<div class="version vid2302 iso6393slm" data-vid="2302" data-iso6393="slm">
   <div class="book bkREV">
      <div class="chapter ch10" data-usfm="REV.10">
         <div class="label">10</div><div class="s"><span class="heading">Malaikat maka gulungan katas diki'</span></div><div class="p"><span class="content">  </span><span class="verse v1" data-usfm="REV.10.1"><span class="label">1</span><span class="content">Manjari niya' isab dakayo' malaikat k&#333;s&#333;g tanda' ku paruwai min sulga' tudju ni dunya, paputus ma gabun. Niya' tambangaw palengkong min diyata' kok na, bo' bayihu' na magsinag sali' mata 'llaw. Iya dagb&#333;s nayi' na ian sali' hag diy&#333;k&#333;tan. </span></span><span class="verse v2" data-usfm="REV.10.2"><span class="label">2</span><span class="content">Niya' 'ntanan na gulungan katas diki' bayi taballat. Nayi' na ni katau bayi pitappak ni diyata' tahik, bo' nayi' na ni kayi pitappak ni diyata' de. </span></span><span class="verse v3" data-usfm="REV.10.3"><span class="label">3</span><span class="content">Sakali ngalingan pak&#333;s&#333;g malaikat itu, sali' halling manga halimaw iya k&#333;s&#333;g na. Paglingan na itu, na, siyambag iya uk pitu' lagg&#333;n ngalagublub. </span></span><span class="verse v4" data-usfm="REV.10.4"><span class="label">4</span><span class="content">Paglagublub na itu, arak sulat ku bayi lapal lagg&#333;n hi' suga' niya' take ku suwara min diy&#333;m sulga' nagang aku. Uk na, &#8220;Daa sulatun iya paghalling uk pitu' lagg&#333;n iyu. Paddamun le'.&#8221;</span></span></div><div class="p"><span class="verse v4" data-usfm="REV.10.4"><span class="content">  </span></span><span class="verse v5" data-usfm="REV.10.5"><span class="label">5</span><span class="content">Manjari in malaikat bayi tanda' ku ian nangge ma tahik maka ma diyata' dehan bayi nongan tangan na ma katau tudju ni langit </span></span><span class="verse v6" data-usfm="REV.10.6"><span class="label">6</span><span class="content">maka uk na napa. Iya panapahan na &#333;n Tuhan iya asal 'llum saumul-umul, iya bayi magpamanjari langit maka kakaya'-kayaan na sampay dunya itu de maka deyawut maka kakaya'-kayaan na isab. Iya uk sapa na, &#8220;Pilanjal na, 'nsa' na pitanggu. </span></span><span class="verse v7" data-usfm="REV.10.7"><span class="label">7</span><span class="content">Bang pihalling tiyup-tiyup na uk malaikat kapitu' na,&#8221; uk na, &#8220;magtuwi tahinang uk Tuhan iya bayi kagaraan na, iya 'nsa' bayi tatau uk mahadjana' kamemon, suga' bayi pamatau na ni kanabi-nabihan sadja, iya sosohoan na.&#8221;</span></span></div><div class="p"><span class="verse v7" data-usfm="REV.10.7"><span class="content">  </span></span><span class="verse v8" data-usfm="REV.10.8"><span class="label">8</span><span class="content">Puwas hi' missala ni aku pabayik iya suwara bayi take ku halling min diy&#333;m sulga'. Uk na, &#8220;Pahi' kau kalloun katas paballat ian min tangan malaikat iya nangge ma tahik sampay ma diyata' dehan ian.&#8221;</span></span></div><div class="p"><span class="verse v8" data-usfm="REV.10.8"><span class="content">  </span></span><span class="verse v9" data-usfm="REV.10.9"><span class="label">9</span><span class="content">Na, pahi' aku ni malaikat ngamu' gulungan katas diki'. Uk na ni aku, &#8220;A, kalloun na. Kakanun. Pagnanam nu iyu mamis du ma diy&#333;m bo' nu, sali' gula' buwani, suga' kis&#333;m ma diy&#333;m batt&#333;ng nu.&#8221;</span></span></div><div class="p"><span class="verse v9" data-usfm="REV.10.9"><span class="content">  </span></span><span class="verse v10" data-usfm="REV.10.10"><span class="label">10</span><span class="content">Killo' na uk ku gulungan katas diki' min tangan malaikat ian bo' iyampa kiyakan uk ku. Pagkakan ku, magtuwi mamis sali' gula' buwani, suga' pagtall&#333;n ku kis&#333;m na diy&#333;m batt&#333;ng ku. </span></span><span class="verse v11" data-usfm="REV.10.11"><span class="label">11</span><span class="content">Manjari niya' missala ni aku, uk na, &#8220;Subay paluwas nu lapal Tuhan pabayik pasal iya song pitakka ni kabangsa-bangsahan, ni kapanubuan, ni bahasa kaginisan, sampay ni baanan kasultanan sigam.&#8221;</span></span></div>
      </div>
   </div>
</div>

Manjari niya' isab dakayo' malaikat kōsōg tanda' ku paruwai min sulga' tudju ni dunya, paputus ma gabun. Niya' tambangaw palengkong min diyata' kok na, bo' bayihu' na magsinag sali' mata 'llaw. Iya dagbōs nayi' na ian sali' hag diyōkōtan. Niya' 'ntanan na gulungan katas diki' bayi taballat. Nayi' na ni katau bayi pitappak ni diyata' tahik, bo' nayi' na ni kayi pitappak ni diyata' de. Sakali ngalingan pakōsōg malaikat itu, sali' halling manga halimaw iya kōsōg na. Paglingan na itu, na, siyambag iya uk pitu' laggōn ngalagublub. Paglagublub na itu, arak sulat ku bayi lapal laggōn hi' suga' niya' take ku suwara min diyōm sulga' nagang aku. Uk na, “Daa sulatun iya paghalling uk pitu' laggōn iyu. Paddamun le'.”
Manjari in malaikat bayi tanda' ku ian nangge ma tahik maka ma diyata' dehan bayi nongan tangan na ma katau tudju ni langit maka uk na napa. Iya panapahan na ōn Tuhan iya asal 'llum saumul-umul, iya bayi magpamanjari langit maka kakaya'-kayaan na sampay dunya itu de maka deyawut maka kakaya'-kayaan na isab. Iya uk sapa na, “Pilanjal na, 'nsa' na pitanggu. Bang pihalling tiyup-tiyup na uk malaikat kapitu' na,” uk na, “magtuwi tahinang uk Tuhan iya bayi kagaraan na, iya 'nsa' bayi tatau uk mahadjana' kamemon, suga' bayi pamatau na ni kanabi-nabihan sadja, iya sosohoan na.”
Puwas hi' missala ni aku pabayik iya suwara bayi take ku halling min diyōm sulga'. Uk na, “Pahi' kau kalloun katas paballat ian min tangan malaikat iya nangge ma tahik sampay ma diyata' dehan ian.”
Na, pahi' aku ni malaikat ngamu' gulungan katas diki'. Uk na ni aku, “A, kalloun na. Kakanun. Pagnanam nu iyu mamis du ma diyōm bo' nu, sali' gula' buwani, suga' kisōm ma diyōm battōng nu.”
Killo' na uk ku gulungan katas diki' min tangan malaikat ian bo' iyampa kiyakan uk ku. Pagkakan ku, magtuwi mamis sali' gula' buwani, suga' pagtallōn ku kisōm na diyōm battōng ku. Manjari niya' missala ni aku, uk na, “Subay paluwas nu lapal Tuhan pabayik pasal iya song pitakka ni kabangsa-bangsahan, ni kapanubuan, ni bahasa kaginisan, sampay ni baanan kasultanan sigam.”

සවන් දෙන්න Pamabukisan 10