<div class="version vid1315 iso6393ivv" data-vid="1315" data-iso6393="ivv">
 <div class="book bkPSA">
 <div class="chapter ch96" data-usfm="PSA.96">
 <div class="label">96</div><div class="s">No Dios a iya so makakniknin a Patol</div><div class="p"> 1Makanta kamo so vayo a kanta do Dios! Pakantay no atavo do mondo aya do Dios! 2Makanta kamo do Dios as kadaday nio sia! Ipayvahevahey nio a kararaw o balita aya do nakalibri na diaten. 3Ipayvahevahey nio o pakaknikninan na do atavo a nasion. Ipayvahevahey nio pa do atavo a tawo o makakniknin sa a pinarin na.</div><div class="p"> 4Oyod a mato o Dios dawa pamatohen ta sia a dadayen. Torohan ta sia so onor a iya so mamanito kano atavo a anianiven. 5Ta sira o diosdiosan sa no kadwan a nasion am idolo a abo so ipakapamarin pero no Dios o minamaog so tohos. 6Mian sia do panghovokan no onor kano sehdang. Mapno no avid kano ipakapamarin o templo na.</div><div class="p"> 7Dadayen o Dios, inio atavo a tawotawo do tana aya. Dadayen ta sia do ipakapamarin kano pakaknikninan na. 8Dadayen o mato aya a ngaran na. Manangay kamo so itoroh nio sia do templo na. 9Komheb kamo a omdaday so Dios. Omlayin kamo atavo do salapan na.</div><div class="p"> 10Vatahen nio do atavo a nasiones, &#8220;No Dios o Patol! Pinaytetnek na so mahni o tana aya a dia magliglit as maypatol anti sia so mahosto do atavo a tawotawo.&#8221; 11Maytavo a masoyot! No tana, no tohos, no taaw as kano atavo sa a inamaog dia, 12no katakyan kano atavo a mian daw! No kakayoan am mangyaw no soyot, 13do kawara anti no Dios a maypatol do tana aya. Ta maypatol anti sia a mahosto as abo so kapangatatarek do atavo a tawotawo.</div>
 </div>
 </div>
</div>

Makanta kamo so vayo a kanta do Dios! Pakantay no atavo do mondo aya do Dios! Makanta kamo do Dios as kadaday nio sia! Ipayvahevahey nio a kararaw o balita aya do nakalibri na diaten. Ipayvahevahey nio o pakaknikninan na do atavo a nasion. Ipayvahevahey nio pa do atavo a tawo o makakniknin sa a pinarin na.
Oyod a mato o Dios dawa pamatohen ta sia a dadayen. Torohan ta sia so onor a iya so mamanito kano atavo a anianiven. Ta sira o diosdiosan sa no kadwan a nasion am idolo a abo so ipakapamarin pero no Dios o minamaog so tohos. Mian sia do panghovokan no onor kano sehdang. Mapno no avid kano ipakapamarin o templo na.
Dadayen o Dios, inio atavo a tawotawo do tana aya. Dadayen ta sia do ipakapamarin kano pakaknikninan na. Dadayen o mato aya a ngaran na. Manangay kamo so itoroh nio sia do templo na. Komheb kamo a omdaday so Dios. Omlayin kamo atavo do salapan na.
Vatahen nio do atavo a nasiones, “No Dios o Patol! Pinaytetnek na so mahni o tana aya a dia magliglit as maypatol anti sia so mahosto do atavo a tawotawo.” Maytavo a masoyot! No tana, no tohos, no taaw as kano atavo sa a inamaog dia, no katakyan kano atavo a mian daw! No kakayoan am mangyaw no soyot, do kawara anti no Dios a maypatol do tana aya. Ta maypatol anti sia a mahosto as abo so kapangatatarek do atavo a tawotawo.

සවන් දෙන්න Salmo 96