<div class="version vid2605 iso6393rml" data-vid="2605" data-iso6393="rml">
 <div class="book bkGEN">
 <div class="chapter ch38" data-usfm="GEN.38">
 <div class="label">38</div><div class="s1">Juda i Famar'</div><div class="p"> 1I adia&#769;ke sys dre dova&#769; &#269;aso (cy&#769;ro): o Juda gija&#769; krig pe&#769;skire p&#353;ale&#769;ndyr, i jacia&#769; te d&#382;ive&#769;l pa&#353;y&#769;l jekhe&#769;ste Odolamitianinoste, saveskiro lav sys Xira&#769;. 2I dykhcia&#769; odo&#769;j Juda jekha-Xananejaninoskirja &#269;ha, savja&#769;kiro lav sys &#352;u&#769;a, i lyja&#769; la, i zagija&#769; ke joi. 3Joj zapharija, i bijandia&#769; &#269;have&#769;s; i jov dyja&#769; le&#769;ske lav: Iro. 4I javi&#769;r mo&#769;lo zapharija, i bijandia&#769; &#269;have&#769;s, i jov dyja&#769; le&#769;ske lav: Onano. 5I tri&#769;to mo&#769;lo bijandia&#769; &#269;have&#769;s, i dyja&#769; le&#769;ske lav: &#352;ela&#769;. Juda sys ke Xiezivo, kie&#769;li joj bijandia&#769; les. 6I lyja&#769; Juda romnia&#769; Iroske, anglatune&#769; pe&#769;skire &#269;have&#769;ske; lav la&#769;kiro sys Fama&#769;r'. 7Anglatuno&#769; Juda&#769;skiro Iro, na sys la&#269;ho&#769; Devle&#769;ske, i Deve&#769;l les muliakirdia&#769;. 8I phendia&#769; Juda Onanoske: &#8220;Zad&#382;a&#769; ke tyre&#769;-p&#353;aleskiri romny&#769;, le la paloro&#769;m syr die&#769;virjo (salo), i &#269;huv pale, tyre&#769;-p&#353;aleskiro ro&#769;do.&#8221; 9Onano d&#382;india&#769;, so ro&#769;do na jave&#769;la le&#769;ske, i, paldava&#769;, kie&#769;li jov d&#382;a&#769;las ke le&#769;skire-p&#353;aleskiri romny&#769;, to vy&#269;huvelas sal (siemjo) pe phuv, sob (kaj) te na del ro&#769;do le&#769;skire p&#353;ale&#769;ske.&#8221; 10Dava&#769; sys xoly&#769; angi&#769;l Raste-Devle&#769;ste, pal dova&#769; so jov kerdia&#769;; i Jov muliakirdia&#769; i les. 11I phendia&#769; Juda Famarja&#769;ke, pe&#769;skire borjake: &#8220;D&#382;iv pivlia&#769;sa (udovasa) dre tyre&#769;-dade&#769;skiro kher, paka (angi&#769;l dova&#769;, syr) podbarjola miro &#269;havo&#769; &#352;ela&#769;.&#8221; Pal-dova&#769; so jov phendia&#769;: &#8220;Te na mere&#769;l i jov adia&#769;ke-pac', syr myne&#769; le&#769;skire p&#353;a&#769;la.&#8221; Famar' gija&#769; i lyja&#769; te d&#382;ive&#769;l dre pe&#769;skire-dade&#769;skiro kher. 12Progija&#769; (nakhcia) but &#269;aso, i myja&#769; &#352;uoskiri &#269;haj, Judaskiri romny&#769;. Juda &#353;tylyi, gija&#769; dre Famna ke manu&#769;&#353;, savo&#769; ob&#269;hinela vy&#769;lna pe le&#769;skire bakrende, kokoro&#769; i le&#769;skiro dru&#769;go (mal) Xira, Odolamitianino. 13I phendle&#769; Famarjake: &#8220;H&#770;a&#769;da, tyro&#769; sastro d&#382;a&#769;la dre Famna, te ob&#269;hinel vy&#769;lna pe pe&#769;skire kheritkone&#769; murdale&#769;nde (bakrende).&#8221; 14I zlyja&#769; joj pe&#769;styr pivliakiro (udovakiro) uribe&#769;n, u&#269;hakirdia&#769; pes cergicasa, i za&#269;hakirdiape, bescia&#769; pa&#353;y&#769;l Jenaimoskiri po&#769;rta (vra&#769;ty), so sys pe drom dre Famna. Paldava&#769; so joj dykhcia&#769;, so &#352;ela&#769; vybarija, i joj na sys dyny&#769; le&#769;ske dre romnia&#769;te. 15I dykhcia&#769; la Juda, i gindia la pal bilad&#382;akune&#769; d&#382;uvlia&#769;te, pal-dova&#769; so joj u&#269;hakirdia&#769; pe&#769;skiro muj. 16Jov podgi&#769;ia ke joi, i phendia&#769;: &#8220;Te zad&#382;av me ke tu.&#8221; Pal-dova&#769; so jov na d&#382;india&#769;, so joj sys le&#769;skiri bori. Joj phendia&#769;: &#8220;So tu de&#769;sa ma&#769;nge, ko&#769;li zad&#382;asa ke me?&#8221; 17Jov phendia&#769;: &#8220;Me bi&#269;hava&#769;va tu&#769;ke buznores (kozljonkos) stadatyr.&#8221; Joj phendia&#769;: &#8220;Ci de&#769;sa tu ma&#769;nge symady&#769; (zalogo), paka bi&#269;havesa?&#8221; 18Jov phendia&#769;: &#8220;Savi&#769; symady&#769; te dav tu&#769;ke?&#8221; Joj phendia&#769;: &#8220;Tyri&#769; angrusty &#269;ergonorjasa (pie&#269;atka), i tyri&#769; kusty&#769;k, i tyro&#769; desto&#769; (trost'), savo&#769; isyn dro tyro&#769; vast.&#8221; I dyja&#769; jov la&#769;ke, i zagija&#769; ke joi; i joj iacia&#769; phari&#769; le&#769;styr. 19I, u&#353;tyja&#769;, i gija&#769; joi, zlyja&#769; pe&#769;styr cergica, i uridiape dre pe&#769;skire-pivliakiri (udovakiri) i&#769;dia. 20E Juda bi&#269;hadia&#769; buznores (kozljonkos) pir pe&#769;skire maleste Odolamitianinoste, sob (kaj) te lel symady&#769; (zalogo) d&#382;uvliakire vaste&#769;ndyr, ne jov na lathia&#769; la. 21I phucia&#769; odole&#769; &#353;tetoskire manu&#353;e&#769;ndyr: &#8220;Kaj isyn bilad&#382;akuny d&#382;uvly&#769;, savi&#769; sys dro Jenaimo pa&#353;y&#769;l drom?&#8221; Ne jone phendle&#769;: &#8220;Ada&#769;i, na sys bilad&#382;akuny d&#382;uvly&#769;.&#8221; 22I risija&#769; jov ke Juda, i phendia&#769;: &#8220;Me na lathjom la; i manu&#353;a&#769; dole&#769; &#353;tetoskire phendle&#769;: &#8220;Ada&#769;i, na sys bilad&#382;akuny d&#382;uvly&#769;.&#8221; 23Juda phendia&#769;: &#8220;Mek joj te lel len pe&#769;ske, sob (kaj) manu&#353;a&#769; te na len te sanpe ame&#769;ndyr; h&#770;a&#769;da, me bi&#269;hadjom dales buznores; ne tu na lathian la.&#8221; 24Progija&#769; (nakhcia) pa&#353;y&#769;l trin &#269;hona&#769;, i phendle&#769; Juda&#769;ske: &#8220;Famar', tyri&#769; bori, zagija&#769; dro ble&#769;ndo, i h&#770;a&#769;da, joj isyn peraly blendostyr.&#8221; Juda phendia&#769;: &#8220;Vylyd&#382;an la, i mek joj te jave&#769;l sha&#269;kirdy.&#8221; 25Ne kie&#769;li lyd&#382;ine&#769; la, joj bi&#269;hadia&#769; te phene&#769;n la&#769;kire sastreske: &#8220;Me jacjom peraly odole&#769;styr, koneskire isyn dale&#769; priedmiety.&#8221; I phendia&#769;: &#8220;Phene&#769;n te d&#382;ine&#769;n, kone&#769;skiri daja antrusty &#269;ernorjasa (pie&#269;atka), i kusty&#769;k i desto&#769; (trost').&#8221; 26Juda prid&#382;india priedmiety, i phendia&#769;: &#8220;Joj isyn &#269;a&#269;unedyr ma&#769;ndyr, pal-dova&#769; so me na dyjom la &#352;elaske, mire&#769; &#269;have&#769;ske.&#8221; I jov na d&#382;inelas la buty&#769;r. 27I kie&#769;li jej bijanelas, to jacia&#769; d&#382;indlo&#769;, so blizniaty (dujore) sys dre la&#769;kiri lo&#269;ovi&#769; (utroba). 28I kie&#769;li joj bijanelas, to sykadyja&#769; vast, i lyja&#769; phuri, savi&#769; babinelas, i priphandia le&#769;ske pe vast lolo&#769; thav, phendia&#769;: &#8220;Adava&#769; vygija&#769; angledy&#769;r.&#8221; 29Ne jov riskirdia&#769; pe&#769;skiro vast; i h&#770;a&#769;da, vygija&#769; le&#769;skiro p&#353;al. I joj phendia&#769;: &#8220;Syr tu skedyjan pe&#769;ske zor te vyd&#382;as? I dyno&#769; le&#769;ske lav: Farie&#769;so. 30Palo&#769; dava&#769; vygija&#769; le&#769;skiro p&#353;al lole&#769; thavinasa pe vast. I dyno&#769; le&#769;ske lav: Zara [Zarah-ju.o.].</div>
 </div>
 </div>
</div>

maintained by the United Bible Societies for the Baltic Romani Mission

I adiáke sys dre dová časo (cýro): o Juda gijá krig péskire pšaléndyr, i jaciá te dživél pašýl jekhéste Odolamitianinoste, saveskiro lav sys Xirá. I dykhciá odój Juda jekha-Xananejaninoskirja čha, savjákiro lav sys Šúa, i lyjá la, i zagijá ke joi. Joj zapharija, i bijandiá čhavés; i jov dyjá léske lav: Iro. I javír mólo zapharija, i bijandiá čhavés, i jov dyjá léske lav: Onano. I tríto mólo bijandiá čhavés, i dyjá léske lav: Šelá. Juda sys ke Xiezivo, kiéli joj bijandiá les. I lyjá Juda romniá Iroske, anglatuné péskire čhavéske; lav lákiro sys Famár'. Anglatunó Judáskiro Iro, na sys lačhó Devléske, i Devél les muliakirdiá. I phendiá Juda Onanoske: “Zadžá ke tyré-pšaleskiri romný, le la paloróm syr diévirjo (salo), i čhuv pale, tyré-pšaleskiro ródo.” Onano džindiá, so ródo na javéla léske, i, paldavá, kiéli jov džálas ke léskire-pšaleskiri romný, to vyčhuvelas sal (siemjo) pe phuv, sob (kaj) te na del ródo léskire pšaléske.” Davá sys xolý angíl Raste-Devléste, pal dová so jov kerdiá; i Jov muliakirdiá i les. I phendiá Juda Famarjáke, péskire borjake: “Dživ pivliása (udovasa) dre tyré-dadéskiro kher, paka (angíl dová, syr) podbarjola miro čhavó Šelá.” Pal-dová so jov phendiá: “Te na merél i jov adiáke-pac', syr myné léskire pšála.” Famar' gijá i lyjá te dživél dre péskire-dadéskiro kher. Progijá (nakhcia) but časo, i myjá Šuoskiri čhaj, Judaskiri romný. Juda štylyi, gijá dre Famna ke manúš, savó občhinela výlna pe léskire bakrende, kokoró i léskiro drúgo (mal) Xira, Odolamitianino. I phendlé Famarjake: “Ĥáda, tyró sastro džála dre Famna, te občhinel výlna pe péskire kheritkoné murdalénde (bakrende).” I zlyjá joj péstyr pivliakiro (udovakiro) uribén, učhakirdiá pes cergicasa, i začhakirdiape, besciá pašýl Jenaimoskiri pórta (vráty), so sys pe drom dre Famna. Paldavá so joj dykhciá, so Šelá vybarija, i joj na sys dyný léske dre romniáte. I dykhciá la Juda, i gindia la pal biladžakuné džuvliáte, pal-dová so joj učhakirdiá péskiro muj. Jov podgíia ke joi, i phendiá: “Te zadžav me ke tu.” Pal-dová so jov na džindiá, so joj sys léskiri bori. Joj phendiá: “So tu désa mánge, kóli zadžasa ke me?” Jov phendiá: “Me bičhaváva túke buznores (kozljonkos) stadatyr.” Joj phendiá: “Ci désa tu mánge symadý (zalogo), paka bičhavesa?” Jov phendiá: “Saví symadý te dav túke?” Joj phendiá: “Tyrí angrusty čergonorjasa (piečatka), i tyrí kustýk, i tyró destó (trost'), savó isyn dro tyró vast.” I dyjá jov láke, i zagijá ke joi; i joj iaciá pharí léstyr. I, uštyjá, i gijá joi, zlyjá péstyr cergica, i uridiape dre péskire-pivliakiri (udovakiri) ídia. E Juda bičhadiá buznores (kozljonkos) pir péskire maleste Odolamitianinoste, sob (kaj) te lel symadý (zalogo) džuvliakire vasténdyr, ne jov na lathiá la. I phuciá odolé štetoskire manušéndyr: “Kaj isyn biladžakuny džuvlý, saví sys dro Jenaimo pašýl drom?” Ne jone phendlé: “Adái, na sys biladžakuny džuvlý.” I risijá jov ke Juda, i phendiá: “Me na lathjom la; i manušá dolé štetoskire phendlé: “Adái, na sys biladžakuny džuvlý.” Juda phendiá: “Mek joj te lel len péske, sob (kaj) manušá te na len te sanpe améndyr; ĥáda, me bičhadjom dales buznores; ne tu na lathian la.” Progijá (nakhcia) pašýl trin čhoná, i phendlé Judáske: “Famar', tyrí bori, zagijá dro bléndo, i ĥáda, joj isyn peraly blendostyr.” Juda phendiá: “Vylydžan la, i mek joj te javél shačkirdy.” Ne kiéli lydžiné la, joj bičhadiá te phenén lákire sastreske: “Me jacjom peraly odoléstyr, koneskire isyn dalé priedmiety.” I phendiá: “Phenén te džinén, konéskiri daja antrusty černorjasa (piečatka), i kustýk i destó (trost').” Juda pridžindia priedmiety, i phendiá: “Joj isyn čačunedyr mándyr, pal-dová so me na dyjom la Šelaske, miré čhavéske.” I jov na džinelas la butýr. I kiéli jej bijanelas, to jaciá džindló, so blizniaty (dujore) sys dre lákiri ločoví (utroba). I kiéli joj bijanelas, to sykadyjá vast, i lyjá phuri, saví babinelas, i priphandia léske pe vast loló thav, phendiá: “Adavá vygijá angledýr.” Ne jov riskirdiá péskiro vast; i ĥáda, vygijá léskiro pšal. I joj phendiá: “Syr tu skedyjan péske zor te vydžas? I dynó léske lav: Fariéso. Paló davá vygijá léskiro pšal lolé thavinasa pe vast. I dynó léske lav: Zara [Zarah-ju.o.].

සවන් දෙන්න Džiibén 38