<div class="version vid2848 iso6393cce" data-vid="2848" data-iso6393="cce">
 <div class="book bkGEN">
 <div class="chapter ch46" data-usfm="GEN.46">
 <div class="label">46</div><div class="s">Jakobe ni mwaya wakwe va txi tsula Egipta</div><div class="p"> 1Israyeli a to khukha ni sotshe si a nga ti naso. Ngako a di hokile Bherisebha, a to phaxa mhamba ka Txizimu txa Isaake tate wakwe. 2Se Txizimu, amu ka txiwoniso txa wusiku, txi to m'dhana, txi txi kha txona:</div><div class="p">&#8220;Jakobe! Jakobe!&#8221;</div><div class="p">Ene a to orovela, a txi khene: &#8220;Ni ho!&#8221;</div><div class="p"> 3Txizimu txi to kha txona:</div><div class="p">&#8220;Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe. 4Ani ni na relela ni nawe ditikoni ka Egipta, ni na ya maha ti to u tshumela u txi wuya, se Josefa ngene a no vhala maso ako, mbimo yi u no fa.&#8221;</div><div class="p"> 5Sekoko Jakobe a to khukha ngu Bherisebha. Se vanana vakwe, va to teka Jakobe tate wawe, vatukulu vakwe ni va maane vakwe, ve va kwelisa amu ka sikotxikani aawa Faro a nga ti ma rumete, kasi ku ta va teka. 6#Wona ni ka: Mith. 7:15. Vona va tekile mitxhambi yawe ya sifuyo ni sotshe si va nga ti si mani ditikoni ka Kanana, ve tsula naso ditikoni ka Egipta ene Jakobe ni lotshe liveleko lakwe. 7A tsute ni vanana vakwe, ni vatukulu vakwe vamazambi, ni vamahorana, yotshe ngamu yakwe a tekile e tsula nayo ditikoni ka Egipta.</div><div class="p"> 8Vaisrayeli va va nga tsula Egipta, i Jakobe ni vanana vakwe, matina awe i ku awa: Rubheni, matiwula a Jakobe, 9vanana va Rubheni ngu vava: Enoki, Palu, Hezironi, Karmi. 10Vanana va Simiyoni: Jamueli, Jamini, Ohadhe, Jakina, Zowari ni Sawule, mwanana wa kuvelekwa ngu msikati wa Kanana. 11Vanana va Levhi: Gerisoni, Kohate ni Merari. 12Vanana va Judha: Eri, Onani, Sela, Perezi, ni Zera, aniko Eri ni Onani va fete ditikoni ka Kanana ni vanana va Perezi, Hezironi ni Hamuli. 13Vanana va Isakari: Tola, Puwa, Jobe ni Xiniromi. 14Vanana va Zebhuloni: Seredhi, Eloni, Jayeleli. 15Evo mbanana va Leya, avale a nga velekela Jakobe ditikoni ka Padhani-Aramu, kumweko ni Dhina mwanana wakwe; votshe vanana vamajaha, ni vamahorana, magumi mararu ni vanana vararu.</div><div class="p"> 16Vanana va Gadhi: Zifiyoni, Haji, Suni, Esibhoni, Ri, Arodhi ni Areli. 17Vanana va Aseri: I Imina, Ixivha, Ixivhi, Bheriya ni Sara, ndiyawe; vanana va Bheriya: Hebheri ni Melkiyeli. 18Evo mbanana va Zilpa, awule Labhani a nga ninga Leya, mwanana wakwe; ene a velekile vanana ni Jakobe, mtengo wawe digumi ni mtxhanu ni mmweyo.</div><div class="p"> 19Va Rakeli, msikati wa Jakobe, ngu vava: Josefa ni Bhenjamini. 20#Wona ni ka: Gen. 41:50-52. Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.</div><div class="p"> 21Vanana va Bhenjamini: Bhela, Bhokore, Asibheli, Jera, Namani, Eki, Rosi, Mofini, Ofini ni Aredhi. 22Evo mbanana va Rakeli a nga veleka ni Jakobe, votshe ngu mtengo wawe i digumi ni mune.</div><div class="p"> 23Mwanana wa Dhani i: Husunu. 24Vanana va Naftali i: Jaziyeli, Guni, Jezeri ni Silemi. 25Evo mbanana va Bhiliha, awu Labhani a nga ninga Rakeli mwanana wakwe, a txi veleka ni Jakobe, votshe ngu mtengo wawe i mtxhanu ni vambidi.</div><div class="p"> 26Ava va nga tsula kumweko ni Jakobe ditikoni ka Egipta, ava i ku liveleko lakwe, hahanze ka vasikati va vanana vakwe va majaha, mtxhanu wa magumi ni dimwedo ni mtxhanu wa vathu ni mmweyo.</div><div class="p"> 27 # Wona ni ka: Mith. 7:14. Vanana va Josefa vale a nga ya va mana Egipta mbambidi mtengo wawe. Ngu mhaka yeto, liveleko lotshe la Jakobe li a nga tsula nalo Egipta, li ti ti tshangana mtengo wa mtxhanu wa magumi ni mambidi a vathu.</div><div class="s">Kuhoka ka Jakobe ni mwaya wakwe ditikoni ka Egipta</div><div class="p"> 28Israyeli a rumete Judha ti to e thangela a txi ya ka Josefa, kasi a txi va hingeta Goxeni, se vona va to hoka Goxeni. 29Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe. 30Se Israyeli a to khene ka Josefa:</div><div class="p">&#8220;Konkuwa ni na fa ni di tsakile, nguko ni woni khohe yako, to u ngadi u txi hanya.&#8221;</div><div class="p"> 31Ti di ngeto, Josefa a to womba ka tate wakwe, ni ka vanawe ni ka ngamu yotshe ya tate wakwe, a txi khene:</div><div class="p">Ani ni na tsula ni txi ya zivisa Faro ku khani: Tate wangu ni yotshe ngamu yakwe, avale va nga ti ditikoni ka Kanana, va wuyile kheno kwangu. 32Vathu vava mbadyisi, mthumo wawe ngu kuxayisa mitxhambi yawe ya sifuyo. Ngu mhaka yeto, va bwakile ni tinvuta tawe, tihomu tawe, ni sotshe si si va lumbako! 33Se ngako Faro a txi mi dhana a txi mi wotisa ku khene: &#8220;Ngu wuhi#46:33 Mwendo: mthumo. mthumo wanu kani?&#8221; 34&#8220;Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.&#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

Israyeli a to khukha ni sotshe si a nga ti naso. Ngako a di hokile Bherisebha, a to phaxa mhamba ka Txizimu txa Isaake tate wakwe. Se Txizimu, amu ka txiwoniso txa wusiku, txi to m'dhana, txi txi kha txona:
“Jakobe! Jakobe!”
Ene a to orovela, a txi khene: “Ni ho!”
Txizimu txi to kha txona:
“Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe. Ani ni na relela ni nawe ditikoni ka Egipta, ni na ya maha ti to u tshumela u txi wuya, se Josefa ngene a no vhala maso ako, mbimo yi u no fa.”
Sekoko Jakobe a to khukha ngu Bherisebha. Se vanana vakwe, va to teka Jakobe tate wawe, vatukulu vakwe ni va maane vakwe, ve va kwelisa amu ka sikotxikani aawa Faro a nga ti ma rumete, kasi ku ta va teka. Vona va tekile mitxhambi yawe ya sifuyo ni sotshe si va nga ti si mani ditikoni ka Kanana, ve tsula naso ditikoni ka Egipta ene Jakobe ni lotshe liveleko lakwe. A tsute ni vanana vakwe, ni vatukulu vakwe vamazambi, ni vamahorana, yotshe ngamu yakwe a tekile e tsula nayo ditikoni ka Egipta.
Vaisrayeli va va nga tsula Egipta, i Jakobe ni vanana vakwe, matina awe i ku awa: Rubheni, matiwula a Jakobe, vanana va Rubheni ngu vava: Enoki, Palu, Hezironi, Karmi. Vanana va Simiyoni: Jamueli, Jamini, Ohadhe, Jakina, Zowari ni Sawule, mwanana wa kuvelekwa ngu msikati wa Kanana. Vanana va Levhi: Gerisoni, Kohate ni Merari. Vanana va Judha: Eri, Onani, Sela, Perezi, ni Zera, aniko Eri ni Onani va fete ditikoni ka Kanana ni vanana va Perezi, Hezironi ni Hamuli. Vanana va Isakari: Tola, Puwa, Jobe ni Xiniromi. Vanana va Zebhuloni: Seredhi, Eloni, Jayeleli. Evo mbanana va Leya, avale a nga velekela Jakobe ditikoni ka Padhani-Aramu, kumweko ni Dhina mwanana wakwe; votshe vanana vamajaha, ni vamahorana, magumi mararu ni vanana vararu.
Vanana va Gadhi: Zifiyoni, Haji, Suni, Esibhoni, Ri, Arodhi ni Areli. Vanana va Aseri: I Imina, Ixivha, Ixivhi, Bheriya ni Sara, ndiyawe; vanana va Bheriya: Hebheri ni Melkiyeli. Evo mbanana va Zilpa, awule Labhani a nga ninga Leya, mwanana wakwe; ene a velekile vanana ni Jakobe, mtengo wawe digumi ni mtxhanu ni mmweyo.
Va Rakeli, msikati wa Jakobe, ngu vava: Josefa ni Bhenjamini. Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.
Vanana va Bhenjamini: Bhela, Bhokore, Asibheli, Jera, Namani, Eki, Rosi, Mofini, Ofini ni Aredhi. Evo mbanana va Rakeli a nga veleka ni Jakobe, votshe ngu mtengo wawe i digumi ni mune.
Mwanana wa Dhani i: Husunu. Vanana va Naftali i: Jaziyeli, Guni, Jezeri ni Silemi. Evo mbanana va Bhiliha, awu Labhani a nga ninga Rakeli mwanana wakwe, a txi veleka ni Jakobe, votshe ngu mtengo wawe i mtxhanu ni vambidi.
Ava va nga tsula kumweko ni Jakobe ditikoni ka Egipta, ava i ku liveleko lakwe, hahanze ka vasikati va vanana vakwe va majaha, mtxhanu wa magumi ni dimwedo ni mtxhanu wa vathu ni mmweyo.
Vanana va Josefa vale a nga ya va mana Egipta mbambidi mtengo wawe. Ngu mhaka yeto, liveleko lotshe la Jakobe li a nga tsula nalo Egipta, li ti ti tshangana mtengo wa mtxhanu wa magumi ni mambidi a vathu.

Israyeli a rumete Judha ti to e thangela a txi ya ka Josefa, kasi a txi va hingeta Goxeni, se vona va to hoka Goxeni. Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe. Se Israyeli a to khene ka Josefa:
“Konkuwa ni na fa ni di tsakile, nguko ni woni khohe yako, to u ngadi u txi hanya.”
Ti di ngeto, Josefa a to womba ka tate wakwe, ni ka vanawe ni ka ngamu yotshe ya tate wakwe, a txi khene:
Ani ni na tsula ni txi ya zivisa Faro ku khani: Tate wangu ni yotshe ngamu yakwe, avale va nga ti ditikoni ka Kanana, va wuyile kheno kwangu. Vathu vava mbadyisi, mthumo wawe ngu kuxayisa mitxhambi yawe ya sifuyo. Ngu mhaka yeto, va bwakile ni tinvuta tawe, tihomu tawe, ni sotshe si si va lumbako! Se ngako Faro a txi mi dhana a txi mi wotisa ku khene: “Ngu wuhi mthumo wanu kani?” “Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

සවන් දෙන්න Genesisi 46