<div class="version vid1535 iso6393ajz" data-vid="1535" data-iso6393="ajz">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s">Arnam Ahem Kapangho Detne Alam Jisu Kithan</div><div class="r">(Mrk. 13:1-2; Luk. 21:5-6)</div><div class="p"> 1Jisu Arnam ahem tikangsi aro kidam amun, anang adun hel anang dungyok wangsi Arnam ahem arlong kachirhap hel paklangyok adungyok wano. 2Laparake anang analiyok pulo, &#8220;Nali labang ahuwit thek doma, ma ingjong? Khanangsi ne nali thando, ahuwit wang pasun detne; holek isi arlongta isi athak isi arlong pachirhap ke bibe ye.&#8221;</div><div class="s">Aduk Pen Hongjat Kipi Alam</div><div class="r">(Mrk. 13:3-8; Luk. 21:7-11)</div><div class="p"> 3Konam Jisu Olip anglong kartulpe athak iningne kido apor, adun hel jolsi anang dung yok wangsi arjulo, &#8220;Lamehel konam chiplange? Aro nang kiwang phaknge, aro labang owe kijut apor asin pot te? Bangpo haliyok thanot.&#8221; 4Jisu analiyok pulo, &#8220;Chilangwen, kaita ta nali pangho ponpe nang. 5Ako-ong nemen pen wangsi puye, &#8220;nesi khristo,&#8221; aro anali ako-ong akangho aga nali pone. 6Aro nali dhawa aro dhawa alam kapangjar arju hlonge, manta nali chiphere yek, labang ke chiplang penne, manta ki-or aporke wangwe lang. 7Piyok pu tene ason para ason chilareye, aro longri para longri chilareye, aro along alongke akal aro chiklik wange: 8Ahuwit labang doye manta duk-tap hel oso kiplang abi kicheng badisi chenge.</div><div class="s">Honajt Kiwange Alam</div><div class="r">(Mrk. 13:9-13; Luk. 21:12-19)</div><div class="p"> 9Laparake nali nepsi kipam kitheng aduk kipiyok champiye aro mariye, aro ahuwit ason ne men anatsi naliyok sime. 10Lapara ke ako-ong arleng kikrol tikangsi inghoye, aro ihut para ihut yok hutur arideng champiye, aro ihut para ihutyok sime. 11Aro ako-ong turki asisik hel wang chiklange aro kangho aga pone. 12Piyok pu tene kangho arleng hel chan chotne aro ako-ong chot arleng hel nengdok ingsam detne. 13Manta inghosi ki-oryok chihisi do ye, anangsi joknge. 14Aro labang Arnam-alongri kime-alamthe, ason hel ayok hakhi kipi aphan, pirthepe ajal-dungsi pahar nange aro la-tangsi ki-or wange.</div><div class="s">Phere Meme Apor Alam</div><div class="r">(Mrk. 13:14-23; Luk. 17:23-24,37; 21:20-24)</div><div class="p"> 15&#8220;Lasi ili kapangho kisim meme abihini alamthe Daniyel turki po parasi kapathan, &#8220;Kaphere meme kiwang kangho apor nali theknge, anangyok kangthir athem long karjap nali thek hlonge&#8221; kachiporhe abang abhu pahlong nang, 16lapara ke Judiya long kido abang hel inglong helyok pakat nang; 17Hem athak inghosi doye anang hem arlo potdo ki-enyok wang pasunse nang; 18inghosi bithar long doye anang cholpo ki-en damyok pawang phakphe nang. 19Inghosi apok oso aro aso mok-pachu si doye anali konbak kaphere me-me doye! 20Nali kikat kichum apor lale kisang arni kichokche yok pingkit. 21Piyok pu tene la-apor ladi kithe aduk-tap doye, lake ladi aduk pirthepe kicheng para minon hok chiplangple yong aro jat chiplangpleye. 22Aro labang arnihel alekha pathik chotche tene munusi dungsi jokjelo hoi, manta karwal wen abang anatsi labang arnihel alekha pathi-otne. 23&#8220;Laparake inghone bak naliyok than tene, &#8220;Langot, holeksi Khristo do!&#8221; lale &#8220;halek do,&#8221;&#8212; labangpo jatsi krolek. 24Piyok pu tene asisik khristo aro asisik turkihel chiklange aro akithe asin aro asombhik asal paklangsi, akangho yok pone, un tene, Arnam karwal abang yokta chobele. 25Onenot, ne labang apor ango si nali thano. 26&#8220;Lasi, anali ke nang than, &#8220;Langot, anang ingnam along do,&#8221; pu tene oleke damek. Lahel nang than, &#8220;Langot! Anang hem arlosi do,&#8221; labang yok krolek. 27Piyok pu tene suneng kangder amun nihang para ni-chel yok katha-ang det badi Arleng Aso ta labadisi wange. 28Dak longsi kithi arangpo doye, lalongsi wo-hungun helta chipangrume.</div><div class="s">Arleng Aso Kiwangphak</div><div class="r">(Mrk. 13:24-27; Luk. 21:25-28)</div><div class="p"> 29&#8220;Duk-tap aphel jong-jongsi arni ingting klaknge aro chiklota katha-ang pipe ye aro suneng para chiklolangso hel jange aro ethakpe apharan hel hujuk detne. 30Lapara ke Arleng Aso asin suneng long chiklange aro lapara pirthimipe long ahuwit ajat hel nengdoho ye, aro anali Arleng Aso inghun long ajakong aro akithe jortang pen kiwang theknge. 31Aro anang asi akithesi pongka butsi kataram tharlonhel yok wangtole aro anali phili atok para karwal arleng helyok ethakpe long isi aga para prek agayok wansi pangrume.</div><div class="s">Dumuru Arongpe Para Kachirli Alam</div><div class="r">(Mrk. 13:28-31; Luk. 21:29-33)</div><div class="p"> 32&#8220;Dumuru arongpe para isi athenghlan chirli: konam anang arwo angjok chingjokngo tene nali phang-oh apor wang hlengo pusi chini un. 33Labadisi, konam lamehel abihini nali theknge anang hem owa adung hetno pusi nali than une. 34Khanangsi ne nali than do, labang owepo kiprelpre ango si lamehel chiplange. 35Ethakpe pen pirthimipe prel detne, manta nelamthe helke prelpre ye.</div><div class="s">Arnipe Pen Aporpo Ihutta Than Un-eh</div><div class="r">(Mrk. 13:32-37; Luk. 17:26-27,34-35; 21:34-36)</div><div class="p"> 36&#8220;Manta labang arni aphan aporpo ihut bakta than un-eh ye, ethakpe atharlon hel aro Aso ta than un-eh, manta Apa detsi than un. 37Piyok pu tene Nowa po arni jibadi, labadisi Arleng Aso kiwang amun ta chiplange. 38Piyok pu tene ban-alang ango Nowa po, jahaj long karludam arniyok arleng hel kicho kijun, aro jorme pachihapsi kido aro jorme pachihap jongsi kido, 39aro analiyok langpon detde lengyok ke lahel jat kithan un-eh, Arleng Aso kiwang amun ta ladi chiplange? 40Laparake bang hini arleng bithar long sal tikine kido amun; ihutke pon detne aro ihutke tikange. 41Bang hini arloso dhingsal along sok kitok jong amun, ihut pondetne aro ihutke tikange. 42Lasi inghongne donot, piyok pu tene nali Hemphu dakbang apor wange, bangpo nali than un-eh. 43Manta bangpo abhu hlongot: hem ahemphu kanghu kiwang aporpo kithan untene, anang amek jangjesi do uno hoi aro kanghuta anang hempo lut un-eh lo hoi. 44Lasi nalita chihonjok wenne do, piyok pu tene Arleng Aso kiwang aporta nali kachiron un-eh aporsi wange.</div><div class="s">Kikrol Aro Kikrol Un-eh Murkiya</div><div class="r">(Luk. 12:41-48)</div><div class="p"> 45&#8220;Laparake inghote apor kichok ateng kicho kijun kipithek, jipe murkiya poyok anang ahemphupo anali aphuthak kilangpon phu-phang pekngo, labadi kikrol aro agun kido murkiya po inghote? 46Ahemphu po kiwang arni, labang murkiyapo ladi katiki wang thek hlong tene, konbak bor-eh kichokpo! 47Khanangsi ne nali thando, anang kido kangwe hem-ret majitke anangyok kapalang aphan biye. 48Manta anang akangho murkiyapo ke, anang abithang chirondo, &#8220;Ne hemphu kiwang arni dinge,&#8221; 49aro anangke alok murkiya helyok kipam chengpono aro hor kangri abang pensi chodun aro jundunsi, 50konam arni labang murkiyapo kanghonghe, aro konam apor anang than un-eh, ladi apor si anang ahemphupo wange. 51Aro anangyok thubongsi, aneng asik abang pen anang kihlong nange abhak pachip me, la amun suru-cher hlonge aro aso chingkre hlonge.</div>
 </div>
 </div>
</div>

AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.

Jisu Arnam ahem tikangsi aro kidam amun, anang adun hel anang dungyok wangsi Arnam ahem arlong kachirhap hel paklangyok adungyok wano. Laparake anang analiyok pulo, “Nali labang ahuwit thek doma, ma ingjong? Khanangsi ne nali thando, ahuwit wang pasun detne; holek isi arlongta isi athak isi arlong pachirhap ke bibe ye.”


Konam Jisu Olip anglong kartulpe athak iningne kido apor, adun hel jolsi anang dung yok wangsi arjulo, “Lamehel konam chiplange? Aro nang kiwang phaknge, aro labang owe kijut apor asin pot te? Bangpo haliyok thanot.” Jisu analiyok pulo, “Chilangwen, kaita ta nali pangho ponpe nang. Ako-ong nemen pen wangsi puye, “nesi khristo,” aro anali ako-ong akangho aga nali pone. Aro nali dhawa aro dhawa alam kapangjar arju hlonge, manta nali chiphere yek, labang ke chiplang penne, manta ki-or aporke wangwe lang. Piyok pu tene ason para ason chilareye, aro longri para longri chilareye, aro along alongke akal aro chiklik wange: Ahuwit labang doye manta duk-tap hel oso kiplang abi kicheng badisi chenge.


Laparake nali nepsi kipam kitheng aduk kipiyok champiye aro mariye, aro ahuwit ason ne men anatsi naliyok sime. Lapara ke ako-ong arleng kikrol tikangsi inghoye, aro ihut para ihut yok hutur arideng champiye, aro ihut para ihutyok sime. Aro ako-ong turki asisik hel wang chiklange aro kangho aga pone. Piyok pu tene kangho arleng hel chan chotne aro ako-ong chot arleng hel nengdok ingsam detne. Manta inghosi ki-oryok chihisi do ye, anangsi joknge. Aro labang Arnam-alongri kime-alamthe, ason hel ayok hakhi kipi aphan, pirthepe ajal-dungsi pahar nange aro la-tangsi ki-or wange.


“Lasi ili kapangho kisim meme abihini alamthe Daniyel turki po parasi kapathan, “Kaphere meme kiwang kangho apor nali theknge, anangyok kangthir athem long karjap nali thek hlonge” kachiporhe abang abhu pahlong nang, lapara ke Judiya long kido abang hel inglong helyok pakat nang; Hem athak inghosi doye anang hem arlo potdo ki-enyok wang pasunse nang; inghosi bithar long doye anang cholpo ki-en damyok pawang phakphe nang. Inghosi apok oso aro aso mok-pachu si doye anali konbak kaphere me-me doye! Nali kikat kichum apor lale kisang arni kichokche yok pingkit. Piyok pu tene la-apor ladi kithe aduk-tap doye, lake ladi aduk pirthepe kicheng para minon hok chiplangple yong aro jat chiplangpleye. Aro labang arnihel alekha pathik chotche tene munusi dungsi jokjelo hoi, manta karwal wen abang anatsi labang arnihel alekha pathi-otne. “Laparake inghone bak naliyok than tene, “Langot, holeksi Khristo do!” lale “halek do,”— labangpo jatsi krolek. Piyok pu tene asisik khristo aro asisik turkihel chiklange aro akithe asin aro asombhik asal paklangsi, akangho yok pone, un tene, Arnam karwal abang yokta chobele. Onenot, ne labang apor ango si nali thano. “Lasi, anali ke nang than, “Langot, anang ingnam along do,” pu tene oleke damek. Lahel nang than, “Langot! Anang hem arlosi do,” labang yok krolek. Piyok pu tene suneng kangder amun nihang para ni-chel yok katha-ang det badi Arleng Aso ta labadisi wange. Dak longsi kithi arangpo doye, lalongsi wo-hungun helta chipangrume.


“Duk-tap aphel jong-jongsi arni ingting klaknge aro chiklota katha-ang pipe ye aro suneng para chiklolangso hel jange aro ethakpe apharan hel hujuk detne. Lapara ke Arleng Aso asin suneng long chiklange aro lapara pirthimipe long ahuwit ajat hel nengdoho ye, aro anali Arleng Aso inghun long ajakong aro akithe jortang pen kiwang theknge. Aro anang asi akithesi pongka butsi kataram tharlonhel yok wangtole aro anali phili atok para karwal arleng helyok ethakpe long isi aga para prek agayok wansi pangrume.


“Dumuru arongpe para isi athenghlan chirli: konam anang arwo angjok chingjokngo tene nali phang-oh apor wang hlengo pusi chini un. Labadisi, konam lamehel abihini nali theknge anang hem owa adung hetno pusi nali than une. Khanangsi ne nali than do, labang owepo kiprelpre ango si lamehel chiplange. Ethakpe pen pirthimipe prel detne, manta nelamthe helke prelpre ye.


“Manta labang arni aphan aporpo ihut bakta than un-eh ye, ethakpe atharlon hel aro Aso ta than un-eh, manta Apa detsi than un. Piyok pu tene Nowa po arni jibadi, labadisi Arleng Aso kiwang amun ta chiplange. Piyok pu tene ban-alang ango Nowa po, jahaj long karludam arniyok arleng hel kicho kijun, aro jorme pachihapsi kido aro jorme pachihap jongsi kido, aro analiyok langpon detde lengyok ke lahel jat kithan un-eh, Arleng Aso kiwang amun ta ladi chiplange? Laparake bang hini arleng bithar long sal tikine kido amun; ihutke pon detne aro ihutke tikange. Bang hini arloso dhingsal along sok kitok jong amun, ihut pondetne aro ihutke tikange. Lasi inghongne donot, piyok pu tene nali Hemphu dakbang apor wange, bangpo nali than un-eh. Manta bangpo abhu hlongot: hem ahemphu kanghu kiwang aporpo kithan untene, anang amek jangjesi do uno hoi aro kanghuta anang hempo lut un-eh lo hoi. Lasi nalita chihonjok wenne do, piyok pu tene Arleng Aso kiwang aporta nali kachiron un-eh aporsi wange.


“Laparake inghote apor kichok ateng kicho kijun kipithek, jipe murkiya poyok anang ahemphupo anali aphuthak kilangpon phu-phang pekngo, labadi kikrol aro agun kido murkiya po inghote? Ahemphu po kiwang arni, labang murkiyapo ladi katiki wang thek hlong tene, konbak bor-eh kichokpo! Khanangsi ne nali thando, anang kido kangwe hem-ret majitke anangyok kapalang aphan biye. Manta anang akangho murkiyapo ke, anang abithang chirondo, “Ne hemphu kiwang arni dinge,” aro anangke alok murkiya helyok kipam chengpono aro hor kangri abang pensi chodun aro jundunsi, konam arni labang murkiyapo kanghonghe, aro konam apor anang than un-eh, ladi apor si anang ahemphupo wange. Aro anangyok thubongsi, aneng asik abang pen anang kihlong nange abhak pachip me, la amun suru-cher hlonge aro aso chingkre hlonge.

සවන් දෙන්න MOTHI 24