<div class="version vid2373 iso6393zaj" data-vid="2373" data-iso6393="zaj">
 <div class="book bkGEN">
 <div class="chapter ch30" data-usfm="GEN.30">
 <div class="label">30</div><div class="p"> 1Laheli viyonile kamba hanamulelela wana Yakobo, kamonela migongo lumbu jake, na kumulongela Yakobo. &#8220;Nigwelele wana, kamba si hivo, nodanganhika!&#8221;</div><div class="p"> 2Yakobo kamonela lusango Laheli, kamulongela, &#8220;Nie iyo Mulungu, yakutendile gweye uwebule wana?&#8221;</div><div class="p"> 3Laheli kamulongela, &#8220;Msole nyakadala wangu Bilha, uwase nayo yanilelele wana. Kubitila heyo na nie vivija nowa mama.&#8221; 4Avo Laheli kamgwelela Yakobo Bilha nyakadala wake yawe mtwanzi wake, na heyo kawasa nayo. 5Na Bilha kapata inda na kumulelela Yakobo mwana mbigalo. 6Abaho Laheli kalonga, &#8220;Mulungu kalamula na kunyonela nie bazi, kazihulika nhambiko zangu na kunigwelela nie mwana mbigalo.&#8221; Avo kamkema twaga jake Dani.#30:6 Mkieblania Dani nhegulo yake kalamula. 7Bilha nyakadala wa Laheli kapata inda kabili na kamulelela Yakobo mwana mbigalo wa ikabili. 8Abaho Laheli kalonga, &#8220;Nigomba ng'hani na lumbu jangu, mbaka nihuma.&#8221; Avo kamgwaa twaga dikemigwa Naftali.#30:8 Mkieblania Naftali nhegulo yake kugomba.</div><div class="p"> 9Lea viyonile kamba kema kulela, kamsola Zilpa nyakadala wake na kumgwelela Yakobo yawe mtwanzi wake. 10Zilpa nyakadala wa Lea kamulelela Yakobo mwana mbigalo. 11Abaho, Lea kalonga, &#8220;Mhata mhome.&#8221; Avo kamkema twaga jake Gadi.#30:11 Mkieblania Gadi nhegulo yake mhome ama ngekewa. 12Zilpa nyakadala wa Lea kamulelela Yakobo mwana mbigalo wa ikabili. 13Lea kalonga, &#8220;Nodeng'ha ng'hani, watwanzi wong'hema nie ndeng'ha.&#8221; Avo kamkema twaga jake Asheli.#30:13 Mkieblania Asheli nhegulo yake deng'ho.</div><div class="p"> 14Kipigiti cha kuhuna ngano, Lubeni kachola kumgunda na kubawa dudai,#30:14Mkieblania Dudai iyo dawa ya kumtenda mtwanzi kupata inda. kamgalila mamaake Lea. Laheli kamulongela Lea, &#8220;Ngwelela dudai kidogo za mwanago.&#8221;</div><div class="p"> 15Ila Lea kamulongela, &#8220;Kokwagiza mbuli ndodo kunisolela mbigalo wangu? Sambi kolonda kusola dudai za mwanangu.&#8221;</div><div class="p">Laheli kalonga, &#8220;Kamba uhanigwelela dudai za mwanago, ikilo ya lelo Yakobo kowasa na gweye.&#8221;</div><div class="p"> 16Avo ichungulo ija Yakobo viyabwelile kulawa kumgunda, Lea kalawa kachola kum'bokela abaho kamulongela, &#8220;Kolondigwa wize kuwasa na nie ikilo ya lelo, kwavija nikulihila dudai za mwanangu.&#8221; Avo ikilo ija kawasa na Lea.</div><div class="p"> 17Mulungu kahulika nhambiko ya Lea, na Lea kapata inda na kamulelela Yakobo mwana mbigalo wa tano. 18Lea kalonga, &#8220;Mulungu kanigwelela nhunza kwavija nimgwelela mbigalo wangu nyakadala wangu.&#8221; Avo Lea kamgwelela imwana twaga dikemigwa Isakali.#30:18 Mkieblania Isakali nhegulo yake nhunza. 19Lea kapata inda kabili na kamulelela Yakobo mwana mbigalo wa sita. 20Abaho Lea kalonga, &#8220;Mulungu kanigwelela nhunza inogile. Sambi mbigalo wangu konihishimila, kwavija nimulelela mwana mbigalo wa sita.&#8221; Avo kamgwelela twaga dikemigwa Zabuloni.#30:20 Mkieblania Zabuloni nhegulo yake hishima. 21Abaho kamulela mwana mtwanzi, na kamkema twaga jake Dina.</div><div class="p"> 22Abaho Mulungu kamgelegeza Laheli, kazihulika nhambiko zake na kuifungula inda yake. 23Laheli kapata inda na kalela mwana mbigalo, na kulonga, &#8220;Mulungu kanisegezela kinyala changu.&#8221; 24Kamgwelela twaga dikemigwa Usufu,#30:24 Mkieblania Usufu nhegulo yake kodaha kongeza. na kulonga, &#8220;MNDEWA kanigwelela mwana iyagwe mbigalo.&#8221;</div><div class="s1">Yakobo na Labani</div><div class="p"> 25Laheli viyamulelile Usufu, Yakobo kamulongela Labani, &#8220;Nileke nibwele ukae muisi yangu mwenyego. 26Nigwelele watwanzi zangu na wanangu iniwapatile mkukusang'hanikila, nichole nao, kuvitanga vinikusang'hanikile ng'hani.&#8221;</div><div class="p"> 27Labani kamulongela, &#8220;Nitegeleze, nie nilagula na kuvitanga kamba MNDEWA kanimoteza nie sama yako gweye. 28Longa kitumetume chako nikulihe.&#8221;</div><div class="p"> 29Yakobo kalonga, &#8220;Gweye mwenyego kuvitanga vija vinikusang'hanikile, na vija madale gako vugakalile hasi yangu. 30Kukala na mali kidogo kipigiti sinakwiza, ila sambi mali gako gongezeka ng'hani. MNDEWA kakumoteza gweye kubitila vinhu vose vinitendile nie. Ila sambi kicho kipigiti changu cha kutenda mbuli zangu mwenyego.&#8221;</div><div class="p"> 31Labani kamuuza, &#8220;Nikugwelele choni?&#8221;</div><div class="p">Yakobo kalonga, &#8220;Sambiunigwelele kinhu chochose, ila kamba uhanitendela nie mbuli ino, nogendelela kukuchungila madale ga ng'hondolo zako. 32Lelo leka nibite mmadale gako na kusegeza wana ng'hondolo wali na midewa ama minyela, wana menhe wali na midewa ama minyela, na wana ng'hondolo wose watitu. Unigwelele nie kamba kitumetume changu. 33Mazua ga hamwande kovitanga kamba nie nabule uzenzeleganye, ahaja vondawize kulola kitumetume changu chuunilihile. Kamba uhavika menhe yalibule minyela ama midewa ama kamba hana ng'hondolo yalibule utitu mdidale jangu basi hiyo kebigwa.&#8221;</div><div class="p"> 34Labani kalonga, &#8220;Vinoga, na iwe kamba vuulongile.&#8221; 35Avo zua didija Labani kawasegeza waja iwamenhe songolomi na mabogwa wali na minyela na midewa, na wose wali na uzelu na wana ng'hondolo wose wali watitu, na kuwagwelela wanage. 36Labani kachola mwanza wa mazua madatu kulawa hayakalile Yakobo, kipigiti Yakobo viyakalile yogendelela kuchunga ng'hondolo wa Labani wasigale.</div><div class="p"> 37Abaho Yakobo kasola mango mbisi kulawa mmibiki ya mulubuna, mulozi, na mwalamoni,#30:37 Mibiki ino ina uzelu mgati yake na udung'hu kunze. kaziyua na kutenda mindandu mzimango zija mkuziyua vigome vake na katenda uzelu ukalile mgati ya izimango woneke. 38Abaho kazisimika zija zimango ziyaziyuile kila hanhu ha kung'wela mazi ng'hondolo na menhe, giladi zoneke dimwe kwa dimwe haulongozi wa iwang'hondolo waheza kung'wa mazi, kipigiti ng'hondolo wahawa mkipigiti cha kukweligwa. 39Na viwaikwelile haulongozi wa zija izimango, walela wana wali na minhongo mizelu, minyela, na midewa.</div><div class="p"> 40Yakobo kawabagula waja iwana ng'hondolo kulawa mdidale da Labani, ila mkipigiti cha kukweligwa kawatenda ng'hondolo wasigale wawalole ng'hondolo wa Labani awo wakalile watitu na wali na minhongo. Vino vivo Yakobo viyatendile dale jake jongezeke.</div><div class="p"> 41Kipigiti wang'onyo walibule nyondenyonde viwavikile kipigiti cha kukweligwa, Yakobo kazika zija zimango kila hanhu ha kung'wela mazi haulongozi wa iwang'onyo, giladi waikwele haulongozi wa izimango. 42Ila kamba waja iwang'onyo wakala nyondenyonde, kazisegeza zija izimango haja. Avo wang'onyo wali nyondenyonde wakala wa Labani, na waja walibule nyondenyonde wakala wa Yakobo. 43Mkilamso kino Yakobo keza kuwa mgoli ng'hani. Kakala na madale makulu ga ng'hondolo, na menhe, nyakadala, ngamia, na mhunda.</div>
 </div>
 </div>
</div>

Zaramo Bible Translation Project: © 2023 Pioneer Bible Translators
New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Laheli viyonile kamba hanamulelela wana Yakobo, kamonela migongo lumbu jake, na kumulongela Yakobo. “Nigwelele wana, kamba si hivo, nodanganhika!”
Yakobo kamonela lusango Laheli, kamulongela, “Nie iyo Mulungu, yakutendile gweye uwebule wana?”
Laheli kamulongela, “Msole nyakadala wangu Bilha, uwase nayo yanilelele wana. Kubitila heyo na nie vivija nowa mama.” Avo Laheli kamgwelela Yakobo Bilha nyakadala wake yawe mtwanzi wake, na heyo kawasa nayo. Na Bilha kapata inda na kumulelela Yakobo mwana mbigalo. Abaho Laheli kalonga, “Mulungu kalamula na kunyonela nie bazi, kazihulika nhambiko zangu na kunigwelela nie mwana mbigalo.” Avo kamkema twaga jake Dani. Bilha nyakadala wa Laheli kapata inda kabili na kamulelela Yakobo mwana mbigalo wa ikabili. Abaho Laheli kalonga, “Nigomba ng'hani na lumbu jangu, mbaka nihuma.” Avo kamgwaa twaga dikemigwa Naftali.
Lea viyonile kamba kema kulela, kamsola Zilpa nyakadala wake na kumgwelela Yakobo yawe mtwanzi wake. Zilpa nyakadala wa Lea kamulelela Yakobo mwana mbigalo. Abaho, Lea kalonga, “Mhata mhome.” Avo kamkema twaga jake Gadi. Zilpa nyakadala wa Lea kamulelela Yakobo mwana mbigalo wa ikabili. Lea kalonga, “Nodeng'ha ng'hani, watwanzi wong'hema nie ndeng'ha.” Avo kamkema twaga jake Asheli.
Kipigiti cha kuhuna ngano, Lubeni kachola kumgunda na kubawa dudai, kamgalila mamaake Lea. Laheli kamulongela Lea, “Ngwelela dudai kidogo za mwanago.”
Ila Lea kamulongela, “Kokwagiza mbuli ndodo kunisolela mbigalo wangu? Sambi kolonda kusola dudai za mwanangu.”
Laheli kalonga, “Kamba uhanigwelela dudai za mwanago, ikilo ya lelo Yakobo kowasa na gweye.”
Avo ichungulo ija Yakobo viyabwelile kulawa kumgunda, Lea kalawa kachola kum'bokela abaho kamulongela, “Kolondigwa wize kuwasa na nie ikilo ya lelo, kwavija nikulihila dudai za mwanangu.” Avo ikilo ija kawasa na Lea.
Mulungu kahulika nhambiko ya Lea, na Lea kapata inda na kamulelela Yakobo mwana mbigalo wa tano. Lea kalonga, “Mulungu kanigwelela nhunza kwavija nimgwelela mbigalo wangu nyakadala wangu.” Avo Lea kamgwelela imwana twaga dikemigwa Isakali. Lea kapata inda kabili na kamulelela Yakobo mwana mbigalo wa sita. Abaho Lea kalonga, “Mulungu kanigwelela nhunza inogile. Sambi mbigalo wangu konihishimila, kwavija nimulelela mwana mbigalo wa sita.” Avo kamgwelela twaga dikemigwa Zabuloni. Abaho kamulela mwana mtwanzi, na kamkema twaga jake Dina.
Abaho Mulungu kamgelegeza Laheli, kazihulika nhambiko zake na kuifungula inda yake. Laheli kapata inda na kalela mwana mbigalo, na kulonga, “Mulungu kanisegezela kinyala changu.” Kamgwelela twaga dikemigwa Usufu, na kulonga, “MNDEWA kanigwelela mwana iyagwe mbigalo.”

Laheli viyamulelile Usufu, Yakobo kamulongela Labani, “Nileke nibwele ukae muisi yangu mwenyego. Nigwelele watwanzi zangu na wanangu iniwapatile mkukusang'hanikila, nichole nao, kuvitanga vinikusang'hanikile ng'hani.”
Labani kamulongela, “Nitegeleze, nie nilagula na kuvitanga kamba MNDEWA kanimoteza nie sama yako gweye. Longa kitumetume chako nikulihe.”
Yakobo kalonga, “Gweye mwenyego kuvitanga vija vinikusang'hanikile, na vija madale gako vugakalile hasi yangu. Kukala na mali kidogo kipigiti sinakwiza, ila sambi mali gako gongezeka ng'hani. MNDEWA kakumoteza gweye kubitila vinhu vose vinitendile nie. Ila sambi kicho kipigiti changu cha kutenda mbuli zangu mwenyego.”
Labani kamuuza, “Nikugwelele choni?”
Yakobo kalonga, “Sambiunigwelele kinhu chochose, ila kamba uhanitendela nie mbuli ino, nogendelela kukuchungila madale ga ng'hondolo zako. Lelo leka nibite mmadale gako na kusegeza wana ng'hondolo wali na midewa ama minyela, wana menhe wali na midewa ama minyela, na wana ng'hondolo wose watitu. Unigwelele nie kamba kitumetume changu. Mazua ga hamwande kovitanga kamba nie nabule uzenzeleganye, ahaja vondawize kulola kitumetume changu chuunilihile. Kamba uhavika menhe yalibule minyela ama midewa ama kamba hana ng'hondolo yalibule utitu mdidale jangu basi hiyo kebigwa.”
Labani kalonga, “Vinoga, na iwe kamba vuulongile.” Avo zua didija Labani kawasegeza waja iwamenhe songolomi na mabogwa wali na minyela na midewa, na wose wali na uzelu na wana ng'hondolo wose wali watitu, na kuwagwelela wanage. Labani kachola mwanza wa mazua madatu kulawa hayakalile Yakobo, kipigiti Yakobo viyakalile yogendelela kuchunga ng'hondolo wa Labani wasigale.
Abaho Yakobo kasola mango mbisi kulawa mmibiki ya mulubuna, mulozi, na mwalamoni, kaziyua na kutenda mindandu mzimango zija mkuziyua vigome vake na katenda uzelu ukalile mgati ya izimango woneke. Abaho kazisimika zija zimango ziyaziyuile kila hanhu ha kung'wela mazi ng'hondolo na menhe, giladi zoneke dimwe kwa dimwe haulongozi wa iwang'hondolo waheza kung'wa mazi, kipigiti ng'hondolo wahawa mkipigiti cha kukweligwa. Na viwaikwelile haulongozi wa zija izimango, walela wana wali na minhongo mizelu, minyela, na midewa.
Yakobo kawabagula waja iwana ng'hondolo kulawa mdidale da Labani, ila mkipigiti cha kukweligwa kawatenda ng'hondolo wasigale wawalole ng'hondolo wa Labani awo wakalile watitu na wali na minhongo. Vino vivo Yakobo viyatendile dale jake jongezeke.
Kipigiti wang'onyo walibule nyondenyonde viwavikile kipigiti cha kukweligwa, Yakobo kazika zija zimango kila hanhu ha kung'wela mazi haulongozi wa iwang'onyo, giladi waikwele haulongozi wa izimango. Ila kamba waja iwang'onyo wakala nyondenyonde, kazisegeza zija izimango haja. Avo wang'onyo wali nyondenyonde wakala wa Labani, na waja walibule nyondenyonde wakala wa Yakobo. Mkilamso kino Yakobo keza kuwa mgoli ng'hani. Kakala na madale makulu ga ng'hondolo, na menhe, nyakadala, ngamia, na mhunda.

සවන් දෙන්න MWANDUSO 30