<div class="version vid1533 iso6393aim" data-vid="1533" data-iso6393="aim">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Mui ruoi Bunek Tetan na</div><div class="r">(Luk. 14:15-24)</div><div class="p"> 1Hale Jisun anmani jiang vei khat tetanna ari a a hong ti. 2Van rengram ha ko, a pasalnai mui ruoi ranga sin var reng khat anga ani. 3Hale mui ruoi na han kui na an mungai ha vakuitaru tia a suakngai ha alui tir, tak-ha anmanin lui hong ma u, 4Veikhatret, a man a suak dangngai ha hingahin atia a luitiret, an tinsha mingai jiang han vatiru enru bukheng don rang ha ka kan ning jui, siratchal anoltakngai ha an that i rakip an tor jui mui ruoi na han hongtaru. 5Tak-ha anmanin tak telluia an lungdo an lui che, an khat ning ama phailuia, a dang ha ning laloul a che jui. 6Hale adangngain ama a suakngai ha an churra, esella an tho pea, anmani ha an that jui. 7Tak-ha rengpan havarui a jet karra, a rangjui; hale ama aralmingai a tirra, mi thatngai ha a manmang a hale an khuo ham mei an vahaljui. 8Hava suale a man a suakngai jiang a hong ti, mui ruoi na rang i rakip kan tor jui, tak-ha kui na an mungai ha lui suak lai ma u. 9Hiva jarra nang nin lamlianna che in nang nan mu rakipngai ha mui ruoi na hin vakuiru. 10Han suakngai ning lamlianna an chea, mi sat le misatlui an mu rakip an hong kui manchunna; hale a hong lut rakip in muiruoina mun ha an sipjui.</div><div class="p"> 11Tak-ha rengpan khuolmingai ha en ranga a hong lut pha han, mui ruoi puan tho lui mi an khat a man a mu jui. 12han amam ama jiang a ti, ka sap, nang ko mui ruoi puan tho lui hivahin ija mo na hong lut? Hale ama ha chong ri torlaima. 13Hava suale rengpan a suakngai jiang a hong ti, &#8220;A ma hi a kut a ke khit in nang, tualla a jing karra dengjuanru; hava mun han chap le harialna nei nati.&#8221;</div><div class="p"> 14Ajarko mitam ha an kui, tak-ha aviar jak an thang.</div><div class="s">Khasana Pek ruia Dingkel</div><div class="r">(Mrk. 12:13-17; Luk. 20:20-26)</div><div class="p"> 15Hava suale pharisingain an chea, ama hi a chong ri a ija mo kan chur rang tia chong kansiamna an lui nei. 16Hale anmanin Herod chong le kan ruaia an suakngai ama jiang an tirra an hong manti, &#8220;Oja,&#8221; nang ko na dik, &#8220;Pathian lam ha adik na man chu, animakle tu khat om chit ma che, ajarko nang ko miring mitmai en ma che tihi kein in kan jet. 17Hiva jarra keini jiang na ri pero, nang in imo na ngaidon, Keisar jiang khasana pek hi dan chong jui lui mo ani?&#8221;</div><div class="p"> 18Tak-ha Jisun an satlui ha a jet a hong ti, &#8220;A sat kan rol ngai, iruija mo nang nin kei hi nan na en sin?&#8221; 19Khasana peisa ha kei jiang na doperu, han annanin Dinar khat ama jiang an hong choi. 20Hale a man anmani jiang a ti, a ra mil le a mel hi tuta mo?</div><div class="p"> 21Anmanin ama jiang anti, &#8220;Keisar ta ke han a man anmani jiang a ti; hava jarra Keisar ta ha Keisar jiang; hale Pathian ta ha Pathian jiang peru.&#8221;</div><div class="p"> 22Anmanin hiva chongngai hi an jet pha angakjui hale ama ha an mak a an che jui.</div><div class="s">A thi Ringkhir Ruia Dingkel</div><div class="r">(Mrk. 12:18-27; Luk. 20:27-40)</div><div class="p"> 23Hiva nikhuo len hin ringkhir omak anti sadusingain ama jiang an honga an lui dingkel. 24An hong ti, &#8220;Oja&#8221; Mousi ning alui ti, a nai om lui a pasal khat in a thi inko, ama ulenai khat in ama a numei ha nei ret rashe, hale a u a nai ranga achi kei sua rashe. 25keini karra pasal sari ulenai an lui om, ulianpa ha ning numei anei suale a thi jui, hale nai a nei mak jarra, a nai pangpa jiang amak pe jui. 26Anni chang na, an thum chang nale sari chang na khan na ha ang han anni ver jui. 27Hale an renga a torna han numeinu om a thi jui. 28Hiva jarra ringkhir ni han numeinu ha anmani sari karra tu lomnu mo a chang rang? Ajarko an renga ama ha an lui nei.</div><div class="p"> 29Jisun anmani jiang a hong shanga &#8220;Nang ni diklai ma che u, chong thiang rabu le Pathian ranak jet lai mak che u&#8221; a ti. 30Ajarko ringkhir nikhuo han anmanin mui ruoi ma u hale anmani ha mui an kanruoi kan pek ma u, tak-ha Pathian vantir thaneithiang anga vanram ma an om. 31Tak-ha a thingai ringkhirna ruia, nang ni jiang Pathian nin a tihi nang nin pa ma che u mo? 32&#8220;Kei ko Abraham, Isak, Jakob Pathian ha ka ni, pathian ko athingai Pathian nimak tak-ha a ring ngai rang ka ni alui ti.&#8221;</div><div class="p"> 33Hale mitamngain hava ha an ngai karra a man a man chu na ha an lui ngak jui.</div><div class="s">Chong pek Liantak</div><div class="r">(Mrk. 12:28-34; Luk. 10:25-28)</div><div class="p"> 34Tak-ha a man sadusingai ha man kan shang torlaima ti ha pharisingain an jet karra, anmani an kan chun jui. 35Hava suale anmani karra dan thei an khat in ama ha en sin na chong dingkel nakhat anei a a ti, 36&#8220;Oja dan chong pek sunga hotak ning mo chong be a lian tak ani?&#8221;</div><div class="p"> 37Jisun ama jiang a ti, &#8220;Nang in puma na Pathian ha na lung renga na thavang pumpuia hale na lung ril pumpui le kan ruai a lungsiatro. 38Hivahi a phut nale a lian tak chong be ke ani. 39Hale anni chang na ha hi ani, nang in na inn ri inn tang ha na tak khet anga na lungsiat rang ani. 40Chong be anni hi ning dan chong le tashantheingai chong a bo ver jui ani.&#8221;</div><div class="s">Mesaia Ruia Dingkel</div><div class="r">(Mrk. 12:35-37; Luk. 20:41-44)</div><div class="p"> 41Pharisingain an kan chun verlai, Jisun anmanin jiang a hong dingkel, 42&#8220;Khrista ruia nang nin imo nan ngaidon? Amai tunai pasal mo ani? Anmanin ama jiang, David a pasalnai ke, anti.&#8221;</div><div class="p"> 43A man anmani jiang a ti, &#8220;Ija mo&#8221; David in thavang tianga ama ha puma tia a kui? 44&#8220;Puman ka puma jiang a ti; kein nang ana en dangai ha nang na ke thuoija ka siak maje, ka chang tiang ongro.&#8221; 45David ning ama ha puma tia a kui inko, ama a pasalnai ija mo ani?</div><div class="p"> 46Hale tu khat innom ama jiang chong khat om lui shang torlai ma u, animakle hava nikhuo tenna tu khat innom ama jiang ngamtak chong dingkel torlai ma u.</div>
 </div>
 </div>
</div>

Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.

Hale Jisun anmani jiang vei khat tetanna ari a a hong ti. Van rengram ha ko, a pasalnai mui ruoi ranga sin var reng khat anga ani. Hale mui ruoi na han kui na an mungai ha vakuitaru tia a suakngai ha alui tir, tak-ha anmanin lui hong ma u, Veikhatret, a man a suak dangngai ha hingahin atia a luitiret, an tinsha mingai jiang han vatiru enru bukheng don rang ha ka kan ning jui, siratchal anoltakngai ha an that i rakip an tor jui mui ruoi na han hongtaru. Tak-ha anmanin tak telluia an lungdo an lui che, an khat ning ama phailuia, a dang ha ning laloul a che jui. Hale adangngain ama a suakngai ha an churra, esella an tho pea, anmani ha an that jui. Tak-ha rengpan havarui a jet karra, a rangjui; hale ama aralmingai a tirra, mi thatngai ha a manmang a hale an khuo ham mei an vahaljui. Hava suale a man a suakngai jiang a hong ti, mui ruoi na rang i rakip kan tor jui, tak-ha kui na an mungai ha lui suak lai ma u. Hiva jarra nang nin lamlianna che in nang nan mu rakipngai ha mui ruoi na hin vakuiru. Han suakngai ning lamlianna an chea, mi sat le misatlui an mu rakip an hong kui manchunna; hale a hong lut rakip in muiruoina mun ha an sipjui.
Tak-ha rengpan khuolmingai ha en ranga a hong lut pha han, mui ruoi puan tho lui mi an khat a man a mu jui. han amam ama jiang a ti, ka sap, nang ko mui ruoi puan tho lui hivahin ija mo na hong lut? Hale ama ha chong ri torlaima. Hava suale rengpan a suakngai jiang a hong ti, “A ma hi a kut a ke khit in nang, tualla a jing karra dengjuanru; hava mun han chap le harialna nei nati.”
Ajarko mitam ha an kui, tak-ha aviar jak an thang.


Hava suale pharisingain an chea, ama hi a chong ri a ija mo kan chur rang tia chong kansiamna an lui nei. Hale anmanin Herod chong le kan ruaia an suakngai ama jiang an tirra an hong manti, “Oja,” nang ko na dik, “Pathian lam ha adik na man chu, animakle tu khat om chit ma che, ajarko nang ko miring mitmai en ma che tihi kein in kan jet. Hiva jarra keini jiang na ri pero, nang in imo na ngaidon, Keisar jiang khasana pek hi dan chong jui lui mo ani?”
Tak-ha Jisun an satlui ha a jet a hong ti, “A sat kan rol ngai, iruija mo nang nin kei hi nan na en sin?” Khasana peisa ha kei jiang na doperu, han annanin Dinar khat ama jiang an hong choi. Hale a man anmani jiang a ti, a ra mil le a mel hi tuta mo?
Anmanin ama jiang anti, “Keisar ta ke han a man anmani jiang a ti; hava jarra Keisar ta ha Keisar jiang; hale Pathian ta ha Pathian jiang peru.”
Anmanin hiva chongngai hi an jet pha angakjui hale ama ha an mak a an che jui.


Hiva nikhuo len hin ringkhir omak anti sadusingain ama jiang an honga an lui dingkel. An hong ti, “Oja” Mousi ning alui ti, a nai om lui a pasal khat in a thi inko, ama ulenai khat in ama a numei ha nei ret rashe, hale a u a nai ranga achi kei sua rashe. keini karra pasal sari ulenai an lui om, ulianpa ha ning numei anei suale a thi jui, hale nai a nei mak jarra, a nai pangpa jiang amak pe jui. Anni chang na, an thum chang nale sari chang na khan na ha ang han anni ver jui. Hale an renga a torna han numeinu om a thi jui. Hiva jarra ringkhir ni han numeinu ha anmani sari karra tu lomnu mo a chang rang? Ajarko an renga ama ha an lui nei.
Jisun anmani jiang a hong shanga “Nang ni diklai ma che u, chong thiang rabu le Pathian ranak jet lai mak che u” a ti. Ajarko ringkhir nikhuo han anmanin mui ruoi ma u hale anmani ha mui an kanruoi kan pek ma u, tak-ha Pathian vantir thaneithiang anga vanram ma an om. Tak-ha a thingai ringkhirna ruia, nang ni jiang Pathian nin a tihi nang nin pa ma che u mo? “Kei ko Abraham, Isak, Jakob Pathian ha ka ni, pathian ko athingai Pathian nimak tak-ha a ring ngai rang ka ni alui ti.”
Hale mitamngain hava ha an ngai karra a man a man chu na ha an lui ngak jui.


Tak-ha a man sadusingai ha man kan shang torlaima ti ha pharisingain an jet karra, anmani an kan chun jui. Hava suale anmani karra dan thei an khat in ama ha en sin na chong dingkel nakhat anei a a ti, “Oja dan chong pek sunga hotak ning mo chong be a lian tak ani?”
Jisun ama jiang a ti, “Nang in puma na Pathian ha na lung renga na thavang pumpuia hale na lung ril pumpui le kan ruai a lungsiatro. Hivahi a phut nale a lian tak chong be ke ani. Hale anni chang na ha hi ani, nang in na inn ri inn tang ha na tak khet anga na lungsiat rang ani. Chong be anni hi ning dan chong le tashantheingai chong a bo ver jui ani.”


Pharisingain an kan chun verlai, Jisun anmanin jiang a hong dingkel, “Khrista ruia nang nin imo nan ngaidon? Amai tunai pasal mo ani? Anmanin ama jiang, David a pasalnai ke, anti.”
A man anmani jiang a ti, “Ija mo” David in thavang tianga ama ha puma tia a kui? “Puman ka puma jiang a ti; kein nang ana en dangai ha nang na ke thuoija ka siak maje, ka chang tiang ongro.” David ning ama ha puma tia a kui inko, ama a pasalnai ija mo ani?
Hale tu khat innom ama jiang chong khat om lui shang torlai ma u, animakle hava nikhuo tenna tu khat innom ama jiang ngamtak chong dingkel torlai ma u.

සවන් දෙන්න MATHIU 22