<div class="version vid1535 iso6393ajz" data-vid="1535" data-iso6393="ajz">
 <div class="book bkMAT">
 <div class="chapter ch27" data-usfm="MAT.27">
 <div class="label">27</div><div class="s">Jisu yok Pilat po Adung Kipon</div><div class="r">(Mrk. 15:1; Luk. 23:1; Jhn. 18:28)</div><div class="p"> 1Konam adap prango, ahuwit bangthehel aro rat asitem kithe kiding abang inansi ado kolsi Jisu yok kamari aphan lam chipangchimo. 2Aro anali anangyok bamthipsi pono aro Pilat po arideng champilo.</div><div class="s">Judas po Kithi Alam</div><div class="r">(Aka. 1:18-19)</div><div class="p"> 3Konam, hutur arideng kichampi Judas po, akijolsi Jisu yok ado pek hlongo pusi thekngo, lalong anang neng chipharlep mo aro thom-kep rupa tanga atheng ensi bangthe hel pen kithe kiding adungyok woldam phakngo. 4Anang pulo, &#8220;Ne ado kangwe awi arlengyok champisi ne pap tiki hlongo.&#8221; Manta analike pulo, &#8220;Hali penke pot te do? Lake nang bithangne chilang ngot.&#8221; 5Rupa tanga atheng hel Arnam ahem long warsalsi anang damo, aro laparake anang damsi abithang chiweksi thilo. 6Manta bangthehel tanga atheng hel humsi pulo, &#8220;Labang ke arleng kamari para kihlong anohok apot apuru longke bi-hopot.&#8221; 7Anali inan chirwal tang aphel, aro anali labang anohok pen bang alongri arleng kipep ayok kumarpo alungle namo. 8Labang anatsi mini hok ta &#8220;awi alungle&#8221; puman. 9Laparake Jeremiya turki po parasi kipu, lake &#8220;Aro Israyel asohel ihutpo aphuthak ador pachipmo, labang ador kapachip po yok thom-kep rupa tanga atheng eno, 10aro Hemphu ke neyok kithan alam badi kumarpo alungle aphan analiyok pilo, kipu alamthe chokngo.&#8221;</div><div class="s">Pilat po Jisu yok Lam Karju</div><div class="r">(Mrk. 15:2-5; Luk. 23:2-5; Jhn. 18:29-38)</div><div class="p"> 11Minon ke Jisu labang alongri gobornorpo ango parjapmo; aro gobornorpo anangyok arjulo, &#8220;Nangsi Jihudi hel Recho ma?&#8221; Jisu anangyok pulo, &#8220;Nang bithangsi pudo.&#8221; 12Manta bor-bangthe aro kithe-kiding hel anangyok ado kikol amun, anang itheta pudunde yongo. 13Lapara ke Pilat po anangyok pulo, &#8220;Anali nang nat konbak ado nang pijap do, mehel nang arjuje yong ma?&#8221; 14Manta anang itheta anangyok kipupe apotsi gobornorpo asombhik hlong detno.</div><div class="s">Jisu yok Kamari Alam</div><div class="r">(Mrk. 15:6-14; Luk. 23:13-24; Jhn. 18:19-40)</div><div class="p"> 15Kijoktang-kamai kido aphongten gobornorpo akrol long kibeng arleng ihut yok ke rat kihang atengsi hloman. 16La-apor lalong kangho chot arleng Barabas amen pusi ihut akrol long kido. 17Lasi konam anali kachingrum aphel, Pilat po analiyok pulo, &#8220;Ne nali phan ingho yok te kapajokpi aneng do, Barabas poyok ma, ma Khristo kipu Jisu yok?&#8221; 18Piyok pu tene anali amek kachiso anatsi Jisu yok kichampi pusi Pilat po kithan un. 19Konam Pilat po bisar anghol long iningo, anang pisope lam imung hloduno,&#8220;Dhorom arlengpo alam long nang aduk kipinange ingjong, piyok pu tene tuwe nepharlo long anang natsi duk-hap hlongo.&#8221; 20Minon ke Bangthe hel pen kithe kiding abang, ratyok lam chutsi Barabas poyok hlosi Jisu yok kamari yok pahang tolo. 21Gobornorpo analiyok arju phakngo, &#8220;Bang hini adak ingho bangpoyok te naliphan nepajok tol nali anengdo?&#8221; Aro anali pulo, &#8220;Barabas po yok.&#8221; 22Pilat po analiyok pulo, &#8220;Tene Khristo kipu Jisu yok pot te inghol nang? Anali ahuwit ta pulo, &#8220;Anangyok kros long tarnot.&#8221; 23Laparake anang arjulo, &#8220;Piyok te, anang pot akangho tiki lo?&#8221; Manta anali ahuwit &#8220;anang yok kros long tarnot!&#8221; pusi hang chot chotno.</div><div class="s">Jisu yok Kros Kitaryok Kipek</div><div class="r">(Mrk. 15:15; Luk. 23:25; Jhn. 19:16)</div><div class="p"> 24Lasi konam Pilat po anang kapajok nge kiron ayok ke ahul wangcheng chot-chot theksi, anang bekso lang ensi, aro rat ango ari chichamsi pulo, &#8220;Labang arlengpo kamari yok ne ado en-eh, labang ke nali bithang ado enot.&#8221; 25La-amun ahuwit rat dungsi pulo, &#8220;Anang wi haliyok aro hali sohel aphuthak padonang.&#8221; 26La-amun anang anali phan Barabas po yok pajokngo aro Jisu yok ke sabuk pen sap sapsi anang yok kros long kitar yok pekngo.</div><div class="s">Sonturihel Jisu yok Kachongnek</div><div class="r">(Mrk. 15:16-20)</div><div class="p"> 27Laparake gobornorpo asonturi hel Jisu yok hem arloyok pono, aro anali sonturi alokjor hel anangyok komwolsi eno. 28Anali anangpe hel phlok detno aro aki-er arohon ape anangyok pa-ikngo, 29aro laparake anali anang phu athak ingsu phurkup otesi pa-ikngo. Ananli Jisu ancho-ari long tokok ihong pilo aro anang ngot tarhukngo aro &#8220;Jihudi hel Recho, aju pading nang&#8221; pusi chongnek ngo. 30Anali anangyok ingthi ingthokngo, aro tokok eno aro anang phu long pamklango. 31Anangyok chongnek tang aphel, anali anangpe aki-er so phlok detno aro anang abithang apehel pa-ik phakngo. Laparake anangyok kros long kitar ayok pono.</div><div class="s">Jisu yok Kros Long Kitar</div><div class="r">(Mrk. 15:21-32; Luk. 23:26-43; Jhn. 19:16-27)</div><div class="p"> 32Anali olene kidam amun, Simon amen Sairene arleng ihutyok hlongo; anali bangpo arlengpo yok Jisu para kros parung pon tolo. 33Aro konam anali Golgotha (lake aphu akhorlop) kipu athempo yok wango, 34anali anangyok athe pen akiho alang paloksi tungo; manta konam labang wetno, anang junje yongo. 35Aro konam anali Jisu yok kros athak taro, la amun anali anang pe hel analidak akorom chilangsi chithak detsi eno. 36laparake anali lalong ining repmo aro anangyok lang phrongsi dolo. 37Aro anang aphutang long anang yok ado-kikol alam, &#8220;Anang Jihudi arecho Jisu&#8221; ladi wisi tar duno. 38Laparake bang hini kanghu, ihut ke ancho-ari aga aro ihutke debera aga anang pen kros long tarduno. 39Inghosi duwar kidam abangke aphu chihujuk-chihujuksi, Jisu yok ingthi ingthoksi patharak ngo, 40aro pulo, &#8220;Nang Arnam ahem pangho phrotsi nithom det kikem detne po nang bithang chiral! Nang Arnam Aso tene kros para wangsun.&#8221; 41Ladi mat-matsi bangthe hel pen kanong paklang hel aro kithe kiding abang, anangyok chongneksi, pulo, 42&#8220;Bang helyok anang ral unman; manta anang bithangyok ke chiral un-eh. Anangsi Israyel Recho; anang kros para minon wang pasun nang, aro hali anangyok krole. 43Anang Arnam yok kroldo; aneng do tene, minon Arnam anangyok paral nang; piyok pu tene anang kipu, &#8220;Ne ke Arnam Aso.&#8221; 44Anang pen kros long kitar kanghu helta anangyok laben thotsi patharakngo.</div><div class="s">Jisu Kithi Alam</div><div class="r">(Mrk. 15:33-41; Luk. 23:44-49; Jhn. 19:28-30)</div><div class="p"> 45Anelo sitem dut-dut amun, ghonta kithom apunyok longri dungsi ingting klaksi kido. 46Aro baji kithom bak apun Jisu suru hang-wongsi pulo, &#8220;Eli Eli, lema Sabachthani?&#8221; Labang alam poke, &#8220;Ne Arnam, ne Arnam, nang piyok netikang detno?&#8221; 47Konam angkhan arjapsi kilangdun abang labangpo arjulo, anali pulo, &#8220;Langnot, anangke Elija po yok taram do.&#8221; 48Lajongsi anali sitem ihutke katno aro pe kangduk icher ensi akithor alang long nimo aro dharim ihong alon along labang bamsi anangyok wetno. 49Manta kamprek helke pulo, &#8220;Inghong ngot, Elija po wangsi anangyok angrale ma angralre ili lang sonang.&#8221; 50Laparake Jisu phongni yok suruphak si hang-wongo aro anang ajiu achithe oro. 51Labang amunsi, Arnam ahem kihing pachi-ar klak ape athak para aling yok, bhak-ni chingsek phleno. Chiklik wango, aro arlong helta inghango. 52Aro thiri ahilik hel chingpulo, aro kangthir abang kithi kibi arang pomar ako-ong burphakngo. 53Anang kipep ahilik para kiburphak aphel anali kithi ahilik para olelo, aro kangthir Jerusalem rongpe yok damo, aro ako-ong arlengyok ango chiklango. 54Minonke konam phoro isi sonturi aghaipo aro anang pen Jisu yok honsi kido, aro alok hel, labadi chiklik hel aro ajat jat kachiplang theksi, anali chiphere detno, aro pulo, &#8220;Khanangsi labang arlengpo Arnam Aso kido.&#8221; 55Lalong ako-ong arlosohel, Jisu yok al-poson ensi, Galili para anang phel-phel kiwang, mehel ahuwit arloso akaholo para lang phrongsi kido. 56Analidak Mary Megdalini pe, Jems po aro Jusep po anang ai Mary pe, aro Jebedi po aso bang hini anali aipe mar kido.</div><div class="s">Jisu yok Kipep</div><div class="r">(Mrk. 15:42-47; Luk. 23:50-56; Jhn. 19:38-42)</div><div class="p"> 57Anithu amun, Jisu adun kachiplang Arimathiya arong para Jusep amen ihut hem-kime arleng wango. 58Anang Pilat po adungyok damo, aro Jisu abangpo hango; laparake Pilat po anangyok papitol yok thano. 59Lasi Jusep po anang abangpo eno aro linen asut ape ipak pen pero, 60aro anang akimi ne kanghol kipep arlong holungsi kituk ahilik long abangpo bilo. Anang laparake akithe arlong iplang pen thiri amahang bang klaksi bilo aro dam phlungo. 61Mary Megdalini pe aro kamprek Mary pe kipep ahilik long chimahang phrongsi lalong iningsi kido.</div><div class="s">Kipep Ahilik long Kihon</div><div class="p"> 62Phiyo arni, lake, Kachihonjok-arni aphel arni kido, bangthehel pen Pharisi hel Pilat po ango chingrum damo, 63aro pulo, &#8220;O kithepo, hali neng kachipurki alamthe ke kachobelpo Jisu hrengsi kido apor kipu, &#8220;Ne ni-thom aphel wang burphaknge.&#8221; 64Lasi ni-thom akhap arniyok thirilong kapahon tolyok thanot; lale tene, anang adun hel dame aro anangyok chinghu pon detne, aro &#8220;Anang kithi para bur-phakngo&#8221; pusi rat ayok than dame, labangsi ango kachobel yok ke aphelsi kachobelsi ingho chotbo.&#8221; 65Pilat po analiyok pulo, &#8220;Nali ikhel kihon sonturihel enot; damot, nali ki-un ateng pahon tolnot.&#8221; 66Lasi anali sonturipen damo, aro thiripo arlong aplangpo along asap pamsi sonturi helyok pahonsi bilo.</div>
 </div>
 </div>
</div>

AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.

Konam adap prango, ahuwit bangthehel aro rat asitem kithe kiding abang inansi ado kolsi Jisu yok kamari aphan lam chipangchimo. Aro anali anangyok bamthipsi pono aro Pilat po arideng champilo.


Konam, hutur arideng kichampi Judas po, akijolsi Jisu yok ado pek hlongo pusi thekngo, lalong anang neng chipharlep mo aro thom-kep rupa tanga atheng ensi bangthe hel pen kithe kiding adungyok woldam phakngo. Anang pulo, “Ne ado kangwe awi arlengyok champisi ne pap tiki hlongo.” Manta analike pulo, “Hali penke pot te do? Lake nang bithangne chilang ngot.” Rupa tanga atheng hel Arnam ahem long warsalsi anang damo, aro laparake anang damsi abithang chiweksi thilo. Manta bangthehel tanga atheng hel humsi pulo, “Labang ke arleng kamari para kihlong anohok apot apuru longke bi-hopot.” Anali inan chirwal tang aphel, aro anali labang anohok pen bang alongri arleng kipep ayok kumarpo alungle namo. Labang anatsi mini hok ta “awi alungle” puman. Laparake Jeremiya turki po parasi kipu, lake “Aro Israyel asohel ihutpo aphuthak ador pachipmo, labang ador kapachip po yok thom-kep rupa tanga atheng eno, aro Hemphu ke neyok kithan alam badi kumarpo alungle aphan analiyok pilo, kipu alamthe chokngo.”


Minon ke Jisu labang alongri gobornorpo ango parjapmo; aro gobornorpo anangyok arjulo, “Nangsi Jihudi hel Recho ma?” Jisu anangyok pulo, “Nang bithangsi pudo.” Manta bor-bangthe aro kithe-kiding hel anangyok ado kikol amun, anang itheta pudunde yongo. Lapara ke Pilat po anangyok pulo, “Anali nang nat konbak ado nang pijap do, mehel nang arjuje yong ma?” Manta anang itheta anangyok kipupe apotsi gobornorpo asombhik hlong detno.


Kijoktang-kamai kido aphongten gobornorpo akrol long kibeng arleng ihut yok ke rat kihang atengsi hloman. La-apor lalong kangho chot arleng Barabas amen pusi ihut akrol long kido. Lasi konam anali kachingrum aphel, Pilat po analiyok pulo, “Ne nali phan ingho yok te kapajokpi aneng do, Barabas poyok ma, ma Khristo kipu Jisu yok?” Piyok pu tene anali amek kachiso anatsi Jisu yok kichampi pusi Pilat po kithan un. Konam Pilat po bisar anghol long iningo, anang pisope lam imung hloduno,“Dhorom arlengpo alam long nang aduk kipinange ingjong, piyok pu tene tuwe nepharlo long anang natsi duk-hap hlongo.” Minon ke Bangthe hel pen kithe kiding abang, ratyok lam chutsi Barabas poyok hlosi Jisu yok kamari yok pahang tolo. Gobornorpo analiyok arju phakngo, “Bang hini adak ingho bangpoyok te naliphan nepajok tol nali anengdo?” Aro anali pulo, “Barabas po yok.” Pilat po analiyok pulo, “Tene Khristo kipu Jisu yok pot te inghol nang? Anali ahuwit ta pulo, “Anangyok kros long tarnot.” Laparake anang arjulo, “Piyok te, anang pot akangho tiki lo?” Manta anali ahuwit “anang yok kros long tarnot!” pusi hang chot chotno.


Lasi konam Pilat po anang kapajok nge kiron ayok ke ahul wangcheng chot-chot theksi, anang bekso lang ensi, aro rat ango ari chichamsi pulo, “Labang arlengpo kamari yok ne ado en-eh, labang ke nali bithang ado enot.” La-amun ahuwit rat dungsi pulo, “Anang wi haliyok aro hali sohel aphuthak padonang.” La-amun anang anali phan Barabas po yok pajokngo aro Jisu yok ke sabuk pen sap sapsi anang yok kros long kitar yok pekngo.


Laparake gobornorpo asonturi hel Jisu yok hem arloyok pono, aro anali sonturi alokjor hel anangyok komwolsi eno. Anali anangpe hel phlok detno aro aki-er arohon ape anangyok pa-ikngo, aro laparake anali anang phu athak ingsu phurkup otesi pa-ikngo. Ananli Jisu ancho-ari long tokok ihong pilo aro anang ngot tarhukngo aro “Jihudi hel Recho, aju pading nang” pusi chongnek ngo. Anali anangyok ingthi ingthokngo, aro tokok eno aro anang phu long pamklango. Anangyok chongnek tang aphel, anali anangpe aki-er so phlok detno aro anang abithang apehel pa-ik phakngo. Laparake anangyok kros long kitar ayok pono.


Anali olene kidam amun, Simon amen Sairene arleng ihutyok hlongo; anali bangpo arlengpo yok Jisu para kros parung pon tolo. Aro konam anali Golgotha (lake aphu akhorlop) kipu athempo yok wango, anali anangyok athe pen akiho alang paloksi tungo; manta konam labang wetno, anang junje yongo. Aro konam anali Jisu yok kros athak taro, la amun anali anang pe hel analidak akorom chilangsi chithak detsi eno. laparake anali lalong ining repmo aro anangyok lang phrongsi dolo. Aro anang aphutang long anang yok ado-kikol alam, “Anang Jihudi arecho Jisu” ladi wisi tar duno. Laparake bang hini kanghu, ihut ke ancho-ari aga aro ihutke debera aga anang pen kros long tarduno. Inghosi duwar kidam abangke aphu chihujuk-chihujuksi, Jisu yok ingthi ingthoksi patharak ngo, aro pulo, “Nang Arnam ahem pangho phrotsi nithom det kikem detne po nang bithang chiral! Nang Arnam Aso tene kros para wangsun.” Ladi mat-matsi bangthe hel pen kanong paklang hel aro kithe kiding abang, anangyok chongneksi, pulo, “Bang helyok anang ral unman; manta anang bithangyok ke chiral un-eh. Anangsi Israyel Recho; anang kros para minon wang pasun nang, aro hali anangyok krole. Anang Arnam yok kroldo; aneng do tene, minon Arnam anangyok paral nang; piyok pu tene anang kipu, “Ne ke Arnam Aso.” Anang pen kros long kitar kanghu helta anangyok laben thotsi patharakngo.


Anelo sitem dut-dut amun, ghonta kithom apunyok longri dungsi ingting klaksi kido. Aro baji kithom bak apun Jisu suru hang-wongsi pulo, “Eli Eli, lema Sabachthani?” Labang alam poke, “Ne Arnam, ne Arnam, nang piyok netikang detno?” Konam angkhan arjapsi kilangdun abang labangpo arjulo, anali pulo, “Langnot, anangke Elija po yok taram do.” Lajongsi anali sitem ihutke katno aro pe kangduk icher ensi akithor alang long nimo aro dharim ihong alon along labang bamsi anangyok wetno. Manta kamprek helke pulo, “Inghong ngot, Elija po wangsi anangyok angrale ma angralre ili lang sonang.” Laparake Jisu phongni yok suruphak si hang-wongo aro anang ajiu achithe oro. Labang amunsi, Arnam ahem kihing pachi-ar klak ape athak para aling yok, bhak-ni chingsek phleno. Chiklik wango, aro arlong helta inghango. Aro thiri ahilik hel chingpulo, aro kangthir abang kithi kibi arang pomar ako-ong burphakngo. Anang kipep ahilik para kiburphak aphel anali kithi ahilik para olelo, aro kangthir Jerusalem rongpe yok damo, aro ako-ong arlengyok ango chiklango. Minonke konam phoro isi sonturi aghaipo aro anang pen Jisu yok honsi kido, aro alok hel, labadi chiklik hel aro ajat jat kachiplang theksi, anali chiphere detno, aro pulo, “Khanangsi labang arlengpo Arnam Aso kido.” Lalong ako-ong arlosohel, Jisu yok al-poson ensi, Galili para anang phel-phel kiwang, mehel ahuwit arloso akaholo para lang phrongsi kido. Analidak Mary Megdalini pe, Jems po aro Jusep po anang ai Mary pe, aro Jebedi po aso bang hini anali aipe mar kido.


Anithu amun, Jisu adun kachiplang Arimathiya arong para Jusep amen ihut hem-kime arleng wango. Anang Pilat po adungyok damo, aro Jisu abangpo hango; laparake Pilat po anangyok papitol yok thano. Lasi Jusep po anang abangpo eno aro linen asut ape ipak pen pero, aro anang akimi ne kanghol kipep arlong holungsi kituk ahilik long abangpo bilo. Anang laparake akithe arlong iplang pen thiri amahang bang klaksi bilo aro dam phlungo. Mary Megdalini pe aro kamprek Mary pe kipep ahilik long chimahang phrongsi lalong iningsi kido.

Phiyo arni, lake, Kachihonjok-arni aphel arni kido, bangthehel pen Pharisi hel Pilat po ango chingrum damo, aro pulo, “O kithepo, hali neng kachipurki alamthe ke kachobelpo Jisu hrengsi kido apor kipu, “Ne ni-thom aphel wang burphaknge.” Lasi ni-thom akhap arniyok thirilong kapahon tolyok thanot; lale tene, anang adun hel dame aro anangyok chinghu pon detne, aro “Anang kithi para bur-phakngo” pusi rat ayok than dame, labangsi ango kachobel yok ke aphelsi kachobelsi ingho chotbo.” Pilat po analiyok pulo, “Nali ikhel kihon sonturihel enot; damot, nali ki-un ateng pahon tolnot.” Lasi anali sonturipen damo, aro thiripo arlong aplangpo along asap pamsi sonturi helyok pahonsi bilo.

සවන් දෙන්න MOTHI 27