<div class="version vid2698 iso6393oci" data-vid="2698" data-iso6393="oci">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="cl">CHAPITRE D&#200;S-E-NOUVEN</div><div class="d">Sus lou mariage e la viergineta. &#8212; Noste-Segne benesis lis enfantoun. &#8212; Un fi&#233;u de famiho for&#231;o riche retengu p&#232;r l'estaco di richesso. &#8212; Recoump&#232;nso d'aqu&#233;li qu'aban-dounon tout p&#232;r l'amour de J&#232;su-Crist.</div><div class="p"> 1Se devin&#232; que J&#232;su, acabado aqu&#233;li predican&#231;o, s'enan&#232; d'en Galil&#232;io e vengu&#232; sus li counfigno de Jud&#232;io, de la man dela d&#243;u Jourdan.</div><div class="p"> 2De moulounado de pople l'acoumpagn&#232;ron, e i&#233; garigu&#232; de mounde.</div><div class="p"> 3Alor s'aprouch&#232;ron d'&#233;u, li Farisen, p&#232;r lou prouva, e i&#233; digu&#232;ron: Es-ti perm&#233;s &#224; l'ome de quita sa moui&#233; p&#232;r que que siegue?</div><div class="p"> 4&#201;u i&#233; respoundegu&#232;, dis&#232;nt: Av&#232;s pas legi qu'Aqu&#233;u que cre&#232; l'ome dins lou coumen&#231;amen, li cre&#232; mascle e fem&#232;u, e que digu&#232;:</div><div class="p"> 5Amor d'ac&#242;, l'ome quitara soun paire e sa maire e s'estacara &#224; sa moui&#233;, e saran dous en uno car#19.5 Gen&#232;si, i, 17; ii, 40.?</div><div class="p"> 6Ansin soun plus dous, mai uno souleto car. Que l'ome dounc noun dessepare &#231;o que Di&#233;u a joun ens&#232;n.#19.6 V&#232;ire au chapitre V, la noto d&#243;u verset 32.</div><div class="p"> 7&#201;li i&#233; vengu&#232;ron: Coume vai alor que Mou&#239;se a coumanda que se doun&#232;sse &#224; la femo un ate de div&#242;rci e que pi&#232;i l'enmand&#232;sson?#19.7 D&#233;ut. xxiv, i. Ac&#242; 'ro p&#232;r touler&#224;nci; mai Noste-Segne coundano vuei aquel usage e l'aboulis.</div><div class="p"> 8&#201;u i&#233; respoundegu&#232;: P&#232;r l'encauso de la dureta de voste cor, Mou&#239;se vous a perm&#233;s d'enmanda v&#242;sti moui&#233;; mai au coumen&#231;amen ac&#242; 'ro pa 'nsin,</div><div class="p"> 9Tamb&#232;n vous lou dise, aqu&#233;u qu'enmando sa moui&#233;, franc d'un cas d'infidelita, fai un adult&#232;ri, emai aqu&#233;u qu'espouso la femo enmandado fai un adult&#232;ri#19.9 Legitimo que legitimo, la repudiacioun p&#242;u pas roumpre lou nous counjugau, e noun autouriso en counsequ&#232;nci un nouv&#232;u mariage.?</div><div class="p"> 10Si disciple i&#233; vengu&#232;ron: S'es ansin la pousicioun de l'ome &#224; resp&#232;t de sa moui&#233;, es pa 'n-de-bon de se marida.</div><div class="p"> 11&#201;u i&#233; respoundegu&#232;: Es pas tout lou mounde que coumpren aquelo paraulo, mai soulamen aqu&#233;li que i'es esta douna#19.11 La casteta es un doun de Di&#233;u, e res la p&#242;u garda s&#232;nso la gr&#224;ci d'amoundaut.?</div><div class="p"> 12I'a d'enuque, d&#243;umaci, que sa maire lis a fa coume ac&#242;, e i'a d'enuque que lou soun p&#232;r l'obro dis ome, e i'a d'enuque que se lou soun fa p&#232;r amor d&#243;u reiaume celestiau#19.12 Val&#232;nt-&#224;-dire qu'an renouncia voulountarimen au mariage em' ac&#242; an lucha f&#232;bre-count&#249;ni contro sa car p&#232;r mena sus terro la vido dis ange.. Qu p&#242;u coumprendre, coumprengue!</div><div class="p"> 13I&#233; present&#232;ron alor de pichot, sus l'estigan&#231;o que i' impaus&#232;sse li man e pregu&#232;sse p&#232;r &#233;li. Or, li disciple li rambaiavon.</div><div class="p"> 14Mai J&#232;su i&#233; digu&#232;: Leissas aqu&#233;li pichot, e lis empach&#233;s pas de veni vers i&#233;u; car lou reiaume celestiau es &#224;-n-aqu&#233;li que i&#233; s&#232;mblon.</div><div class="p"> 15E i'agu&#232;nt impausa li man, s'enan&#232; d'aqui.</div><div class="p"> 16E veici qu'un jouv&#232;nt s'avanc&#232; e i&#233; digu&#232;: Bon M&#232;stre, que me faudra faire de bon p&#232;r av&#233; la vido eternalo?</div><div class="p"> 17J&#232;su respoundegu&#232;: Perqu&#233; me questiounes sus &#231;o qu'es bon? De bon i'a que Di&#233;u. Se vos intra dins la vido, &#243;usservo li coumandamen.</div><div class="p"> 18Qu&#233;nti? &#233;u i&#233; vengu&#232;. J&#232;su digu&#232;: Noun tuaras; Faras ges d'adult&#232;ri; Noun raubaras; Faus testim&#242;ni noun diras;</div><div class="p"> 19Ounouro toun paire e ta maire; e amaras toun prouchan coume tu-meme.</div><div class="p"> 20E i&#233; fagu&#232; lou jouv&#232;nt: Tout ac&#242;-d'aqui l'ai &#243;usserva despi&#232;i moun enfan&#231;o; dequ&#233; me manco mai?</div><div class="p"> 21I&#233; digu&#232; J&#232;su: Se vos &#232;stre perf&#232;t, filo, v&#232;nde tout &#231;o qu' as e douno-lou i paure, qu'auras un tresor eilamoundaut; v&#232;ne pi&#232;i e seguisse-me.</div><div class="p"> 22Mai entre av&#233; ausi aquelo paraulo, s'enan&#232; triste, lou jouine-ome: avi&#233;, d&#243;umaci, tout un mouloun de b&#232;n.</div><div class="p"> 23Or, J&#232;su digu&#232; &#224; si disciple: Veramen vous lou dise, sara mal-eisa p&#232;r lou riche d'intra dins lou reiaume de paradis.</div><div class="p"> 24Vous lou tourne &#224; dire, es mai facile &#224;-n-un cam&#232;u de passa p&#232;r lou trau d'uno agu&#239;o#19.24 Ac&#242; 'ro un prouv&#232;rbi couneigu di Judi&#233;u: lou mot cam&#232;u v&#242;u dire uno cordo, un liban o b&#232;n un animau. qu' &#224;-n-un riche d'intra dins lou reiaume celestiau.</div><div class="p"> 25D'ent&#232;ndre ac&#242;-d'aqui, li disciple n'en fugu&#232;ron bravamen estouna, e disien: Quau pourra dounc &#232;stre sauva?</div><div class="p"> 26Mai J&#232;su, lis' agachant, i&#233; digu&#232;: Ac&#242; 's impoussible is ome; mai p&#232;r Di&#233;u tout es poussible.</div><div class="p"> 27Alor, pren&#232;nt la paraulo, P&#232;ire i&#233; fagu&#232;: Ves&#232;s que nautre av&#232;n tout abandouna e vous av&#232;n segui; dequ&#233; i'aura dounc p&#232;r nautre?</div><div class="p"> 28J&#232;su i&#233; respoundegu&#232;: Veramen vous lou dise, v&#224;utri que m'av&#232;s segui, se 'n-cop vendra la regeneracioun, que s'assetara lou Fi&#233;u de l'ome sus lou trone de sa gl&#242;ri, sar&#233;s tamb&#232;n vautre asseta sus douge trone, que jujar&#233;s li douge tribu d'Isra&#232;l.</div><div class="p"> 29E quau que siegue qu' aura quita soun oustau, o si fraire, o si sorre, o soun paire, o sa moui&#233;, o sis enfant, o si terro, p&#232;r l'encauso de moun noum, re&#231;aupra lou centuple, e aura 'n poussessioun la vido eternalo.</div><div class="p"> 30Mai n'i'a de b&#232;u que, de proumi&#233;, devendran li darri&#233;; e di darri&#233;, for&#231;o que saran li proumi&#233;.</div>
 </div>
 </div>
</div>

Historical text printed in 1903, maintained by the British and Foreign Bible Society.

Se devinè que Jèsu, acabado aquéli predicanço, s'enanè d'en Galilèio e venguè sus li counfigno de Judèio, de la man dela dóu Jourdan.
De moulounado de pople l'acoumpagnèron, e ié gariguè de mounde.
Alor s'aprouchèron d'éu, li Farisen, pèr lou prouva, e ié diguèron: Es-ti permés à l'ome de quita sa mouié pèr que que siegue?
Éu ié respoundeguè, disènt: Avès pas legi qu'Aquéu que creè l'ome dins lou coumençamen, li creè mascle e femèu, e que diguè:
Amor d'acò, l'ome quitara soun paire e sa maire e s'estacara à sa mouié, e saran dous en uno car?
Ansin soun plus dous, mai uno souleto car. Que l'ome dounc noun dessepare ço que Diéu a joun ensèn.
Éli ié venguèron: Coume vai alor que Mouïse a coumanda que se dounèsse à la femo un ate de divòrci e que pièi l'enmandèsson?
Éu ié respoundeguè: Pèr l'encauso de la dureta de voste cor, Mouïse vous a permés d'enmanda vòsti mouié; mai au coumençamen acò 'ro pa 'nsin,
Tambèn vous lou dise, aquéu qu'enmando sa mouié, franc d'un cas d'infidelita, fai un adultèri, emai aquéu qu'espouso la femo enmandado fai un adultèri?
Si disciple ié venguèron: S'es ansin la pousicioun de l'ome à respèt de sa mouié, es pa 'n-de-bon de se marida.
Éu ié respoundeguè: Es pas tout lou mounde que coumpren aquelo paraulo, mai soulamen aquéli que i'es esta douna?
I'a d'enuque, dóumaci, que sa maire lis a fa coume acò, e i'a d'enuque que lou soun pèr l'obro dis ome, e i'a d'enuque que se lou soun fa pèr amor dóu reiaume celestiau. Qu pòu coumprendre, coumprengue!
Ié presentèron alor de pichot, sus l'estiganço que i' impausèsse li man e preguèsse pèr éli. Or, li disciple li rambaiavon.
Mai Jèsu ié diguè: Leissas aquéli pichot, e lis empachés pas de veni vers iéu; car lou reiaume celestiau es à-n-aquéli que ié sèmblon.
E i'aguènt impausa li man, s'enanè d'aqui.
E veici qu'un jouvènt s'avancè e ié diguè: Bon Mèstre, que me faudra faire de bon pèr avé la vido eternalo?
Jèsu respoundeguè: Perqué me questiounes sus ço qu'es bon? De bon i'a que Diéu. Se vos intra dins la vido, óusservo li coumandamen.
Quénti? éu ié venguè. Jèsu diguè: Noun tuaras; Faras ges d'adultèri; Noun raubaras; Faus testimòni noun diras;
Ounouro toun paire e ta maire; e amaras toun prouchan coume tu-meme.
E ié faguè lou jouvènt: Tout acò-d'aqui l'ai óusserva despièi moun enfanço; dequé me manco mai?
Ié diguè Jèsu: Se vos èstre perfèt, filo, vènde tout ço qu' as e douno-lou i paure, qu'auras un tresor eilamoundaut; vène pièi e seguisse-me.
Mai entre avé ausi aquelo paraulo, s'enanè triste, lou jouine-ome: avié, dóumaci, tout un mouloun de bèn.
Or, Jèsu diguè à si disciple: Veramen vous lou dise, sara mal-eisa pèr lou riche d'intra dins lou reiaume de paradis.
Vous lou tourne à dire, es mai facile à-n-un camèu de passa pèr lou trau d'uno aguïo qu' à-n-un riche d'intra dins lou reiaume celestiau.
D'entèndre acò-d'aqui, li disciple n'en fuguèron bravamen estouna, e disien: Quau pourra dounc èstre sauva?
Mai Jèsu, lis' agachant, ié diguè: Acò 's impoussible is ome; mai pèr Diéu tout es poussible.
Alor, prenènt la paraulo, Pèire ié faguè: Vesès que nautre avèn tout abandouna e vous avèn segui; dequé i'aura dounc pèr nautre?
Jèsu ié respoundeguè: Veramen vous lou dise, vàutri que m'avès segui, se 'n-cop vendra la regeneracioun, que s'assetara lou Fiéu de l'ome sus lou trone de sa glòri, sarés tambèn vautre asseta sus douge trone, que jujarés li douge tribu d'Israèl.
E quau que siegue qu' aura quita soun oustau, o si fraire, o si sorre, o soun paire, o sa mouié, o sis enfant, o si terro, pèr l'encauso de moun noum, reçaupra lou centuple, e aura 'n poussessioun la vido eternalo.
Mai n'i'a de bèu que, de proumié, devendran li darrié; e di darrié, forço que saran li proumié.

සවන් දෙන්න Sant Matiéu 19