<div class="version vid1287 iso6393mkn" data-vid="1287" data-iso6393="mkn">
   <div class="book bkGEN">
      <div class="chapter ch15" data-usfm="GEN.15">
         <div class="label">15</div><div class="s1"><span class="heading">Tuhan Allah bajanji deng Abram</span></div><div class="p"><span class="content">  </span><span class="verse v1" data-usfm="GEN.15.1"><span class="label">1</span><span class="content">Ais itu, TUHAN kasi tunju diri sang Abram. Ju Dia bilang, &#8220;Abram! Lu sonde usa taku. Te Beta yang tangkis ko pele sang lu dari musu. Deng Beta kasi ontong b&#233;sar sang lu.&#8221;</span></span></div><div class="p"><span class="verse v1" data-usfm="GEN.15.1"><span class="content">  </span></span><span class="verse v2 v3" data-usfm="GEN.15.2+GEN.15.3"><span class="label">2-3</span><span class="content">Ma Abram bilang, &#8220;Eee, Tuhan Allah. Biar Tuhan mau kasi sang beta bagitu banya ju, sonde ada guna apa-apa. Te beta sonde ada ana ko kasi beta turunan. Jadi mau dapa pusaka bam-banya bekin apa? Paling-paling beta pung hamba, Eliasar dari Damsik yang dapa samua.&#8221; </span></span></div><div class="p"><span class="verse v2 v3" data-usfm="GEN.15.2+GEN.15.3"><span class="content">  </span></span><span class="verse v4" data-usfm="GEN.15.4"><span class="label">4</span><span class="content">Ma TUHAN manyao bilang, &#8220;Bukan bagitu! Te lu pung ana sandiri yang nanti dapa itu pusaka, ma bukan itu hamba.&#8221;</span></span></div><div class="p"><span class="verse v4" data-usfm="GEN.15.4"><span class="content">  </span></span><span class="verse v5" data-usfm="GEN.15.5"><span class="label">5</span><span class="content">Ju Dia bawa sang Abram kaluar, ais Dia bilang, &#8220;Sakarang lu lia pi langit. Coba lu lia itu bintang. Lu bisa itong sang dong, ko? Lu pung turunan nanti jadi sama banya deng itu bintang dong!&#8221;</span></span></div><div class="p"><span class="verse v5" data-usfm="GEN.15.5"><span class="content">  </span></span><span class="verse v6" data-usfm="GEN.15.6"><span class="label">6</span><span class="content">Ju Abram tarima TUHAN pung omong. Ais TUHAN cap sang dia orang hati lurus, tagal Abram parcaya sang Dia.</span></span></div><div class="p"><span class="verse v6" data-usfm="GEN.15.6"><span class="content">  </span></span><span class="verse v7" data-usfm="GEN.15.7"><span class="label">7</span><span class="content">Ju TUHAN sambung lai bilang, &#8220;Beta ni, Tuhan Allah. Beta yang su bawa kaluar sang lu dari kampong Ur di orang Kasdim dong pung tana. Deng Beta yang kasi ini tana jadi lu pung pusaka.&#8221;</span></span></div><div class="p"><span class="verse v7" data-usfm="GEN.15.7"><span class="content">  </span></span><span class="verse v8" data-usfm="GEN.15.8"><span class="label">8</span><span class="content">Ma Abram tanya lai bilang, &#8220;Ma karmana TUHAN? Karmana ko beta bisa tau bilang, nanti ini tana jadi beta pung pusaka?&#8221;</span></span></div><div class="p"><span class="verse v8" data-usfm="GEN.15.8"><span class="content">  </span></span><span class="verse v9" data-usfm="GEN.15.9"><span class="label">9</span><span class="content">Ju Dia manyao bilang, &#8220;Bagini! Mari kotong bekin satu acara, ko ika apa yang Beta omong tadi. Sakarang lu pi ame binatang kasi sang Beta: sapi mai satu, kambing mai satu, deng domba laki satu. Dong samua musti umur tiga taon. Ais lu ame bawa lai burung takukur satu ekor deng burung pompa satu ekor.&#8221;</span></span></div><div class="p"><span class="verse v9" data-usfm="GEN.15.9"><span class="content">  </span></span><span class="verse v10" data-usfm="GEN.15.10"><span class="label">10</span><span class="content">Ju Abram pi ame itu binatang samua. Ais dia bal&#225; bagi dua itu sapi, kambing, deng domba. Ju dia ator itu daging dong bagi dua di tana, satu bamangada deng satu, jadi dua baris. Ma dia sonde bal&#225; itu burung dong. </span></span><span class="verse v11" data-usfm="GEN.15.11"><span class="label">11</span><span class="content">Ais ju burung-burung tukang makan bangke dong datang ko mau makan itu daging dong. Ma Abram usir buang sang dong.</span></span></div><div class="p"><span class="verse v11" data-usfm="GEN.15.11"><span class="content">  </span></span><span class="verse v12" data-usfm="GEN.15.12"><span class="label">12</span><span class="content">Waktu matahari tanggal&#225;m, ju Abram tidor sonu. Dia mimpi bilang, gal&#225;p gulita ada tutu ame sang dia sampe dia taku mau mati.</span></span></div><div class="p"><span class="verse v12" data-usfm="GEN.15.12"><span class="content">  </span></span><span class="verse v13 v14 v15" data-usfm="GEN.15.13+GEN.15.14+GEN.15.15"><span class="label">13-15</span><span class="content">Ais Tuhan Allah kasi tau sang dia bilang,</span></span></div><div class="q1"><span class="verse v13 v14 v15" data-usfm="GEN.15.13+GEN.15.14+GEN.15.15"><span class="content">&#8220;Abram! Nanti lu idop sampe tua sakali, deng mati deng tan&#225;ng, baru dong kubur bae-bae sang lu.</span></span></div><div class="q1"><span class="verse v13 v14 v15" data-usfm="GEN.15.13+GEN.15.14+GEN.15.15"><span class="content">Ma lu pung turunan dong nanti pi jadi orang manumpang di orang laen pung negr&#237;.</span></span></div><div class="q2"><span class="verse v13 v14 v15" data-usfm="GEN.15.13+GEN.15.14+GEN.15.15"><span class="content">Nanti bangsa dari itu negr&#237; bekin sang dong jadi kuli, abis tendes bekin sangsara satenga mati, sampe ampa ratus taon.</span></span></div><div class="q1"><span class="verse v13 v14 v15" data-usfm="GEN.15.13+GEN.15.14+GEN.15.15"><span class="content">Ma nanti Beta hukum itu bangsa.</span></span></div><div class="q2"><span class="verse v13 v14 v15" data-usfm="GEN.15.13+GEN.15.14+GEN.15.15"><span class="content">Ais Beta bawa kaluar lu pung turunan dari situ, deng dong bawa harta pusaka bam-banya.</span><span class="note x"><span class="label">#</span><span class=" body">Utusan dong pung Carita 7:6-7</span></span></span></div><div class="q1"><span class="verse v13 v14 v15" data-usfm="GEN.15.13+GEN.15.14+GEN.15.15"><span class="content">  </span></span><span class="verse v16" data-usfm="GEN.15.16"><span class="label">16</span><span class="content">Nanti Beta ator ko lu pung turunan kalima dong pulang datang di sini lai.</span></span></div><div class="q2"><span class="verse v16" data-usfm="GEN.15.16"><span class="content">Sakarang, orang Amori dong ada tenga di atas ini tana. Ini orang dong jahat, ma bal&#243;m talalu bar&#225;t.</span></span></div><div class="q2"><span class="verse v16" data-usfm="GEN.15.16"><span class="content">Nanti kalo lu pung ana-cucu dong su pulang datang di sini, Beta mau pake sang dong, ko hukum bekin ancor orang Amori dong. Te itu waktu, dong pung jahat su kalewat batas.&#8221;</span></span></div><div class="p"><span class="verse v16" data-usfm="GEN.15.16"><span class="content">  </span></span><span class="verse v17" data-usfm="GEN.15.17"><span class="label">17</span><span class="content">Waktu su malam, takuju te ada satu ra&#42892;o tana liat ba&#42892;asap deng satu obor manyala bagar&#225;k lewat itu daging dua baris pung teng-tenga. </span></span><span class="verse v18" data-usfm="GEN.15.18"><span class="label">18</span><span class="content">Itu waktu, ju TUHAN ika janji deng Abram. Dia kasi tau bilang, &#8220;Beta janji, nanti Beta kasi ini da&#42892;era sang lu pung turunan, mulai dari kali Masir,</span><span class="note f"><span class="label">#</span><span class=" body"><span class="fr">15:18:</span><span class="ft">Kali Masir tu, mungkin kali Misraim di Sinai, mungkin ju kali Nil pung cabang sabl&#225; matahari nae.</span></span></span><span class="content"> sampe ke kali Efrat, </span></span><span class="verse v19" data-usfm="GEN.15.19"><span class="label">19</span><span class="content">deng tana orang-orang Keni, Kenas, Kadmon, </span></span><span class="verse v20" data-usfm="GEN.15.20"><span class="label">20</span><span class="content">Het, Feris, Refaim, </span></span><span class="verse v21" data-usfm="GEN.15.21"><span class="label">21</span><span class="content">Amori, Kana&#42892;an, Girgasi, deng Yebus.&#8221;</span></span></div>
      </div>
   </div>
</div>

Ais itu, TUHAN kasi tunju diri sang Abram. Ju Dia bilang, “Abram! Lu sonde usa taku. Te Beta yang tangkis ko pele sang lu dari musu. Deng Beta kasi ontong bésar sang lu.”
Ma Abram bilang, “Eee, Tuhan Allah. Biar Tuhan mau kasi sang beta bagitu banya ju, sonde ada guna apa-apa. Te beta sonde ada ana ko kasi beta turunan. Jadi mau dapa pusaka bam-banya bekin apa? Paling-paling beta pung hamba, Eliasar dari Damsik yang dapa samua.”
Ma TUHAN manyao bilang, “Bukan bagitu! Te lu pung ana sandiri yang nanti dapa itu pusaka, ma bukan itu hamba.”
Ju Dia bawa sang Abram kaluar, ais Dia bilang, “Sakarang lu lia pi langit. Coba lu lia itu bintang. Lu bisa itong sang dong, ko? Lu pung turunan nanti jadi sama banya deng itu bintang dong!”
Ju Abram tarima TUHAN pung omong. Ais TUHAN cap sang dia orang hati lurus, tagal Abram parcaya sang Dia.
Ju TUHAN sambung lai bilang, “Beta ni, Tuhan Allah. Beta yang su bawa kaluar sang lu dari kampong Ur di orang Kasdim dong pung tana. Deng Beta yang kasi ini tana jadi lu pung pusaka.”
Ma Abram tanya lai bilang, “Ma karmana TUHAN? Karmana ko beta bisa tau bilang, nanti ini tana jadi beta pung pusaka?”
Ju Dia manyao bilang, “Bagini! Mari kotong bekin satu acara, ko ika apa yang Beta omong tadi. Sakarang lu pi ame binatang kasi sang Beta: sapi mai satu, kambing mai satu, deng domba laki satu. Dong samua musti umur tiga taon. Ais lu ame bawa lai burung takukur satu ekor deng burung pompa satu ekor.”
Ju Abram pi ame itu binatang samua. Ais dia balá bagi dua itu sapi, kambing, deng domba. Ju dia ator itu daging dong bagi dua di tana, satu bamangada deng satu, jadi dua baris. Ma dia sonde balá itu burung dong. Ais ju burung-burung tukang makan bangke dong datang ko mau makan itu daging dong. Ma Abram usir buang sang dong.
Waktu matahari tanggalám, ju Abram tidor sonu. Dia mimpi bilang, galáp gulita ada tutu ame sang dia sampe dia taku mau mati.
Ais Tuhan Allah kasi tau sang dia bilang,
“Abram! Nanti lu idop sampe tua sakali, deng mati deng tanáng, baru dong kubur bae-bae sang lu.
Ma lu pung turunan dong nanti pi jadi orang manumpang di orang laen pung negrí.
Nanti bangsa dari itu negrí bekin sang dong jadi kuli, abis tendes bekin sangsara satenga mati, sampe ampa ratus taon.
Ma nanti Beta hukum itu bangsa.
Ais Beta bawa kaluar lu pung turunan dari situ, deng dong bawa harta pusaka bam-banya.
Nanti Beta ator ko lu pung turunan kalima dong pulang datang di sini lai.
Sakarang, orang Amori dong ada tenga di atas ini tana. Ini orang dong jahat, ma balóm talalu barát.
Nanti kalo lu pung ana-cucu dong su pulang datang di sini, Beta mau pake sang dong, ko hukum bekin ancor orang Amori dong. Te itu waktu, dong pung jahat su kalewat batas.”
Waktu su malam, takuju te ada satu raꞌo tana liat baꞌasap deng satu obor manyala bagarák lewat itu daging dua baris pung teng-tenga. Itu waktu, ju TUHAN ika janji deng Abram. Dia kasi tau bilang, “Beta janji, nanti Beta kasi ini daꞌera sang lu pung turunan, mulai dari kali Masir, sampe ke kali Efrat, deng tana orang-orang Keni, Kenas, Kadmon, Het, Feris, Refaim, Amori, Kanaꞌan, Girgasi, deng Yebus.”

සවන් දෙන්න Carita Mula-mula 15