<div class="version vid2656 iso6393lwg" data-vid="2656" data-iso6393="lwg">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Okhumanyisia akalimwo</span></div><div class="ip"><span class="content">Eshisina shieliira mbu, Obuchaachilo, ni &#8220;Omusuule.&#8221; Eshitabu shino shiboolanga khukhulongwa khweshialo. Shiboolanga khandi khu akobuchaachilo bwomundu, obuchaachilo bwobwonooni nende obunyakhani mushialo, nende injila eya Nyasaye amenyelangamwo nabandu.</span></div><div class="ip"><span class="content">Eshitabu shino shiakabulwamwo ebitonye ebikhongo bibili: 1. Omuliango kwambeli okhuula khu kwekhumi nalulala (1-11) shiboolanga khu akobulongwi bweshialo nende akobulamu bwakhale bwolwibulo lwabandu. Khunyoolamwo akobulamu bwa Adamu nende Hawa, Kaini nende Habili, Noa nende omuyembo kweifula, nende omunara</span><span class="note f"><span class="label">#</span><span class=" body"><span class="fr">1:0 </span><span class="fk">omunara: </span><span class="ft">Inzu yirambi eyenyekha okhuula mwikulu ewa Nyasaye.</span></span></span><span class="content"> kwa Babuloni.</span></div><div class="ip"><span class="content">2. Omuliango kwekhumi nakhabili okhuula khu okwa amakhumi karano (12-50) shiboolanga khu akobulamu bwabakuuka ba Abaisiraeli. Owambeli ni Aburahamu, owamanyikhana khulwa obusuubilibwe nende khulwa obuhulilibwe khu Nyasaye. Akalondakhwo namakhuwa komwanawe Isaaka, nende omwitsukhuluwe Yakobo (oulangwa khandi mbu, Isiraeli), nende abasiani ba Yakobo ekhumi nababili, abachachisia tsimbia ekhumi natsibili etsia Abaisiraeli. Amakhuwa amanji kaboolwa nikachoomile khu Yosefu, mulalala khubasianibe, nende akachila Yakobo nende abasianibe bandi, nabetsinzu tsiabwe nibatsia okhumenya mushialo shia Misiri.</span></div><div class="ip"><span class="content">Ne kata olwa eshitabu shino nishikhwinoosinjia akobulamu obwabandu, akambeli amakhongo muno aka shinoosinjia, naka Nyasaye yakhola. Shitsiilililanga nende okhutinyilisia mbu, Nyasaye niye owalonga ebindu biosi, khandi shimalilisinjia nende obusuubisi bwa Nyasaye mbu, alatsiililila okhuliinda abandube. Mushitabu shino shiosi, ouboolungwakhwo muno muno ni Nyasaye, oukhalachilanga nende okhuhaana eshinyasio khubakholanga obumayanu, yemililanga abandube nabakhoonya mubulamu bwabwe nende okhukololosia akobulamu bwabwe. Khandi eshitabu eshikhulu shino, shiahandikwa khulwa okhubiikha nende okhumanyia akobusuubili bwabandu nende okhubakhola batsiililile okhumenya mubusuubili obwo.</span></div><div class="iot"><span class="content">Akalimwo mubwimbichiti</span></div><div class="io1"><span class="content">Okhulongwa khweshialo nende abandu 1:1&#8211;2:25</span></div><div class="io1"><span class="content">Okhuchaaka khwobwonooni nende obunyakhani 3:1-24</span></div><div class="io1"><span class="content">Okhurula khu Adamu okhuula khu Noa 4:1&#8211;5:32</span></div><div class="io1"><span class="content">Noa nende omuyembo kweifula 6:1&#8211;10:32</span></div><div class="io1"><span class="content">Omunara kwa Babuloni 11:1-9</span></div><div class="io1"><span class="content">Okhurula khu Shemu okhuula khu Aburamu 11:10-32</span></div><div class="io1"><span class="content">Abachaachia olwibulo: Aburahamu, Isaka, Yakobo 12:1&#8211;35:29</span></div><div class="io1"><span class="content">Abokhulwibulo lwa Esau 36:1-43</span></div><div class="io1"><span class="content">Yosefu nende abasianibe 37:1&#8211;45:28</span></div><div class="io1"><span class="content">Abaisiraeli mushialo shia Misiri 46:1&#8211;50:26</span></div>
      </div>
   </div>
</div>

Okhumanyisia akalimwo
Eshisina shieliira mbu, Obuchaachilo, ni “Omusuule.” Eshitabu shino shiboolanga khukhulongwa khweshialo. Shiboolanga khandi khu akobuchaachilo bwomundu, obuchaachilo bwobwonooni nende obunyakhani mushialo, nende injila eya Nyasaye amenyelangamwo nabandu.
Eshitabu shino shiakabulwamwo ebitonye ebikhongo bibili: 1. Omuliango kwambeli okhuula khu kwekhumi nalulala (1-11) shiboolanga khu akobulongwi bweshialo nende akobulamu bwakhale bwolwibulo lwabandu. Khunyoolamwo akobulamu bwa Adamu nende Hawa, Kaini nende Habili, Noa nende omuyembo kweifula, nende omunara kwa Babuloni.
2. Omuliango kwekhumi nakhabili okhuula khu okwa amakhumi karano (12-50) shiboolanga khu akobulamu bwabakuuka ba Abaisiraeli. Owambeli ni Aburahamu, owamanyikhana khulwa obusuubilibwe nende khulwa obuhulilibwe khu Nyasaye. Akalondakhwo namakhuwa komwanawe Isaaka, nende omwitsukhuluwe Yakobo (oulangwa khandi mbu, Isiraeli), nende abasiani ba Yakobo ekhumi nababili, abachachisia tsimbia ekhumi natsibili etsia Abaisiraeli. Amakhuwa amanji kaboolwa nikachoomile khu Yosefu, mulalala khubasianibe, nende akachila Yakobo nende abasianibe bandi, nabetsinzu tsiabwe nibatsia okhumenya mushialo shia Misiri.
Ne kata olwa eshitabu shino nishikhwinoosinjia akobulamu obwabandu, akambeli amakhongo muno aka shinoosinjia, naka Nyasaye yakhola. Shitsiilililanga nende okhutinyilisia mbu, Nyasaye niye owalonga ebindu biosi, khandi shimalilisinjia nende obusuubisi bwa Nyasaye mbu, alatsiililila okhuliinda abandube. Mushitabu shino shiosi, ouboolungwakhwo muno muno ni Nyasaye, oukhalachilanga nende okhuhaana eshinyasio khubakholanga obumayanu, yemililanga abandube nabakhoonya mubulamu bwabwe nende okhukololosia akobulamu bwabwe. Khandi eshitabu eshikhulu shino, shiahandikwa khulwa okhubiikha nende okhumanyia akobusuubili bwabandu nende okhubakhola batsiililile okhumenya mubusuubili obwo.
Akalimwo mubwimbichiti
Okhulongwa khweshialo nende abandu 1:1–2:25
Okhuchaaka khwobwonooni nende obunyakhani 3:1-24
Okhurula khu Adamu okhuula khu Noa 4:1–5:32
Noa nende omuyembo kweifula 6:1–10:32
Omunara kwa Babuloni 11:1-9
Okhurula khu Shemu okhuula khu Aburamu 11:10-32
Abachaachia olwibulo: Aburahamu, Isaka, Yakobo 12:1–35:29
Abokhulwibulo lwa Esau 36:1-43
Yosefu nende abasianibe 37:1–45:28
Abaisiraeli mushialo shia Misiri 46:1–50:26

සවන් දෙන්න OBUCHACHILO Okhumanyisia akalimwo