<div class="version vid1961 iso6393tum" data-vid="1961" data-iso6393="tum">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Maronje</span></div><div class="ip"><span class="content">  </span><span class="bk"><span class="content">Uthenga Uweme wa Yesu Khristu umo wakalembera Yohane</span></span><span class="content"> ukurongora Yesu nga ndi Mazgu gha muyirayira gha Chiuta, mweneuyo &#8220;Wakazgoka munthu na kukhara mukati mwithu.&#8221; Nga ndi umo buku ilolene likuyowoyera, Uthenga Uweme uwu ukalembeka mwakuti awo &#373;aku&#373;azga &#373;agomezge kuti Yesu ndi Mtaski yura wa phangano, Mwana wa Chiuta, na kutiso na chipulikano chawo mwa iyo, &#373;a&#373;enge na umoyo (20.31).</span></div><div class="ip"><span class="content">Pamanyuma pa maronje agho ghakulinganizga Mazgu gha muyirayira gha Chiuta na Yesu, chiga&#373;a chakudanga cha Uthenga Uweme chikurongora minthondwe yakupambanapambana yeneiyo yikurongora kuti Yesu ndi Mtaski yura wa phangano, Mwana wa Chiuta. Ivi vikurondezgeka na vidumbirano ivyo vikwandula ivyo minthondwe yikuvumbula. Chiga&#373;a icho cha buku chikuphara na umo &#373;anthu &#373;anji &#373;akagomezgera mwa Yesu na kumurondezga, apo &#373;anthu &#373;anji &#373;akamususka na kukana kumugomezga. Mu vipaturo vya 13 mpaka 17 muli ndondomeko yitali iyo yikurongora za wenenawene wenecho pakati pa Yesu na &#373;asambiri &#373;akhe mu usiku uwo wakakorekera. Muliso mazgu ghakhe ghakuti &#373;a&#373;e &#373;akunozgeka ndipo na mazgu gha chikhwimisko pa zu&#373;a lakurondezgana na ilo wakapayikikira pa mphinjika. Vipaturo vya umaliro vikuyowoya za umo Yesu wakakorekera na kuyeruzgika, kupayikika kwakhe pa mphinjika na kuwuka kwakhe, ndiposo na kuwoneka kwakhe ku &#373;asambiri &#373;akhe, wakati wawuka ku &#373;akufwa.</span></div><div class="ip"><span class="content">Makani gha mwanakazi uyo wakakoreka mu ule&#373;e (8.1-11) ghali kujalirika chifukwa malembo ghanandi na agho ghakazgoreka pakudanga ghalije ku&#373;ikamo malembo agha, apo malembo ghanyakhe ghaku&#373;ikamo mu malo ghanji.</span></div><div class="ip"><span class="content">Yohane wakudidimizgapo chawanangwa cha umoyo wa muyirayira mwa Yesu. Chawanangwa ichi chikwamba sono ndipo chikwiza kwa awo &#373;akuzomera Yesu nga ndi nthowa, unenesko na umoyo. Icho chikuwoneka pakweru mu </span><span class="bk"><span class="content">Uthenga wa Yohane</span></span><span class="content"> ndi umo ukurongosorera vinthu vya uzimu kwizira mu vinthu vyakuwoneka nga ndi maji, chingwa, ungweru, muliska na mberere zakhe, ndiposo mpheska na vipambi vyakhe.</span></div><div class="iot"><span class="content">Ndondomeko ya vya mukati</span></div><div class="io1"><span class="content">Mazgu ghakwambilira </span><span class="ior"><span class="content">1.1-18</span><span class="content">  </span></span></div><div class="io1"><span class="content">Yohane Mubapatizi na &#373;asambiri &#373;akudanga &#373;a Yesu </span><span class="ior"><span class="content">1.19-51</span></span></div><div class="io1"><span class="content">Mlimo wa Yesu ku &#373;anthu wose </span><span class="ior"><span class="content">2.1&#8212;12.50</span><span class="content">  </span></span></div><div class="io1"><span class="content">Mazu&#373;a gha umaliro mu Yerusalemu na mu malo ghakuzingirizga Yerusalemu </span><span class="ior"><span class="content">13.1&#8212;19.42</span><span class="content">  </span></span></div><div class="io1"><span class="content">Kuwuka na kuwoneka kwa Fumu </span><span class="ior"><span class="content">20.1-31</span><span class="content">  </span></span></div><div class="io1"><span class="content">Mazgu ghakusazgikirako: kuwonekaso kwa Yesu mu Galileya </span><span class="ior"><span class="content">21.1-25</span><span class="content">  </span></span></div>
      </div>
   </div>
</div>

Maronje
Uthenga Uweme wa Yesu Khristu umo wakalembera Yohane ukurongora Yesu nga ndi Mazgu gha muyirayira gha Chiuta, mweneuyo “Wakazgoka munthu na kukhara mukati mwithu.” Nga ndi umo buku ilolene likuyowoyera, Uthenga Uweme uwu ukalembeka mwakuti awo ŵakuŵazga ŵagomezge kuti Yesu ndi Mtaski yura wa phangano, Mwana wa Chiuta, na kutiso na chipulikano chawo mwa iyo, ŵaŵenge na umoyo (20.31).
Pamanyuma pa maronje agho ghakulinganizga Mazgu gha muyirayira gha Chiuta na Yesu, chigaŵa chakudanga cha Uthenga Uweme chikurongora minthondwe yakupambanapambana yeneiyo yikurongora kuti Yesu ndi Mtaski yura wa phangano, Mwana wa Chiuta. Ivi vikurondezgeka na vidumbirano ivyo vikwandula ivyo minthondwe yikuvumbula. Chigaŵa icho cha buku chikuphara na umo ŵanthu ŵanji ŵakagomezgera mwa Yesu na kumurondezga, apo ŵanthu ŵanji ŵakamususka na kukana kumugomezga. Mu vipaturo vya 13 mpaka 17 muli ndondomeko yitali iyo yikurongora za wenenawene wenecho pakati pa Yesu na ŵasambiri ŵakhe mu usiku uwo wakakorekera. Muliso mazgu ghakhe ghakuti ŵaŵe ŵakunozgeka ndipo na mazgu gha chikhwimisko pa zuŵa lakurondezgana na ilo wakapayikikira pa mphinjika. Vipaturo vya umaliro vikuyowoya za umo Yesu wakakorekera na kuyeruzgika, kupayikika kwakhe pa mphinjika na kuwuka kwakhe, ndiposo na kuwoneka kwakhe ku ŵasambiri ŵakhe, wakati wawuka ku ŵakufwa.
Makani gha mwanakazi uyo wakakoreka mu uleŵe (8.1-11) ghali kujalirika chifukwa malembo ghanandi na agho ghakazgoreka pakudanga ghalije kuŵikamo malembo agha, apo malembo ghanyakhe ghakuŵikamo mu malo ghanji.
Yohane wakudidimizgapo chawanangwa cha umoyo wa muyirayira mwa Yesu. Chawanangwa ichi chikwamba sono ndipo chikwiza kwa awo ŵakuzomera Yesu nga ndi nthowa, unenesko na umoyo. Icho chikuwoneka pakweru mu Uthenga wa Yohane ndi umo ukurongosorera vinthu vya uzimu kwizira mu vinthu vyakuwoneka nga ndi maji, chingwa, ungweru, muliska na mberere zakhe, ndiposo mpheska na vipambi vyakhe.
Ndondomeko ya vya mukati
Mazgu ghakwambilira 1.1-18
Yohane Mubapatizi na ŵasambiri ŵakudanga ŵa Yesu 1.19-51
Mlimo wa Yesu ku ŵanthu wose 2.1—12.50
Mazuŵa gha umaliro mu Yerusalemu na mu malo ghakuzingirizga Yerusalemu 13.1—19.42
Kuwuka na kuwoneka kwa Fumu 20.1-31
Mazgu ghakusazgikirako: kuwonekaso kwa Yesu mu Galileya 21.1-25

සවන් දෙන්න Yohane Maronje