<div class="version vid1425 iso6393rmy" data-vid="1425" data-iso6393="rmy">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s">O Jesus &#382;ivindisailo</div><div class="p"> 1Pala o sabato, kana u&#353;tel o dies o mai angluno le kurkesko, e Maria anda e Magdala ai e kaver Maria gele te dikhen o groapo&#353;evo. 2Ai eta, strazo e phuv isdraias zurales ke jekh and&#382;elo le Baresko vulisto anda o &#269;eri, avilo te spidel o ba&#345; rigate, ai be&#353;el opral. 3Lesko mui sas sar te strefial, ai leske tsalia parne sar o iv. 4Kai arakhen isdraile daratar, ai aresle sar mule. 5Numa o and&#382;elo lias e vorba, ai phenel ka le &#382;iuvlia: Tumen, na daran; ke me &#382;ianav ke tume roden le Jesus kai sas amblado pe o tru&#353;ul. 6Vo nai kathe; vo &#382;ivindisailo, sar vo phendiasas. Aven, dikhen o than kai vo sas tele, 7ai &#382;ian sigo te phenen ka leske vorta&#269;a ke vo &#382;ivindisailo anda le mule. Ai eta, vo &#382;iala angla savo&#345;ende tumendar ande e Galilea: kothe tume dikhena les. Eta, me phendem tumenge.</div><div class="p"> 8Von geletar sigo katar o groapo&#353;evo, darasa ai but veselimasa, ai von na&#353;le te ningeren e viasta ka le vorta&#269;a. 9Ai eta, o Jesus avilo angla lende, ai phenel: Me dav tumen pozdraimos.</div><div class="p">Von pa&#353;ile t'asban leske pun&#345;e, ai von klonisaile angla leste. 10Atun&#269;i o Jesus phenel lenge: Na daran; &#382;ian te phenen ka mu&#345;e phral te &#382;ian ande e Galilea, kothe von dikhena man.</div><div class="s">So phenen le ketani kai arakhle</div><div class="p"> 11&#381;ikin von si pe e vurma, uni ketani kai arakhenas gele ande o foro, ai phende ka le bare ra&#353;a so areslias. 12Kudala, pala ke kjidine pe le puranensa ai avile ande jekh than, dine ka le ketani but love, 13phenenas: Phenen ke leske vorta&#269;a avile riate te &#269;oren les, &#382;ikin ame sovasas. 14Ai te avela o vladoro t'a&#353;unel, &#382;ianasa ame sar te phenas leske te na avela tumen &#269;i jekh baio.</div><div class="p"> 15Le ketani line le love, ai kerde sar sas lenge phendo. Ai kudia viasta geli ma&#353;kar le &#381;idovuri, &#382;i adies.</div><div class="s">O Jesus sikadilo ka peske vorta&#269;a</div><div class="p"> 16Le de&#353;-u-jekh vorta&#269;a gele ande e Galilea, pe o plai kai o Jesus sikadias lenge. 17Kana von dikhle les, von klonisaile angla leste. Numa uni &#269;i patian. 18O Jesus, pa&#353;ilo, del duma lensa kadia: Sa e putiaria si man dini ande o &#269;eri ai pe e phuv. 19&#381;ian, keren anda sa le thema t'aven vorta&#269;a, bolen le ande o anav le Devlesko, le &#352;iavesko ai le Svinto Duxosko, 20ai sikiaren le te len sama sa so me sikiardem tumen. Ai eta, me sim tumensa sako dies, &#382;ikin &#269;i getola pe e lumia.</div>
 </div>
 </div>
</div>

Pala o sabato, kana uštel o dies o mai angluno le kurkesko, e Maria anda e Magdala ai e kaver Maria gele te dikhen o groapoševo. Ai eta, strazo e phuv isdraias zurales ke jekh andželo le Baresko vulisto anda o čeri, avilo te spidel o bař rigate, ai bešel opral. Lesko mui sas sar te strefial, ai leske tsalia parne sar o iv. Kai arakhen isdraile daratar, ai aresle sar mule. Numa o andželo lias e vorba, ai phenel ka le žiuvlia: Tumen, na daran; ke me žianav ke tume roden le Jesus kai sas amblado pe o trušul. Vo nai kathe; vo živindisailo, sar vo phendiasas. Aven, dikhen o than kai vo sas tele, ai žian sigo te phenen ka leske vortača ke vo živindisailo anda le mule. Ai eta, vo žiala angla savořende tumendar ande e Galilea: kothe tume dikhena les. Eta, me phendem tumenge.
Von geletar sigo katar o groapoševo, darasa ai but veselimasa, ai von našle te ningeren e viasta ka le vortača. Ai eta, o Jesus avilo angla lende, ai phenel: Me dav tumen pozdraimos.
Von pašile t'asban leske punře, ai von klonisaile angla leste. Atunči o Jesus phenel lenge: Na daran; žian te phenen ka muře phral te žian ande e Galilea, kothe von dikhena man.

Žikin von si pe e vurma, uni ketani kai arakhenas gele ande o foro, ai phende ka le bare raša so areslias. Kudala, pala ke kjidine pe le puranensa ai avile ande jekh than, dine ka le ketani but love, phenenas: Phenen ke leske vortača avile riate te čoren les, žikin ame sovasas. Ai te avela o vladoro t'ašunel, žianasa ame sar te phenas leske te na avela tumen či jekh baio.
Le ketani line le love, ai kerde sar sas lenge phendo. Ai kudia viasta geli maškar le Židovuri, ži adies.

Le deš-u-jekh vortača gele ande e Galilea, pe o plai kai o Jesus sikadias lenge. Kana von dikhle les, von klonisaile angla leste. Numa uni či patian. O Jesus, pašilo, del duma lensa kadia: Sa e putiaria si man dini ande o čeri ai pe e phuv. Žian, keren anda sa le thema t'aven vortača, bolen le ande o anav le Devlesko, le Šiavesko ai le Svinto Duxosko, ai sikiaren le te len sama sa so me sikiardem tumen. Ai eta, me sim tumensa sako dies, žikin či getola pe e lumia.

සවන් දෙන්න Matei 28