<div class="version vid1315 iso6393ivv" data-vid="1315" data-iso6393="ivv">
 <div class="book bkPSA">
 <div class="chapter ch106" data-usfm="PSA.106">
 <div class="label">106</div><div class="s">No kadaday so Dios a masisien</div><div class="p"> 1Dadayen ta o Dios as kapamahemahes ta sia takwan oyod sia a mapia kano machipanda ava o addaw na. 2Ara paro makaparin sia pavatahen o atavo a makakniknin a pinarin na sa anmana ara paro manawob so kadaday sia? 3Masoyosoyot sa o komita so mapia a hostisia as kafermi da mamarin so mayanong.</div><div class="p"> 4Kanakmen mo yaken, mo Apo, an sidongen mo sa kano an librien mo sa o pinidi mo sa a tawotawo mo, 5tapian mavoya ko sia o kabendision mo dira do tawotawo mo kano machipasoyot ako dira as kapachangay ko pa do tinoroh aya dimo a nasion mo a torohan mo so onor.</div><div class="p"> 6Makagatogatos kami a akma so kaparin da no apoapo namen sa. Oyod a narahet o pinariparin namen. 7Sira o apoapo namen sa kaychowa am pinakamia dava o aro sawri a makakniknin a pinarin mo dira do kayan da do Egipto. Chinawayakan da o masanib awri a kapavoya mo nia dira o kaddaw kano kasi mo nira asna no nakapachisobna da pa dimo do kayan da do taaw awri a tawagan da so Red Sea. 8Amna kayan pa no nakalibri mo sira akma so nipromisa mo dira as kapavoya mo nia do kadwan a nasiones o makakniknin aya ipakapamarin mo. 9Nimandoan mo o taaw awri a mayara tapian mian o makolay a panahanan da as kapawnot mo sira a mayatovang do taaw ori a mayam do makolay a rarahan do hovok no taaw aya. 10Nilibri mo sa do komontra sira kan dira do kalaban da sa. 11Ta chinamotan sa atavo o kalaban da do taaw aya as arava o nakalaban dira a aran asa. 12Dawa do nakavoya da sia ya am pinanganohdan da o promisa na sa as kapakakanta da so nidaday da sia.</div><div class="p"> 13Amna oyod da nakalo a kawayakan o pinarin naya, ta dekey as kawnot da dia o tanyan da ichakey as kadi da minpanayan so kapawnot dira no Dios. 14Do kayan darana do desierto am nawri onotan da o ichakey da as kasobna kano kahawahaway da so Dios. 15Dawa tinoroh dira no Dios o akdawen daya pero tomnoroh pa sia so mahara a ganit da.</div><div class="p"> 16Do kayan da do desierto aya am chinaynanahet da sa Moises kani Aaron a sira so pinidi no Dios a mato a pachirawatan na. 17Makayamot do kaynanahet daya am minehtak o tana as nakalasek da Dathan as kani Abrian kano familia na, 18as kapachonot no apoy a yapo do hanyit a mintemtem sira so tawo saya a minonot dira a mararahet so parinyen.</div><div class="p"> 19Namarin sa so vohawan a dekey a baka do Horeb#106:19 Anmana: Sinai. a nia so nidaday da. 20Pinatadi da o rebolto no dekey a baka a koman so dibobot do oyod aya makapamarin a Dios. 21Chinawayakan da o Dios a iya so minlibri sira do makakniknin sawri a pinariparin na do Egipto. 22Chinawayakan da o makakniknin sawri a milagro na a aran no pinarin nawri do kapaychitas da do taaw awri. 23Do nakavata sia no Dios o kararayaw na sira o tawotawo saya am no pachirawatan naya a si Moises am naytetnek a mapachisiasi nia do Dios o kapadpet na so soli na nira tapian di sa dimanen.</div><div class="p"> 24Nakey sava somdep do tana aya a nipromisa no Dios a itoroh dira takwan pinanganohdan dava o promisa awri no Dios dira. 25Navidin saya do sahad no tolda da sa a mayreklamo as chinakey dava adngeyen o Dios. 26Dawa pinayavay na sa do kadiman da anti do desierto aya, 27as kapaychawpit da anti no kamanganakan da sa do matatarek a kavahayan as kadiman da anti do di da kavahayan.</div><div class="p"> 28Kwanasaw am nachangay sa do kadaday si Baal do Peor as kapachakan da so nisakrifisio da do abo saya so viay a diosdiosan. 29Do atavo sa pinariparin da am niyokay da so soli no Dios as dawa somnitnan o mahara a ganit dira akmay pisti. 30Amna naytetnek si Finehas as kapabhes na so soli no Dios a nia dana so nibhes no pisti aya. 31Niaya a pinarin ni Finehas o pakayapoan no nakasinchad sia no Dios a mahosto do salapan na a nia so fermi anti a manakem a manda anchowa.</div><div class="p"> 32Do kayan da do danom no Meribah am pinasoli da o Dios as pinakayapoan no oyod a marahmet a problema ni Moises a makayamot dira. 33As makayamot do nakapachisobna da do Espirito no Dios am nakachirichirin si Moises so di na sa mayanong a vatahen.</div><div class="p"> 34Nanganohed sava do vinata ori dira no Dios a kadiman da sira o tawotawo do nasiones a niplano no Dios a kastigoan a makayamot do gatogatos da, 35asna nachisagel sa dira as kapachitaha da do parinyen da sa marahet. 36Nidaday da sa o diosdiosan da sa a nia so pinayparayi da pa do Dios. 37Aran no kamanganakan da sa am nitoroh da sa a sakrifisio do marahet sa espirito do nakapachitahataha da do pariparinyen sa no kadwan a nasion. 38Sira ya a abo so panmoan sia o nidiman da sa a isakrifisio as no Canaan aya am nalapolapos no raya da. 39No marahet saya a parinyen da o minlapos sira akmay mangadwan do nakatadichokod da do Dios as kasanga da no diosdiosan sa.</div><div class="p"> 40Dawa somnoli o Dios as kaskeh na nira no tinoroh aya sia a nasion na, 41as pinaynolay na sa a pakovoten no kavahayan no di saya makasinchad so Dios. 42Pinakasiasi da sa no napakovot aya sira a kakontran da.</div><div class="p"> 43Oyod a masanib o kalibri sira no Dios amna kayan no kapaypangay no kapachisobna da sia a manda do kaoyod darana marahem do pakagatosan. 44Amna aran akma saw o kaoyod na mahara no gatos da am kayan pa no nakadngey sira no Dios do kapachisiasi da sia. 45Makayamot dira am nanakem na o trato na dira dawa do rakoh a addaw na nira am chinasi na sa, 46as kaparin na sira mismo so komontra sira a masi nira.</div><div class="p"> 47Apo namen a Dios, librien mo yamen as kapirwa mo na diamen a akpehen a pavidien do kavahayan namen awri a nipromisa mo tapian pamahmahsan namen imo as kadaday namen dimo.</div><div class="p"> 48Dadayen ta o Dios sichangoriaw as kan anchowa abo so pandan! Atavo a tawo am vatahen nio, &#8220;Alleluia! Dadayen ta o Dios!&#8221;</div>
 </div>
 </div>
</div>

Dadayen ta o Dios as kapamahemahes ta sia takwan oyod sia a mapia kano machipanda ava o addaw na. Ara paro makaparin sia pavatahen o atavo a makakniknin a pinarin na sa anmana ara paro manawob so kadaday sia? Masoyosoyot sa o komita so mapia a hostisia as kafermi da mamarin so mayanong.
Kanakmen mo yaken, mo Apo, an sidongen mo sa kano an librien mo sa o pinidi mo sa a tawotawo mo, tapian mavoya ko sia o kabendision mo dira do tawotawo mo kano machipasoyot ako dira as kapachangay ko pa do tinoroh aya dimo a nasion mo a torohan mo so onor.
Makagatogatos kami a akma so kaparin da no apoapo namen sa. Oyod a narahet o pinariparin namen. Sira o apoapo namen sa kaychowa am pinakamia dava o aro sawri a makakniknin a pinarin mo dira do kayan da do Egipto. Chinawayakan da o masanib awri a kapavoya mo nia dira o kaddaw kano kasi mo nira asna no nakapachisobna da pa dimo do kayan da do taaw awri a tawagan da so Red Sea. Amna kayan pa no nakalibri mo sira akma so nipromisa mo dira as kapavoya mo nia do kadwan a nasiones o makakniknin aya ipakapamarin mo. Nimandoan mo o taaw awri a mayara tapian mian o makolay a panahanan da as kapawnot mo sira a mayatovang do taaw ori a mayam do makolay a rarahan do hovok no taaw aya. Nilibri mo sa do komontra sira kan dira do kalaban da sa. Ta chinamotan sa atavo o kalaban da do taaw aya as arava o nakalaban dira a aran asa. Dawa do nakavoya da sia ya am pinanganohdan da o promisa na sa as kapakakanta da so nidaday da sia.
Amna oyod da nakalo a kawayakan o pinarin naya, ta dekey as kawnot da dia o tanyan da ichakey as kadi da minpanayan so kapawnot dira no Dios. Do kayan darana do desierto am nawri onotan da o ichakey da as kasobna kano kahawahaway da so Dios. Dawa tinoroh dira no Dios o akdawen daya pero tomnoroh pa sia so mahara a ganit da.
Do kayan da do desierto aya am chinaynanahet da sa Moises kani Aaron a sira so pinidi no Dios a mato a pachirawatan na. Makayamot do kaynanahet daya am minehtak o tana as nakalasek da Dathan as kani Abrian kano familia na, as kapachonot no apoy a yapo do hanyit a mintemtem sira so tawo saya a minonot dira a mararahet so parinyen.
Namarin sa so vohawan a dekey a baka do Horeb a nia so nidaday da. Pinatadi da o rebolto no dekey a baka a koman so dibobot do oyod aya makapamarin a Dios. Chinawayakan da o Dios a iya so minlibri sira do makakniknin sawri a pinariparin na do Egipto. Chinawayakan da o makakniknin sawri a milagro na a aran no pinarin nawri do kapaychitas da do taaw awri. Do nakavata sia no Dios o kararayaw na sira o tawotawo saya am no pachirawatan naya a si Moises am naytetnek a mapachisiasi nia do Dios o kapadpet na so soli na nira tapian di sa dimanen.
Nakey sava somdep do tana aya a nipromisa no Dios a itoroh dira takwan pinanganohdan dava o promisa awri no Dios dira. Navidin saya do sahad no tolda da sa a mayreklamo as chinakey dava adngeyen o Dios. Dawa pinayavay na sa do kadiman da anti do desierto aya, as kapaychawpit da anti no kamanganakan da sa do matatarek a kavahayan as kadiman da anti do di da kavahayan.
Kwanasaw am nachangay sa do kadaday si Baal do Peor as kapachakan da so nisakrifisio da do abo saya so viay a diosdiosan. Do atavo sa pinariparin da am niyokay da so soli no Dios as dawa somnitnan o mahara a ganit dira akmay pisti. Amna naytetnek si Finehas as kapabhes na so soli no Dios a nia dana so nibhes no pisti aya. Niaya a pinarin ni Finehas o pakayapoan no nakasinchad sia no Dios a mahosto do salapan na a nia so fermi anti a manakem a manda anchowa.
Do kayan da do danom no Meribah am pinasoli da o Dios as pinakayapoan no oyod a marahmet a problema ni Moises a makayamot dira. As makayamot do nakapachisobna da do Espirito no Dios am nakachirichirin si Moises so di na sa mayanong a vatahen.
Nanganohed sava do vinata ori dira no Dios a kadiman da sira o tawotawo do nasiones a niplano no Dios a kastigoan a makayamot do gatogatos da, asna nachisagel sa dira as kapachitaha da do parinyen da sa marahet. Nidaday da sa o diosdiosan da sa a nia so pinayparayi da pa do Dios. Aran no kamanganakan da sa am nitoroh da sa a sakrifisio do marahet sa espirito do nakapachitahataha da do pariparinyen sa no kadwan a nasion. Sira ya a abo so panmoan sia o nidiman da sa a isakrifisio as no Canaan aya am nalapolapos no raya da. No marahet saya a parinyen da o minlapos sira akmay mangadwan do nakatadichokod da do Dios as kasanga da no diosdiosan sa.
Dawa somnoli o Dios as kaskeh na nira no tinoroh aya sia a nasion na, as pinaynolay na sa a pakovoten no kavahayan no di saya makasinchad so Dios. Pinakasiasi da sa no napakovot aya sira a kakontran da.
Oyod a masanib o kalibri sira no Dios amna kayan no kapaypangay no kapachisobna da sia a manda do kaoyod darana marahem do pakagatosan. Amna aran akma saw o kaoyod na mahara no gatos da am kayan pa no nakadngey sira no Dios do kapachisiasi da sia. Makayamot dira am nanakem na o trato na dira dawa do rakoh a addaw na nira am chinasi na sa, as kaparin na sira mismo so komontra sira a masi nira.
Apo namen a Dios, librien mo yamen as kapirwa mo na diamen a akpehen a pavidien do kavahayan namen awri a nipromisa mo tapian pamahmahsan namen imo as kadaday namen dimo.
Dadayen ta o Dios sichangoriaw as kan anchowa abo so pandan! Atavo a tawo am vatahen nio, “Alleluia! Dadayen ta o Dios!”

සවන් දෙන්න Salmo 106