<div class="version vid3247 iso6393acr" data-vid="3247" data-iso6393="acr">
   <div class="book bkGEN">
      <div class="chapter ch22" data-usfm="GEN.22">
         <div class="label">22</div><div class="s1"><span class="heading">I Dios xuk'am upam ukub'ib'al uk'ux mam Abraham</span></div><div class="p"><span class="content">  </span><span class="verse v1" data-usfm="GEN.22.1"><span class="label">1</span><span class="content">X-on panoq i Dios xuk'am upam mam Abraham, xub'ij che: Mam Abraham, i mam Abraham le xub'ij:</span></span></div><div class="p"><span class="verse v1" data-usfm="GEN.22.1"><span class="content">&#8212;In o chi, Ta.</span></span></div><div class="p"><span class="verse v1" data-usfm="GEN.22.1"><span class="content">  </span></span><span class="verse v2" data-usfm="GEN.22.2"><span class="label">2</span><span class="content">I Dios xub'ij che:</span></span></div><div class="p"><span class="verse v2" data-usfm="GEN.22.2"><span class="content">&#8212;Chak'ama b'i ak'ojol chi xa jun, chi xaq lik k'ax kana'o, jat chila che ulew Moriah, chila chaporoj wi pa re asipon puwi jun jyub' chi kinb'ij ni chawe.</span></span></div><div class="p"><span class="verse v2" data-usfm="GEN.22.2"><span class="content">  </span></span><span class="verse v3" data-usfm="GEN.22.3"><span class="label">3</span><span class="content">I mam Abraham lik we' xwalijik, xuwiq b'i u'axna, xaq xumut b'i si' re porb'al sipon. Xeuk'am b'i keb' chke umokom ru' xaq i uk'ojol chi a Isaac, xe'e che i k'ijib'al ipa b'ital wi che rumal i Dios. </span></span><span class="verse v4" data-usfm="GEN.22.4"><span class="label">4</span><span class="content">Churox ij mam Abraham xtzun b'i naj, are uri xril pan uwach i jyub' chinaj. </span></span><span class="verse v5" data-usfm="GEN.22.5"><span class="label">5</span><span class="content">Xub'ij chke umokom:</span></span></div><div class="p"><span class="verse v5" data-usfm="GEN.22.5"><span class="content">&#8212;Chixkanaj kan yix waral ru' i axna. Yin ru' i ala le, koj-e k'a jela chukojik u'ij i Dios, te'uri kojtzalij chali iwu' &#8212;xcha.</span></span></div><div class="p"><span class="verse v5" data-usfm="GEN.22.5"><span class="content">  </span></span><span class="verse v6" data-usfm="GEN.22.6"><span class="label">6</span><span class="content">I mam Abraham xuk'am i si' xuya an chel rij uk'ojol chi a Isaac, ire xuk'am b'i a' xaq i kuchil, chekeb' xkimaj b'i kib'e junam. </span></span><span class="verse v7" data-usfm="GEN.22.7"><span class="label">7</span><span class="content">I a Isaac xub'ij che uqajaw:</span></span></div><div class="p"><span class="verse v7" data-usfm="GEN.22.7"><span class="content">&#8212;&#161;Ta!</span></span></div><div class="p"><span class="verse v7" data-usfm="GEN.22.7"><span class="content">&#8212;&#191;Wach, kawaj wak'al? &#8212;Xub'ij mam Abraham che uk'ojol; are uri a Isaac le xub'ij che uqajaw:</span></span></div><div class="p"><span class="verse v7" data-usfm="GEN.22.7"><span class="content">&#8212;O chik i a' xaq o chik i si', xwiri &#191;Ipa o wi i chij ma chi kqaporoj chwach i Dios?</span></span></div><div class="p"><span class="verse v7" data-usfm="GEN.22.7"><span class="content">  </span></span><span class="verse v8" data-usfm="GEN.22.8"><span class="label">8</span><span class="content">&#8212;Are uri mam Abraham xub'ij che uk'ojol: Wak'al, are i Dios kyaw i chij chi kqaporoj chwach Ire.</span></span></div><div class="p"><span class="verse v8" data-usfm="GEN.22.8"><span class="content">Lik junam ru' rak'al ketijin che i b'e. </span></span><span class="verse v9" data-usfm="GEN.22.9"><span class="label">9</span><span class="content">Are xeupon che i jyub' ipa b'ital wi che rumal i Dios, i mam Abraham xuyijb'a jun sujb'al sipon xaq xutus i si' puwi, te'uri xuyut' uk'ojol chi a Isaac, xaq xuya an puwi i si' chi o chik puwi i sujb'al sipon le. </span></span><span class="verse v10" data-usfm="GEN.22.10"><span class="label">10</span><span class="content">Are uri xuk'am pan i kuchil kukamsab'ej re uk'ojol. </span></span><span class="verse v11" data-usfm="GEN.22.11"><span class="label">11</span><span class="content">Are ya kukamsaj te'eq uk'ojol chi a Isaac are uri jun &#225;ngel xsik'in li che chikaj, xub'ij:</span></span></div><div class="p"><span class="verse v11" data-usfm="GEN.22.11"><span class="content">&#8212;&#161;Mam Abraham, mam Abraham!</span></span></div><div class="p"><span class="verse v11" data-usfm="GEN.22.11"><span class="content">&#8212;In o chi, Ta &#8212;xub'ij mam Abraham.</span></span></div><div class="p"><span class="verse v11" data-usfm="GEN.22.11"><span class="content">  </span></span><span class="verse v12" data-usfm="GEN.22.12"><span class="label">12</span><span class="content">I &#225;ngel xub'ij che:</span></span></div><div class="p"><span class="verse v12" data-usfm="GEN.22.12"><span class="content">&#8212;Makamsaj i ala le xaq ma'an taq jun k'ax che, man wo'or weta'am chik chi lik kaxij awib' chwach Dios, man xaxuyaj ti ak'ojol che chi xa jun o awu' &#8212;xcha.</span></span></div><div class="p"><span class="verse v12" data-usfm="GEN.22.12"><span class="content">  </span></span><span class="verse v13" data-usfm="GEN.22.13"><span class="label">13</span><span class="content">Are uri mam Abraham xaqte'et xril pan jun chij ma, ch'apal pa taq k'ix rumal i rok'a', juntir x-e chuk'amik, xukamsaj xaq xuporoj puk'exel uk'ojol.</span><span class="content">  </span></span><span class="verse v14" data-usfm="GEN.22.14"><span class="label">14</span><span class="content">Rumali mam Abraham xuya pub'i i k'ijib'al le: &#8220;DIOS KYAWIK&#8221;, xaq k'a are kb'ix che &#8220;wo'or chi puwi i jyub' i Ajwal kuya'o wach i rajwaxik&#8221;.</span></span></div><div class="p"><span class="verse v14" data-usfm="GEN.22.14"><span class="content">  </span></span><span class="verse v15" data-usfm="GEN.22.15"><span class="label">15</span><span class="content">I &#225;ngel xch'aw chali che mam Abraham, xub'ij che: </span></span><span class="verse v16" data-usfm="GEN.22.16"><span class="label">16</span><span class="content">I Ajwal kub'ij:</span></span></div><div class="p"><span class="verse v16" data-usfm="GEN.22.16"><span class="content">&#8212;Man xaxuyaj ti ak'ojol chwe chi xa jun o awu', rumali kinya intzij chawe, </span></span><span class="verse v17" data-usfm="GEN.22.17"><span class="label">17</span><span class="content">lik kinya ni utzil chomal pawi xaq lik keink'iyarsaj ni amuq axikin pacha uk'iyal i ch'umil chi o chwa taq kaj xaq pacha uk'iyal i seneb' chi o chi taq ya. Xaq i amuq axikin lik kekich'ak ni i je ajch'oj chkij. </span></span><span class="verse v18" data-usfm="GEN.22.18"><span class="label">18</span><span class="content">Kinya ni utzil chomal pkiwi konojel i winaq chwach i jyub' ta'aj kumal amuq axikin, man xatkojon chwe &#8212;keje ile xub'ij i Dios che mam Abraham. </span></span><span class="verse v19" data-usfm="GEN.22.19"><span class="label">19</span><span class="content">Te'uri xtzalij li mam Abraham junam ru' uk'ojol chi a Isaac; are xek'un ku' umokom ipa je o wi kanoq, xeuk'am b'ik junam xe'e pa Beerseba, chila ipa xejeqi wi mam Abraham.</span></span></div><div class="s1"><span class="heading">I je rak'al ma Nacor</span></div><div class="p"><span class="verse v19" data-usfm="GEN.22.19"><span class="content">  </span></span><span class="verse v20" data-usfm="GEN.22.20"><span class="label">20</span><span class="content">X-on panoq i mam Abraham xretamaj chi je alaxnaq chik rak'al ma Nacor ru' ati Milca. I ma Nacor le are ucha' mam Abraham. </span></span><span class="verse v21" data-usfm="GEN.22.21"><span class="label">21</span><span class="content">I nab'e kak'al are a Uz te'uri a Buz, a Kemuel, chi uqajaw a Aram; </span></span><span class="verse v22" data-usfm="GEN.22.22"><span class="label">22</span><span class="content">a Quesed, a Hazo, a Pildas, a Jidlaf xaq i a Betuel. </span></span><span class="verse v23" data-usfm="GEN.22.23"><span class="label">23</span><span class="content">I ma Betuel le are uqajaw al Rebeca. I wajxaqib' alk'uwalxelab' le je are kak'al ma Nacor ru' ati Milca.</span></span></div><div class="p"><span class="verse v23" data-usfm="GEN.22.23"><span class="content">  </span></span><span class="verse v24" data-usfm="GEN.22.24"><span class="label">24</span><span class="content">I ma Nacor le xaq xealax rak'al ru' ati Re&#250;ma chi qas ti rixoqil; i kak'al le je are iri: A Teba, a Gaham, a Tahas xaq a Maaca.</span></span></div>
      </div>
   </div>
</div>

X-on panoq i Dios xuk'am upam mam Abraham, xub'ij che: Mam Abraham, i mam Abraham le xub'ij:
—In o chi, Ta.
I Dios xub'ij che:
—Chak'ama b'i ak'ojol chi xa jun, chi xaq lik k'ax kana'o, jat chila che ulew Moriah, chila chaporoj wi pa re asipon puwi jun jyub' chi kinb'ij ni chawe.
I mam Abraham lik we' xwalijik, xuwiq b'i u'axna, xaq xumut b'i si' re porb'al sipon. Xeuk'am b'i keb' chke umokom ru' xaq i uk'ojol chi a Isaac, xe'e che i k'ijib'al ipa b'ital wi che rumal i Dios. Churox ij mam Abraham xtzun b'i naj, are uri xril pan uwach i jyub' chinaj. Xub'ij chke umokom:
—Chixkanaj kan yix waral ru' i axna. Yin ru' i ala le, koj-e k'a jela chukojik u'ij i Dios, te'uri kojtzalij chali iwu' —xcha.
I mam Abraham xuk'am i si' xuya an chel rij uk'ojol chi a Isaac, ire xuk'am b'i a' xaq i kuchil, chekeb' xkimaj b'i kib'e junam. I a Isaac xub'ij che uqajaw:
—¡Ta!
—¿Wach, kawaj wak'al? —Xub'ij mam Abraham che uk'ojol; are uri a Isaac le xub'ij che uqajaw:
—O chik i a' xaq o chik i si', xwiri ¿Ipa o wi i chij ma chi kqaporoj chwach i Dios?
—Are uri mam Abraham xub'ij che uk'ojol: Wak'al, are i Dios kyaw i chij chi kqaporoj chwach Ire.
Lik junam ru' rak'al ketijin che i b'e. Are xeupon che i jyub' ipa b'ital wi che rumal i Dios, i mam Abraham xuyijb'a jun sujb'al sipon xaq xutus i si' puwi, te'uri xuyut' uk'ojol chi a Isaac, xaq xuya an puwi i si' chi o chik puwi i sujb'al sipon le. Are uri xuk'am pan i kuchil kukamsab'ej re uk'ojol. Are ya kukamsaj te'eq uk'ojol chi a Isaac are uri jun ángel xsik'in li che chikaj, xub'ij:
—¡Mam Abraham, mam Abraham!
—In o chi, Ta —xub'ij mam Abraham.
I ángel xub'ij che:
—Makamsaj i ala le xaq ma'an taq jun k'ax che, man wo'or weta'am chik chi lik kaxij awib' chwach Dios, man xaxuyaj ti ak'ojol che chi xa jun o awu' —xcha.
Are uri mam Abraham xaqte'et xril pan jun chij ma, ch'apal pa taq k'ix rumal i rok'a', juntir x-e chuk'amik, xukamsaj xaq xuporoj puk'exel uk'ojol. Rumali mam Abraham xuya pub'i i k'ijib'al le: “DIOS KYAWIK”, xaq k'a are kb'ix che “wo'or chi puwi i jyub' i Ajwal kuya'o wach i rajwaxik”.
I ángel xch'aw chali che mam Abraham, xub'ij che: I Ajwal kub'ij:
—Man xaxuyaj ti ak'ojol chwe chi xa jun o awu', rumali kinya intzij chawe, lik kinya ni utzil chomal pawi xaq lik keink'iyarsaj ni amuq axikin pacha uk'iyal i ch'umil chi o chwa taq kaj xaq pacha uk'iyal i seneb' chi o chi taq ya. Xaq i amuq axikin lik kekich'ak ni i je ajch'oj chkij. Kinya ni utzil chomal pkiwi konojel i winaq chwach i jyub' ta'aj kumal amuq axikin, man xatkojon chwe —keje ile xub'ij i Dios che mam Abraham. Te'uri xtzalij li mam Abraham junam ru' uk'ojol chi a Isaac; are xek'un ku' umokom ipa je o wi kanoq, xeuk'am b'ik junam xe'e pa Beerseba, chila ipa xejeqi wi mam Abraham.

X-on panoq i mam Abraham xretamaj chi je alaxnaq chik rak'al ma Nacor ru' ati Milca. I ma Nacor le are ucha' mam Abraham. I nab'e kak'al are a Uz te'uri a Buz, a Kemuel, chi uqajaw a Aram; a Quesed, a Hazo, a Pildas, a Jidlaf xaq i a Betuel. I ma Betuel le are uqajaw al Rebeca. I wajxaqib' alk'uwalxelab' le je are kak'al ma Nacor ru' ati Milca.
I ma Nacor le xaq xealax rak'al ru' ati Reúma chi qas ti rixoqil; i kak'al le je are iri: A Teba, a Gaham, a Tahas xaq a Maaca.

සවන් දෙන්න G%E9nesis 22