gora &#8212;xcha.</span></span></div><div class="p"><span class="verse v15" data-usfm="GEN.30.15"><span class="content">  </span></span><span class="verse v16" data-usfm="GEN.30.16"><span class="label">16</span><span class="content">Are xk'un ma Jacob pa taq es xqaj ij, i ati Lea x-e chuk'ulaxik, xub'ij che:</span></span></div><div class="p"><span class="verse v16" data-usfm="GEN.30.16"><span class="content">&#8212;Che i a'ab'i katwar kan wu' puk'exel i mandr&#225;gora re i walab'.</span></span></div><div class="p"><span class="verse v16" data-usfm="GEN.30.16"><span class="content">Are uri i ma Jacob xwar kan ru' ati Lea che a'ab' le. </span></span><span class="verse v17" data-usfm="GEN.30.17"><span class="label">17</span><span class="content">I Dios xuta urayijb'al uk'ux ati Lea, rumali xk'aqtajik, are uri xalax ujo' ralab'. </span></span><span class="verse v18" data-usfm="GEN.30.18"><span class="label">18</span><span class="content">Are uri xub'ij ati Lea: &#8220;I Dios xuya insipon rumal i wajke'el chi xinya che i wachijil&#8221;. Rumali xuya pub'i ak'al le a Isacar.</span></span></div><div class="p"><span class="verse v18" data-usfm="GEN.30.18"><span class="content">  </span></span><span class="verse v19" data-usfm="GEN.30.19"><span class="label">19</span><span class="content">Xk'aqtaj tan chik ati Lea, are uri xalax uwaq rak'al ma Jacob ru'. </span></span><span class="verse v20" data-usfm="GEN.30.20"><span class="label">20</span><span class="content">Xub'ij ati Lea: &#8220;I Dios xuya jun utz laj insipon, man wo'or i wachijil, kjeqi ni wu', xaq mas k'ax kinuna'o man walansam chik waqib' uk'ojol.&#8221; Xcha. Rumali xuya pub'i ak'al le a Zabul&#243;n.</span></span></div><div class="p"><span class="verse v20" data-usfm="GEN.30.20"><span class="content">  </span></span><span class="verse v21" data-usfm="GEN.30.21"><span class="label">21</span><span class="content">Ati Lea, pa k'isb'al re xalax jun ralit, xuya pub'i al Dina. </span></span><span class="verse v22" data-usfm="GEN.30.22"><span class="label">22</span><span class="content">Xwiri i Dios xaq xk'un ati Raquel chuk'ux, xaq xuta wach xutz'onoj che, rumali x-on che chi xalanik. </span></span><span class="verse v23" data-usfm="GEN.30.23"><span class="label">23</span><span class="content">Are uri xk'aqtaj ati Raquel, xalax jun ralab', xaq xub'ij: I Dios xresaj ink'ix, man lik kinalan ti te'eq </span></span><span class="verse v24" data-usfm="GEN.30.24"><span class="label">24</span><span class="content">Rumali xuya pub'i a Jos&#233;, man xub'ij: &#8220;&#161;Wetene i Ajwal Dios kuya chik jun walab'!&#8221; Xcha.</span></span></div><div class="s1"><span class="heading">Tzaqsab'al ke ma Jacob ru' ma Lab&#225;n</span></div><div class="p"><span class="verse v24" data-usfm="GEN.30.24"><span class="content">  </span></span><span class="verse v25" data-usfm="GEN.30.25"><span class="label">25</span><span class="content">Chrijil chik ralaxik a Jos&#233; ru' ati Raquel, are uri ma Jacob xub'ij che ma Lab&#225;n:</span></span></div><div class="p"><span class="verse v25" data-usfm="GEN.30.25"><span class="content">&#8212;Chaya chwe chi kintzalij b'i pa wulew chila ipa in petnaq wi. </span></span><span class="verse v26" data-usfm="GEN.30.26"><span class="label">26</span><span class="content">Cheaya b'i wixoqil chwe xaq i wak'al man kumal ike xinchakun awu', yet lik aweta'am wach i chak xin-an awu' &#8212;xcha.</span></span></div><div class="p"><span class="verse v26" data-usfm="GEN.30.26"><span class="content">  </span></span><span class="verse v27" data-usfm="GEN.30.27"><span class="label">27</span><span class="content">Xwiri ma Lab&#225;n xub'ij che:</span></span></div><div class="p"><span class="verse v27" data-usfm="GEN.30.27"><span class="content">&#8212;Cha'ana utzil chatjeqel chi, man lik wilom ub'e chi Ajwal uya'om utzil chomal pinwi awumal yet &#8212;xcha. </span></span><span class="verse v28" data-usfm="GEN.30.28"><span class="label">28</span><span class="content">Xaq xub'ij chik che: Chab'ij chwe ni'pa kawaj kach'ako man yin kintojo.</span></span></div><div class="p"><span class="verse v28" data-usfm="GEN.30.28"><span class="content">  </span></span><span class="verse v29" data-usfm="GEN.30.29"><span class="label">29</span><span class="content">I ma Jacob xub'ij che:</span></span></div><div class="p"><span class="verse v29" data-usfm="GEN.30.29"><span class="content">&#8212;Yet lik aweta'am wach taq i chak in-anom, xaq aweta'am wach taq kichajixik achikop xin-ano, </span></span><span class="verse v30" data-usfm="GEN.30.30"><span class="label">30</span><span class="content">man are k'amaja kink'unik xa je keb' oxib' achij olik, xwiri wo'or lik xek'iyarik xa wumal yin, are xink'unik i Ajwal xuya utzil chomal pawi, &#191;Junpa uri kinjeq ink'aslemal yin pinwach wi, kumal i walk'uwal? &#8212;Xcha.</span></span></div><div class="p"><span class="verse v30" data-usfm="GEN.30.30"><span class="content">  </span></span><span class="verse v31" data-usfm="GEN.30.31"><span class="label">31</span><span class="content">Are uri ma Lab&#225;n xutz'onoj che:</span></span></div><div class="p"><span class="verse v31" data-usfm="GEN.30.31"><span class="content">&#8212;&#191;Ni'pa kawaj katintojo?</span></span></div><div class="p"><span class="verse v31" data-usfm="GEN.30.31"><span class="content">I ma Jacob xub'ij:</span></span></div><div class="p"><span class="verse v31" data-usfm="GEN.30.31"><span class="content">&#8212;Kinatoj taj we ka'ano pacha kinb'ij chawe, lik k'a keinyu'uj ni uri achij. </span></span><span class="verse v32" data-usfm="GEN.30.32"><span class="label">32</span><span class="content">Chaya ni chwe chi kinik'aw chkixol konojel achij, chkelsaxik konojel i chij chi eq kij, xaq konojel i chab'at chi tz'iltz'il kij xaq keje i chab'at chi tziptzip kij. Konojel ile lik je are ni wajil.</span></span></div><div class="p"><span class="verse v32" data-usfm="GEN.30.32"><span class="content">  </span></span><span class="verse v33" data-usfm="GEN.30.33"><span class="label">33</span><span class="content">Keje ile chweq are katk'un chrilik ni'pa inch'akom, kawetamaj uri we in utz laj winaq. We kariq taq jun chij chi tz'iltz'il ti rij xaq we kariq taq jun chab'at eq-oj ti rij, lik wel-am uri ub'itaq awe &#8212;xcha.</span></span></div><div class="p"><span class="verse v33" data-usfm="GEN.30.33"><span class="content">  </span></span><span class="verse v34" data-usfm="GEN.30.34"><span class="label">34</span><span class="content">&#8212;Utzi', &#8212;xub'ij ma Lab&#225;n che &#8212;kin-an na pacha arayijb'al le.</span></span></div><div class="p"><span class="verse v34" data-usfm="GEN.30.34"><span class="content">  </span></span><span class="verse v35" data-usfm="GEN.30.35"><span class="label">35</span><span class="content">Lik che i ij le ma Lab&#225;n, xeresaj konojel i chij xaq konojel i chab'at chi tz'iltz'il kij xaq konojel i tziptzip kij. Konojel ni'pa i tziptzip saq ktzun kij xaq i chij chi eq kij xujach pki'ab' i rak'al re kkiyu'uj. </span></span><span class="verse v36" data-usfm="GEN.30.36"><span class="label">36</span><span class="content">Te'uri ma Lab&#225;n le, naj xeuk'am b'i chij chi xeujach chke i rak'al oxib' ij b'e unajtil kixol ru' i je re ire chi o kan ma Jacob chkichajixik.</span></span></div><div class="p"><span class="verse v36" data-usfm="GEN.30.36"><span class="content">Tz'aqat i ma Jacob o kan chkichajixik i jub'an chik uchij ma Lab&#225;n. </span></span><span class="verse v37" data-usfm="GEN.30.37"><span class="label">37</span><span class="content">I ma Jacob xuk'atzij jalajuj taq u'ab' che' rax chi &#225;lamo, almendro xaq i casta&#241;o, xusol rij man k-on juch'juch' saq ketzunik. </span></span><span class="verse v38 v39" data-usfm="GEN.30.38+GEN.30.39"><span class="label">38-39</span><span class="content">Man are keupon i atitab' chij chi ke'etz'anik chutu'ik kiya', i mama'ib' kekik'ulb'a chila chwach u'ab' i che' le chi ch'iktal chila, rumali kealax kak'al chi juch'juch' kij, tz'iltz'il kij xaq i tziptzip kij. </span></span><span class="verse v40" data-usfm="GEN.30.40"><span class="label">40</span><span class="content">Are uri ma Jacob xeresaj i ral taq chij chi juch'juch' kij, tz'iltz'il kij xaq i tziptzip kij chi xealax chkixol uchij ma Lab&#225;n, xeuya junla, keje u'ankil uri ile chi xtiki chumolik uchij ire chi lik junwi ketzun chwach i re ma Lab&#225;n. </span></span><span class="verse v41" data-usfm="GEN.30.41"><span class="label">41</span><span class="content">Are ke'etz'an i atitab' chij chi lik je ti'oj, i ma Jacob le arewi kuch'ik pan u'ab' che' chkiwach man are ktijin kik'ulb'axik kitaqem b'i u'ab' che' chi solom rij. </span></span><span class="verse v42" data-usfm="GEN.30.42"><span class="label">42</span><span class="content">Xwiri, are kek'uli i chij chi lik je b'aq, kuya ti u'ab' i che' le chkiwach, man are kealax i ral taq chij chi lik je b'aq chi je re ma Lab&#225;n, xwiri i ral taq chij chi lik je ti'oj je re ma Jacob. </span></span><span class="verse v43" data-usfm="GEN.30.43"><span class="label">43</span><span class="content">Keje ub'eyomarik ma Jacob ile, xek'iyar uchij, ukamey, u'axna, rajke'el, xaq xek'iyar umokom.</span></span></div>
      </div>
   </div>
</div>

Are xretamaj ati Raquel chi ire kalan taj are uri xpe roywal puk'ux che i ratz, rumali xub'ij che ma Jacob:
—Cheaya wak'al yin, man we kaya taj, su' chinkamoq.
Xwiri ma Jacob lik xpe roywal che ati Raquel, rumali xub'ij i tziji che:
—¿Xatab'a yin in Dios? Are Ire u'anom chawe chi katalan taj.
Are uri ati Raquel xub'ij che ma Jacob:
—Chak'ama i wajke'el chi al Bilha; chamina awib' ru', are kealax rak'al ire le, ke'el uri chi pacha taq yin xinalanik, keje ile o ni wak'al yin —xcha.
Keje u'anik ile chi ati Raquel xuya i rajke'el chi al Bilha che i rachijil, i ma Jacob xumin rib' ru'. Ati Bilha xk'aqtajik, are uri xalax nab'e rak'al ma Jacob ru'. Are uri xub'ij ati Raquel: “I Dios xu'an atb'al tzij chwe, lik xuta wach xintz'onoj che, man xuya jun walab'.” Rumali xuya pub'i a Dan.
Xk'aqtaj chik ati Bilha, chi rajke'el ati Raquel, are uri xalax chik ukab' rak'al ma Jacob ru'. Xub'ij ati Raquel: “Ru' nim laj cho'ab' xin-an ch'oj ru' i watz, xwiri xinqajsaj u'ij.” Rumali xuya pub'i i ukab' rak'al le a Neftalí.
Are xunab'ej ati Lea chi ire kalan ti chik, are uri xaq xuya i rajke'el chi ati Zilpa che i rachijil. I ati Zilpa le, chi rajke'el ati Lea, xalax nab'e rak'al, rak'al ma Jacob ru'. Are uri xub'ij ati Lea: “¡Lik utz we yin!” Lik kinkikotik, man xk'un i utz pink'aslemal, rumali xuya pub'i ak'al le a Gad.
I ati Zilpa, chi rajke'el ati Lea, xalax chik ukab' rak'al ma Jacob ru'. Are uri ati Lea xub'ij chik: “Lik kinkikotik, man i ixoqib' kkib'ij ni chwe chi yin lik kinkikotik.” Rumali xuya pub'i i ak'al le Aser.
Che i ij re i molonik re i trigo, i a Rubén x-e pa malkatik pa taq es, are uri xuriqa li jub'an echa' chi mandrágora ub'i, ire xuk'am li che uchuch, chi ati Lea. Are xril i ati Raquel, xub'ij che ati Lea:
—Kintz'onoj jun utzil chawe chi chaya jub'i' we i echa' le chi xuk'am li awalab' chawe —xcha.
Xwiri ati Lea xula' uwach che ati Raquel:
—¿Kach'ob' taq yet ile chi lik nim ti k'ax a'anom chwe chi amajom i wachijil chwe? Xaq wo'or kawaj tan chik kamaj i echa' le chwe chi re i walab'. Are uri ati Raquel xub'ij:
—Chwar kani ma Jacob awu' che a'ab'i puk'exel i echa' mandrágora —xcha.
Are xk'un ma Jacob pa taq es xqaj ij, i ati Lea x-e chuk'ulaxik, xub'ij che:
—Che i a'ab'i katwar kan wu' puk'exel i mandrágora re i walab'.
Are uri i ma Jacob xwar kan ru' ati Lea che a'ab' le. I Dios xuta urayijb'al uk'ux ati Lea, rumali xk'aqtajik, are uri xalax ujo' ralab'. Are uri xub'ij ati Lea: “I Dios xuya insipon rumal i wajke'el chi xinya che i wachijil”. Rumali xuya pub'i ak'al le a Isacar.
Xk'aqtaj tan chik ati Lea, are uri xalax uwaq rak'al ma Jacob ru'. Xub'ij ati Lea: “I Dios xuya jun utz laj insipon, man wo'or i wachijil, kjeqi ni wu', xaq mas k'ax kinuna'o man walansam chik waqib' uk'ojol.” Xcha. Rumali xuya pub'i ak'al le a Zabulón.
Ati Lea, pa k'isb'al re xalax jun ralit, xuya pub'i al Dina. Xwiri i Dios xaq xk'un ati Raquel chuk'ux, xaq xuta wach xutz'onoj che, rumali x-on che chi xalanik. Are uri xk'aqtaj ati Raquel, xalax jun ralab', xaq xub'ij: I Dios xresaj ink'ix, man lik kinalan ti te'eq Rumali xuya pub'i a José, man xub'ij: “¡Wetene i Ajwal Dios kuya chik jun walab'!” Xcha.

Chrijil chik ralaxik a José ru' ati Raquel, are uri ma Jacob xub'ij che ma Labán:
—Chaya chwe chi kintzalij b'i pa wulew chila ipa in petnaq wi. Cheaya b'i wixoqil chwe xaq i wak'al man kumal ike xinchakun awu', yet lik aweta'am wach i chak xin-an awu' —xcha.
Xwiri ma Labán xub'ij che:
—Cha'ana utzil chatjeqel chi, man lik wilom ub'e chi Ajwal uya'om utzil chomal pinwi awumal yet —xcha. Xaq xub'ij chik che: Chab'ij chwe ni'pa kawaj kach'ako man yin kintojo.
I ma Jacob xub'ij che:
—Yet lik aweta'am wach taq i chak in-anom, xaq aweta'am wach taq kichajixik achikop xin-ano, man are k'amaja kink'unik xa je keb' oxib' achij olik, xwiri wo'or lik xek'iyarik xa wumal yin, are xink'unik i Ajwal xuya utzil chomal pawi, ¿Junpa uri kinjeq ink'aslemal yin pinwach wi, kumal i walk'uwal? —Xcha.
Are uri ma Labán xutz'onoj che:
—¿Ni'pa kawaj katintojo?
I ma Jacob xub'ij:
—Kinatoj taj we ka'ano pacha kinb'ij chawe, lik k'a keinyu'uj ni uri achij. Chaya ni chwe chi kinik'aw chkixol konojel achij, chkelsaxik konojel i chij chi eq kij, xaq konojel i chab'at chi tz'iltz'il kij xaq keje i chab'at chi tziptzip kij. Konojel ile lik je are ni wajil.
Keje ile chweq are katk'un chrilik ni'pa inch'akom, kawetamaj uri we in utz laj winaq. We kariq taq jun chij chi tz'iltz'il ti rij xaq we kariq taq jun chab'at eq-oj ti rij, lik wel-am uri ub'itaq awe —xcha.
—Utzi', —xub'ij ma Labán che —kin-an na pacha arayijb'al le.
Lik che i ij le ma Labán, xeresaj konojel i chij xaq konojel i chab'at chi tz'iltz'il kij xaq konojel i tziptzip kij. Konojel ni'pa i tziptzip saq ktzun kij xaq i chij chi eq kij xujach pki'ab' i rak'al re kkiyu'uj. Te'uri ma Labán le, naj xeuk'am b'i chij chi xeujach chke i rak'al oxib' ij b'e unajtil kixol ru' i je re ire chi o kan ma Jacob chkichajixik.
Tz'aqat i ma Jacob o kan chkichajixik i jub'an chik uchij ma Labán. I ma Jacob xuk'atzij jalajuj taq u'ab' che' rax chi álamo, almendro xaq i castaño, xusol rij man k-on juch'juch' saq ketzunik. Man are keupon i atitab' chij chi ke'etz'anik chutu'ik kiya', i mama'ib' kekik'ulb'a chila chwach u'ab' i che' le chi ch'iktal chila, rumali kealax kak'al chi juch'juch' kij, tz'iltz'il kij xaq i tziptzip kij. Are uri ma Jacob xeresaj i ral taq chij chi juch'juch' kij, tz'iltz'il kij xaq i tziptzip kij chi xealax chkixol uchij ma Labán, xeuya junla, keje u'ankil uri ile chi xtiki chumolik uchij ire chi lik junwi ketzun chwach i re ma Labán. Are ke'etz'an i atitab' chij chi lik je ti'oj, i ma Jacob le arewi kuch'ik pan u'ab' che' chkiwach man are ktijin kik'ulb'axik kitaqem b'i u'ab' che' chi solom rij. Xwiri, are kek'uli i chij chi lik je b'aq, kuya ti u'ab' i che' le chkiwach, man are kealax i ral taq chij chi lik je b'aq chi je re ma Labán, xwiri i ral taq chij chi lik je ti'oj je re ma Jacob. Keje ub'eyomarik ma Jacob ile, xek'iyar uchij, ukamey, u'axna, rajke'el, xaq xek'iyar umokom.

සවන් දෙන්න G%E9nesis 30