<div class="version vid2848 iso6393cce" data-vid="2848" data-iso6393="cce">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">Txizimu txi maha txitumelelano ni Abramu</div><div class="p"> 1Msana ka totshe tiya, dipswi da Mkoma di tile ka Abramu, ngu txiwoniso, di txi kha dona:</div><div class="p">&#8220;U nga thave awe Abramu, ani ngani txitxhavangu txako, hakhelo yako yi na va ya hombe ngutu.&#8221;</div><div class="p"> 2Sekoko Abramu a xamute, a txi khene:</div><div class="p">&#8220;Awe Mkoma Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.&#8221; 3Abramu a to engeta, a txi khene: &#8220;Ngu ti to khwa ni ninga mwanana, se mwanana wule a no velekwa ha m'tini kwangu, ngene a no dya thomba yangu.&#8221;</div><div class="p"> 4Se dipswi da Mkoma di tile ka Abramu, di txi ta kha dona:</div><div class="p">&#8220;Hi nga ene Eliyezeri a no dya thomba yako, aniko yi na dyiwa ngu wule a no velekwa ngu ngawe.&#8221;</div><div class="p"> 5 # Wona ni ka: Var. 4:18; Vaheb. 11:12. Sekoko Txizimu txi to teka Abramu txi mu yisa hahanze, txi txi kha txona:</div><div class="p">&#8220;Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.&#8221;</div><div class="p"> 6 # Wona ni ka: Var. 4:3; Vag. 3:6; Jak. 2:23. Se ene a to kholwa ka Mkoma,#15:6 Mwendo: a mtxhamusete. e woneka i di m'thu wo lulama. 7Mkoma a to khene ka Abramu:</div><div class="p">&#8220;Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.&#8221;</div><div class="p"> 8Se Abramu a to khene kwakwe:</div><div class="p">&#8220;Mkoma Txizimu, ni na ti zivisa kutxani ti to di na va ditiko dangu kani?&#8221;</div><div class="p"> 9 Mkoma a m'gete ku khene:</div><div class="p">&#8220;Ni tisele dirole da makati da malembe mararu, ni phongo ya malembe mararu, ni txihambana txa malembe mararu, ni dituva ni txituvani txatxidotho.&#8221;</div><div class="p"> 10Ene a to mtisela sotshe sihari siya, e si bhanda ngu hagari, e si veketela hafu ni hafu, si rendekelana. Kambe dituva ni txituvani kha si bhanda. 11Magwana ma to ta khandama txitimwi ka sihari sile sa kudawa, aniko Abramu a ma dindile. 12Mbimo yi ditambo di nga txi ya kuswani, Abramu a to &#241;olwa ngu wukohe, e maneka a di fenengetilwe ngu mtema wo thisa.</div><div class="p"> 13Sekoko Mkoma a to womba tiya ka Abramu:</div><div class="p">&#8220;Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe. 14#Wona ni ka: Eks. 1:1-14; 12:40-41; Mith. 7:6-7. Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe. 15Se awe u na tshumelela ngu kuthutha ka vatate vako; u na ya tshotshwa, u di kumbile ngutu. 16Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.&#8221;</div><div class="p"> 17Ngako di ti swite ditambo, ku to va ni txidema txa hombe; Ku txi humelela txikho txi nga txi tuvikela, ni txisoso txa mndilo txi nga txi pinda ngu hagari ka sihari si si nga bhandiselwa. 18#Wona ni ka: Mith. 7:5. Ka donedo ditshiku, Mkoma a to maha Txitumelelano ni Abramu, a txi khene:</div><div class="p">&#8220;Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate. 19I ku ditiko da Vakeni, ni Vakenezi, ni Vakadhimoni, 20Muheti, Vaferezi, Varefayimi 21Vaamori, Vakanana, Vagerezi ni Vajebhuzi.&#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

Msana ka totshe tiya, dipswi da MKOMA di tile ka Abramu, ngu txiwoniso, di txi kha dona:
“U nga thave awe Abramu, ani ngani txitxhavangu txako, hakhelo yako yi na va ya hombe ngutu.”
Sekoko Abramu a xamute, a txi khene:
“Awe MKOMA Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.” Abramu a to engeta, a txi khene: “Ngu ti to khwa ni ninga mwanana, se mwanana wule a no velekwa ha m'tini kwangu, ngene a no dya thomba yangu.”
Se dipswi da MKOMA di tile ka Abramu, di txi ta kha dona:
“Hi nga ene Eliyezeri a no dya thomba yako, aniko yi na dyiwa ngu wule a no velekwa ngu ngawe.”
Sekoko Txizimu txi to teka Abramu txi mu yisa hahanze, txi txi kha txona:
“Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”
Se ene a to kholwa ka MKOMA, e woneka i di m'thu wo lulama. MKOMA a to khene ka Abramu:
“Ani ni MKOMA wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”
Se Abramu a to khene kwakwe:
“MKOMA Txizimu, ni na ti zivisa kutxani ti to di na va ditiko dangu kani?”
MKOMA a m'gete ku khene:
“Ni tisele dirole da makati da malembe mararu, ni phongo ya malembe mararu, ni txihambana txa malembe mararu, ni dituva ni txituvani txatxidotho.”
Ene a to mtisela sotshe sihari siya, e si bhanda ngu hagari, e si veketela hafu ni hafu, si rendekelana. Kambe dituva ni txituvani kha si bhanda. Magwana ma to ta khandama txitimwi ka sihari sile sa kudawa, aniko Abramu a ma dindile. Mbimo yi ditambo di nga txi ya kuswani, Abramu a to ñolwa ngu wukohe, e maneka a di fenengetilwe ngu mtema wo thisa.
Sekoko MKOMA a to womba tiya ka Abramu:
“Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe. Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe. Se awe u na tshumelela ngu kuthutha ka vatate vako; u na ya tshotshwa, u di kumbile ngutu. Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”
Ngako di ti swite ditambo, ku to va ni txidema txa hombe; Ku txi humelela txikho txi nga txi tuvikela, ni txisoso txa mndilo txi nga txi pinda ngu hagari ka sihari si si nga bhandiselwa. Ka donedo ditshiku, MKOMA a to maha Txitumelelano ni Abramu, a txi khene:
“Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate. I ku ditiko da Vakeni, ni Vakenezi, ni Vakadhimoni, Muheti, Vaferezi, Varefayimi Vaamori, Vakanana, Vagerezi ni Vajebhuzi.”

සවන් දෙන්න Genesisi 15