<div class="version vid244 iso6393djr" data-vid="244" data-iso6393="djr">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s1">Djesuy gan mar&#331;giku&#331;al lakara&#331;al rom ganarrthanhaminyawuy</div><div class="s2">Jesus taught about divorce</div><div class="sr"> Mathuyu 19.1-12</div><div class="r">(M&#228;k 10.1-12)</div><div class="p"> 1Ga be&#331;uryiny dhurrwara&#331;ur &#331;ayi Djesuy ganarrtha&#331;ala &#331;unhiyiny w&#228;&#331;a Galaliny,#19.1 Galilee bala &#331;ayi marrtjinan Djudiyalila#19.1 Judea makarrlil w&#228;&#331;alil, ga bu&#7695;apthurr &#331;ayi Djodangu#19.1 Jordan maya&#331;'ku. 2Ga dharrwan marrtjin &#331;unhi yol&#331;uny walal &#7739;u&#331;'thurr nhanukal, bala &#331;ayi gan &#331;unhi &#7695;ukmara&#331;ala rerrimirrinhany yol&#331;uny walalany.</div><div class="p"> 3Ga walal &#331;unhi Baratjiny#19.3 Pharisees mala yol&#331;u'-yul&#331;u marrtjindhi nhanukal Djesuwal, bala walal &#331;anya gan dh&#228;-birrka'yurra, yan nhakun gan mayali'-g&#228;&#331;al &#331;anya, ga bitjarr walal &#331;anya &#331;unhi dh&#228;-birrka'yurrnydja gam', &#8220;Way, nhaltjan ga &#331;unhi romdhuny limurru&#331;gal lakaram? Muka dhunupa &#331;unhi yol&#331;uw &#331;ayi dhu ganan nhan&#331;uwuy &#331;ayi miyalknha, bala yan djuy'yunna &#331;anya?&#8221;</div><div class="p"> 4Bala &#331;ayiny Djesuny buku-bakmara&#331;al bitjarra, &#8220;Muka yaka yan nhuma dhuwal mar&#331;giny &#331;unhi &#331;ayi God-Wa&#331;arryu &#331;urru&#331;uny &#331;ama&#331;amayurr &#7695;irramuny ga miyalknha &#331;unhalnydja &#331;unhi &#331;urruyirr'yunamirriynydja waluy? 5Ga dhiyakun &#331;unhi m&#228;rrwuny &#331;ayi dhu &#331;unhi &#7695;irramuynydja ganarrthaman nhan&#331;uwuy &#331;ayi &#331;&#228;&#7753;&#7695;i'mirri&#331;unhany ga b&#228;pa'mirri&#331;unhany, bala ma&#7753;&#7695;a dhu wa&#331;gany-manapanmirra miyalknha nhan&#331;u. Ga &#331;unhi &#331;ayi &#331;uli m&#228;rramany miyalknhany &#331;unhiny ma&#7753;&#7695;a b&#228;y&#331;un buluny barrkuwatj wa&#331;ganynha ma&#7753;&#7695;a rumbal. 6Ga b&#228;y&#331;un dhu &#331;unhi &#331;ula yolthuny yol&#331;uy ma&#7753;&#7695;any buluny nhakun barrkuwatjkum, bili God-Wa&#331;arryun &#331;unhi &#331;ayipin wa&#331;gany-manaparnydja ma&#7753;&#7695;any.&#8221;</div><div class="p"> 7Ga walalnydja bulu &#331;anya Djesuny dh&#228;-birrka'yurr bitjarr, &#8220;Nhaku &#331;ayi &#331;unhi Mawtjitjthu#19.7 Moses rom-rulwa&#331;dhurr bitjarrnydja gam', Manymak warray &#331;ayi dhu &#331;unhi dhuway'mirri&#331;uy miyalknhany nhan&#331;uwuy &#331;ayi djuy'yun, yurr &#331;ayi dhu &#331;urru&#331;uny djorra' &#331;athil wukirri bala go&#331;-gurrupanna nhanukal bala yan djuy'yunna &#331;anya.&#8221;</div><div class="p"> 8Ga &#331;ayiny Djesuny buku-bakmara&#331;al walala&#331; bitjarr, &#8220;&#330;unhiny &#331;ayiny Mawtjitjthuny bitjarryi nhumala&#331; rom rulwa&#331;dhurr, bili nhumany dhuwaliyi &#331;aya&#331;u-wu&#7753;&#7695;a&#331;arrmirr, Yurr be&#331;ur bili yan &#331;urruyirr'yuna&#331;ur &#331;unhi &#331;ayi God-Wa&#331;arryu dhuwal munathany' w&#228;&#331;any &#331;ama&#331;amayurr, b&#228;y&#331;un nhanukal gan &#331;unhi g&#228;na&#331;'maranhamirrnydja rom &#331;orran &#331;aya&#331;u&#331;ur. 9Ga dhuwandja &#331;arra nhumala&#331; dhu dhuwanna lakaramany gam', &#330;uli &#331;ayi dhu miyalkthu nhokal yaka dj&#228;ma &#331;ula nh&#228; marramba', nheny &#7695;irramuynydja yakayi &#331;anya ganarrthul, m&#228;rr yanbi nheny dhu &#331;unha wiripunhan miyalknha m&#228;rram, &#331;unhiyiny nhe ga bitjandhiny marramban' dj&#228;ma. Yurr &#331;unhi &#331;ayi dhu nhokal miyalkthu yuwalktja marramba' dj&#228;ma, nheny &#331;anya dhu &#331;unhi &#7695;irramuynydja ganarrthaman, bala yan wiripu&#331;unhan miyalknha m&#228;rram, &#331;unhiyiny nhe yakan marramba' dj&#228;ma.&#8221;</div><div class="p"> 10Ga walalnydja &#331;unhi malthunamirrnydja mala nhan&#331;u bitjarra wa&#331;an gam', &#8220;Nh&#228; dhuwal &#7695;&#228;lnydja rom way. Mak manymaktja ma&#7753;&#7695;a dhu miyalk ga &#7695;irramu yakan yan m&#228;rranhamirr.&#8221;</div><div class="p"> 11Ga &#331;ayiny Djesuny buku-bakmara&#331;al walala&#331; bitjarr, &#8220;Yaka nhumala&#331; dhuwal bukmakkuny manymak nhinanharaw &#7739;uniwnydja. Ga balanyayi bili yan miyalkkuny, &#331;uli &#331;ayi dhu ganan nhan&#331;uwuy &#331;ayi dhuway'mirri&#331;unhany ga m&#228;rram &#331;ayi dhu &#331;unha wiripunhan &#7695;irramuny, &#331;unhiyiny &#331;ayi ga marramban' dj&#228;ma. Yurr manymaktja dhuwal nhakun &#331;urikiwurru&#331;gun bili yan yol&#331;u'-yul&#331;uw &#331;unhi &#331;ayi God-Wa&#331;arryu &#331;ayipi gurrupar walala&#331; mundhurr, &#7739;uniwnydja nhakun nhinanharaw. 12Yo! Wiripuwurrnydja dhu ga &#331;unhi yol&#331;u walal nhina &#7739;unin yan, bili walala&#331; &#331;unhi rumbalnydja be&#331;ur bili yan &#331;unhi walal dhawal-guya&#331;an, yakan nhakun manymak m&#228;rranhaminyaraw. Ga wiripuny walal gan &#331;unha wiripuwurruy yol&#331;u'-yul&#331;uy mi&#7695;ikumar rumbal, bala gan &#331;unhi &#331;uri&#331;iyin mala&#331;uy gumurr-&#7695;&#228;lku&#331;al walala&#331; m&#228;rranhaminyarawnydja. Ga wiripuny &#331;ayi dhu ga &#331;unhi &#7695;irramu nhina &#7739;unin yan, bili &#331;ayi dhu ga &#331;unhi &#7739;ay-&#7739;ayyundja &#331;uri&#331;iyin bili yan, God-Wa&#331;arrwala djiwarr'puyyun romdhu. Yo, &#331;uli &#331;ayi ga dhuwal dh&#228;ruk wa&#331;a nhu&#331;uny, nheny dhu yanan dj&#228;mamirriyaman dhuwal dh&#228;ruktja. Ga balanya.&#8221;</div><div class="s1">Djesu gumurr-&#331;amathin djamarrku&#7739;iw'</div><div class="s2">Jesus blessed the children</div><div class="sr"> Mathuyu 19.13-15</div><div class="r">(M&#228;k 10.13-16; Luk 18.15-17)</div><div class="p"> 13Ga be&#331;uryiny walal yol&#331;u'-yul&#331;uy g&#228;&#331;a'-ga&#331;al djamarrku&#7739;i'nhan mala nhanukal Djesuwal, m&#228;rr &#331;ayi dhu ga walala&#331;gal go&#331;-&#331;al'yunna ga bukumirriyaman walala&#331;. Ga walalnydja bay &#331;unhi malthunamirriynydja mala nhanukal &#331;a&#331;'&#331;a&#331;'thurra walalany &#7695;&#228;lyun dh&#228;rukthuny. 14Ga &#331;ayiny &#331;unhi Djesuynydja nh&#228;&#331;al, bala yan &#331;ayi ma&#7695;akarritjthinan, bala &#331;ayi wa&#331;an &#331;urikiyiny malthunamirriwnydja mala nhanukala&#331;aw bitjarrnha, &#8220;Go, manymak walal dhu marrtji &#331;arrakal, yaka walalany gulmara&#331;. Bili God-Wa&#331;arrwuny &#331;unhi rom balanyarawnha nhakun dhiyakurru&#331;gun gay'yi djamarrku&#7739;iw'nha.&#8221; 15Bala &#331;ayi Djesuny marrtjin go&#331;-&#331;al'yurra walala&#331;gal. Bala yan &#331;ayi marrtjinan.</div><div class="s1">&#7694;&#228;lnha dhuwal &#7739;ukunydjawny'tja yol&#331;uw malthunaraw Djesuwnydja</div><div class="s2">It is very hard for a rich man to follow Jesus</div><div class="sr"> Mathuyu 19.16-30</div><div class="r">(M&#228;k 10.17-31; Luk 18.18-30)</div><div class="p"> 16Manymak ga &#7695;irramu &#331;unhiliyi bunan Djesuw, yurr &#331;ayi &#331;unhi &#7739;ukunydja', bala &#331;ayi &#331;anya dh&#228;-birrka'yurra bitjarra, &#8220;Mar&#331;gikunhamirr nh&#228; dhika &#331;arra dhu &#331;ula manymaktja dj&#228;ma m&#228;rr &#331;arra dhu wal&#331;a-wiyin&#331;umirrnydja m&#228;rram?&#8221;</div><div class="p"> 17Ga &#331;ayiny Djesuny wa&#331;an nhan&#331;u balany bitjarra, &#8220;Nhaku bili nhe ga dhuwal &#331;arranhany dh&#228;-birrka'yun manymakpuynydja? B&#228;y&#331;un dhuwal &#331;ula yol yol&#331;u manymak; &#331;ayipin yan dhuwal God-Wa&#331;arrnha manymaktja. Ga &#331;uli nhe dj&#228;l nhe dhu m&#228;rram wal&#331;a wiyin&#331;umirr, nheny &#331;athil dhu ga &#331;unhi dh&#228;ruk-nhirrpanminyawuynydja rom nhan&#331;u &#331;ayathaman ba&#7791;-bitjanna.&#8221;</div><div class="p"> 18Ga &#331;ayiny &#331;unhi &#7695;irramuny wa&#331;an bitjarr, &#8220;Nh&#228;thinya bili dhikayiny rom mala?&#8221; Ga &#331;ayiny Djesuny buku-bakmara&#331;al nhan&#331;u bitjarr, &#8220;Dhuwal mala &#331;unhi romdja gam', Yaka bu&#331;u yol&#331;uny murrkay'ku&#331;, ga yaka marramba'yi ga yaka mana&#331;i, ga yaka ny&#228;&#7739;yurr lakara&#331;. 19M&#228;rr-&#331;al'yurr gi yan &#331;&#228;&#7753;&#7695;i'mirri&#331;uwnydja nhokala&#331;aw ga b&#228;pa'mirri&#331;uwnydja, ga m&#228;rryuny gi &#7695;apmara&#331; nhu&#331;uwuy nhe miyalknhany. Ga m&#228;rr-&#331;amathin gi wiripuwurru&#331;guny yol&#331;uw biyak nhakun nhe &#331;uli ga &#331;unhi nhu&#331;uwuynha nhe m&#228;rr-&#331;amathirr.&#8221;</div><div class="p"> 20Bala &#331;ayiny &#331;unhiyiny &#7695;irramuny wa&#331;an bitjarrnha, &#8220;Way Garray dhuwaliyiny &#331;unhi rom mala &#331;arra gan &#331;ayatha&#331;al be&#331;ur bili, &#331;unhi &#331;arrany yothu yan muka,&#8221; ga bitjarr &#331;ayiny.</div><div class="p"> 21Ga &#331;ayiny Djesuny wa&#331;an nhan&#331;u bitjarra, &#8220;&#330;uli nhe yuwalktja dj&#228;l manymakkunharawnydja yan nhinanharaw, nheny marrtjin bala &#331;ula nh&#228;ny mala girriny' mala nhu&#331;uwuy nhe djalimnha ga rrupiyany nhe dhu gurrupan nhu&#331;uwuy nhe &#331;unha &#331;urruwuykmirriwnha yol&#331;uw walala&#331;. Bala &#331;ayiny dhu God-Wa&#331;arryuny nhu&#331;uny gurrupan nh&#228; mala bulun dhika manymaknha &#331;unha&#331;uwuynha djiwarr'puynha. Gatjuy marrtjin, ga dj&#228;many nhe dhu bitjandhiyin, bala ro&#331;iyiny, bala malthurra &#331;arrakun.&#8221;</div><div class="p"> 22Ga &#331;unhi &#331;ayi &#331;uri&#331;iyi yol&#331;uy &#331;&#228;kulnydja bala yan &#331;ayi mirithinan dhika &#331;urru-yupthurrnydja, bili &#331;ayi &#331;unhi &#7739;ukunydja' mirithirr.</div><div class="p"> 23Bala yan &#331;ayi Djesuny bilyurrnydja, bala &#331;ayi wa&#331;anan nhanukala&#331;aw malthunamirriwnydja mala bitjarra, &#8220;&#7694;&#228;l dhuwal &#7739;ukunydjawny'tja yol&#331;uw gul&#331;iyinyaraw &#331;unhawalnydja &#331;unhi God-Wa&#331;arrwalnydja Romlil.&#8221;</div><div class="p"> 24Bala walalnydja &#331;unhi malthunamirriynydja mala nhanukal &#331;&#228;kulnydja &#7753;irr'yurra dh&#228;ruktja &#331;anya Djesunhany. Ga bulu &#331;ayi Djesu wa&#331;an walala&#331;gal bitjarr, &#8220;Djamarrku&#7739;i' &#331;arraku, yuwalk dhuwal yul&#331;uny &#7695;&#228;l yan g&#228;rrinyaraw God-Wa&#331;arrwalnydja Romlil. &#330;ula muka nhuma &#331;uli gamu&#7739;nhany#19.24 camel nh&#228;ma, &#331;ayi &#331;uli b&#228;piwalnydja &#331;ar&#331;ga'lil g&#228;rri, wo b&#228;y&#331;u? Ga bulun gal'&#331;u &#331;unhi mirithirra gumurr-&#7695;&#228;lnha &#7739;ukunydjawny'tja yol&#331;uw gul&#331;iyinyaraw &#331;unhawalnydja &#331;unhi God-Wa&#331;arrwalnydja Romlil.&#8221;</div><div class="p"> 25Ga walalnydja &#331;unhi malthunamirriynydja mala nhanukal &#331;&#228;kulnydja ganyim'thurra yan mirithinan, bala walal gan wa&#331;anhaminan bitjanminan, &#8220;Yolnha dhika dhu ga wal&#331;any nhina?&#8221;</div><div class="p"> 26Bala &#331;ayiny Djesuynydja dhunupan yan nh&#228;&#331;ala walalany ga wa&#331;anany &#331;ayi bitjarra, &#8220;Yol&#331;uynydja dhu &#331;unhi b&#228;y&#331;un bitjandhiyi dj&#228;ma. Yurr &#331;ayiny dhu &#331;unhi God-Wa&#331;arryuny dj&#228;man bala yan.&#8221;</div><div class="p"> 27Ga &#331;ayiny Betany#19.27 Peter wa&#331;an buku-bakmara&#331;al bitjarr, &#8220;Garray napurrnydja &#331;unhi ganarrtha&#331;al nh&#228; mala &#331;anapurru&#331;guwuynydja napurr bukmak yan, bala napurr &#331;unhi nhu&#331;un malthurr. Ga nh&#228;n napurrnydja dhu m&#228;rram?&#8221;</div><div class="p"> 28Bala &#331;ayi Djesuny wa&#331;an walala&#331; bitjarra, &#8220;Yo yuwalk muka nhuma &#331;unhi bitjarryiny dj&#228;ma, bala yan nhuma gan &#331;unhi &#331;arrakun malthurrnydja. Ga yalala&#331;umirriynha &#331;unhalnydja bala yu&#7791;a&#331;urnydja w&#228;&#331;a&#331;ur, &#331;arrany dhu gi &#331;unhi &#331;urru&#331;un nhini bu&#331;gawan, &#331;urikiyiny &#331;unhi dje&#331;arra'mirriwnydja romgu. Ga dhuwanna &#331;arra nhumala&#331; ga lakaraman yul&#331;uny. Nhumany dhu bo&#331;gu&#331; &#331;arrakuny malthunamirr walal gi nhini &#331;arrakalnha gali'&#331;urnydja, &#331;urru&#331;uyin nhuma dhu, ga &#331;urru&#331;uyiny nhuma dhu bo&#331;gu&#331; &#331;unhi mala-djarr'yunarawnha wa&#331;ga'-wa&#331;ganygun yan barrkuwatjkun malawnydja Yitjuralpuy&#331;uwnydja yol&#331;u'-yul&#331;uw. 29-30&#330;uli &#331;ayi dhu &#331;unhi &#331;ula yolthu yol&#331;uy ganandja nhan&#331;uwuy &#331;ayi w&#228;&#331;anhany, ga miyalknhany, ga djamarrku&#7739;iny' ga yapa'mirri&#331;uny walalany ga w&#228;wa'mirri&#331;uny mala, ga b&#228;pa'mirri&#331;uny ga &#331;&#228;&#7753;&#7695;i'mirri&#331;uny, bala &#331;ayi dhu malthundja &#331;arrakun, nhan&#331;uny dhu &#331;urikiyiny yol&#331;uw God-Wa&#331;arryuny gurrupan dhiya&#331;uny bala dhiyalnydja munatha'&#331;urnydja w&#228;&#331;a&#331;ur, dharrwan dhika mirithirra bulun ga dju&#7739;kmaram, &#331;ula nh&#228; malany &#331;unhi manymak mirithirr. Yo, ga wiripuny walal dhu &#331;unhi m&#228;rra&#331; wal&#331;a-wiyin&#331;umirra. Ga &#331;unhiwurrnydja &#331;unhi nhuma dhiya&#331; bala ga &#331;urru&#331;u nhina, ga yalala&#331;umirriynydja nhuma dhu gi &#331;unhi nhini &#331;unhalnydja bala dhurputjnha. Ga dharrwa dhuwal mirithirr yol&#331;u'-yul&#331;u &#331;unhi nhuma ga dhiya&#331; bala nhina dhurputj, yurr yalala&#331;umirriy nhumany dhu gi &#331;urru&#331;un nhini.&#8221;</div>
 </div>
 </div>
</div>

Djambarrpuyŋu New Testament © Bible Society Australia, 2008.

Ga beŋuryiny dhurrwaraŋur ŋayi Djesuy ganarrthaŋala ŋunhiyiny wäŋa Galaliny, bala ŋayi marrtjinan Djudiyalila makarrlil wäŋalil, ga buḏapthurr ŋayi Djodangu mayaŋ'ku. Ga dharrwan marrtjin ŋunhi yolŋuny walal ḻuŋ'thurr nhanukal, bala ŋayi gan ŋunhi ḏukmaraŋala rerrimirrinhany yolŋuny walalany.
Ga walal ŋunhi Baratjiny mala yolŋu'-yulŋu marrtjindhi nhanukal Djesuwal, bala walal ŋanya gan dhä-birrka'yurra, yan nhakun gan mayali'-gäŋal ŋanya, ga bitjarr walal ŋanya ŋunhi dhä-birrka'yurrnydja gam', “Way, nhaltjan ga ŋunhi romdhuny limurruŋgal lakaram? Muka dhunupa ŋunhi yolŋuw ŋayi dhu ganan nhanŋuwuy ŋayi miyalknha, bala yan djuy'yunna ŋanya?”
Bala ŋayiny Djesuny buku-bakmaraŋal bitjarra, “Muka yaka yan nhuma dhuwal marŋginy ŋunhi ŋayi God-Waŋarryu ŋurruŋuny ŋamaŋamayurr ḏirramuny ga miyalknha ŋunhalnydja ŋunhi ŋurruyirr'yunamirriynydja waluy? Ga dhiyakun ŋunhi märrwuny ŋayi dhu ŋunhi ḏirramuynydja ganarrthaman nhanŋuwuy ŋayi ŋäṉḏi'mirriŋunhany ga bäpa'mirriŋunhany, bala maṉḏa dhu waŋgany-manapanmirra miyalknha nhanŋu. Ga ŋunhi ŋayi ŋuli märramany miyalknhany ŋunhiny maṉḏa bäyŋun buluny barrkuwatj waŋganynha maṉḏa rumbal. Ga bäyŋun dhu ŋunhi ŋula yolthuny yolŋuy maṉḏany buluny nhakun barrkuwatjkum, bili God-Waŋarryun ŋunhi ŋayipin waŋgany-manaparnydja maṉḏany.”
Ga walalnydja bulu ŋanya Djesuny dhä-birrka'yurr bitjarr, “Nhaku ŋayi ŋunhi Mawtjitjthu rom-rulwaŋdhurr bitjarrnydja gam', Manymak warray ŋayi dhu ŋunhi dhuway'mirriŋuy miyalknhany nhanŋuwuy ŋayi djuy'yun, yurr ŋayi dhu ŋurruŋuny djorra' ŋathil wukirri bala goŋ-gurrupanna nhanukal bala yan djuy'yunna ŋanya.”
Ga ŋayiny Djesuny buku-bakmaraŋal walalaŋ bitjarr, “Ŋunhiny ŋayiny Mawtjitjthuny bitjarryi nhumalaŋ rom rulwaŋdhurr, bili nhumany dhuwaliyi ŋayaŋu-wuṉḏaŋarrmirr, Yurr beŋur bili yan ŋurruyirr'yunaŋur ŋunhi ŋayi God-Waŋarryu dhuwal munathany' wäŋany ŋamaŋamayurr, bäyŋun nhanukal gan ŋunhi gänaŋ'maranhamirrnydja rom ŋorran ŋayaŋuŋur. Ga dhuwandja ŋarra nhumalaŋ dhu dhuwanna lakaramany gam', Ŋuli ŋayi dhu miyalkthu nhokal yaka djäma ŋula nhä marramba', nheny ḏirramuynydja yakayi ŋanya ganarrthul, märr yanbi nheny dhu ŋunha wiripunhan miyalknha märram, ŋunhiyiny nhe ga bitjandhiny marramban' djäma. Yurr ŋunhi ŋayi dhu nhokal miyalkthu yuwalktja marramba' djäma, nheny ŋanya dhu ŋunhi ḏirramuynydja ganarrthaman, bala yan wiripuŋunhan miyalknha märram, ŋunhiyiny nhe yakan marramba' djäma.”
Ga walalnydja ŋunhi malthunamirrnydja mala nhanŋu bitjarra waŋan gam', “Nhä dhuwal ḏälnydja rom way. Mak manymaktja maṉḏa dhu miyalk ga ḏirramu yakan yan märranhamirr.”
Ga ŋayiny Djesuny buku-bakmaraŋal walalaŋ bitjarr, “Yaka nhumalaŋ dhuwal bukmakkuny manymak nhinanharaw ḻuniwnydja. Ga balanyayi bili yan miyalkkuny, ŋuli ŋayi dhu ganan nhanŋuwuy ŋayi dhuway'mirriŋunhany ga märram ŋayi dhu ŋunha wiripunhan ḏirramuny, ŋunhiyiny ŋayi ga marramban' djäma. Yurr manymaktja dhuwal nhakun ŋurikiwurruŋgun bili yan yolŋu'-yulŋuw ŋunhi ŋayi God-Waŋarryu ŋayipi gurrupar walalaŋ mundhurr, ḻuniwnydja nhakun nhinanharaw. Yo! Wiripuwurrnydja dhu ga ŋunhi yolŋu walal nhina ḻunin yan, bili walalaŋ ŋunhi rumbalnydja beŋur bili yan ŋunhi walal dhawal-guyaŋan, yakan nhakun manymak märranhaminyaraw. Ga wiripuny walal gan ŋunha wiripuwurruy yolŋu'-yulŋuy miḏikumar rumbal, bala gan ŋunhi ŋuriŋiyin malaŋuy gumurr-ḏälkuŋal walalaŋ märranhaminyarawnydja. Ga wiripuny ŋayi dhu ga ŋunhi ḏirramu nhina ḻunin yan, bili ŋayi dhu ga ŋunhi ḻay-ḻayyundja ŋuriŋiyin bili yan, God-Waŋarrwala djiwarr'puyyun romdhu. Yo, ŋuli ŋayi ga dhuwal dhäruk waŋa nhuŋuny, nheny dhu yanan djämamirriyaman dhuwal dhäruktja. Ga balanya.”




Ga beŋuryiny walal yolŋu'-yulŋuy gäŋa'-gaŋal djamarrkuḻi'nhan mala nhanukal Djesuwal, märr ŋayi dhu ga walalaŋgal goŋ-ŋal'yunna ga bukumirriyaman walalaŋ. Ga walalnydja bay ŋunhi malthunamirriynydja mala nhanukal ŋaŋ'ŋaŋ'thurra walalany ḏälyun dhärukthuny. Ga ŋayiny ŋunhi Djesuynydja nhäŋal, bala yan ŋayi maḏakarritjthinan, bala ŋayi waŋan ŋurikiyiny malthunamirriwnydja mala nhanukalaŋaw bitjarrnha, “Go, manymak walal dhu marrtji ŋarrakal, yaka walalany gulmaraŋ. Bili God-Waŋarrwuny ŋunhi rom balanyarawnha nhakun dhiyakurruŋgun gay'yi djamarrkuḻiw'nha.” Bala ŋayi Djesuny marrtjin goŋ-ŋal'yurra walalaŋgal. Bala yan ŋayi marrtjinan.




Manymak ga ḏirramu ŋunhiliyi bunan Djesuw, yurr ŋayi ŋunhi ḻukunydja', bala ŋayi ŋanya dhä-birrka'yurra bitjarra, “Marŋgikunhamirr nhä dhika ŋarra dhu ŋula manymaktja djäma märr ŋarra dhu walŋa-wiyinŋumirrnydja märram?”
Ga ŋayiny Djesuny waŋan nhanŋu balany bitjarra, “Nhaku bili nhe ga dhuwal ŋarranhany dhä-birrka'yun manymakpuynydja? Bäyŋun dhuwal ŋula yol yolŋu manymak; ŋayipin yan dhuwal God-Waŋarrnha manymaktja. Ga ŋuli nhe djäl nhe dhu märram walŋa wiyinŋumirr, nheny ŋathil dhu ga ŋunhi dhäruk-nhirrpanminyawuynydja rom nhanŋu ŋayathaman baṯ-bitjanna.”
Ga ŋayiny ŋunhi ḏirramuny waŋan bitjarr, “Nhäthinya bili dhikayiny rom mala?” Ga ŋayiny Djesuny buku-bakmaraŋal nhanŋu bitjarr, “Dhuwal mala ŋunhi romdja gam', Yaka buŋu yolŋuny murrkay'kuŋ, ga yaka marramba'yi ga yaka manaŋi, ga yaka nyäḻyurr lakaraŋ. Märr-ŋal'yurr gi yan ŋäṉḏi'mirriŋuwnydja nhokalaŋaw ga bäpa'mirriŋuwnydja, ga märryuny gi ḏapmaraŋ nhuŋuwuy nhe miyalknhany. Ga märr-ŋamathin gi wiripuwurruŋguny yolŋuw biyak nhakun nhe ŋuli ga ŋunhi nhuŋuwuynha nhe märr-ŋamathirr.”
Bala ŋayiny ŋunhiyiny ḏirramuny waŋan bitjarrnha, “Way Garray dhuwaliyiny ŋunhi rom mala ŋarra gan ŋayathaŋal beŋur bili, ŋunhi ŋarrany yothu yan muka,” ga bitjarr ŋayiny.
Ga ŋayiny Djesuny waŋan nhanŋu bitjarra, “Ŋuli nhe yuwalktja djäl manymakkunharawnydja yan nhinanharaw, nheny marrtjin bala ŋula nhäny mala girriny' mala nhuŋuwuy nhe djalimnha ga rrupiyany nhe dhu gurrupan nhuŋuwuy nhe ŋunha ŋurruwuykmirriwnha yolŋuw walalaŋ. Bala ŋayiny dhu God-Waŋarryuny nhuŋuny gurrupan nhä mala bulun dhika manymaknha ŋunhaŋuwuynha djiwarr'puynha. Gatjuy marrtjin, ga djämany nhe dhu bitjandhiyin, bala roŋiyiny, bala malthurra ŋarrakun.”
Ga ŋunhi ŋayi ŋuriŋiyi yolŋuy ŋäkulnydja bala yan ŋayi mirithinan dhika ŋurru-yupthurrnydja, bili ŋayi ŋunhi ḻukunydja' mirithirr.
Bala yan ŋayi Djesuny bilyurrnydja, bala ŋayi waŋanan nhanukalaŋaw malthunamirriwnydja mala bitjarra, “Ḏäl dhuwal ḻukunydjawny'tja yolŋuw gulŋiyinyaraw ŋunhawalnydja ŋunhi God-Waŋarrwalnydja Romlil.”
Bala walalnydja ŋunhi malthunamirriynydja mala nhanukal ŋäkulnydja ṉirr'yurra dhäruktja ŋanya Djesunhany. Ga bulu ŋayi Djesu waŋan walalaŋgal bitjarr, “Djamarrkuḻi' ŋarraku, yuwalk dhuwal yulŋuny ḏäl yan gärrinyaraw God-Waŋarrwalnydja Romlil. Ŋula muka nhuma ŋuli gamuḻnhany nhäma, ŋayi ŋuli bäpiwalnydja ŋarŋga'lil gärri, wo bäyŋu? Ga bulun gal'ŋu ŋunhi mirithirra gumurr-ḏälnha ḻukunydjawny'tja yolŋuw gulŋiyinyaraw ŋunhawalnydja ŋunhi God-Waŋarrwalnydja Romlil.”
Ga walalnydja ŋunhi malthunamirriynydja mala nhanukal ŋäkulnydja ganyim'thurra yan mirithinan, bala walal gan waŋanhaminan bitjanminan, “Yolnha dhika dhu ga walŋany nhina?”
Bala ŋayiny Djesuynydja dhunupan yan nhäŋala walalany ga waŋanany ŋayi bitjarra, “Yolŋuynydja dhu ŋunhi bäyŋun bitjandhiyi djäma. Yurr ŋayiny dhu ŋunhi God-Waŋarryuny djäman bala yan.”
Ga ŋayiny Betany waŋan buku-bakmaraŋal bitjarr, “Garray napurrnydja ŋunhi ganarrthaŋal nhä mala ŋanapurruŋguwuynydja napurr bukmak yan, bala napurr ŋunhi nhuŋun malthurr. Ga nhän napurrnydja dhu märram?”
Bala ŋayi Djesuny waŋan walalaŋ bitjarra, “Yo yuwalk muka nhuma ŋunhi bitjarryiny djäma, bala yan nhuma gan ŋunhi ŋarrakun malthurrnydja. Ga yalalaŋumirriynha ŋunhalnydja bala yuṯaŋurnydja wäŋaŋur, ŋarrany dhu gi ŋunhi ŋurruŋun nhini buŋgawan, ŋurikiyiny ŋunhi djeŋarra'mirriwnydja romgu. Ga dhuwanna ŋarra nhumalaŋ ga lakaraman yulŋuny. Nhumany dhu boŋguŋ ŋarrakuny malthunamirr walal gi nhini ŋarrakalnha gali'ŋurnydja, ŋurruŋuyin nhuma dhu, ga ŋurruŋuyiny nhuma dhu boŋguŋ ŋunhi mala-djarr'yunarawnha waŋga'-waŋganygun yan barrkuwatjkun malawnydja Yitjuralpuyŋuwnydja yolŋu'-yulŋuw. Ŋuli ŋayi dhu ŋunhi ŋula yolthu yolŋuy ganandja nhanŋuwuy ŋayi wäŋanhany, ga miyalknhany, ga djamarrkuḻiny' ga yapa'mirriŋuny walalany ga wäwa'mirriŋuny mala, ga bäpa'mirriŋuny ga ŋäṉḏi'mirriŋuny, bala ŋayi dhu malthundja ŋarrakun, nhanŋuny dhu ŋurikiyiny yolŋuw God-Waŋarryuny gurrupan dhiyaŋuny bala dhiyalnydja munatha'ŋurnydja wäŋaŋur, dharrwan dhika mirithirra bulun ga djuḻkmaram, ŋula nhä malany ŋunhi manymak mirithirr. Yo, ga wiripuny walal dhu ŋunhi märraŋ walŋa-wiyinŋumirra. Ga ŋunhiwurrnydja ŋunhi nhuma dhiyaŋ bala ga ŋurruŋu nhina, ga yalalaŋumirriynydja nhuma dhu gi ŋunhi nhini ŋunhalnydja bala dhurputjnha. Ga dharrwa dhuwal mirithirr yolŋu'-yulŋu ŋunhi nhuma ga dhiyaŋ bala nhina dhurputj, yurr yalalaŋumirriy nhumany dhu gi ŋurruŋun nhini.”

සවන් දෙන්න Mathuyu 19