<div class="version vid2639 iso6393ptu" data-vid="2639" data-iso6393="ptu">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Pemasi&#228;'na</span></div><div class="ip"><span class="content">Inde suha' Kadadiam untula' diona kadadianna langi' anna lino sola ingganna issinna, pellohonna hupatau, pa'pahandusanna dosa sola kamasussaam illaam inde lino, anna naaka susi Puang Allataala umpadeem kasilombunganna kalena anna hupatau. Issinna inde suha' Kadadiam dua gahi' kasallena:</span></div><div class="ip"><span class="content">Uhuna hondongam 1-11. Diona kadadianna langi' anna lino sola ingganna issinna anna pellohonna hupatau. Etam too duka' inde ditula' diona Adam anna Hawa, Kain anna Habel, Nuh anna diona bussuam uwai, sola indo ongeam malangka' ma'eham-eham dio Babel.</span></div><div class="ip"><span class="content">Ma'penduanna hondongam 12-50. Diona kabuttuanna nene to naponene to Israel mengkalao Abraham to molele-lele kahana kamatappasanna anna kamanuhusanna l&#228;ng&#228;m Puang Allataala. Mane tulasannai Ishak &#228;n&#228;'na Abraham anna Yakub (battu diua Israel) &#228;n&#228;'na Ishak. Mane tulasannai indo sapulo dua pe&#228;n&#228;sanna Yakub muane. Iam too diuaam sapulo dua pentoosanna to Israel. Napaitoo'na to untuli'i inde suha' diona mesa &#228;n&#228;'na Yakub isanga Yusuf anna kaha-kaha puha dadi tama kalena, nasuhum mengkalao Yakub sule lako ingganna &#228;n&#228;'na sitonda hepo'na si mesa-mesa mentieli' lako Mesir.</span></div><div class="ip"><span class="content">Moi anna inde suha' untula' diona pa'pahandusanna deem hupatau, sapo' handam too'na tulasam diona pengk&#228;h&#228;nganna Puang Allataala. Pa'pahandusanna inde suha' umpomakaleso diona Puang Allataala puha umpadadi langi' anna lino sola ingganna issinna, anna nabubum diona pa'dandianna la tont&#228; liu Puang Allataala ungkambi' umma'na. Too'na illaam inde suha' untula' diona Puang Allataala to uhhotto' ma'hupatau anna untahungkum ingganna to kasalaam. Ia toi umpasule lako pa'dandianna ungkambi' anna umpamoloi umma'na anna Ia mu&#228;to' lingkana hupatau. Kasuhunganna anna dituli'i inde suha' anna mala diissam diona kamanontonganna Puang Allataala lako to Israel sola ingganna to matappa', nasuhum tuttuam meada'.</span></div><div class="iot"><span class="content">Tono' Issinna</span></div><div class="io1"><span class="content">1. Dipadadi langi' anna lino sola ingganna issinna, Kad. 1:1&#8211;2:25</span></div><div class="io1"><span class="content">2. Hupatau metob&#228; tama dosa, Kad. 3:1-24</span></div><div class="io1"><span class="content">3. Adam sule lako Nuh, Kad. 4:1&#8211;5:32</span></div><div class="io1"><span class="content">4. Nuh anna wattunna bussu uwai, Kad. 6:1&#8211;10:32</span></div><div class="io1"><span class="content">5. Ongeam malangka' ma'eham-eham dio Babel, Kad. 11:1-9</span></div><div class="io1"><span class="content">6. Sem sule lako Abram, Kad. 11:10-32</span></div><div class="io1"><span class="content">7. Abraham, Ishak, anna Yakub, Kad. 12:1&#8211;35:29</span></div><div class="io1"><span class="content">8. Pessubunna Esau, Kad. 36:1-43</span></div><div class="io1"><span class="content">9. Yusuf anna solasubunna, Kad. 37:1&#8211;45:28</span></div><div class="io1"><span class="content">10. To Israel dio Mesir, Kad. 46:1&#8211;50:26</span></div><div class="ie"></div>
      </div>
   </div>
</div>

Pemasiä'na
Inde suha' Kadadiam untula' diona kadadianna langi' anna lino sola ingganna issinna, pellohonna hupatau, pa'pahandusanna dosa sola kamasussaam illaam inde lino, anna naaka susi Puang Allataala umpadeem kasilombunganna kalena anna hupatau. Issinna inde suha' Kadadiam dua gahi' kasallena:
Uhuna hondongam 1-11. Diona kadadianna langi' anna lino sola ingganna issinna anna pellohonna hupatau. Etam too duka' inde ditula' diona Adam anna Hawa, Kain anna Habel, Nuh anna diona bussuam uwai, sola indo ongeam malangka' ma'eham-eham dio Babel.
Ma'penduanna hondongam 12-50. Diona kabuttuanna nene to naponene to Israel mengkalao Abraham to molele-lele kahana kamatappasanna anna kamanuhusanna längäm Puang Allataala. Mane tulasannai Ishak änä'na Abraham anna Yakub (battu diua Israel) änä'na Ishak. Mane tulasannai indo sapulo dua peänäsanna Yakub muane. Iam too diuaam sapulo dua pentoosanna to Israel. Napaitoo'na to untuli'i inde suha' diona mesa änä'na Yakub isanga Yusuf anna kaha-kaha puha dadi tama kalena, nasuhum mengkalao Yakub sule lako ingganna änä'na sitonda hepo'na si mesa-mesa mentieli' lako Mesir.
Moi anna inde suha' untula' diona pa'pahandusanna deem hupatau, sapo' handam too'na tulasam diona pengkähänganna Puang Allataala. Pa'pahandusanna inde suha' umpomakaleso diona Puang Allataala puha umpadadi langi' anna lino sola ingganna issinna, anna nabubum diona pa'dandianna la tontä liu Puang Allataala ungkambi' umma'na. Too'na illaam inde suha' untula' diona Puang Allataala to uhhotto' ma'hupatau anna untahungkum ingganna to kasalaam. Ia toi umpasule lako pa'dandianna ungkambi' anna umpamoloi umma'na anna Ia muäto' lingkana hupatau. Kasuhunganna anna dituli'i inde suha' anna mala diissam diona kamanontonganna Puang Allataala lako to Israel sola ingganna to matappa', nasuhum tuttuam meada'.
Tono' Issinna
1. Dipadadi langi' anna lino sola ingganna issinna, Kad. 1:1–2:25
2. Hupatau metobä tama dosa, Kad. 3:1-24
3. Adam sule lako Nuh, Kad. 4:1–5:32
4. Nuh anna wattunna bussu uwai, Kad. 6:1–10:32
5. Ongeam malangka' ma'eham-eham dio Babel, Kad. 11:1-9
6. Sem sule lako Abram, Kad. 11:10-32
7. Abraham, Ishak, anna Yakub, Kad. 12:1–35:29
8. Pessubunna Esau, Kad. 36:1-43
9. Yusuf anna solasubunna, Kad. 37:1–45:28
10. To Israel dio Mesir, Kad. 46:1–50:26

සවන් දෙන්න Kadadiam Pemasiä'na