<div class="version vid1329 iso6393kne" data-vid="1329" data-iso6393="kne">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt1"><span class="content">Maipanggep Sin Libro Ay Nay</span></div><div class="ip"><span class="content">Din nangisolat sin Genesis et si Moses ay nangipaisolatan met laeng Diyos sin maisned ay opat ay libro. Ad-ado di maistorya isna manlogi sin namarsuaan Diyos sin lobong enggana sin inmeyan di ipogaw Diyos ed Egipto.</span></div><div class="ip"><span class="content">Din olog di Genesis et &#8220;napoan.&#8221; Mabalin ay magodwa din linaona maibasar isnan olog na ay nay. Sin kapitolo 1-11, maistorya di napoan di lobong ya ipogaw. Mabasas na din maipanggep sin damo ay ipogaw ay da Adan en Eva, din damo ay basol, din damo ay namses biyag, da Noe ya din nalbengan di lobong, ya din nankinalasian di kalin di ipogaw.</span></div><div class="ip"><span class="content">Sin maisned ay kapitolo 12-50, maistorya din napoan di ipogaw en Diyos ay makwani en Judio ono Israelita. Mabasas na din maipanggep en da Abraham, si Isaac ay anak na, ya din apo na ay si Jacob ay manngadan abe si Israel. Si Jacob ay nay di aman di sinpo ya dowa ay lallalaki ay maibilang ay aap-on di sinpo ya dowa ay tribun di Israelita. Manlogi sin kapitolo 37, madad-at din nakaskasdaaw ay naamag en Jose ay esay anak en Jacob ya din nan-etanan da Jacob ay en nakiili ed Egipto.</span></div><div class="ip"><span class="content">Peteg ay nabanol din libro ay nay en datako, tan say pan-adalan tako sin ogali ya panakabalin di tet-ewa ay Diyos, din tinawid tako ay basol, ya din iyat Diyos ay mangay-ayowan si ipogaw ay mamati en sisya ya manosa si mangam-amag si lawa.</span></div><div class="iot"><span class="content">Din Linaona</span></div><div class="io1"><span class="content">Din namarsuaan Diyos sin lobong ya din damo ay ipogaw 1:1&#8211;2:25</span></div><div class="io1"><span class="content">Din damo ay basol ya din dosa ay inkeddeng Diyos 3:1-24</span></div><div class="io1"><span class="content">Da Cain en Abel ya odom ay polin Adan 4:1&#8211;5:32</span></div><div class="io1"><span class="content">Da Noe ya din nanlebngan Diyos sin daga 6:1&#8211;10:32</span></div><div class="io1"><span class="content">Din nankinalasian di kalin di ipogaw 11:1-9</span></div><div class="io1"><span class="content">Din listaan di aap-on Abraham 11:10-32</span></div><div class="io1"><span class="content">Da Abraham en Isaac ya si Jacob 12:1&#8211;35:29</span></div><div class="io1"><span class="content">Da Jose ya din aag-i na 37:1&#8211;45:28</span></div><div class="io1"><span class="content">Din inmeyan da Jacob ed Egipto 46:1&#8211;50:26</span></div>
      </div>
   </div>
</div>

Maipanggep Sin Libro Ay Nay
Din nangisolat sin Genesis et si Moses ay nangipaisolatan met laeng Diyos sin maisned ay opat ay libro. Ad-ado di maistorya isna manlogi sin namarsuaan Diyos sin lobong enggana sin inmeyan di ipogaw Diyos ed Egipto.
Din olog di Genesis et “napoan.” Mabalin ay magodwa din linaona maibasar isnan olog na ay nay. Sin kapitolo 1-11, maistorya di napoan di lobong ya ipogaw. Mabasas na din maipanggep sin damo ay ipogaw ay da Adan en Eva, din damo ay basol, din damo ay namses biyag, da Noe ya din nalbengan di lobong, ya din nankinalasian di kalin di ipogaw.
Sin maisned ay kapitolo 12-50, maistorya din napoan di ipogaw en Diyos ay makwani en Judio ono Israelita. Mabasas na din maipanggep en da Abraham, si Isaac ay anak na, ya din apo na ay si Jacob ay manngadan abe si Israel. Si Jacob ay nay di aman di sinpo ya dowa ay lallalaki ay maibilang ay aap-on di sinpo ya dowa ay tribun di Israelita. Manlogi sin kapitolo 37, madad-at din nakaskasdaaw ay naamag en Jose ay esay anak en Jacob ya din nan-etanan da Jacob ay en nakiili ed Egipto.
Peteg ay nabanol din libro ay nay en datako, tan say pan-adalan tako sin ogali ya panakabalin di tet-ewa ay Diyos, din tinawid tako ay basol, ya din iyat Diyos ay mangay-ayowan si ipogaw ay mamati en sisya ya manosa si mangam-amag si lawa.
Din Linaona
Din namarsuaan Diyos sin lobong ya din damo ay ipogaw 1:1–2:25
Din damo ay basol ya din dosa ay inkeddeng Diyos 3:1-24
Da Cain en Abel ya odom ay polin Adan 4:1–5:32
Da Noe ya din nanlebngan Diyos sin daga 6:1–10:32
Din nankinalasian di kalin di ipogaw 11:1-9
Din listaan di aap-on Abraham 11:10-32
Da Abraham en Isaac ya si Jacob 12:1–35:29
Da Jose ya din aag-i na 37:1–45:28
Din inmeyan da Jacob ed Egipto 46:1–50:26

සවන් දෙන්න Genesis Maipanggep Sin Libro Ay Nay