<div class="version vid2302 iso6393slm" data-vid="2302" data-iso6393="slm">
   <div class="book bkREV">
      <div class="chapter ch22" data-usfm="REV.22">
         <div class="label">22</div><div class="p"><span class="content">  </span><span class="verse v1" data-usfm="REV.22.1"><span class="label">1</span><span class="content">Sakali itu pindaan aku bohe' uk malaikat, bohe' makabuwan kalluman kakkal. Bohe' ian sawa kalandu' ngaliyud min paningkoan Tuhan maka Bili-bili, </span></span><span class="verse v2" data-usfm="REV.22.2"><span class="label">2</span><span class="content">labay min tangnga' dadd&#333;k iya ma diy&#333;m daira hi'. Ma karuwambiya' sowang ian niya' kayu, iya kayu makabuwan kallum. Kayu ian magbuwa' min sangpu' ka duwa ma diy&#333;m dantahun. Min tadda min tadda ma diy&#333;m dambulan muwan na peen buwa', bo' dawun na ian tapanguli' saki ma kabangsa-bangsahan. </span></span><span class="verse v3" data-usfm="REV.22.3"><span class="label">3</span><span class="content">'Nsa' niya' na mulka' Tuhan patakka ma diy&#333;m daira ian.</span></span></div><div class="p"><span class="verse v3" data-usfm="REV.22.3"><span class="content">Ian in paningkoan Tuhan maka Bili-bili ma diy&#333;m daira ian, bo' piyudji du iya uk manga sosohoan na. </span></span><span class="verse v4" data-usfm="REV.22.4"><span class="label">4</span><span class="content">Tanda' uk sigam pamayihuan na maka siyulatan &#333;n na ma tuktuk sigam. </span></span><span class="verse v5" data-usfm="REV.22.5"><span class="label">5</span><span class="content">'Nsa' niya' sang&#333;m na ma hi' maka 'nsa' sigam magkagunahan palitaan atawa sawa 'llaw sabab Panghu' sigam Tuhan iya masawa sigam. Maka sigam du iya ngantanan parinta sampay ni kasaumulan.</span></span></div><div class="s"><span class="heading">Kapaitu si Isa pabayik</span></div><div class="p"><span class="verse v5" data-usfm="REV.22.5"><span class="content">  </span></span><span class="verse v6" data-usfm="REV.22.6"><span class="label">6</span><span class="content">Manjari missala malaikat ian ni aku, uk na, &#8220;Iya lapal kabtangan bayi tasulat nu iyu bannal sadja, kapangand&#333;lan t&#333;&#333;d. Sabab in Panghu' tabi Tuhan, iya magpasang&#333;n Nyawa na ma kanabi-nabihan, bayi noho' malaikat na paitu matauhan ni manga sosohoan na pasal pakaradjaan song na pitakka.&#8221;</span></span></div><div class="p"><span class="verse v6" data-usfm="REV.22.6"><span class="content">  </span></span><span class="verse v7" data-usfm="REV.22.7"><span class="label">7</span><span class="content">&#8220;Pake kaam,&#8221; uk si Isa, &#8220;Sik&#333;t na waktu in aku paiyu. Mehe du kak&#333;gan sasuku magkahagad ma kabtangan bayi talapal ma diy&#333;m sulat iyu.&#8221;</span></span></div><div class="p"><span class="verse v7" data-usfm="REV.22.7"><span class="content">  </span></span><span class="verse v8" data-usfm="REV.22.8"><span class="label">8</span><span class="content">Na, aku itu si Yahiya. Bayi take ku maka tanda' ku manga pakaradjaan tasulat itu kamemon. Ubus peen uk ku kine maka nganda', magtuwi aku bayi pasujud ma al&#333;pan malaikat, iya bayi mandaan aku ayi-ayi hi'. Arak aku mudji iya, </span></span><span class="verse v9" data-usfm="REV.22.9"><span class="label">9</span><span class="content">suga' uk malaikat hi' ni aku, &#8220;Daa kau mudji aku sabab pagkahi kita sosohoan Tuhan. Pagkahi isab manga kanabi-nabihan iya dawuranakan nu ian, maka sasuku magkahagad ma lapal sulat itu. Subay Tuhan dakayo'-kayo' iya pudji ta.&#8221; </span></span><span class="verse v10" data-usfm="REV.22.10"><span class="label">10</span><span class="content">Uk na isab ni aku, &#8220;Daa limbuhan lapal bayi pamalman ma diy&#333;m sulat itu sabab sik&#333;t na waktu pamatakka pakaradjaan na kamemon. </span></span><span class="verse v11" data-usfm="REV.22.11"><span class="label">11</span><span class="content">Sayi-sayi ngahinang kalaatan maka kasabulan, gam peen pasong na peen kalaatan na maka kasabulan na ma sosongun. Damikkiyan na isab sayi-sayi bayi ngahinang hap subay pasangdan na maghinang hap. Maka sayi-sayi isab sutsi pangatayan na subay pasangdan na nutsi.&#8221;</span></span></div><div class="p"><span class="verse v11" data-usfm="REV.22.11"><span class="content">  </span></span><span class="verse v12" data-usfm="REV.22.12"><span class="label">12</span><span class="content">&#8220;Pake kaam,&#8221; uk si Isa. &#8220;Sik&#333;t na waktu in aku paiyu. Bo ku du tungbas panungbas ku aa kamemon pakaniya-kaniya, ayi-ayi kat&#333;ng&#333;ran hinang na. </span></span><span class="verse v13" data-usfm="REV.22.13"><span class="label">13</span><span class="content">Aku iya awwal maka ahil, aku iya tagnaan maka katapusan.&#8221;</span></span></div><div class="p"><span class="verse v13" data-usfm="REV.22.13"><span class="content">  </span></span><span class="verse v14" data-usfm="REV.22.14"><span class="label">14</span><span class="content">Mehe du kak&#333;gan na sasuku nutsi pamakay na min tamak kamemon, hati na nutsi pangatayan na, sabab kabuwanan sigam kapatut mangan buwa' min kayu makabuwan kallum hi' maka kapatut isab palabay min manga lawang pas&#333;ran ni diy&#333;m daira hi'. </span></span><span class="verse v15" data-usfm="REV.22.15"><span class="label">15</span><span class="content">Suga' ian ma luwasan daira manga aa maghinang kalammian na peen, manga aa magpantak, manga aa maghinang kasabulan danda maka lalla, manga aa magpapatay pagkahi na manusiya', manga aa magpanumba ni saddi min Tuhan maka manga aa magpangakkal maka magputing.</span></span></div><div class="p"><span class="verse v15" data-usfm="REV.22.15"><span class="content">  </span></span><span class="verse v16" data-usfm="REV.22.16"><span class="label">16</span><span class="content">&#8220;Aku itu si Isa. Bayi soho' ku malaikat ku paiyu ni kaam manga pagtipunan jamaa ku bo' kaam pitau uk na pasal manga pakaradjaan itu. Aku itu tubu' sultan Daud. Aku itu iy&#333;nan Maga, bituun sahaya.&#8221;</span></span></div><div class="p"><span class="verse v16" data-usfm="REV.22.16"><span class="content">  </span></span><span class="verse v17" data-usfm="REV.22.17"><span class="label">17</span><span class="content">Sakali halling Nyawa Tuhan maka manga aa iya pigbahasa pangantin danda. Uk sigam, &#8220;Paitu kau.&#8221; Sasuku makake bissala itu subay me' ma halling itu, &#8220;Paitu kau.&#8221;</span></span></div><div class="p"><span class="verse v17" data-usfm="REV.22.17"><span class="content">Paitu kaam, sasuku kaam tiyohoan kallong. Nginum kaam bohe' makabuwan kallum itu. Pangahilas ko' itu ni sayi-sayi baya' minsan 'nsa' niya' bayad na.</span></span></div><div class="s"><span class="heading">Bissala katapusan</span></div><div class="p"><span class="verse v17" data-usfm="REV.22.17"><span class="content">  </span></span><span class="verse v18" data-usfm="REV.22.18"><span class="label">18</span><span class="content">Aku itu si Yahiya. Bandaan ta kaam, sasuku kaam makake lapal bayi tapalatun ma diy&#333;m sulat itu, bang niya' ganta' makann&#333;p ayi-ayi 'nsa' bayi tapalatun ma diy&#333;m sulat itu, pikann&#333;pan du iya uk Tuhan manga bala' bayi tasabbut ma diy&#333;m na itu. </span></span><span class="verse v19" data-usfm="REV.22.19"><span class="label">19</span><span class="content">Damikkiyan na, sayi-sayi ngulangan kabtangan min diy&#333;m sulat itu kiyulangan isab uk Tuhan palsukuan na iya bissala ma diy&#333;m sulat itu. 'Nsa' iya kabuwanan buwa' min kayu iya makabuwan kallum. 'Nsa' iya pis&#333;d ni diy&#333;m Daira Sutsi.</span></span></div><div class="p"><span class="verse v19" data-usfm="REV.22.19"><span class="content">  </span></span><span class="verse v20" data-usfm="REV.22.20"><span class="label">20</span><span class="content">Na, iya na itu pamissala uk aa naksi' ma manga pakaradjaan bayi pibukis ma sulat itu, uk na, &#8220;Tantu. Sik&#333;t na waktu in aku paiyu.&#8221;</span></span></div><div class="p"><span class="verse v20" data-usfm="REV.22.20"><span class="content">Na, bang peen kau paitu Panghu' Isa.</span></span></div><div class="p"><span class="verse v20" data-usfm="REV.22.20"><span class="content">  </span></span><span class="verse v21" data-usfm="REV.22.21"><span class="label">21</span><span class="content">Mura-murahan bang peen kaam kamemon piniyaan tatabangan uk si Panghu' Isa.</span></span></div><div class="pmr"><span class="verse v21" data-usfm="REV.22.21"><span class="content">Wassalam</span></span></div>
      </div>
   </div>
</div>

Sakali itu pindaan aku bohe' uk malaikat, bohe' makabuwan kalluman kakkal. Bohe' ian sawa kalandu' ngaliyud min paningkoan Tuhan maka Bili-bili, labay min tangnga' daddōk iya ma diyōm daira hi'. Ma karuwambiya' sowang ian niya' kayu, iya kayu makabuwan kallum. Kayu ian magbuwa' min sangpu' ka duwa ma diyōm dantahun. Min tadda min tadda ma diyōm dambulan muwan na peen buwa', bo' dawun na ian tapanguli' saki ma kabangsa-bangsahan. 'Nsa' niya' na mulka' Tuhan patakka ma diyōm daira ian.
Ian in paningkoan Tuhan maka Bili-bili ma diyōm daira ian, bo' piyudji du iya uk manga sosohoan na. Tanda' uk sigam pamayihuan na maka siyulatan ōn na ma tuktuk sigam. 'Nsa' niya' sangōm na ma hi' maka 'nsa' sigam magkagunahan palitaan atawa sawa 'llaw sabab Panghu' sigam Tuhan iya masawa sigam. Maka sigam du iya ngantanan parinta sampay ni kasaumulan.

Manjari missala malaikat ian ni aku, uk na, “Iya lapal kabtangan bayi tasulat nu iyu bannal sadja, kapangandōlan tōōd. Sabab in Panghu' tabi Tuhan, iya magpasangōn Nyawa na ma kanabi-nabihan, bayi noho' malaikat na paitu matauhan ni manga sosohoan na pasal pakaradjaan song na pitakka.”
“Pake kaam,” uk si Isa, “Sikōt na waktu in aku paiyu. Mehe du kakōgan sasuku magkahagad ma kabtangan bayi talapal ma diyōm sulat iyu.”
Na, aku itu si Yahiya. Bayi take ku maka tanda' ku manga pakaradjaan tasulat itu kamemon. Ubus peen uk ku kine maka nganda', magtuwi aku bayi pasujud ma alōpan malaikat, iya bayi mandaan aku ayi-ayi hi'. Arak aku mudji iya, suga' uk malaikat hi' ni aku, “Daa kau mudji aku sabab pagkahi kita sosohoan Tuhan. Pagkahi isab manga kanabi-nabihan iya dawuranakan nu ian, maka sasuku magkahagad ma lapal sulat itu. Subay Tuhan dakayo'-kayo' iya pudji ta.” Uk na isab ni aku, “Daa limbuhan lapal bayi pamalman ma diyōm sulat itu sabab sikōt na waktu pamatakka pakaradjaan na kamemon. Sayi-sayi ngahinang kalaatan maka kasabulan, gam peen pasong na peen kalaatan na maka kasabulan na ma sosongun. Damikkiyan na isab sayi-sayi bayi ngahinang hap subay pasangdan na maghinang hap. Maka sayi-sayi isab sutsi pangatayan na subay pasangdan na nutsi.”
“Pake kaam,” uk si Isa. “Sikōt na waktu in aku paiyu. Bo ku du tungbas panungbas ku aa kamemon pakaniya-kaniya, ayi-ayi katōngōran hinang na. Aku iya awwal maka ahil, aku iya tagnaan maka katapusan.”
Mehe du kakōgan na sasuku nutsi pamakay na min tamak kamemon, hati na nutsi pangatayan na, sabab kabuwanan sigam kapatut mangan buwa' min kayu makabuwan kallum hi' maka kapatut isab palabay min manga lawang pasōran ni diyōm daira hi'. Suga' ian ma luwasan daira manga aa maghinang kalammian na peen, manga aa magpantak, manga aa maghinang kasabulan danda maka lalla, manga aa magpapatay pagkahi na manusiya', manga aa magpanumba ni saddi min Tuhan maka manga aa magpangakkal maka magputing.
“Aku itu si Isa. Bayi soho' ku malaikat ku paiyu ni kaam manga pagtipunan jamaa ku bo' kaam pitau uk na pasal manga pakaradjaan itu. Aku itu tubu' sultan Daud. Aku itu iyōnan Maga, bituun sahaya.”
Sakali halling Nyawa Tuhan maka manga aa iya pigbahasa pangantin danda. Uk sigam, “Paitu kau.” Sasuku makake bissala itu subay me' ma halling itu, “Paitu kau.”
Paitu kaam, sasuku kaam tiyohoan kallong. Nginum kaam bohe' makabuwan kallum itu. Pangahilas ko' itu ni sayi-sayi baya' minsan 'nsa' niya' bayad na.

Aku itu si Yahiya. Bandaan ta kaam, sasuku kaam makake lapal bayi tapalatun ma diyōm sulat itu, bang niya' ganta' makannōp ayi-ayi 'nsa' bayi tapalatun ma diyōm sulat itu, pikannōpan du iya uk Tuhan manga bala' bayi tasabbut ma diyōm na itu. Damikkiyan na, sayi-sayi ngulangan kabtangan min diyōm sulat itu kiyulangan isab uk Tuhan palsukuan na iya bissala ma diyōm sulat itu. 'Nsa' iya kabuwanan buwa' min kayu iya makabuwan kallum. 'Nsa' iya pisōd ni diyōm Daira Sutsi.
Na, iya na itu pamissala uk aa naksi' ma manga pakaradjaan bayi pibukis ma sulat itu, uk na, “Tantu. Sikōt na waktu in aku paiyu.”
Na, bang peen kau paitu Panghu' Isa.
Mura-murahan bang peen kaam kamemon piniyaan tatabangan uk si Panghu' Isa.
Wassalam

සවන් දෙන්න Pamabukisan 22