<div class="version vid2997 iso6393ssc" data-vid="2997" data-iso6393="ssc">
 <div class="book bkROM">
 <div class="chapter ch15" data-usfm="ROM.15">
 <div class="label">15</div><div class="p"> 1Mbe, bhoono bh&#235;&#235;t&#246; bhano toona umukumo ghono ghonaghir&#235;, ni-igha t&#246;gh&#246;m&#235;rringa na &#246;k&#246;t&#246;&#246;rrya bhanyamukumo m&#246;t&#235;nt&#235;&#235;ru. Totakaakora amang&#700;ana ghano ghak&#246;t&#246;t&#235;gh&#235;rya bh&#235;&#235;t&#246; abheene igho. 2Kera &#246;m&#246;nt&#246; m&#246;-bh&#235;&#235;t&#246;, akorre umukumya murikyaye nyamukumo m&#246;t&#235;nt&#235;&#235;ru, amang&#700;ana agha &#246;k&#246;m&#246;t&#235;gh&#235;rya, okore umukumo ughwa nyamukumo m&#246;t&#235;nt&#235;&#235;ru ghonaghe. 3Ko bhoora kora Y&#235;&#235;su Kiristo umwene, tiyaimaahanga igha, aana ubhwera okokera abhand&#235;. Kasi ghano yaak&#246;rr&#235; ngaar&#235; kya bhono Amaandeko Amah&#246;r&#235;&#235;ru ghakoghamba igha,</div><div class="q">&#8220;Amat&#246;ki ghano bhakokotoka Waryobha,</div><div class="q">n&#246;-&#246;ni umwahorwa uwaaho ghaany&#246;&#246;rr&#235;.&#8221;#15:3 Maaha mo-ketabho ikya Zabhuri 69:9.</div><div class="m"> 4Amang&#700;ana ghonswe igho ghano ghaand&#235;kirw&#235; kare, ngaand&#235;kirw&#235;, okore ghatw&#235;ghi &#246;k&#246;gh&#246;m&#235;rrya inyanko. Amaandeko ghay&#246; nkotohaana ghar&#235; ubhweseghe.</div><div class="p"> 5Nkosabha nd&#235; igha, Waryobha ono akoghera toragh&#246;m&#235;rrya na okoseghwa mo-senkoro isy&#235;t&#246;, abhakore mobhe ikiina &#235;k&#235;mw&#235;, ko bhoora Kiristo Y&#235;&#235;su we ekemany&#235;rry&#246; iky&#235;nyu. 6Hay&#246; ho bhonswe igho moraatore &#246;k&#246;t&#246;&#246;nia Waryobha, Suwaabho Omonene uw&#235;&#235;t&#246; Y&#235;&#235;su Kiristo, kwa enkoro &#235;mw&#235;, na obhoghambi &#246;bh&#246;mw&#235;.</div><div class="s">Amang&#700;ana Amaiya agha Waryobha ko-Bhayahudi na Abhakyaro</div><div class="p"> 7Kera &#246;m&#246;nt&#246; as&#235;r&#235;&#235;ninga murikyaye, kya bhoora Y&#235;&#235;su Kiristo yaabhas&#235;r&#235;&#235;n&#235;ri, okore abhant&#246; bhat&#246;&#246;ni Waryobha. 8Ndabhat&#235;&#235;bhya obhoheene igha, Y&#235;&#235;su Kiristo yaaishir&#235; &#246;k&#246;t&#246;&#246;rya Abhayahudi, okore &#246;&#246;r&#246;ki abhant&#246; igha, Waryobha wa heene, ko bhoora ahekeraini amaraghano aghaaye okohetera ku-Y&#235;&#235;su Kiristo. Amaraghano ghay&#246; n-gaara yaaraghaini abhak&#246;r&#246; abh&#235;&#235;t&#246;. 9Ghwiki ni-igha, yaaishir&#235;, okore Abhakyaro bhat&#246;&#246;ni Waryobha ko amaabh&#235; aghaaye. N-kya bhono Amaandeko Amah&#246;r&#235;&#235;ru ghakoghamba igha,</div><div class="q">&#8220;Mbe, nendaak&#246;t&#246;&#246;ni ko-Bhakyaro,</div><div class="q">nendaak&#246;r&#235;&#235;t&#235;ri amar&#235;&#235;ty&#246; agha &#246;k&#246;k&#246;t&#246;&#246;nia uwe.&#8221;#15:9 Maaha mo-ketabho ikya 2 Samw&#235;ri 22:50; Zabhuri 18:49.</div><div class="m"> 10Ghwiki Amaandeko Amah&#246;r&#235;&#235;ru ghar&#235;ng&#235;rya-ko igha,</div><div class="q">&#8220;Bh&#235;&#235;nyu Abhakyaro, mushomerwe</div><div class="q">hamw&#235; na abhant&#246; abha Waryobha, Abhaisira&#235;ri.&#8221;#15:10 Maaha mo-ketabho ikya Eheetoko iya Etoraati 32:43.</div><div class="m"> 11Ghwiki ahas&#235; ahand&#235; gharaghamba igha,</div><div class="q">&#8220;Bh&#235;&#235;nyu Abhakyaro,</div><div class="q">mukumi Omonene Waryobha.</div><div class="q">Akumibhwi na abhant&#246; bhonswe igho.&#8221;#15:11 Maaha mo-ketabho ikya Zabhuri 117:1.</div><div class="m"> 12Kora &#246;m&#246;r&#246;&#246;ti Isaaya wonswe yaaghambir&#235; igha,</div><div class="q">&#8220;Mu-bhuhiiri Yeese &#246;m&#246;nt&#246; aryebhoka-mo,</div><div class="q">ono areetonga amakabhira ghonswe igho,</div><div class="q">uy&#246; we abhant&#246; abha ibhyaro bhyonswe igho,</div><div class="q">bharyesegha igha arebhat&#246;&#246;rya.&#8221;#15:12 Maaha mo-ketabho ikya Isaaya 11:10.</div><div class="p"> 13Waryobha we tukwiteng&#700;era igha, naraatokorre ghonswe igho ghano yaaraghaini. Ku bhuy&#246; nkobhasabhera nd&#235; igha, abhahaane omorembe, okore mushomerwe bh&#246;k&#246;ng&#700;u enkaagha eno m&#246;k&#246;gh&#235;nd&#235;rrya ukumukumya. Hay&#246; ho moraamweseghe bh&#246;k&#246;ng&#700;u, ko bhoora moraat&#246;&#246;ribhwi na obhotoro ubhwa Umwika &#214;m&#246;h&#246;r&#235;&#235;ru.</div><div class="s">Ikibhuno ikya Pauro ukwandeka amang&#700;ana ghano</div><div class="p"> 14Abhakumya bhariky&#235;t&#246;, &#246;ni umwene nemanyir&#235; igha, bh&#235;&#235;nyu m-bant&#246; abha heene m&#246;r&#235; bh&#246;k&#246;ng&#700;u, mmomanyir&#235; keno kikutunwa mokore, kora mmoona obhotoro ubhwa okoragherrania. 15Nokaanyoora igha ni-igho &#235;r&#235;, kasi mband&#235;k&#235;&#235;y&#235; amang&#700;ana mu-ritashandighi mono ko obhokar&#235;, okore mbahiit&#246;ki amang&#700;ana ghay&#246;. N&#235;nk&#246;rr&#235; igho, ko okoghera iya &#246;r&#246;&#246;bh&#246; rono Waryobha yaang&#700;aana, 16okore mbe &#246;m&#246;k&#246;ri uwa emeremo uwa Kiristo Y&#235;&#235;su ko-Bhakyaro. Ensonga iyaamo ni-igha, naakorwa &#246;m&#246;s&#235;ng&#235;ri uwa okoraareka Amang&#700;ana Amaiya agha Waryobha, okore Abhakyaro bhabhe kya ibhimwenso bheno bh&#235;k&#246;t&#235;gh&#235;rya Waryobha, bheno bhyaarabhwa na Umwika &#214;m&#246;h&#246;r&#235;&#235;ru.</div><div class="p"> 17Mbe, hano nakorra Waryobha emeremo, n-Kiristo Y&#235;&#235;su we nk&#246;t&#246;&#246;nia, tinkwit&#246;&#246;nia h&#235;. 18Tenkokareha okoghamba eng&#700;ana iy&#235;nd&#235; h&#235;, kasi ne-eera Kiristo Y&#235;&#235;su yaakora okohetera ku-&#246;ni, iya okokora Abhakyaro bhamwighwere. Eng&#700;ana iy&#246; yaagh&#235;k&#246;rr&#235; okohetera ko ghano naaghambanga na ghano naakoranga. 19Mbaarutirw&#235; bhakabha na umukumo, ko bhoora bhaar&#246;&#246;sh&#235; obhotoro ubhwa Y&#235;&#235;su Kiristo bhono bhwaamahekaini ko-makono na ebhemany&#235;rry&#246;. Naany&#246;&#246;rr&#235; obhotoro ubhwa okokora igho, ko obhotoro ubhwa Umwika uwa Waryobha. Ku bhuy&#246; naainaarr&#235; kera has&#235; ndaraareka Amang&#700;ana Amaiya agha Y&#235;&#235;su Kiristo ukusimirya mu-mughi ughwa Y&#235;rusar&#235;&#235;mu okohekera mo-mokowa ughwa Iririko. 20Nkutuna nd&#235; igha ndaareke Amang&#700;ana Amaiya ahas&#235; hano &#246;m&#246;nt&#246; ataakaraar&#235;kir&#235;-ho Amang&#700;ana Amaiya agha Y&#235;&#235;su Kiristo. Ndakora igho, okore ntakaasha kukyorra emeremo bhohya, ahas&#235; hano &#246;m&#246;nt&#246; uw&#246;nd&#235; yaamara okokora-ho emeremo. 21Amang&#700;ana ghano nkokora n-kya bhono Amaandeko Amah&#246;r&#235;&#235;ru ghaaghambir&#235; igha,</div><div class="q">&#8220;Abhant&#246; bhano bhataakaraar&#235;k&#235;&#235;yw&#235; amang&#700;ana aghaaye, mbo bhareghamaaha,</div><div class="q">na abhant&#246; bhano bhatakaaghaighuur&#235;, mbo bhareghamanya.&#8221;#15:21 Maaha mo-ketabho ikya Isaaya 52:15.</div><div class="s">Inyonta iya Pauro ukughya Ruumi</div><div class="p"> 22Emeremo ghiy&#246;, ngyo ghyaandebherranga bh&#246;k&#246;ng&#700;u, ukuusha k&#246;-bh&#235;&#235;nyu iy&#246;. 23Bhoono ko bhoora mmarr&#235; emeremo ighyane mo-mokowa ghono, na ko bhoora m-myoka imyaru naatunanga niishe iy&#246;, 24ku bhuy&#246; nendebhataarra nikare na bh&#235;&#235;nyu ribhagha ike igho, enkaagha eno ndeheta k&#246;-bh&#235;&#235;nyu hay&#246;, ndaghya Hisipania. Ndabhasabha igha, muushe okonhaheenera ko amang&#700;ana agha oroghendo ruy&#246;, urwa ukughya Hisipania.</div><div class="p"> 25Kasi bhoono, nkughya nd&#235; Y&#235;rusar&#235;&#235;mu, okoherra abhakumya bhariky&#235;t&#246; abha Ikiyahudi ekehaheeno. 26Abhakumya abha Omonene uw&#235;&#235;t&#246; Y&#235;&#235;su Kiristo bhano bhar&#235;ng&#235; Makedonia na Akaaya, bhaar&#246;&#246;sh&#235; igha bharuusi &#235;bh&#235;nt&#246; ibhyabho bhat&#246;&#246;rri abhakumya abhat&#246;bhu abha Ikiyahudi abha Y&#235;rusar&#235;&#235;mu. 27Na-bheene igho mbo bhaatunir&#235; igha bhakore igho. Obhoheene ni-igha, ni-siir&#235; bhakohaka, ko bhoora Abhakyaro na Abhayahudi bhabhaay&#235; &#235;k&#235;nt&#246; k&#235;mw&#235; ko-bhong&#700;oore ubhwa &#246;bh&#246;t&#246;&#246;rya bhono bhokohetera ko-Bhayahudi. Ko okoghera iya eng&#700;ana iy&#246;, ni-igha abheene bhonswe bhabhat&#246;&#246;rri-ko amang&#700;ana agha kinyam&#246;bh&#235;r&#235;, k&#246;-bh&#235;nt&#246; bheno bhataanabhyo. 28Hano ndemara okohaana abhakumya bhay&#246; ekehaheeno kiy&#246;, nendeheta mmaahane na bh&#235;&#235;nyu enkaagha eno urinyoora nd&#235;ng&#235; ko-roghendo urwa Hisipania. 29Nemanyir&#235; igha, Y&#235;&#235;su Kiristo naretong&#700;oora &#246;ni na bh&#235;&#235;nyu bhonswe igho hamw&#235; ko-nkaagha eno urinyoora nd&#235;ng&#235; k&#246;-bh&#235;&#235;nyu hay&#246;.</div><div class="p"> 30Abhakumya bhariky&#235;t&#246;, ko okoreng&#700;aana na umukumo ughw&#235;t&#246; ghono toonagho ko-Monene uw&#235;&#235;t&#246; Y&#235;&#235;su Kiristo, na okoreng&#700;aana na righonshe reno tokohaanwa na Umwika &#214;m&#246;h&#246;r&#235;&#235;ru, ndabhasaasaama ko enkoro iyaane yonswe igho igha, m&#246;gh&#235;nd&#235;rri okobha na omotono ughwa okonsabhera ku-Waryobha. 31Monsabhere igha, abhant&#246; bhano bhatakukumya Y&#235;&#235;su Kiristo Yudea haara, bhatakaasha konkorra obhoghogho.#15:31 Maaha mo-ketabho ikya Amang&#700;ana agha Abhatomwa 21:27-36. Ghwiki monsabhere, okore abhakumya abha Y&#235;&#235;su Kiristo Y&#235;rusar&#235;&#235;mu haara bhaik&#235;rri okoghegha ekehaheeno keno ndaabhaherre ukurwa ko-bhakumya Abhakyaro. 32Hano eng&#700;ana iy&#246; eraabhe bhuuya, nendaashe k&#246;-bh&#235;&#235;nyu hay&#246;, hano Waryobha araahanshe. Nendaashe nsh&#246;m&#235;&#235;yw&#235; bh&#246;k&#246;ng&#700;u, kora mbe na umweya ughwa ukumuunya hamw&#235; na bh&#235;&#235;nyu.</div><div class="p"> 33Waryobha ono akobhahaana omorembe, abhe hamw&#235; na bh&#235;&#235;nyu bhonswe igho. Amina.</div>
 </div>
 </div>
</div>

Mbe, bhoono bhëëtö bhano toona umukumo ghono ghonaghirë, ni-igha töghömërringa na ökötöörrya bhanyamukumo mötëntëëru. Totakaakora amangʼana ghano ghakötötëghërya bhëëtö abheene igho. Kera ömöntö mö-bhëëtö, akorre umukumya murikyaye nyamukumo mötëntëëru, amangʼana agha ökömötëghërya, okore umukumo ughwa nyamukumo mötëntëëru ghonaghe. Ko bhoora kora Yëësu Kiristo umwene, tiyaimaahanga igha, aana ubhwera okokera abhandë. Kasi ghano yaakörrë ngaarë kya bhono Amaandeko Amahörëëru ghakoghamba igha,
“Amatöki ghano bhakokotoka Waryobha,
nö-öni umwahorwa uwaaho ghaanyöörrë.”
Amangʼana ghonswe igho ghano ghaandëkirwë kare, ngaandëkirwë, okore ghatwëghi ököghömërrya inyanko. Amaandeko ghayö nkotohaana gharë ubhweseghe.
Nkosabha ndë igha, Waryobha ono akoghera toraghömërrya na okoseghwa mo-senkoro isyëtö, abhakore mobhe ikiina ëkëmwë, ko bhoora Kiristo Yëësu we ekemanyërryö ikyënyu. Hayö ho bhonswe igho moraatore ökötöönia Waryobha, Suwaabho Omonene uwëëtö Yëësu Kiristo, kwa enkoro ëmwë, na obhoghambi öbhömwë.

Kera ömöntö asërëëninga murikyaye, kya bhoora Yëësu Kiristo yaabhasërëënëri, okore abhantö bhatööni Waryobha. Ndabhatëëbhya obhoheene igha, Yëësu Kiristo yaaishirë ökötöörya Abhayahudi, okore ööröki abhantö igha, Waryobha wa heene, ko bhoora ahekeraini amaraghano aghaaye okohetera ku-Yëësu Kiristo. Amaraghano ghayö n-gaara yaaraghaini abhakörö abhëëtö. Ghwiki ni-igha, yaaishirë, okore Abhakyaro bhatööni Waryobha ko amaabhë aghaaye. N-kya bhono Amaandeko Amahörëëru ghakoghamba igha,
“Mbe, nendaakötööni ko-Bhakyaro,
nendaakörëëtëri amarëëtyö agha ökökötöönia uwe.”
Ghwiki Amaandeko Amahörëëru gharëngërya-ko igha,
“Bhëënyu Abhakyaro, mushomerwe
hamwë na abhantö abha Waryobha, Abhaisiraëri.”
Ghwiki ahasë ahandë gharaghamba igha,
“Bhëënyu Abhakyaro,
mukumi Omonene Waryobha.
Akumibhwi na abhantö bhonswe igho.”
Kora ömörööti Isaaya wonswe yaaghambirë igha,
“Mu-bhuhiiri Yeese ömöntö aryebhoka-mo,
ono areetonga amakabhira ghonswe igho,
uyö we abhantö abha ibhyaro bhyonswe igho,
bharyesegha igha arebhatöörya.”
Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania. Nokaanyoora igha ni-igho ërë, kasi mbandëkëëyë amangʼana mu-ritashandighi mono ko obhokarë, okore mbahiitöki amangʼana ghayö. Nënkörrë igho, ko okoghera iya örööbhö rono Waryobha yaangʼaana, okore mbe ömököri uwa emeremo uwa Kiristo Yëësu ko-Bhakyaro. Ensonga iyaamo ni-igha, naakorwa ömösëngëri uwa okoraareka Amangʼana Amaiya agha Waryobha, okore Abhakyaro bhabhe kya ibhimwenso bheno bhëkötëghërya Waryobha, bheno bhyaarabhwa na Umwika Ömöhörëëru.
Mbe, hano nakorra Waryobha emeremo, n-Kiristo Yëësu we nkötöönia, tinkwitöönia hë. Tenkokareha okoghamba engʼana iyëndë hë, kasi ne-eera Kiristo Yëësu yaakora okohetera ku-öni, iya okokora Abhakyaro bhamwighwere. Engʼana iyö yaaghëkörrë okohetera ko ghano naaghambanga na ghano naakoranga. Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko. Nkutuna ndë igha ndaareke Amangʼana Amaiya ahasë hano ömöntö ataakaraarëkirë-ho Amangʼana Amaiya agha Yëësu Kiristo. Ndakora igho, okore ntakaasha kukyorra emeremo bhohya, ahasë hano ömöntö uwöndë yaamara okokora-ho emeremo. Amangʼana ghano nkokora n-kya bhono Amaandeko Amahörëëru ghaaghambirë igha,
“Abhantö bhano bhataakaraarëkëëywë amangʼana aghaaye, mbo bhareghamaaha,
na abhantö bhano bhatakaaghaighuurë, mbo bhareghamanya.”

Emeremo ghiyö, ngyo ghyaandebherranga bhököngʼu, ukuusha kö-bhëënyu iyö. Bhoono ko bhoora mmarrë emeremo ighyane mo-mokowa ghono, na ko bhoora m-myoka imyaru naatunanga niishe iyö, ku bhuyö nendebhataarra nikare na bhëënyu ribhagha ike igho, enkaagha eno ndeheta kö-bhëënyu hayö, ndaghya Hisipania. Ndabhasabha igha, muushe okonhaheenera ko amangʼana agha oroghendo ruyö, urwa ukughya Hisipania.
Kasi bhoono, nkughya ndë Yërusarëëmu, okoherra abhakumya bharikyëtö abha Ikiyahudi ekehaheeno. Abhakumya abha Omonene uwëëtö Yëësu Kiristo bhano bharëngë Makedonia na Akaaya, bhaarööshë igha bharuusi ëbhëntö ibhyabho bhatöörri abhakumya abhatöbhu abha Ikiyahudi abha Yërusarëëmu. Na-bheene igho mbo bhaatunirë igha bhakore igho. Obhoheene ni-igha, ni-siirë bhakohaka, ko bhoora Abhakyaro na Abhayahudi bhabhaayë ëkëntö këmwë ko-bhongʼoore ubhwa öbhötöörya bhono bhokohetera ko-Bhayahudi. Ko okoghera iya engʼana iyö, ni-igha abheene bhonswe bhabhatöörri-ko amangʼana agha kinyamöbhërë, kö-bhëntö bheno bhataanabhyo. Hano ndemara okohaana abhakumya bhayö ekehaheeno kiyö, nendeheta mmaahane na bhëënyu enkaagha eno urinyoora ndëngë ko-roghendo urwa Hisipania. Nemanyirë igha, Yëësu Kiristo naretongʼoora öni na bhëënyu bhonswe igho hamwë ko-nkaagha eno urinyoora ndëngë kö-bhëënyu hayö.
Abhakumya bharikyëtö, ko okorengʼaana na umukumo ughwëtö ghono toonagho ko-Monene uwëëtö Yëësu Kiristo, na okorengʼaana na righonshe reno tokohaanwa na Umwika Ömöhörëëru, ndabhasaasaama ko enkoro iyaane yonswe igho igha, möghëndërri okobha na omotono ughwa okonsabhera ku-Waryobha. Monsabhere igha, abhantö bhano bhatakukumya Yëësu Kiristo Yudea haara, bhatakaasha konkorra obhoghogho. Ghwiki monsabhere, okore abhakumya abha Yëësu Kiristo Yërusarëëmu haara bhaikërri okoghegha ekehaheeno keno ndaabhaherre ukurwa ko-bhakumya Abhakyaro. Hano engʼana iyö eraabhe bhuuya, nendaashe kö-bhëënyu hayö, hano Waryobha araahanshe. Nendaashe nshömëëywë bhököngʼu, kora mbe na umweya ughwa ukumuunya hamwë na bhëënyu.
Waryobha ono akobhahaana omorembe, abhe hamwë na bhëënyu bhonswe igho. Amina.

සවන් දෙන්න Abharuumi 15