<div class="version vid1535 iso6393ajz" data-vid="1535" data-iso6393="ajz">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s">Jisu Sar-lar Alam Kapaklang</div><div class="r">(Mrk. 7:1-13)</div><div class="p"> 1La-amun Pharisi aro kanong paklang hel Jerusalem para Jisu adungyok wangsi pulo, &#8220;Nang adun hel sar-larhel awe para awe tikijongsi kiwang abi-pun piyok mengme? 2Piyok pu tene anali ari chichamche detsi choman.&#8221; 3La-amun anang analiyok pulo, &#8220;Nali ta awe para awe tikisi kiwang abi-pun anatsi, Arnam kithan alamthe piyok mengme? 4Piyok pu tene Arnam pudo, &#8220;Nang apa aro aipe yok aman paklang aro inghosi anang apa lale anang aipe yok kangho ingjeman, anang aserengsi pathi nang.&#8221; 5Manta nali puman, inghosi anang pa po lale anang aipe yok thanman, ne para pot pensi nang akime chokngo hoi, bangpo Arnam yoksi pidet do, 6anang apa poyok jatsi aman piye not. Ladisi nali awe para awe tikisi kiwang abi-pun anat, Arnam alamthe pangwe det no. 7Ei nali nengsik abang! Jisoya po me-atsi turki alamthe nali paharo. Anang kipu, 8lamehel arleng helke, anali angho pensi aman nepaklang man, manta anali angthinhel ke ne para kaholo do. 9Akijolsi anali ne chirdomman, arleng kapaklang aphansi kanong alam pusi pachirliman.</div><div class="s">Suwa Alam</div><div class="r">(Mrk. 7:14-23)</div><div class="p"> 10Aro anang arleng helyok adung taramo aro analiyok pulo, &#8220;Onenot aro abhu pahlongot! 11Arleng ihut angho arlo potsi lut dam lake pasim un-eh manta angho para pot oleman labangsi pasim un.&#8221; 12Laparake adun hel anang dung wangsi pulo,&#8220;Nang thekdo ma, konam Pharisi hel nang kipu alam arju hlongsi aneng kidoho?&#8221; 13Anang pulo, &#8220;Ethakpe long kido ne Apa ki-eh arong tenta phur detne. 14Anali hudetne pado nang, analike chotok yok duwar kapaklang pon arleng. Aro chotok arleng ihut chotok arleng ihutyok paklang pon tene bang hinita ahilik long jang dame.&#8221; 15Manta Pitor po anangyok pulo, &#8220;Kaparhlan alam acho hali yok meso than phrot not.&#8221; 16Aro anang pulo, &#8220;Nang minon hokta abhu hlonghle lang ma? 17Nali thek the ma jipe angho pen potsi choman, lamehel apok yok hlengsi, aro bayot along ole detman, bangpo nali abhu hlonghle yong ma? 18Manta potsi anghopara mokol yok oleman lake angthin parasi wangman aro labang si arleng ihut yok pasimman. 19Angthin long parasi kangho kachiron hel, lake arleng kamari, kachopak, kangho kidoner, kanghu, kachobel, asisik hakhi kipihel wang oleman. 20Lamehel si arleng ihut yok pasim un, manta ari chichamche si kicho arleng ihut yok pasim un-eh.</div><div class="s">Kanan Arlosope Kikrol</div><div class="r">(Mrk. 7:24-30)</div><div class="p"> 21Aro Jisu lalong para tikangsi Tayar aro Sidon alongri ahol yok damo. 22Aro langot, Kanan arloso ihut labang ahol para olesi wango aro hangsi pulo, &#8220;Nang Dabhit po aso, toh ne jinso not, neso pe phere memesi si-ik hapdo.&#8221; 23Manta Jisu anangyok lam itheta thanthe yongot. Anang adun hel wango aro anangyok chingduk ngo. &#8220;Anangyok tolnot, anangke ili phel-phel hangwongsi wangdun do.&#8221; 24Anang pulo, &#8220;Neyok Israyel ahem kachingbo bherabik helyok detsi wang toldo. 25Manta anang angot tarhuksi pulo, &#8220;Hemphu nerap mot.&#8221; 26Aro anang pulo, &#8220;Osohel ahimpo en detsi, labangpo hik-helyok kipi akime kalek.&#8221; 27Anang pulo, &#8220;Oik, Hemphu, hik hel ahemphupo para kapajang somar cho hlong man. 28Lapara ke Jisu anangyok pulo, &#8220;Ei arloso pe, nang kikrol kar-ih atengne nang pachok dun nang.&#8221; Aro anang sope la jongsi medetno.</div><div class="s">Arleng Kiso Ako-ong Kapame</div><div class="r">(Mrk. 7:31-37)</div><div class="p"> 29Jisu lalong para damsi Galili langpe akung kung damo. Anang inglong yok ujelo aro lalong iningo. 30Aro arleng ako-ong anang dungyok wango aro chotok, kengkok, kalar, konga aro ajatjat kiso, analiyok Jisu akeng-ari long wang bilo aro anang analiyok pamelo. 31Lasi kalar lam kithan, konga kime phlen, kengkok akeng kidam aro chotok amek kithek, arleng hel theksi asombhik hlongo aro anali Israyel Arnam yok jortang pilo.</div><div class="s">Hajar Phili Arlengyok Kapacho</div><div class="r">(Mrk. 8:1-10)</div><div class="p"> 32Lapara ke Jisu anang adun hel yok adung taramsi pulo, &#8220;Rat helyok ne jinso memesi hlong do, piyok pu tene anali ne pen nithom do aro kicho apot wepeno. Ne analiyok pangchirlap ke kitol aneng ingjong, anali duwar ibeng abang atot weye.&#8221; 33Aro adun hel anangyok pulo, &#8220;Sangtel aju la-an arat kapacho yok an daklongte hlonge?&#8221; 34La-amun Jisu analiyok arjulo, &#8220;Nali long plangkan him do?&#8221; Anali pulo, &#8220;Plang thorok isi aro ok aso bekso bak do.&#8221; 35Lasi Jisu rat helyok lungle athak kangning yok thano. 36Anang him plang thorok-isi aro lang-ok eno aro Arnam yok kardom pisi anang lamehel ingbengsi adun hel yok pilo aro adun hel lamehel rat yok pilo. 37Aro anali ahuwit ta cholo aro aneng ingsamo, aro anali pachi thorok-isi plengsopsi abeng-ano kirihel pangrumo. 38Anali kicho abang hajar-phili apenso kido. Layongta oso aro arloso alekha en-eh yong. 39Aro Jisu rat helyok tol detsi anang tilong athak arlulo aro Magadan ahol yok damo.</div>
 </div>
 </div>
</div>

AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.

La-amun Pharisi aro kanong paklang hel Jerusalem para Jisu adungyok wangsi pulo, “Nang adun hel sar-larhel awe para awe tikijongsi kiwang abi-pun piyok mengme? Piyok pu tene anali ari chichamche detsi choman.” La-amun anang analiyok pulo, “Nali ta awe para awe tikisi kiwang abi-pun anatsi, Arnam kithan alamthe piyok mengme? Piyok pu tene Arnam pudo, “Nang apa aro aipe yok aman paklang aro inghosi anang apa lale anang aipe yok kangho ingjeman, anang aserengsi pathi nang.” Manta nali puman, inghosi anang pa po lale anang aipe yok thanman, ne para pot pensi nang akime chokngo hoi, bangpo Arnam yoksi pidet do, anang apa poyok jatsi aman piye not. Ladisi nali awe para awe tikisi kiwang abi-pun anat, Arnam alamthe pangwe det no. Ei nali nengsik abang! Jisoya po me-atsi turki alamthe nali paharo. Anang kipu, lamehel arleng helke, anali angho pensi aman nepaklang man, manta anali angthinhel ke ne para kaholo do. Akijolsi anali ne chirdomman, arleng kapaklang aphansi kanong alam pusi pachirliman.


Aro anang arleng helyok adung taramo aro analiyok pulo, “Onenot aro abhu pahlongot! Arleng ihut angho arlo potsi lut dam lake pasim un-eh manta angho para pot oleman labangsi pasim un.” Laparake adun hel anang dung wangsi pulo,“Nang thekdo ma, konam Pharisi hel nang kipu alam arju hlongsi aneng kidoho?” Anang pulo, “Ethakpe long kido ne Apa ki-eh arong tenta phur detne. Anali hudetne pado nang, analike chotok yok duwar kapaklang pon arleng. Aro chotok arleng ihut chotok arleng ihutyok paklang pon tene bang hinita ahilik long jang dame.” Manta Pitor po anangyok pulo, “Kaparhlan alam acho hali yok meso than phrot not.” Aro anang pulo, “Nang minon hokta abhu hlonghle lang ma? Nali thek the ma jipe angho pen potsi choman, lamehel apok yok hlengsi, aro bayot along ole detman, bangpo nali abhu hlonghle yong ma? Manta potsi anghopara mokol yok oleman lake angthin parasi wangman aro labang si arleng ihut yok pasimman. Angthin long parasi kangho kachiron hel, lake arleng kamari, kachopak, kangho kidoner, kanghu, kachobel, asisik hakhi kipihel wang oleman. Lamehel si arleng ihut yok pasim un, manta ari chichamche si kicho arleng ihut yok pasim un-eh.


Aro Jisu lalong para tikangsi Tayar aro Sidon alongri ahol yok damo. Aro langot, Kanan arloso ihut labang ahol para olesi wango aro hangsi pulo, “Nang Dabhit po aso, toh ne jinso not, neso pe phere memesi si-ik hapdo.” Manta Jisu anangyok lam itheta thanthe yongot. Anang adun hel wango aro anangyok chingduk ngo. “Anangyok tolnot, anangke ili phel-phel hangwongsi wangdun do.” Anang pulo, “Neyok Israyel ahem kachingbo bherabik helyok detsi wang toldo. Manta anang angot tarhuksi pulo, “Hemphu nerap mot.” Aro anang pulo, “Osohel ahimpo en detsi, labangpo hik-helyok kipi akime kalek.” Anang pulo, “Oik, Hemphu, hik hel ahemphupo para kapajang somar cho hlong man. Lapara ke Jisu anangyok pulo, “Ei arloso pe, nang kikrol kar-ih atengne nang pachok dun nang.” Aro anang sope la jongsi medetno.


Jisu lalong para damsi Galili langpe akung kung damo. Anang inglong yok ujelo aro lalong iningo. Aro arleng ako-ong anang dungyok wango aro chotok, kengkok, kalar, konga aro ajatjat kiso, analiyok Jisu akeng-ari long wang bilo aro anang analiyok pamelo. Lasi kalar lam kithan, konga kime phlen, kengkok akeng kidam aro chotok amek kithek, arleng hel theksi asombhik hlongo aro anali Israyel Arnam yok jortang pilo.


Lapara ke Jisu anang adun hel yok adung taramsi pulo, “Rat helyok ne jinso memesi hlong do, piyok pu tene anali ne pen nithom do aro kicho apot wepeno. Ne analiyok pangchirlap ke kitol aneng ingjong, anali duwar ibeng abang atot weye.” Aro adun hel anangyok pulo, “Sangtel aju la-an arat kapacho yok an daklongte hlonge?” La-amun Jisu analiyok arjulo, “Nali long plangkan him do?” Anali pulo, “Plang thorok isi aro ok aso bekso bak do.” Lasi Jisu rat helyok lungle athak kangning yok thano. Anang him plang thorok-isi aro lang-ok eno aro Arnam yok kardom pisi anang lamehel ingbengsi adun hel yok pilo aro adun hel lamehel rat yok pilo. Aro anali ahuwit ta cholo aro aneng ingsamo, aro anali pachi thorok-isi plengsopsi abeng-ano kirihel pangrumo. Anali kicho abang hajar-phili apenso kido. Layongta oso aro arloso alekha en-eh yong. Aro Jisu rat helyok tol detsi anang tilong athak arlulo aro Magadan ahol yok damo.

සවන් දෙන්න MOTHI 15