<div class="version vid3247 iso6393acr" data-vid="3247" data-iso6393="acr">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Ujachik kixol ma Abram ru' ma Lot</div><div class="p"> 1I Ma Abram xe'el chila pa Egipto junam ru' rixoqil, xaq ronojel ub'itaq ke xkik'am b'ik, xkimaj b'i b'e chi k-e pusuk' i jyub' Neguev, are uri i rika' chi ma Lot xaq x-e ku'. 2I ma Abram lik b'eyom chik, man xek'iyar i jalajuj taq uchikop, xk'iyar usaq-o'oj xaq u'an-o'oj. 3Relik chila che i jyub' Neguev, kok'il xupon k'a pa Bet-el ipa xk'iji wi te'eq nab'e, chuxol i tinimit Bet-el ru' i tinimit Hai, 4chila che i k'ijib'al le are ipa uyijb'am wi te'eq jun sujb'al sipon ujer re i Ajwal; lik chila xukuxtaj xaq xunataj wi ub'i i Ajwal.</div><div class="p"> 5Xaq ma Lot chi terejnaq b'i chrij ma Abram, lik b'eyom, je o uchij, uchikop, xaq lik je rachi'ilam uwinaq chi ketowik, xaq lik k'i umujb'al olik. 6Rumali lik ke'ok ti chik chwach ulew ipa je jeqel wi, xaq utz taj chi k'a je jeqel junam, man lik k'i chik ub'itaq ke. 7Rumali xpe i ch'oj chkixol ajyu'ul uchikop ma Abram ku' ajyu'ul uchikop ma Lot. Xaq che taq i ij le i je aj Cana&#225;n, xaq i je aj Ferez je jeqel chila chwach ulew le. 8Rumali ma Abram xub'ij che i rika' chi ma Lot: &#8220;Utz taj chi o ch'oj chqaxol yoj awu', xaq chkixol ajyu'ul qachikop; man lik oj alal awu'. 9&#191;Nti b'a wa ulew le chawach? Chakuyu inmak, xwiri utz cha'ana awib'. Chach'ob'o ipa o wi kawaj kak'amo. We kat-e pa moxim, yin kin-e uri pa wiqab'im, xwiri we kat-e pa wiqab'im yin kin-e uri pa moxim&#8221;.</div><div class="p"> 10I ma Lot xtaqen b'i k'ulala, are uri xril pan i ta'aj re i raqana Jord&#225;n, pusuk' b'i Zoar, chi lik utz re kja'axik pacha i tikanb'al re i Ajwal, xaq kmajawik pacha ulew pa Egipto, are k'amaja ksachsax uwach i nimaq taq tinimit Sodoma xaq i Gomorra rumal i Ajwal. 11Are uri i ma Lot xu'ul ronojel i ta'aj re i Jord&#225;n; te'uri x-e jeqi chwach i ta'aj le chila prelb'al ij, keje ujachik uri kixol ma Abram ile ru' rika' chi ma Lot. 12I ma Abram xkanaj kan chwach ulew Cana&#225;n, ma Lot x-e jeqi pa taq tinimit chwa ta'aj re i Jord&#225;n, naqaj che i tinimit Sodoma. 13I je aj Sodoma chi je jeqel che i k'ijib'al le, lik ne te utz laj taq winaq, lik je ajmakib' chwach i Ajwal.</div><div class="p"> 14Are enaq chik ma Lot, i Ajwal xub'ij che ma Abram: &#8220;Chila ipa at o wi le chattaqen b'i pa moxab' xaq pa wiqab', chattaqen b'i prelb'al ij xaq puqajb'al ij. 15Ronojel ulew le chi kawilo, Yin lik kinya ni chawe, xaq chke amuq axikin ronojel ij saq. 16Kin-an ni chke amuq axikin chi lik je k'i, pacha uk'iyal uk'aj ulew; man keje pacha uk'aj ulew k-an ti tikilem chrajlaxik xaq keje uri amuq axikin, k-an ti tikilem chkajlaxik. 17Jat, chatb'in chwach ronojel ulew le, che ronojel i raqan xaq che ronojel uwach, man chawe yet kinya wi.&#8221;</div><div class="p"> 18Are uri ma Abram xutor b'i umujb'al, x-e jeqi naqaj che i Hebr&#243;n, chuchi' i nimaq taq k'achelaj re i Mamre, chila xuyijb'a jun sujb'al sipon re i Ajwal.</div>
 </div>
 </div>
</div>

I Ma Abram xe'el chila pa Egipto junam ru' rixoqil, xaq ronojel ub'itaq ke xkik'am b'ik, xkimaj b'i b'e chi k-e pusuk' i jyub' Neguev, are uri i rika' chi ma Lot xaq x-e ku'. I ma Abram lik b'eyom chik, man xek'iyar i jalajuj taq uchikop, xk'iyar usaq-o'oj xaq u'an-o'oj. Relik chila che i jyub' Neguev, kok'il xupon k'a pa Bet-el ipa xk'iji wi te'eq nab'e, chuxol i tinimit Bet-el ru' i tinimit Hai, chila che i k'ijib'al le are ipa uyijb'am wi te'eq jun sujb'al sipon ujer re i Ajwal; lik chila xukuxtaj xaq xunataj wi ub'i i Ajwal.
Xaq ma Lot chi terejnaq b'i chrij ma Abram, lik b'eyom, je o uchij, uchikop, xaq lik je rachi'ilam uwinaq chi ketowik, xaq lik k'i umujb'al olik. Rumali lik ke'ok ti chik chwach ulew ipa je jeqel wi, xaq utz taj chi k'a je jeqel junam, man lik k'i chik ub'itaq ke. Rumali xpe i ch'oj chkixol ajyu'ul uchikop ma Abram ku' ajyu'ul uchikop ma Lot. Xaq che taq i ij le i je aj Canaán, xaq i je aj Ferez je jeqel chila chwach ulew le. Rumali ma Abram xub'ij che i rika' chi ma Lot: “Utz taj chi o ch'oj chqaxol yoj awu', xaq chkixol ajyu'ul qachikop; man lik oj alal awu'. ¿Nti b'a wa ulew le chawach? Chakuyu inmak, xwiri utz cha'ana awib'. Chach'ob'o ipa o wi kawaj kak'amo. We kat-e pa moxim, yin kin-e uri pa wiqab'im, xwiri we kat-e pa wiqab'im yin kin-e uri pa moxim”.
I ma Lot xtaqen b'i k'ulala, are uri xril pan i ta'aj re i raqana Jordán, pusuk' b'i Zoar, chi lik utz re kja'axik pacha i tikanb'al re i Ajwal, xaq kmajawik pacha ulew pa Egipto, are k'amaja ksachsax uwach i nimaq taq tinimit Sodoma xaq i Gomorra rumal i Ajwal. Are uri i ma Lot xu'ul ronojel i ta'aj re i Jordán; te'uri x-e jeqi chwach i ta'aj le chila prelb'al ij, keje ujachik uri kixol ma Abram ile ru' rika' chi ma Lot. I ma Abram xkanaj kan chwach ulew Canaán, ma Lot x-e jeqi pa taq tinimit chwa ta'aj re i Jordán, naqaj che i tinimit Sodoma. I je aj Sodoma chi je jeqel che i k'ijib'al le, lik ne te utz laj taq winaq, lik je ajmakib' chwach i Ajwal.
Are enaq chik ma Lot, i Ajwal xub'ij che ma Abram: “Chila ipa at o wi le chattaqen b'i pa moxab' xaq pa wiqab', chattaqen b'i prelb'al ij xaq puqajb'al ij. Ronojel ulew le chi kawilo, Yin lik kinya ni chawe, xaq chke amuq axikin ronojel ij saq. Kin-an ni chke amuq axikin chi lik je k'i, pacha uk'iyal uk'aj ulew; man keje pacha uk'aj ulew k-an ti tikilem chrajlaxik xaq keje uri amuq axikin, k-an ti tikilem chkajlaxik. Jat, chatb'in chwach ronojel ulew le, che ronojel i raqan xaq che ronojel uwach, man chawe yet kinya wi.”
Are uri ma Abram xutor b'i umujb'al, x-e jeqi naqaj che i Hebrón, chuchi' i nimaq taq k'achelaj re i Mamre, chila xuyijb'a jun sujb'al sipon re i Ajwal.

සවන් දෙන්න G%E9nesis 13