<div class="version vid3247 iso6393acr" data-vid="3247" data-iso6393="acr">
 <div class="book bkGEN">
 <div class="chapter ch28" data-usfm="GEN.28">
 <div class="label">28</div><div class="p"> 1Are uri mam Isaac xusik'ij uk'ojol ru' chi ma Jacob, xuya b'i utzil chomal puwi xaq xub'ij che: &#8220;Matzukuj awixoqil chkixol altom aj chi Cana&#225;n. 2Chayijb'a awib', jat Padan-aram chi rachoch amam mam Betuel chi uqajaw achuch, chatzukuj awixoqil chila chkixol umi'al ma Lab&#225;n chi awikan, uxib'al achuch. 3I Dios chi ronojel ktiki che, chuya ni utzil chomal pawi, chu'ana ni chawe chi katk'uwalinik xaq i amuq axikin ke'on ni k'iyal taq tinimit. 4Xaq chuya ni utzil chomal i Ajwal chawe, xaq chke amuq axikin chi usujum che mam Abraham, man kya' ni ulew chke ipa oj o wi wo'or chi pacha oj ajposar, are ulew chi usujum che mam Abraham;&#8221; xcha.</div><div class="p"> 5Keje utaqik b'i ma Jacob ile xu'an mam Isaac, rumali x-e ma Jacob Padan-aram chi rachoch ma Lab&#225;n, chi uk'ojol mam Betuel aj Aram, I mam Lab&#225;n le uxib'al tit Rebeca chi kichuch ma Jacob ru' ma Esa&#250;.</div><div class="s1">Ma Esa&#250; kk'uli'ik</div><div class="p"> 6I ma Esa&#250; le xrilo xaq xuta wach uya'ik utzil chomal xu'an b'i mam Isaac puwi uk'ojol chi ma Jacob, xaq xukoj retalil wach xub'ij b'i uqajaw che are xuya b'i utzil chomal puwi, xaq xuya b'i taqanik che chi kutzukuj ti rixoqil chkixol altom aj Cana&#225;n, 7I ma Jacob rumal ukojonik chke uqajaw uchuch, x-e Padan-aram. 8Are uri ma Esa&#250; xretamaj chi uqajaw keraj ti altom aj Cana&#225;n, 9rumali tupu je o chik rixoqil aj Cana&#225;n, x-e chik k'a chila ipa jeqel wi ma Ismael chi uk'ojol kan etz mam Abraham, xk'uli ru' umi'al ma Ismael chi al Mahalat ranab' a Nebaiot.</div><div class="s1">I Dios xuk'ut rib' che ma Jacob puwaram chila Bet-el</div><div class="p"> 10Are uri ma Jacob xel chila pa Beerseba, xumaj b'i i b'e chi k-e pa Har&#225;n. 11Are xoksan a'ab' pa taq b'e xuxlan chila, i xutzukuj ipa kwar wi, xaq xuk'am pan jun ab'aj, xu'an uch'eket che, te'uri xwarik. 12Are uri xu'an jun achik' che a'ab' le, xrachik'aj chi o jun yoch tak'al chwach ulew, i uwi uponnaq k'a chikaj. I &#225;ngel ke'el b'ik xaq keqaj li che i yoch le, 13xaq xrachik'aj chi i Ajwal o li puwi i yoch chi xaq xub'ij i tziji che: &#8220;Yin in Kajwal xaq in ki-Dios amam mam Abraham xaq aqajaw mam Isaac. Chawe yet xaq chke amuq axikin kinya wi ulew le ipa at kotz'ol wi. 14I amuq axikin lik kek'iyar na pacha uk'aj ulew, kkinojsaj nu b'i uwach ulew prelb'al ij xaq puqajb'al ij, pa moxab' xaq pa wiqab'; konojel alk'uwal re uwach i jyub' ta'aj kinya ni utzil chomal pkiwi awumal yet, xaq kumal amuq axikin. 15Yin in o awu', katinchajij na xaipa kat-e wi, xaq katink'am chali waral che ulewi, lik katwo'taj taj k'a kin-an ni ronojel pacha inb'im chawe.&#8221; Xcha.</div><div class="p"> 16Are xk'un saq chwach ma Jacob, xub'ij i tziji: &#8220;Saq laj tzij i Ajwal o waral che i k'ijib'ali, yin weta'am ti te'eq.&#8221; 17Lik uxim rib', xub'ij chik i tziji: &#8220;Lik b'isb'al i k'ijib'ali, iri lik rachoch i Dios xaq uchi' i kaj.&#8221; Xcha.</div><div class="p"> 18Chukab' ij, i ma Jacob lik we' xwalijik, xuk'am i ab'aj chi uya'om kan puch'eket, xutak'b'a uwach te'uri xutiko pacha jun aqan re ilb'al re, xaq xujam aceite puwi. 19Che i k'ijib'al le o jun tinimit chi Luz te'eq ub'i xwiri ma Jacob xujalwachij ub'i i tinimit le xuya pub'i Bet-el.</div><div class="p"> 20Are uri ma Jacob xu'an i sujuniki: &#8220;We kinuchajij i Dios xaq we kinrachnimaj ipa enam wi we wo'or, we kuya inwa, we kuya in-u', 21xaq we utz inwach are kinupon tan chik chi rachoch inqajaw, are ni uri i Ajwal le in-Dios. 22I ab'aj chi xintak'b'a uwach le, lik rachoch ni Dios; ronojel ni'pa kuya ire chwe, lik kwesaj ni insipon chi are i jun che i lajuj che i kinch'ako kinya che ire.&#8221; Xcha.</div>
 </div>
 </div>
</div>

Are uri mam Isaac xusik'ij uk'ojol ru' chi ma Jacob, xuya b'i utzil chomal puwi xaq xub'ij che: “Matzukuj awixoqil chkixol altom aj chi Canaán. Chayijb'a awib', jat Padan-aram chi rachoch amam mam Betuel chi uqajaw achuch, chatzukuj awixoqil chila chkixol umi'al ma Labán chi awikan, uxib'al achuch. I Dios chi ronojel ktiki che, chuya ni utzil chomal pawi, chu'ana ni chawe chi katk'uwalinik xaq i amuq axikin ke'on ni k'iyal taq tinimit. Xaq chuya ni utzil chomal i Ajwal chawe, xaq chke amuq axikin chi usujum che mam Abraham, man kya' ni ulew chke ipa oj o wi wo'or chi pacha oj ajposar, are ulew chi usujum che mam Abraham;” xcha.
Keje utaqik b'i ma Jacob ile xu'an mam Isaac, rumali x-e ma Jacob Padan-aram chi rachoch ma Labán, chi uk'ojol mam Betuel aj Aram, I mam Labán le uxib'al tit Rebeca chi kichuch ma Jacob ru' ma Esaú.

I ma Esaú le xrilo xaq xuta wach uya'ik utzil chomal xu'an b'i mam Isaac puwi uk'ojol chi ma Jacob, xaq xukoj retalil wach xub'ij b'i uqajaw che are xuya b'i utzil chomal puwi, xaq xuya b'i taqanik che chi kutzukuj ti rixoqil chkixol altom aj Canaán, I ma Jacob rumal ukojonik chke uqajaw uchuch, x-e Padan-aram. Are uri ma Esaú xretamaj chi uqajaw keraj ti altom aj Canaán, rumali tupu je o chik rixoqil aj Canaán, x-e chik k'a chila ipa jeqel wi ma Ismael chi uk'ojol kan etz mam Abraham, xk'uli ru' umi'al ma Ismael chi al Mahalat ranab' a Nebaiot.

Are uri ma Jacob xel chila pa Beerseba, xumaj b'i i b'e chi k-e pa Harán. Are xoksan a'ab' pa taq b'e xuxlan chila, i xutzukuj ipa kwar wi, xaq xuk'am pan jun ab'aj, xu'an uch'eket che, te'uri xwarik. Are uri xu'an jun achik' che a'ab' le, xrachik'aj chi o jun yoch tak'al chwach ulew, i uwi uponnaq k'a chikaj. I ángel ke'el b'ik xaq keqaj li che i yoch le, xaq xrachik'aj chi i Ajwal o li puwi i yoch chi xaq xub'ij i tziji che: “Yin in Kajwal xaq in ki-Dios amam mam Abraham xaq aqajaw mam Isaac. Chawe yet xaq chke amuq axikin kinya wi ulew le ipa at kotz'ol wi. I amuq axikin lik kek'iyar na pacha uk'aj ulew, kkinojsaj nu b'i uwach ulew prelb'al ij xaq puqajb'al ij, pa moxab' xaq pa wiqab'; konojel alk'uwal re uwach i jyub' ta'aj kinya ni utzil chomal pkiwi awumal yet, xaq kumal amuq axikin. Yin in o awu', katinchajij na xaipa kat-e wi, xaq katink'am chali waral che ulewi, lik katwo'taj taj k'a kin-an ni ronojel pacha inb'im chawe.” Xcha.
Are xk'un saq chwach ma Jacob, xub'ij i tziji: “Saq laj tzij i Ajwal o waral che i k'ijib'ali, yin weta'am ti te'eq.” Lik uxim rib', xub'ij chik i tziji: “Lik b'isb'al i k'ijib'ali, iri lik rachoch i Dios xaq uchi' i kaj.” Xcha.
Chukab' ij, i ma Jacob lik we' xwalijik, xuk'am i ab'aj chi uya'om kan puch'eket, xutak'b'a uwach te'uri xutiko pacha jun aqan re ilb'al re, xaq xujam aceite puwi. Che i k'ijib'al le o jun tinimit chi Luz te'eq ub'i xwiri ma Jacob xujalwachij ub'i i tinimit le xuya pub'i Bet-el.
Are uri ma Jacob xu'an i sujuniki: “We kinuchajij i Dios xaq we kinrachnimaj ipa enam wi we wo'or, we kuya inwa, we kuya in-u', xaq we utz inwach are kinupon tan chik chi rachoch inqajaw, are ni uri i Ajwal le in-Dios. I ab'aj chi xintak'b'a uwach le, lik rachoch ni Dios; ronojel ni'pa kuya ire chwe, lik kwesaj ni insipon chi are i jun che i lajuj che i kinch'ako kinya che ire.” Xcha.

සවන් දෙන්න G%E9nesis 28