<div class="version vid3174 iso6393gax" data-vid="3174" data-iso6393="gax">
 <div class="book bkMAT">
 <div class="chapter ch21" data-usfm="MAT.21">
 <div class="label">21</div><div class="s">Ulfinna Ol Aana'aan Gara Yerusaalemii Aseenuu Yesusii</div><div class="r">(Mar 11:1-11; Luq 19:28-40; Yoh 12:12-19)</div><div class="p"> 1Yesusii fi horddofttoonni isaa gara Yerusaalemii yeroo dhiyaatanitti, gara ganda Beetfaagee Gaara ejjerssaa titti argamuu yoo gayan, Yesus barattoota isaa keessaa lamaan akkana jechu'uun erge, 2&#171;Gara ganda isiniin duranatti jiruu deemaa, achitti'llee harree hidhamtte takka ilmmayyoo isi'ii woliin bakkumatti ni argattan, hiika'aatii naa fidaa. 3Naminni kumi'llee waan tokko yoo isiniin jedhe &#8249;Gooftaan waan isaan barbaaduuf&#8250; jedhaanii, Inni'llee harriin bakkumatti isaan ni erga.&#187; 4Kun'llee ka ta'e nabiyyichaan akkana jedhamee ka dubbatame akka raawwatamuuf,</div><div class="q"> 5&#171;Magaalaa Xiyoonii ta jedhamttu Yerusaalemiif,</div><div class="q2">&#8249;kunoo, nugufnni kee gara laafessa ta'ee, harre'ee fi</div><div class="q2">ilimmayyoo yaabbatee gara kee ni dhufa!&#8250; jedha'aatii itti himaa.&#187;</div><div class="p"> 6Barattoonni isaa'llee dhaqanii akkuma Yesus isaan ajaje ni raawwatan. 7Harree ilmmayyoo isi'ii woliin ni fidaniif, uffata isaan'llee harre'ee irratti ni raran, Yesus'llee san irraan ni taa'e. 8Ummata keessaa baayi'eewwan uffata isaanii karaa irratti ni afan, kuunniin ammoo baala mukaa mura'aa karaa irratti ni afan turan. 9Ummata dura dura ni deeman ka turan'llee, &#171;Hosaa'inaa Ilma Daawiitiitiif Galanni haa ta'u! Ka maqaa Goofta'aatiin dhufu ka eebbifame! Hosaa'inaa!#21:9 Hosaa'inaa:- Yabo'oo nu fayyisi (Afaan worra Ibirootaa titti fayyuu, yookiin nu fayyisi jechu'uun iyyuu) Galanni ol sami'itti Waaqaaf haa ta'u!&#187; jedha'aa ni iyyan ture.</div><div class="p"> 10Yesus gara Yerusaalemii yeroo aseenetti namoonni magaala'aa marrinuu, &#171;Kun eennu?&#187; jechu'uun, ni jeeqaman.</div><div class="p"> 11Ummanni'llee, &#171;Kun ardii Galiila'aa titti ka argamittu, Magaalaa Nazireetiitii ka dhufe Yesusii&#187; jedhan.</div><div class="s">Yesus Mana Waaqeffanna'aa Titti Worra Wol Gabayatan Akka Baase</div><div class="r">(Mar 11:15-19; Luq 19:45-48; Yoh 2:13-22)</div><div class="p"> 12Kanaan duubatti Yesus gara Mana Waaqeffanna'aa ni aseene, achitti'llee namoota gurguranii fi bitan maraa ni baase. Minjaalota worra qarshii jijjiirttotaatii fi barcumoota worra handarii gurgurttootaa'llee ni garagalche. 13&#171; &#8249;Manni kiyya mana kadhanna'aa ni jedhama&#8250; isin garuu goda saamittotaa, ni taasfttan!&#187; isaaniin jedhe.</div><div class="p"> 14Yesus Mana Waaqeffanna'aa keessa uduu jiru, jaamotaa fi hokkolttoonni gara isaa dhufaniiti, isaan ni fayyise. 15Garuu itti gaafatamoonni qeesotaatii fi barsiisonni seeraa, waan baasaa ka Yesus raawwate arguu isaaniitii fi daai'mman'llee Mana Waaqeffanna'aa titti, &#171;Ilma Daawiitiitiif Hosaa'inaa! Galanni haa ta'u!&#187; jedha'aa yoo iyyan, dhagayuu isaaniitiin ni dallanan. 16Kanaaf Yesusiin, &#171;Daai'mman tunniin waan jedhan ni dhageettaa mitii ree?&#187; ni jedhaniin, inni'llee, &#171;Ee, ni dhagaya, &#8249;ijoolle'ee fi daai'mman harmma hodhan afaanii galata ni qopheessite&#8250; ka jedhu, gonkumaa hin dubbifinnee moo?&#187; isaaniin jedhe. 17Isaan dhiisee'llee magaala'aa bayee, gara ganda Bitaaniyaa jedhamttuu ni deeme, achi'llee ni bule.</div><div class="s">Muka Harbbu'uu Ka Yesus Abaare</div><div class="r">(Mar 11:12-14, 20-24)</div><div class="p"> 18Yesus ganama obboro'oon gara magaala'aa deebi'ee yeroo deemutti ni beelaye. 19Mukattii harbbu'uu takka karaa biratti argeeti gara isi'ii'llee ni dhaqe, garuu baala isi'ii malee womaayyuu irratti hin arganne. Kanaaf, &#171;Ammaa achitti gonkumaa firiin sirratti hin argamin!&#187; ni jedheen. Mukattiin'llee bakkumatti ni godde. 20Barattoonni isaa'llee kana yeroo arganitti, &#171;Mukattiin harbbu'uu tun yeroo tokkoon attamitti godde!&#187; jechu'uun, ni baaseffatan. </div><div class="p"> 21 # 
 Mat 17:20; 1Qor 13:2. Yesus'llee akkana jechu'uun isaanii ni deebise, &#171;Dhugamaan isiniin jedha, amantii uduu qabaattanii fi shakkuu'llee uduu dhabaattanii, mukattii harbbu'uu irratti akkuma taasfame, raawwachuu qofa uduu hin ta'in, gaara kanaan'llee &#8249;asii ka'iitii gara garba ciisa'aa titti darbami!&#8250; uduu jettaniinii, isiniif ni ta'a. 22Amantanii kadhanna'aan waan kahattan maraa, ni argattan.&#187;</div><div class="s">Yesus Aangoo Maali'iitiin Akka Hojjatuuf Gaafii Dhiyaate</div><div class="r">(Mar 11:27-33; Luq 20:1-8)</div><div class="p"> 23Yesus'llee gara Mana Waaqeffanna'aa aseenee ni barsiisa ture. Yeroo sanitti itti gaafatamoonni qeesotaatii fi jaarsotiin ummataa gara isaa dhiyaataniiti, &#171;Kana mara ka raawwattu aangoo maali'iitiin? Aangoo kana ka siif kenne eennu?&#187; jechu'uun, ni gaafataniin. 24Yesus'llee akkana jechu'uun isaanii ni deebise, &#171;Ani'llee gaafii tokko si ni gaafadha, gaafii kiyyaaf deebii yoo naa kennitan, ani'llee kana mara aangoo maali'iitiin akka raawwadhu isinitti ni hima. 25Cuuphaan Yohaannis eessaa dhufe? Waaqaa irraayyi ture moo yookiin nama biraa?&#187; Isaan'llee ufii isaanii titti akkana jechu'uun woliin ni mari'atan, &#171; &#8249;Waaqaa biraayyi&#8250; yoo jenne, &#8249;eegaa maali'iif itti amanuu dhabddan ree?&#8250; nuun jedha, 26&#8249;nama biraayyi&#8250; yoo jenne ammoo, Yohaanisiin marri isaaniituu akka nabiyyi'ii titti waan isa laalaniif, ummata ni sodaanna.&#187; 27Kanaaf, &#171;Hin beekinnu!&#187; jechu'uun, Yesusii ni deebisan. Inni'llee, &#171;Eegasuu ani'llee aangoo maali'iitiin kana mara akka raawwadhu, isinitti hin himu!&#187; isaaniin jedhe.</div><div class="s">Fakkeenna Ijoollee Lamaanii</div><div class="p"> 28Itti aanssee'llee Yesus akkana isaaniin ni jedhe, &#171;Eegaa maal isinitti fakkaata ree? Naminni tokko ijoollee lamaa ni qaba ture, isaan keessaa gara tokkoo dhiyaatee, &#8249;yaa ilma kiyya, adha gara bakka biqilttuu kiyya ka woyinnii deemittee, akka hojjattu haa ta'u!&#8250; ni jedheen. 29Ilmi'llee, &#8249;dide hin deemu!&#8250; jedhe. Ha ata'u malee maa'ii gaabbeeti, hojjachu'uuf ni deeme. 30Abbaan ammoo gara ilma isaa ka lamaffa'aa deebi'ee dhaqeeti, inni'llee akkuma kana akka hojjatuuf ni ajajeen, ilmi'llee, &#8249;tole abbaa kiyya ni deema!&#8250; jedhe. Garuu hin deeminne. 31Eegaa ijoollee kaniin lamaan keessaa, ka ajaja abbaa isaa raawwate kamii?&#187;</div><div class="p">Isaan'llee, &#171;Ka jalqabaati kaa!&#187; jedhan. Yesus'llee akkana isaaniin ni jedhe, &#171;Dhugamaan isiniin ni jedha, cubbamoonnii fi sagaagalttoonni gara Mootummaa Waaqaa titti galu'uun, isin ni durssan. 32#Luq 3:12; 7:29, 30.Yohaannisiin cuuphaan karaa qulqullaayomaa isinitti muldhisu'uuf dhufnnaan hin amanneen, cubbamoonnii fi sagaagalttoonni garuu ni amananiin, kanuma'llee argitanii gara Waaqaa deebitanii, hin amanneen.&#187;</div><div class="s">Fakkeenna Qotee Bulttoota Biqilttuu Woyinni'ii</div><div class="r">(Mar 12:1-12; Luq 20:9-19)</div><div class="p"> 33Irra deebi'ee'llee Yesus akkana ni jedhe, &#171;Fakkeenna bira'aa'llee dhagayaa, biqilttuu woyinni'ii ka dhaabe nama tokkotu jira ture, inni'llee biqilttuu woyinni'ii naannayatti dalaya ni dallaye, cuunffaa wooyinni'iitiif ka ta'u boolla qotee ni midhaasse, eegiddoo woyinni'iitiif ka tajaajilu kaabaa dhaga'aa dheeraa ni hojjate, kanaan duubatti bakka biqilttu'uu qotee bulttootaaf kireessee, gara biyya bira'aa ni deeme. 34Ji'a calla'aa gayetti gayee isaa akka isaa fuudhaniif, tajaajilttoota isaa gara qotee bulttootaa ni erge. 35Qotee bulttoonni garuu tajaajilttoota isaa qabanii tokko ni dhaananiin, tokko ni ajjeesaniin, ka bira'aa ammoo dhaga'aan ni woqaraniin. #21:35 Woqaraniin:- Dhaananiin yookiin irra dedeebisanii ni tumaniin 36Abbaan bakka biqilttuu woyinni'llee deebi'ee tajaajilttoota, laakkofssi isaanii worra duraanii caalu erge. Qotee bulttoonni isaan irratti'llee gochuma wol fakkaataa ni raawwatan. 37Muummee irratti abbaan bakka biqilttuu woyinni'ii, &#8249;ilma kiyya ni kabajaniin!&#8250; jechu'uun, ilma isaa gara qotee bulttootaa ni erge. 38Qotee bulttoonni garuu ilma isaa yeroo arganitti, &#8249;kun ammoo dhaalaa isaati, kootaa isa ajjeefinneeti, qabiyyee isaa nu'u haa dhaalluunii!&#8250; woliin ni jedhan. 39Ilma isaa'llee qabanii bakka biqilttuu woyinni'iitiin alaa, fidaniiniiti ni ajjeesaniin.&#187;</div><div class="p"> 40&#171;Eegaa, abbaan biqilttuu woyinni'ii yeroo dhufetti, qotee bulttoota kanniin irratti maal ka raawwatu isinitti fakkaata?&#187;</div><div class="p"> 41Inni'llee, &#171;Raawwiin namoota hamaaleyyii kanniinii ka hammaate ni taasisa. Bakka biqilttuu woyinni'llee worra callaa yeroon isaaf kennan, qotee bulttoota bira'aatiif ni kireessa&#187; jedhaniin.</div><div class="p"> 42Itti aanssee'llee Yesus akkana isaaniin ni jedhe,</div><div class="q">&#171;Kitaabban qulqullaawota keessatti,</div><div class="q2">&#8249;dhagaa worri kaabaa dhaga'aa ijaaran tuffataniin,</div><div class="q2">inni dhagaa ijoo cabissata mata'aa ni ta'e,</div><div class="q">kun'llee hujii Goofta'aati,</div><div class="q2">ija teennaaf'llee baasa&#8250;</div><div class="m">jedhamee ka barreeffame, gonkumaa isin hin dubbifinnee moo?&#187;</div><div class="p"> 43Kanaaf, &#171;Akkana isiniin ni jedha, Mootummaan Waaqaa isin irraa fudhatamittee, ummata firii daraararuuf ni kennamtti. [ 44Ka dhagaa kana irratti kufu ni caba, naminni dhagaan isa irratti kufe garuu, ni bullaaya.&#187;]</div><div class="p"> 45Itti gaafatamoonni qeesotaatii fi Farisoonni fakkeennota kanniin yeroo dhagayanitti, Yesusii ka dubbatte waayee isaaniitiif ta'uu, ni hubatan. 46Kanaaf isa qabu'uuf barbaadanii turan, ummanni garuu akka nabiyyi'ii titti ni laalan waan turaniif, ni sodaatan.</div>
 </div>
 </div>
</div>

Yesusii fi horddofttoonni isaa gara Yerusaalemii yeroo dhiyaatanitti, gara ganda Beetfaagee Gaara ejjerssaa titti argamuu yoo gayan, Yesus barattoota isaa keessaa lamaan akkana jechu'uun erge, «Gara ganda isiniin duranatti jiruu deemaa, achitti'llee harree hidhamtte takka ilmmayyoo isi'ii woliin bakkumatti ni argattan, hiika'aatii naa fidaa. Naminni kumi'llee waan tokko yoo isiniin jedhe ‹Gooftaan waan isaan barbaaduuf› jedhaanii, Inni'llee harriin bakkumatti isaan ni erga.» Kun'llee ka ta'e nabiyyichaan akkana jedhamee ka dubbatame akka raawwatamuuf,
«Magaalaa Xiyoonii ta jedhamttu Yerusaalemiif,
‹kunoo, nugufnni kee gara laafessa ta'ee, harre'ee fi
ilimmayyoo yaabbatee gara kee ni dhufa!› jedha'aatii itti himaa.»
Barattoonni isaa'llee dhaqanii akkuma Yesus isaan ajaje ni raawwatan. Harree ilmmayyoo isi'ii woliin ni fidaniif, uffata isaan'llee harre'ee irratti ni raran, Yesus'llee san irraan ni taa'e. Ummata keessaa baayi'eewwan uffata isaanii karaa irratti ni afan, kuunniin ammoo baala mukaa mura'aa karaa irratti ni afan turan. Ummata dura dura ni deeman ka turan'llee, «Hosaa'inaa Ilma Daawiitiitiif Galanni haa ta'u! Ka maqaa Goofta'aatiin dhufu ka eebbifame! Hosaa'inaa! Galanni ol sami'itti Waaqaaf haa ta'u!» jedha'aa ni iyyan ture.
Yesus gara Yerusaalemii yeroo aseenetti namoonni magaala'aa marrinuu, «Kun eennu?» jechu'uun, ni jeeqaman.
Ummanni'llee, «Kun ardii Galiila'aa titti ka argamittu, Magaalaa Nazireetiitii ka dhufe Yesusii» jedhan.


Kanaan duubatti Yesus gara Mana Waaqeffanna'aa ni aseene, achitti'llee namoota gurguranii fi bitan maraa ni baase. Minjaalota worra qarshii jijjiirttotaatii fi barcumoota worra handarii gurgurttootaa'llee ni garagalche. « ‹Manni kiyya mana kadhanna'aa ni jedhama› isin garuu goda saamittotaa, ni taasfttan!» isaaniin jedhe.
Yesus Mana Waaqeffanna'aa keessa uduu jiru, jaamotaa fi hokkolttoonni gara isaa dhufaniiti, isaan ni fayyise. Garuu itti gaafatamoonni qeesotaatii fi barsiisonni seeraa, waan baasaa ka Yesus raawwate arguu isaaniitii fi daai'mman'llee Mana Waaqeffanna'aa titti, «Ilma Daawiitiitiif Hosaa'inaa! Galanni haa ta'u!» jedha'aa yoo iyyan, dhagayuu isaaniitiin ni dallanan. Kanaaf Yesusiin, «Daai'mman tunniin waan jedhan ni dhageettaa mitii ree?» ni jedhaniin, inni'llee, «Ee, ni dhagaya, ‹ijoolle'ee fi daai'mman harmma hodhan afaanii galata ni qopheessite› ka jedhu, gonkumaa hin dubbifinnee moo?» isaaniin jedhe. Isaan dhiisee'llee magaala'aa bayee, gara ganda Bitaaniyaa jedhamttuu ni deeme, achi'llee ni bule.


Yesus ganama obboro'oon gara magaala'aa deebi'ee yeroo deemutti ni beelaye. Mukattii harbbu'uu takka karaa biratti argeeti gara isi'ii'llee ni dhaqe, garuu baala isi'ii malee womaayyuu irratti hin arganne. Kanaaf, «Ammaa achitti gonkumaa firiin sirratti hin argamin!» ni jedheen. Mukattiin'llee bakkumatti ni godde. Barattoonni isaa'llee kana yeroo arganitti, «Mukattiin harbbu'uu tun yeroo tokkoon attamitti godde!» jechu'uun, ni baaseffatan.
Yesus'llee akkana jechu'uun isaanii ni deebise, «Dhugamaan isiniin jedha, amantii uduu qabaattanii fi shakkuu'llee uduu dhabaattanii, mukattii harbbu'uu irratti akkuma taasfame, raawwachuu qofa uduu hin ta'in, gaara kanaan'llee ‹asii ka'iitii gara garba ciisa'aa titti darbami!› uduu jettaniinii, isiniif ni ta'a. Amantanii kadhanna'aan waan kahattan maraa, ni argattan.»


Yesus'llee gara Mana Waaqeffanna'aa aseenee ni barsiisa ture. Yeroo sanitti itti gaafatamoonni qeesotaatii fi jaarsotiin ummataa gara isaa dhiyaataniiti, «Kana mara ka raawwattu aangoo maali'iitiin? Aangoo kana ka siif kenne eennu?» jechu'uun, ni gaafataniin. Yesus'llee akkana jechu'uun isaanii ni deebise, «Ani'llee gaafii tokko si ni gaafadha, gaafii kiyyaaf deebii yoo naa kennitan, ani'llee kana mara aangoo maali'iitiin akka raawwadhu isinitti ni hima. Cuuphaan Yohaannis eessaa dhufe? Waaqaa irraayyi ture moo yookiin nama biraa?» Isaan'llee ufii isaanii titti akkana jechu'uun woliin ni mari'atan, « ‹Waaqaa biraayyi› yoo jenne, ‹eegaa maali'iif itti amanuu dhabddan ree?› nuun jedha, ‹nama biraayyi› yoo jenne ammoo, Yohaanisiin marri isaaniituu akka nabiyyi'ii titti waan isa laalaniif, ummata ni sodaanna.» Kanaaf, «Hin beekinnu!» jechu'uun, Yesusii ni deebisan. Inni'llee, «Eegasuu ani'llee aangoo maali'iitiin kana mara akka raawwadhu, isinitti hin himu!» isaaniin jedhe.

Itti aanssee'llee Yesus akkana isaaniin ni jedhe, «Eegaa maal isinitti fakkaata ree? Naminni tokko ijoollee lamaa ni qaba ture, isaan keessaa gara tokkoo dhiyaatee, ‹yaa ilma kiyya, adha gara bakka biqilttuu kiyya ka woyinnii deemittee, akka hojjattu haa ta'u!› ni jedheen. Ilmi'llee, ‹dide hin deemu!› jedhe. Ha ata'u malee maa'ii gaabbeeti, hojjachu'uuf ni deeme. Abbaan ammoo gara ilma isaa ka lamaffa'aa deebi'ee dhaqeeti, inni'llee akkuma kana akka hojjatuuf ni ajajeen, ilmi'llee, ‹tole abbaa kiyya ni deema!› jedhe. Garuu hin deeminne. Eegaa ijoollee kaniin lamaan keessaa, ka ajaja abbaa isaa raawwate kamii?»
Isaan'llee, «Ka jalqabaati kaa!» jedhan. Yesus'llee akkana isaaniin ni jedhe, «Dhugamaan isiniin ni jedha, cubbamoonnii fi sagaagalttoonni gara Mootummaa Waaqaa titti galu'uun, isin ni durssan. Yohaannisiin cuuphaan karaa qulqullaayomaa isinitti muldhisu'uuf dhufnnaan hin amanneen, cubbamoonnii fi sagaagalttoonni garuu ni amananiin, kanuma'llee argitanii gara Waaqaa deebitanii, hin amanneen.»


Irra deebi'ee'llee Yesus akkana ni jedhe, «Fakkeenna bira'aa'llee dhagayaa, biqilttuu woyinni'ii ka dhaabe nama tokkotu jira ture, inni'llee biqilttuu woyinni'ii naannayatti dalaya ni dallaye, cuunffaa wooyinni'iitiif ka ta'u boolla qotee ni midhaasse, eegiddoo woyinni'iitiif ka tajaajilu kaabaa dhaga'aa dheeraa ni hojjate, kanaan duubatti bakka biqilttu'uu qotee bulttootaaf kireessee, gara biyya bira'aa ni deeme. Ji'a calla'aa gayetti gayee isaa akka isaa fuudhaniif, tajaajilttoota isaa gara qotee bulttootaa ni erge. Qotee bulttoonni garuu tajaajilttoota isaa qabanii tokko ni dhaananiin, tokko ni ajjeesaniin, ka bira'aa ammoo dhaga'aan ni woqaraniin. Abbaan bakka biqilttuu woyinni'llee deebi'ee tajaajilttoota, laakkofssi isaanii worra duraanii caalu erge. Qotee bulttoonni isaan irratti'llee gochuma wol fakkaataa ni raawwatan. Muummee irratti abbaan bakka biqilttuu woyinni'ii, ‹ilma kiyya ni kabajaniin!› jechu'uun, ilma isaa gara qotee bulttootaa ni erge. Qotee bulttoonni garuu ilma isaa yeroo arganitti, ‹kun ammoo dhaalaa isaati, kootaa isa ajjeefinneeti, qabiyyee isaa nu'u haa dhaalluunii!› woliin ni jedhan. Ilma isaa'llee qabanii bakka biqilttuu woyinni'iitiin alaa, fidaniiniiti ni ajjeesaniin.»
«Eegaa, abbaan biqilttuu woyinni'ii yeroo dhufetti, qotee bulttoota kanniin irratti maal ka raawwatu isinitti fakkaata?»
Inni'llee, «Raawwiin namoota hamaaleyyii kanniinii ka hammaate ni taasisa. Bakka biqilttuu woyinni'llee worra callaa yeroon isaaf kennan, qotee bulttoota bira'aatiif ni kireessa» jedhaniin.
Itti aanssee'llee Yesus akkana isaaniin ni jedhe,
«Kitaabban qulqullaawota keessatti,
‹dhagaa worri kaabaa dhaga'aa ijaaran tuffataniin,
inni dhagaa ijoo cabissata mata'aa ni ta'e,
kun'llee hujii Goofta'aati,
ija teennaaf'llee baasa›
jedhamee ka barreeffame, gonkumaa isin hin dubbifinnee moo?»
Kanaaf, «Akkana isiniin ni jedha, Mootummaan Waaqaa isin irraa fudhatamittee, ummata firii daraararuuf ni kennamtti. [ Ka dhagaa kana irratti kufu ni caba, naminni dhagaan isa irratti kufe garuu, ni bullaaya.»]
Itti gaafatamoonni qeesotaatii fi Farisoonni fakkeennota kanniin yeroo dhagayanitti, Yesusii ka dubbatte waayee isaaniitiif ta'uu, ni hubatan. Kanaaf isa qabu'uuf barbaadanii turan, ummanni garuu akka nabiyyi'ii titti ni laalan waan turaniif, ni sodaatan.

සවන් දෙන්න Wongeela Maatewos 21