<div class="version vid1567 iso6393kxw" data-vid="1567" data-iso6393="kxw">
 <div class="book bkACT">
 <div class="chapter ch21" data-usfm="ACT.21">
 <div class="label">21</div><div class="s">Polha&#817; mosoleye sa Jerusalemko&#865;u i</div><div class="p"> 1Ei sa Efesus o kedia&#817; to&#865;u fogo&#865;u mo&#865;u, mosole foudu fologamo&#865;u yolugi, to&#817; tibi sa Kosbo&#865;u, to&#817; tibi sa ta Rodesbo&#865;u keleya ke&#817; titiamo&#865;u yolugi, sa Patarako&#865;u fologai. 2Sa kelege ei mosole ta, sa Fonisiako&#865;u ilamo&#865;u degeimo&#865;u duguomo&#865;u, ei mosole koko&#865;u fologamo&#865;u yolugi, 3to&#817; tibi sa Saiprus dobogo&#865;&#863;u fofo&#865;&#863;uko&#865;u dalamo&#865;u duguo fogo&#865;u yolugi, sa Siria duo kodu sa hiye Tairko&#865;u fologai. Yobe, dabai degedi o kedia&#817; mosole kodu bisai ke&#817;me kele talama dogogulo ile kaha&#817; degemo&#865;u. 4O kedia&#817; bisai tala dalaguamo&#865;u, ei ya, Yesuha&#817; dabai degedi o sasa&#817;i&#817; ilo kele duguomo&#865;u dia&#817;bo&#865;u de dalaguali, sawisiei dioyosi kege mei degei. Duo Bolofe&#817;i&#817;ha&#817; degeiye, dia&#817; Pol e&#817; sa Jerusalemko&#865;u idayede tobolo&#865;u i. 5Sawisiei dioyosi kege mei degeimo&#865;u, ei sa ke&#817; to&#865;u fogo&#865;u fogo&#865;u yala degeimo&#865;u, dia&#817; Polbo&#865;u ei to&#817; biya&#817;ko&#865;u wo&#865;u ma yai. Die sasa&#817;i&#817;bo&#865;u, die sisigo&#817;bo&#865;u olo&#865;u fe&#817;i&#817; kedia&#817; ei sesele ya, to&#817; biya&#817;ko&#865;u muguamo&#865;u, yubu sugulo fiya duwoguali, diho&#817; baga&#817; tobolo&#865;u i. 6Ei yogoko&#865;u egeimo&#865;u egeimo&#865;u demamo&#865;u, ei mosole foudu fologoumo&#865;u, o kedia&#817; die moso&#817;ko&#865;u boholo&#865;u ma&#817; yai.</div><div class="s">Sa Sisariako&#865;u ge habage-degele-duguo-tobo&#865;u di-o Agabusha&#817; Polko&#865;u egei tobou</div><div class="p"> 7Kegemo&#865;u, ei sa Tair to&#865;u fogo&#865;u mo&#865;u, fogo&#865;u yolugi, sa Tolemesko&#865;u fologai. Fologamo&#865;u, ei damale&#817;yodei o sasa&#817;i&#817; kedia&#817;moko&#865;u agali bolofe&#817;i&#817;yode tobo&#865;u mamo&#865;u, die moso&#817;ko&#865;u tiasigei. 8Sabiyoumo&#865;u, ei fogo&#865;u yolugi, sa Sisariako&#865;u fologai. Fologamo&#865;u, ei o Filipha&#817; moso&#817;ko&#865;u deleiguei. O ke&#817;me ta&#817; uwo bolofe&#817;i&#817; ke&#817; hehegiedi o, ta&#817;-bolofe&#817;i&#817;-mala&#817;-suluguadi-o kedia&#817; dogo&#865;u gudi, o dioyosi kege kaha&#817; duo kile daladi o.#21:8 Na&#817; Dabai 6:5-6 koko&#865;u dugu. 9O kaha&#817; e&#817; sasa&#817;i&#817; dihi gisiai olo&#865;u fe&#817;i&#817;be bolo&#817;u&#817; bolo&#817;u&#817; kege delei. Sasa&#817;i&#817; gisiai kedia&#817; egei tobolo&#865;u idibe, habage tama&#817; degele ke&#817; tobolo&#865;u idi.</div><div class="p"> 10Kegemo&#865;u, ei sa Sisariako&#865;u be sawisiei ilo kele dalaguamo&#865;u, habage-degele-duguo-tobo&#865;u di-o ta, e&#817; hu&#817;be Agabus, e&#817; sa Judia to&#865;u fogo&#865;u hagua fele&#817;i&#817;. 11E&#817; eimoko&#865;u fele&#817;, Polha&#817; fiyati ke&#817; mala&#817;mo&#865;u, yo&#865;&#863;u e&#817; dobogo&#865;&#863;ubo&#865;u abogo&#865;&#863;ubo&#865;u de tigamamo&#865;u ko&#865;u gue tobou, Duo Bolofe&#817;i&#817;ha&#817; tobolo&#865;u be, Juda o, sa Jerusalemko&#865;u dalaguadi kedia&#817; fiyati ko&#865;&#863;umaha&#817; e&#817; obo&#865;u be ko&#865;&#863;uno&#865;u tefele tigamaba, sa ta o kedia&#817;moko&#865;u sesegulo ileyode tobou.</div><div class="p"> 12Kegemo&#865;u, ei ta&#817; ke&#817; dulomo&#865;u, eibo&#865;u sa ke&#817; tie o sasa&#817;i&#817;bo&#865;u ei Pol e&#817; sa Jerusalemko&#865;u idayedema nele&#817;do dege tobolo&#865;u i. 13Ke&#817;no&#865;u si Polha&#817; sima tobou, ni&#817; kageimo&#865;u gosolo iya? Ni&#817; gosolo ili kaha&#817; a&#817;me hagi&#817; hiyedo degeli. A&#817;me Hiye O Yesuko&#865;u damale&#817;yodei kaha&#817; degemo&#865;u, sa Jerusalemko&#865;u ile folouba, oe a&#817; didio&#817; degeibane, wouba tolone ta&#817;bo&#865;u mei. 14E&#817; kege tobo&#865;u mo&#865;u be, eige haba ta&#817; ta tobolo&#865;u ili mei. Yobe, e&#817;ge ei ta&#817;be ta dulo saga&#817;i&#817; mei kaha&#817;. Eige Hiye Oha&#817; tagai saga&#817;i&#817; ke&#817; yo&#865;&#863;u e&#817;moko&#865;u tama&#817; degeleyodele i.</div><div class="ms">Sa Judiako&#865;u ge, o kedia&#817; Pol e&#817; didio&#817; degemamo&#865;u, ta&#817; sa i</div><div class="mr">(Ta&#817; Hiye 21:15&#8211;26:32)</div><div class="s">Polha&#817; sa Jerusalemko&#865;u ile felei</div><div class="p"> 15Sawisiei ilo kele mei degeimo&#865;u, ei bi kefemamo&#865;u, sa Jerusalemko&#865;u kuhe yai. 16Sa Sisaria tie o ilo, Yesuha&#817; dabai degedi kedia&#817; eibo&#865;u de yai. Fologamo&#865;u be, o kedia&#817; ei wo&#865;u ma, o Nasonha&#817; moso&#817;ko&#865;u yamo&#865;u, ei kele deleiguei. O ke&#817;me to&#817; tibi sa Saiprus tie o, Yesuha&#817; dabaibe afudo degemo&#865;u haguei. 17Ei sa Jerusalemko&#865;u fologoumo&#865;u be, damale&#817;yodele i o kedia&#817; eimoko&#865;u bolofe&#817;i&#817;yode tobo&#865;u ma, hoho&#817;bolo&#865;u i.</div><div class="p"> 18Sabiyoumo&#865;u, Polbo&#865;u ei Jems dugulamo&#865;u ya fologai. Damale&#817;yodei o sasa&#817;i&#817; wolo&#865;u daladi o kedia&#817;ne haguasie kefele i. 19Kefegumo&#865;u, Polha&#817; gusugu bolofe&#817;i&#817;yode tobo&#865;u ma, dabai yo&#865;&#863;u degedi kaha&#817; ta&#817; olo&#865;u fe&#817;i&#817; ke&#817; susulo tobou. Godiha&#817; degeiye, e&#817; dabai degeimo&#865;u, sa ta o sasa&#817;i&#817; kedia&#817;ne fi&#817; boholo&#865;u mo&#865;u, Yesuko&#865;u damale&#817;yodele i ke&#817; susulo tobou.</div><div class="s">Damale&#817;yodei o sasa&#817;i&#817; wolo&#865;u daladi hiye o kedia&#817; Pol tobo&#865;u mo&#865;u Godiha&#817; moso&#817;ko&#865;u i</div><div class="p"> 20Damale&#817;yodei o sasa&#817;i&#817; wolo&#865;u daladi hiye o kedia&#817; Polha&#817; tobou ke&#817; dulomo&#865;u, Godiha&#817; hu&#817; hebele fogulo i. Kegemo&#865;u, dia&#817; Polko&#865;u ko&#865;u gue tobolo&#865;u i, mogo, sa Jerusalem kuoko&#865;u Juda o su&#817;u&#817;do Yesuko&#865;u damale&#817;yodei ke&#817;me na&#817; de dugulu? Damale&#817;yodemamo&#865;u, Mosesha&#817; kuolo&#865;u ta&#817; ke&#817;ne dulo, defe&#817;i&#817;do sesele ili. 21Sesele iligi, gulokou ta&#817; uwo ta, Juda o, aso&#865;u saya dalaguadi kedia&#817;moko&#865;u na&#817;ge Mosesha&#817; kuolo&#865;u ta&#817; ke&#817;me sesedamabeede tobo&#865;u diyodele i ke&#817; dulo i. Kolo diafigidi midiho&#817;bo&#865;u, haba ei ko&#865;u guai o kedia&#817; midiho&#817; olo&#865;u fe&#817;i&#817; ke&#817;bo&#865;u debe na&#817;ge sesedamabeede tobo&#865;u diyodele i ke&#817; dulomo&#865;u gofo&#865;&#863;u hiyedo degele i. 22Dia&#817; na&#817; hagueiyode tobo&#865;u ba dulo ile. Kegei kaha&#817; degemo&#865;u, di kagele? 23Na&#817; ei tobo&#865;u ladi ko&#865;&#863;u du. Ei ko&#865;u lebe o bolo&#817;u&#817; bolo&#817;u&#817; kege kedia&#817; Godiha&#817; dihi&#817;le koko&#865;u ta degeleyodema makama&#817; dalagua. 24Na&#817; o bolo&#817;u&#817; bolo&#817;u&#817; kedia&#817; wo&#865;u ma ileba, Godiha&#817; dihi&#817;le koko&#865;u sibigi igile mugudi midiho&#817;, di ko&#865;u guai o kedia&#817; degedi ke&#817; degemaba, no&#865;&#863;u ne&#817; seleye wai sipsip ta mamala&#817;ba, Godiko&#865;u sile nele&#817;ba, ni&#817; widio towe wa&#817;ma.#21:24 Widio towe wa&#817;di kaha&#817; sibige&#817;be, na&#817; Dabai 18:18 kaha&#817; tawale ta&#817; koko&#865;u dugu. Ni&#817; kege degeiba, o sasa&#817;i&#817; kedia&#817; duguo tawalebe, ta&#817; uwo ke&#817;me damale&#817;do mei, gulokoudade tawale ile. Na&#817;ne Mosesha&#817; kuolo&#865;u ta&#817; ko&#865;u sesedi odade tawale ile. 25Ke&#817;no&#865;u si sa ta o sasa&#817;i&#817;, Yesuko&#865;u damale&#817;yodele i kedia&#817;moko&#865;u be, di ko&#865;u do&#817;u&#817;susuma ko&#865;u gue nala&#817;i&#817;, ni&#817;me ogo&#865;u gai godiko&#865;u gali si ke&#817;me na&#817;dama, kafei na&#817;dama, gali oe gabagidu tigamamo&#865;u wei ke&#817;ne na&#817;dama, haba sasa&#817;i&#817; hiyoubo&#865;u, o hiyoubo&#865;u dene siadamabeedema nala&#817;i&#817;yode tobolo&#865;u i. 26Polha&#817; die ta&#817; ke&#817; dulomo&#865;u tiei sabiyoumo&#865;u ile, o bolo&#817;u&#817; bolo&#817;u&#817; kedia&#817; sosogo&#865;u ilemo&#865;u, Godiha&#817; dihi&#817;le koko&#865;u sibigi igile mugudi midiho&#817; ke&#817; milolo&#865;u i. Milolo&#865;u imamo&#865;u, Pol e&#817; ile, Godiha&#817; moso&#817;ko&#865;u folomo&#865;u, mogo&#865;u du daladi o tako&#865;u ko&#865;u gue tobou, ei Godiha&#817; dihi&#817;le koko&#865;u sibigibe mei degemaba,#21:26 Sawisiei dioyosi kege mei degeimo&#865;u be, dia&#817;me Godiha&#817; dihi&#817;le koko&#865;u sibigi ta dala meiyode tawale i. Na&#817; Dabai 21:27 dugu. ise, ei tano&#865;u tano&#865;u gali kuhe sima, Godiko&#865;u ne&#817;mo&#865;u ileyode tobou.</div><div class="s">Juda o kedia&#817; Pol Godiha&#817; moso&#817;duge tolo&#865;u ma&#817; i</div><div class="p"> 27Sawisiei dioyosi kege mei degela degeimo&#865;u, Juda o, sa Esia duo kile tie kedia&#817; haguasie, Pol e&#817; Godiha&#817; moso&#817; kekaimidu tafalamo&#865;u dugulo i. Kodu tafalamo&#865;u duguomo&#865;u, dia&#817; o sasa&#817;i&#817; fufuguemamo&#865;u, dio&#865;&#863;ufe&#817;i&#817; Pol tolo&#865;u ma&#817;i&#817;. 28Dia&#817; hili&#817;gedo ko&#865;u gue tobolo&#865;u i, Israel o dia&#817;ma, ni&#817; ei dogo&#865;u guma. O ko&#865;&#863;umaha&#817;ge sa sa olo&#865;u fe&#817;i&#817; sulugi, ta&#817; gehe&#817; hehegiemo&#865;u be, Juda o sasa&#817;i&#817; di huyafe&#817;i&#817; degedi. Haba e&#817; Mosesha&#817; kuolo&#865;u ta&#817;bo&#865;u, Godiha&#817; moso&#817; ko&#865;&#863;ubo&#865;u dene huyafe&#817;i&#817; degedi. Haba tabe, e&#817; Grik o ilo kedia&#817; wo&#865;u ma haguamo&#865;u, Godiha&#817; moso&#817; kekaimidu fele&#817;gai. Kegei kaha&#817;, Godiha&#817; moso&#817; ko&#865;&#863;ume kasaga&#817;i&#817; degei dala kuhe&#817;yode tobolo&#865;u i. 29Kege tobolo&#865;u i kaha&#817; yobe ko&#865;u gue, dia&#817; sa Efesus o Trofimusbe, Polbo&#865;u de sa Jerusalem kodu ko&#865;u sumo&#865;u dugulo i kaha&#817; degemo&#865;u, dia&#817;ge o ke&#817;me Polha&#817; wolo&#865;u, Godiha&#817; moso&#817; kekaimidu feleiyade tawalemo&#865;u kuhe tobolo&#865;u i.</div><div class="p"> 30Kegemo&#865;u, sa ke&#817; tie o sasa&#817;i&#817; olo&#865;u fe&#817;i&#817; kedia&#817; kesigie gofo&#865;&#863;u hiyedo degemo&#865;u, fo&#817;u&#817;kua haguasie kefeguomo&#865;u, Pol tolo&#865;u ma&#817; gisigama muguoumo&#865;u, o ilo kedia&#817; Godiha&#817; moso&#817; kekai a olo&#865;u fe&#817;i&#817; totono&#865;u tefega i.</div><div class="s">Sa Rom ami o kedia&#817; Pol tolo&#865;u ma&#817; i</div><div class="p"> 31Sa ke&#817; tie o kedia&#817; Pol walamo&#865;u degele imo&#865;u, ami kedia&#817; hiye oha&#817; sa Jerusalem o olo&#865;u fe&#817;i&#817; kedia&#817;me gofo&#865;&#863;u dege biya iliyodeimo&#865;u du. 32E&#817; ke&#817; dulomo&#865;u, e&#817; ami o kedia&#817;bo&#865;u, ami dia daladi o kedia&#817;bo&#865;u de totodo muguamo&#865;u fo&#817;u&#817;kua yamo&#865;u, o sasa&#817;i&#817; kefema dalagua kele fologai. O sasa&#817;i&#817; kedia&#817; ami o kedia&#817; haguasieimo&#865;u duguomo&#865;u, gue&#817; degemo&#865;u, Pol wala ili ke&#817; fogo&#865;u le i. 33Ami kedia&#817; hiye oha&#817; ile hafe&#817;i&#817; degemo&#865;u, Pol tolo&#865;u ma&#817;mo&#865;u, ami o kedia&#817;moko&#865;u, o ko&#865;&#863;u tigi nele&#817;do bolo&#817;u&#817; kaha&#817; tigamabeede tobo&#865;u mamo&#865;u yodu, o ko&#865;&#863;ume koyo? E&#817; ke&#817;i&#817; degelou? 34O sasa&#817;i&#817; su&#817;do dalagua kedia&#817; hili&#817;gedo ta&#817;mo&#865;u, ta&#817; gehe&#817; gehe&#817; tobolo&#865;u i. Uwo hiyedo degele i kaha&#817; ami kedia&#817; hiye oha&#817; ta&#817; kaha&#817; sibige&#817;be ta tawali mei. Ami o kedia&#817;moko&#865;u be, ni&#817; o ko&#865;&#863;u tolo&#865;u ile, di moso&#817;ko&#865;u wolo&#865;u folomebeede tobou. 35Ami o kedia&#817; Pol tolo&#865;u yamo&#865;u, die moso&#817; kaha&#817; boba yoko&#865;u fologamo&#865;u dugube, o sasa&#817;i&#817; kedia&#817; biyei hiyedo degeimo&#865;u duguomo&#865;u, dia&#817; Pol hebema fologai. 36O sasa&#817;i&#817; su&#817;do kedia&#817; habage haguasiligi, hili&#817;gedo o ke&#817;me wouba toloyode tobo&#865;u mo&#865;u haguasiei.</div><div class="s">Polha&#817; Juda o kedia&#817;moko&#865;u yo&#865;&#863;u damale&#817;yodei kaha&#817; sibige&#817; ke&#817; tobou</div><div class="p"> 37Ami o kedia&#817; Pol wolo&#865;u, die moso&#817;ko&#865;u falamo&#865;u degele imo&#865;u, Polha&#817; ami kedia&#817; hiye oko&#865;u Grik ta&#817;e, a&#817; na&#817;moko&#865;u ta&#817; ta de tobolo&#865;u de yodu? Kege yodumo&#865;u be, haba hiye o kaha&#817; simamo&#865;u be, na&#817;me Grik ta&#817;be ko&#865;u tewe de yodu? 38A&#817;ge na&#817;me wa sa Isip o, gamani kedia&#817;moko&#865;u biyalamo&#865;u, we awekiye biyadi o olo&#865;u fe&#817;i&#817; 4,000 kege wo&#865;u ma, hebe mei mihi&#817;no&#865;u sa koko&#865;u i obe na&#817;yade tawai. 39Ke&#817;no&#865;u si, Polha&#817;ge a&#817;me Juda oyodei. A&#817;me sa Silisia duo kodu sa hiye Tarsus tie o. Ma&#817; sa ke&#817;me hu&#817; hiyedo dala. A&#817; o sasa&#817;i&#817; kedia&#817;moko&#865;u ta&#817; ta de tobolo&#865;u? 40Kegemo&#865;u, ami kedia&#817; hiye oha&#817; bolo&#817;yode tobo&#865;u mo&#865;u, Polha&#817; bobageko&#865;u tafalali, dobogo&#865;&#863;uye ta&#817;damabadomo&#865;u akogu. Die ta&#817; olo&#865;u fe&#817;i&#817; mei degeimo&#865;u, e&#817; o sasa&#817;i&#817; kedia&#817;moko&#865;u Hibru ta&#817;e tobou.</div>
 </div>
 </div>
</div>

Ei sa Efesus o kedia̱ to͡u fogo͡u mo͡u, mosole foudu fologamo͡u yolugi, to̱ tibi sa Kosbo͡u, to̱ tibi sa ta Rodesbo͡u keleya ke̱ titiamo͡u yolugi, sa Patarako͡u fologai. Sa kelege ei mosole ta, sa Fonisiako͡u ilamo͡u degeimo͡u duguomo͡u, ei mosole koko͡u fologamo͡u yolugi, to̱ tibi sa Saiprus dobogo͟͡u fofo͟͡uko͡u dalamo͡u duguo fogo͡u yolugi, sa Siria duo kodu sa hiye Tairko͡u fologai. Yobe, dabai degedi o kedia̱ mosole kodu bisai ke̱me kele talama dogogulo ile kaha̱ degemo͡u. O kedia̱ bisai tala dalaguamo͡u, ei ya, Yesuha̱ dabai degedi o sasa̱i̱ ilo kele duguomo͡u dia̱bo͡u de dalaguali, sawisiei dioyosi kege mei degei. Duo Bolofe̱i̱ha̱ degeiye, dia̱ Pol e̱ sa Jerusalemko͡u idayede tobolo͡u i. Sawisiei dioyosi kege mei degeimo͡u, ei sa ke̱ to͡u fogo͡u fogo͡u yala degeimo͡u, dia̱ Polbo͡u ei to̱ biya̱ko͡u wo͡u ma yai. Die sasa̱i̱bo͡u, die sisigo̱bo͡u olo͡u fe̱i̱ kedia̱ ei sesele ya, to̱ biya̱ko͡u muguamo͡u, yubu sugulo fiya duwoguali, diho̱ baga̱ tobolo͡u i. Ei yogoko͡u egeimo͡u egeimo͡u demamo͡u, ei mosole foudu fologoumo͡u, o kedia̱ die moso̱ko͡u boholo͡u ma̱ yai.

Kegemo͡u, ei sa Tair to͡u fogo͡u mo͡u, fogo͡u yolugi, sa Tolemesko͡u fologai. Fologamo͡u, ei damale̱yodei o sasa̱i̱ kedia̱moko͡u agali bolofe̱i̱yode tobo͡u mamo͡u, die moso̱ko͡u tiasigei. Sabiyoumo͡u, ei fogo͡u yolugi, sa Sisariako͡u fologai. Fologamo͡u, ei o Filipha̱ moso̱ko͡u deleiguei. O ke̱me ta̱ uwo bolofe̱i̱ ke̱ hehegiedi o, ta̱-bolofe̱i̱-mala̱-suluguadi-o kedia̱ dogo͡u gudi, o dioyosi kege kaha̱ duo kile daladi o. O kaha̱ e̱ sasa̱i̱ dihi gisiai olo͡u fe̱i̱be bolo̱u̱ bolo̱u̱ kege delei. Sasa̱i̱ gisiai kedia̱ egei tobolo͡u idibe, habage tama̱ degele ke̱ tobolo͡u idi.
Kegemo͡u, ei sa Sisariako͡u be sawisiei ilo kele dalaguamo͡u, habage-degele-duguo-tobo͡u di-o ta, e̱ hu̱be Agabus, e̱ sa Judia to͡u fogo͡u hagua fele̱i̱. E̱ eimoko͡u fele̱, Polha̱ fiyati ke̱ mala̱mo͡u, yo͟͡u e̱ dobogo͟͡ubo͡u abogo͟͡ubo͡u de tigamamo͡u ko͡u gue tobou, Duo Bolofe̱i̱ha̱ tobolo͡u be, Juda o, sa Jerusalemko͡u dalaguadi kedia̱ fiyati ko͟͡umaha̱ e̱ obo͡u be ko͟͡uno͡u tefele tigamaba, sa ta o kedia̱moko͡u sesegulo ileyode tobou.
Kegemo͡u, ei ta̱ ke̱ dulomo͡u, eibo͡u sa ke̱ tie o sasa̱i̱bo͡u ei Pol e̱ sa Jerusalemko͡u idayedema nele̱do dege tobolo͡u i. Ke̱no͡u si Polha̱ sima tobou, ni̱ kageimo͡u gosolo iya? Ni̱ gosolo ili kaha̱ a̱me hagi̱ hiyedo degeli. A̱me Hiye O Yesuko͡u damale̱yodei kaha̱ degemo͡u, sa Jerusalemko͡u ile folouba, oe a̱ didio̱ degeibane, wouba tolone ta̱bo͡u mei. E̱ kege tobo͡u mo͡u be, eige haba ta̱ ta tobolo͡u ili mei. Yobe, e̱ge ei ta̱be ta dulo saga̱i̱ mei kaha̱. Eige Hiye Oha̱ tagai saga̱i̱ ke̱ yo͟͡u e̱moko͡u tama̱ degeleyodele i.



Sawisiei ilo kele mei degeimo͡u, ei bi kefemamo͡u, sa Jerusalemko͡u kuhe yai. Sa Sisaria tie o ilo, Yesuha̱ dabai degedi kedia̱ eibo͡u de yai. Fologamo͡u be, o kedia̱ ei wo͡u ma, o Nasonha̱ moso̱ko͡u yamo͡u, ei kele deleiguei. O ke̱me to̱ tibi sa Saiprus tie o, Yesuha̱ dabaibe afudo degemo͡u haguei. Ei sa Jerusalemko͡u fologoumo͡u be, damale̱yodele i o kedia̱ eimoko͡u bolofe̱i̱yode tobo͡u ma, hoho̱bolo͡u i.
Sabiyoumo͡u, Polbo͡u ei Jems dugulamo͡u ya fologai. Damale̱yodei o sasa̱i̱ wolo͡u daladi o kedia̱ne haguasie kefele i. Kefegumo͡u, Polha̱ gusugu bolofe̱i̱yode tobo͡u ma, dabai yo͟͡u degedi kaha̱ ta̱ olo͡u fe̱i̱ ke̱ susulo tobou. Godiha̱ degeiye, e̱ dabai degeimo͡u, sa ta o sasa̱i̱ kedia̱ne fi̱ boholo͡u mo͡u, Yesuko͡u damale̱yodele i ke̱ susulo tobou.

Damale̱yodei o sasa̱i̱ wolo͡u daladi hiye o kedia̱ Polha̱ tobou ke̱ dulomo͡u, Godiha̱ hu̱ hebele fogulo i. Kegemo͡u, dia̱ Polko͡u ko͡u gue tobolo͡u i, mogo, sa Jerusalem kuoko͡u Juda o su̱u̱do Yesuko͡u damale̱yodei ke̱me na̱ de dugulu? Damale̱yodemamo͡u, Mosesha̱ kuolo͡u ta̱ ke̱ne dulo, defe̱i̱do sesele ili. Sesele iligi, gulokou ta̱ uwo ta, Juda o, aso͡u saya dalaguadi kedia̱moko͡u na̱ge Mosesha̱ kuolo͡u ta̱ ke̱me sesedamabeede tobo͡u diyodele i ke̱ dulo i. Kolo diafigidi midiho̱bo͡u, haba ei ko͡u guai o kedia̱ midiho̱ olo͡u fe̱i̱ ke̱bo͡u debe na̱ge sesedamabeede tobo͡u diyodele i ke̱ dulomo͡u gofo͟͡u hiyedo degele i. Dia̱ na̱ hagueiyode tobo͡u ba dulo ile. Kegei kaha̱ degemo͡u, di kagele? Na̱ ei tobo͡u ladi ko͟͡u du. Ei ko͡u lebe o bolo̱u̱ bolo̱u̱ kege kedia̱ Godiha̱ dihi̱le koko͡u ta degeleyodema makama̱ dalagua. Na̱ o bolo̱u̱ bolo̱u̱ kedia̱ wo͡u ma ileba, Godiha̱ dihi̱le koko͡u sibigi igile mugudi midiho̱, di ko͡u guai o kedia̱ degedi ke̱ degemaba, no͟͡u ne̱ seleye wai sipsip ta mamala̱ba, Godiko͡u sile nele̱ba, ni̱ widio towe wa̱ma. Ni̱ kege degeiba, o sasa̱i̱ kedia̱ duguo tawalebe, ta̱ uwo ke̱me damale̱do mei, gulokoudade tawale ile. Na̱ne Mosesha̱ kuolo͡u ta̱ ko͡u sesedi odade tawale ile. Ke̱no͡u si sa ta o sasa̱i̱, Yesuko͡u damale̱yodele i kedia̱moko͡u be, di ko͡u do̱u̱susuma ko͡u gue nala̱i̱, ni̱me ogo͡u gai godiko͡u gali si ke̱me na̱dama, kafei na̱dama, gali oe gabagidu tigamamo͡u wei ke̱ne na̱dama, haba sasa̱i̱ hiyoubo͡u, o hiyoubo͡u dene siadamabeedema nala̱i̱yode tobolo͡u i. Polha̱ die ta̱ ke̱ dulomo͡u tiei sabiyoumo͡u ile, o bolo̱u̱ bolo̱u̱ kedia̱ sosogo͡u ilemo͡u, Godiha̱ dihi̱le koko͡u sibigi igile mugudi midiho̱ ke̱ milolo͡u i. Milolo͡u imamo͡u, Pol e̱ ile, Godiha̱ moso̱ko͡u folomo͡u, mogo͡u du daladi o tako͡u ko͡u gue tobou, ei Godiha̱ dihi̱le koko͡u sibigibe mei degemaba, ise, ei tano͡u tano͡u gali kuhe sima, Godiko͡u ne̱mo͡u ileyode tobou.

Sawisiei dioyosi kege mei degela degeimo͡u, Juda o, sa Esia duo kile tie kedia̱ haguasie, Pol e̱ Godiha̱ moso̱ kekaimidu tafalamo͡u dugulo i. Kodu tafalamo͡u duguomo͡u, dia̱ o sasa̱i̱ fufuguemamo͡u, dio͟͡ufe̱i̱ Pol tolo͡u ma̱i̱. Dia̱ hili̱gedo ko͡u gue tobolo͡u i, Israel o dia̱ma, ni̱ ei dogo͡u guma. O ko͟͡umaha̱ge sa sa olo͡u fe̱i̱ sulugi, ta̱ gehe̱ hehegiemo͡u be, Juda o sasa̱i̱ di huyafe̱i̱ degedi. Haba e̱ Mosesha̱ kuolo͡u ta̱bo͡u, Godiha̱ moso̱ ko͟͡ubo͡u dene huyafe̱i̱ degedi. Haba tabe, e̱ Grik o ilo kedia̱ wo͡u ma haguamo͡u, Godiha̱ moso̱ kekaimidu fele̱gai. Kegei kaha̱, Godiha̱ moso̱ ko͟͡ume kasaga̱i̱ degei dala kuhe̱yode tobolo͡u i. Kege tobolo͡u i kaha̱ yobe ko͡u gue, dia̱ sa Efesus o Trofimusbe, Polbo͡u de sa Jerusalem kodu ko͡u sumo͡u dugulo i kaha̱ degemo͡u, dia̱ge o ke̱me Polha̱ wolo͡u, Godiha̱ moso̱ kekaimidu feleiyade tawalemo͡u kuhe tobolo͡u i.
Kegemo͡u, sa ke̱ tie o sasa̱i̱ olo͡u fe̱i̱ kedia̱ kesigie gofo͟͡u hiyedo degemo͡u, fo̱u̱kua haguasie kefeguomo͡u, Pol tolo͡u ma̱ gisigama muguoumo͡u, o ilo kedia̱ Godiha̱ moso̱ kekai a olo͡u fe̱i̱ totono͡u tefega i.

Sa ke̱ tie o kedia̱ Pol walamo͡u degele imo͡u, ami kedia̱ hiye oha̱ sa Jerusalem o olo͡u fe̱i̱ kedia̱me gofo͟͡u dege biya iliyodeimo͡u du. E̱ ke̱ dulomo͡u, e̱ ami o kedia̱bo͡u, ami dia daladi o kedia̱bo͡u de totodo muguamo͡u fo̱u̱kua yamo͡u, o sasa̱i̱ kefema dalagua kele fologai. O sasa̱i̱ kedia̱ ami o kedia̱ haguasieimo͡u duguomo͡u, gue̱ degemo͡u, Pol wala ili ke̱ fogo͡u le i. Ami kedia̱ hiye oha̱ ile hafe̱i̱ degemo͡u, Pol tolo͡u ma̱mo͡u, ami o kedia̱moko͡u, o ko͟͡u tigi nele̱do bolo̱u̱ kaha̱ tigamabeede tobo͡u mamo͡u yodu, o ko͟͡ume koyo? E̱ ke̱i̱ degelou? O sasa̱i̱ su̱do dalagua kedia̱ hili̱gedo ta̱mo͡u, ta̱ gehe̱ gehe̱ tobolo͡u i. Uwo hiyedo degele i kaha̱ ami kedia̱ hiye oha̱ ta̱ kaha̱ sibige̱be ta tawali mei. Ami o kedia̱moko͡u be, ni̱ o ko͟͡u tolo͡u ile, di moso̱ko͡u wolo͡u folomebeede tobou. Ami o kedia̱ Pol tolo͡u yamo͡u, die moso̱ kaha̱ boba yoko͡u fologamo͡u dugube, o sasa̱i̱ kedia̱ biyei hiyedo degeimo͡u duguomo͡u, dia̱ Pol hebema fologai. O sasa̱i̱ su̱do kedia̱ habage haguasiligi, hili̱gedo o ke̱me wouba toloyode tobo͡u mo͡u haguasiei.

Ami o kedia̱ Pol wolo͡u, die moso̱ko͡u falamo͡u degele imo͡u, Polha̱ ami kedia̱ hiye oko͡u Grik ta̱e, a̱ na̱moko͡u ta̱ ta de tobolo͡u de yodu? Kege yodumo͡u be, haba hiye o kaha̱ simamo͡u be, na̱me Grik ta̱be ko͡u tewe de yodu? A̱ge na̱me wa sa Isip o, gamani kedia̱moko͡u biyalamo͡u, we awekiye biyadi o olo͡u fe̱i̱ 4,000 kege wo͡u ma, hebe mei mihi̱no͡u sa koko͡u i obe na̱yade tawai. Ke̱no͡u si, Polha̱ge a̱me Juda oyodei. A̱me sa Silisia duo kodu sa hiye Tarsus tie o. Ma̱ sa ke̱me hu̱ hiyedo dala. A̱ o sasa̱i̱ kedia̱moko͡u ta̱ ta de tobolo͡u? Kegemo͡u, ami kedia̱ hiye oha̱ bolo̱yode tobo͡u mo͡u, Polha̱ bobageko͡u tafalali, dobogo͟͡uye ta̱damabadomo͡u akogu. Die ta̱ olo͡u fe̱i̱ mei degeimo͡u, e̱ o sasa̱i̱ kedia̱moko͡u Hibru ta̱e tobou.

සවන් දෙන්න Dabai 21