<div class="version vid1213 iso6393tbo" data-vid="1213" data-iso6393="tbo">
 <div class="book bkMRK">
 <div class="chapter ch15" data-usfm="MRK.15">
 <div class="label">15</div><div class="s">Yesu i luhetala Pilato u matana</div><div class="p"> 1Malatomtom kikina tu witalaguyaba babadahi po mi Yudeya hai tanitaniwaga po lugagayo tanitaniwagahi po tu wiwogatala atapuhi hi lueeneya yaka Yesu hi numa panipani po hi niyeya Pilato uyahina.</div><div class="p"> 2Pilato mi Loma hai gawana tauna Yesu i lubayadeya i pa, &#8216;Tam mi Yudeya hai wasawasa, bo?&#8217;</div><div class="p">Yesu i pa, &#8216;Tam om baha naka pite&#8217;.</div><div class="p"> 3Ma tu witalaguyaba babadahi Yesu ginouli atapuna uyahinei hi wigouya. 4Ega yaka Pilato Yesu i lubayadena meya i pa, &#8216;Ega om baha awai hi goum ginouli atapuhi ubeihi?&#8217;</div><div class="p"> 5Ma Yesu i genuwana, yaka Pilato nugonugona i goholi.</div><div class="s">Yesu a hilaga tuwegana</div><div class="p"> 6Bolima emosi po emosi Welulagona tolehana uyahina lawa hoi numa panipani he memae ma bolu lawa awai hai luhogala uyahina apo hina winagani yaka gawana lawana apo ina lupena haleya hoi numa pani. 7Bolima geka Welulagona tolehana iyetana ma hoi numa panipani lawa gehouna i memae gowana Balaba tauna witona i liwawali po omunugo binei hoi numa panipani i memae. 8Bolu hi&#42892;mboina nae Pilato uyahina, po hi baha hi pa, &#8216;Nugonugoiyai lawa gehouna una lupena haleya hoi numa panipani&#8217;.</div><div class="p"> 9Ega yaka Pilato hai baha i wimiheya i pa, &#8216;O luhogaleya mi Yudeya omi wasawasa a lupena haleya, bo?&#8217; 10Pilato hai matababana amaka i galena tuhagaya, naka tu witalaguyaba babadahi, Yesu hi&#42892;mgenagenaliliyeya yaka hi numa panipani po ipa hina lihilageni. 11Tu witalaguyaba babadahi lawa u nugonugohi hi wohouni ipa Balaba ina lupena haleya.</div><div class="p"> 12Pilato i lubayada meme i pa, &#8216;Awai nugonugomi ipa mi Yudeya omi wasawasa uyahina a dewaya?&#8217;</div><div class="p"> 13Bolu atapuhi hi otu labatana hi pa, &#8216;Una witakeya!&#8217;</div><div class="p"> 14Pilato i lubayada i pa, &#8216;Ma powa awai i dewaya?&#8217;</div><div class="p">Ma bolu hi otu meme hi pa, &#8216;Una witakeya!&#8217;</div><div class="p"> 15Pilato nugonugona ipa bolu ina winugohegoyahi. Pilato i baha po Balaba hi lupena haleya ma Yesu hi wilawi ma ipa hina niyeya po hoi ani take hina tutu lawiteya.</div><div class="s">Tu wigawiya Yesu hi lauguyoguyougeya</div><div class="p"> 16Ega yaka mi Loma hai tu wigawiya Yesu hi luiyeya taniwaga a numa baneina u hinena, ma tu wigawiya hai bolu atapuna hi&#42892;mboina gogona mai Yesu uyahina. 17Ma tu wigawiya Yesu tu wasawasa hai luilui hi wiluiya, ma a unuhau gologolowa waidonadonana hi dewaya po u unununa hi houni. 18Ma Yesu hi lauguyoguyougeya hi pa, &#8216;Tinani tam mi Yudeya hai wasawasa&#8217;. 19Ma unubolina hi kodili digona uyahinei, ma hi howaya ma hi tupolou po hi wotalagae koyakoyama. 20Hi luguyoguyougena woloeya ma wasawasa hai luilui hi wihaleya ma tauna a kaleko dumana hi wiluiya, ma hi niniyeya ipa hina witakeya.</div><div class="s">Yesu hi tutulawiteya hoi ani take</div><div class="p"> 21Tahayagei hi nenae po lawa gehouna hi tuhagaya, gowana Simona tanogei i nenei ipa ina nae meyagai baneina uyahina. Ma tu wigawiya hi utani po Yesu anani take i awali. Simona tauna lawa Sailinagei natunatuna ololotohi luwaga Alesana ma Lupasi. 22Yesu hi niyeya oya gowana Gologota, a bui naka &#8216;Ununu Dobuna&#8217;. 23Ega yaka wine mulamula waigolana mitehi hi wila emoteya ma hi weleya, ma Yesu wine noka i wihinigigiyeya. 24Ma Yesu hoi ani take hi tutulawiteya ma a kaleko hi wikibugehi po hi tamihi.</div><div class="p"> 25Hougana Yesu hi tutulawiteya ani take uyahina mei iyeta bolina ina lauliyaliyani. 26Tauna ani wigouna hi giluma geleteya hi pa, GEKA MI YUDEYA HAI WASAWASA. 27-28Tu danene luwaga mitehi hi witake gogonehi gehouna u awala hinebawana ma gehouna u awala kehana. 29Lawa liyaliyanei hi nenae ma hi bahabaha gae ma hi ununu kwadikwadiyana, ma hi palipaliyeya hi pa, &#8216;Ee, u baha u pa emoemotam apo numa dalabu una hoe haleya, ma iyeta tonuga u hinena una wogomeya. 30Heki, tam una luyawihi mem po ani takegei una hopu.&#8217;</div><div class="p"> 31Ma tu witalaguyaba babadahi po lugagayo tanitaniwagahi tunawahi ma Yesu hi inameya hi pa, &#8216;Lawa gehouhi i wiluyagohanihi ma iyowai po tauna ega ita wiluyagohana meya? 32Itapa tauna Besinana lawana po mi Yudeya ata wasawasa, heki, geka hougana ani take uyahinei ita hopu mai po tata galeya ma tata witumaganeya.&#8217; Tu danene luwaga Yesu mitehi hi take gogonehi tauhi gasi Yesu hi widibogi.</div><div class="s">Yesu i hilage</div><div class="p"> 33Iyeta i lautipolini ma kabudala lalana i wohouni po tupo atapuna i uguguwi a sigana kabudalana i hopu po ibiga i lutipolini. 34Houga noka uyahina Yesu i otu i pa, &#8216;Eloi, Eloi, lama Sabatani?&#8217;, anona &#8216;U Yaubada, U Yaubada, awai binei u wihinigigiyeu?&#8217;</div><div class="p"> 35Ma lawa gehouhi u liyaliyana hi towotowolo, geka bahana hi nonoli po hi pa, &#8216;Geka lawana Elaisiya e ototugeya&#8217;.</div><div class="p"> 36Ega yaka lawa gehouna uyahihiyei i bulili nae po baloi i waya po wine waitululuwana uyahina i wiyoli ma hige uyahinei i tupahigeya po i wiyoyoga giyeya u gamona ipa ina hanaguguya, ma i pa, &#8216;Heki, ona wohouna ma tana iotonana ma apo Elaisiya ina nei po ina wiluyagohani&#8217;.</div><div class="p"> 37Yesu ponana i lata apoma i hilage.</div><div class="p"> 38Ma numa dalabu baneina u hinena kaleko baneina i taketake i gunalolo luwageya, u moyana ma i hopu po u babana. 39Ma tu wigawiya hai taniwaga, Yesu u naona i towotowolo ma i gagaleya, ma Yesu a otu i nonoli, u mulina apoma i hawalele, yaka lawana i kawamoina i pa, &#8216;Baha dumana geka lawana Yaubada Natuna&#8217;.</div><div class="p"> 40Wiwine gehouhi uheiya hi towolo ma hi gagalena nae. Gehouna gowana Maliya Magadalagei ma gasi Maliya gehouna tauna Yamesa a waligeha ma walehina Yosa hinahi, ma Salome. 41Geka wiwinehi tauhi Yesu hi wotagoya po hi haguhaguya a wiwila tupo Galili uyahina. Ma gasi wiwine gehouhi Yesu mitehi Galiligei hi nei Yelusalem, tauhi Yesu a hilage matahiyei hi galeya.</div><div class="s">Yesu hoi kokowaga hi houni</div><div class="p"> 42Amaka aibiga po hai wononogo iyetana mi Yudeya hai dalabu binei. 43Ega yaka Yosepa Alimatiyagei i nei, tauna mi Yudeya hai tu wiwogatala dewadewana, ma i otonana Yaubada a taniwaga a houga nei. Yosepa tauna lawa nugonugomotuna yaka i nae Pilato uyahina po Yesu hinina i lupaliyeya ipa ina waya. 44A baha uyahina ma Pilato i goholi, po i pa, &#8216;Moina amaka i hilage?&#8217;</div><div class="p">Ega yaka Pilato gawiya taniwagana i himili ipa Yesu a hilage ina limoineya. 45Ega yaka gawiya taniwagana i baha i pa, &#8216;Ee, amaka i hilage&#8217;. Apoma hinina i palihaleya Yosepa uyahina. 46Apoma hoi ani take i telehopuneya po kokowaga kalekonei i humaya. Kokowagana naka tapatapana hi hedali po i lui. Ma guduna gaima baneina, hi buiya po matetana hi lutomgeya. 47Ma wiwine luwaga hi gagalehi ma Yesu hi houni hoi kokowaga, naka Maliya i nei Magadalagei, ma a waligeha Yosa hinana.</div>
 </div>
 </div>
</div>

Malatomtom kikina tu witalaguyaba babadahi po mi Yudeya hai tanitaniwaga po lugagayo tanitaniwagahi po tu wiwogatala atapuhi hi lueeneya yaka Yesu hi numa panipani po hi niyeya Pilato uyahina.
Pilato mi Loma hai gawana tauna Yesu i lubayadeya i pa, ‘Tam mi Yudeya hai wasawasa, bo?’
Yesu i pa, ‘Tam om baha naka pite’.
Ma tu witalaguyaba babadahi Yesu ginouli atapuna uyahinei hi wigouya. Ega yaka Pilato Yesu i lubayadena meya i pa, ‘Ega om baha awai hi goum ginouli atapuhi ubeihi?’
Ma Yesu i genuwana, yaka Pilato nugonugona i goholi.

Bolima emosi po emosi Welulagona tolehana uyahina lawa hoi numa panipani he memae ma bolu lawa awai hai luhogala uyahina apo hina winagani yaka gawana lawana apo ina lupena haleya hoi numa pani. Bolima geka Welulagona tolehana iyetana ma hoi numa panipani lawa gehouna i memae gowana Balaba tauna witona i liwawali po omunugo binei hoi numa panipani i memae. Bolu hiꞌmboina nae Pilato uyahina, po hi baha hi pa, ‘Nugonugoiyai lawa gehouna una lupena haleya hoi numa panipani’.
Ega yaka Pilato hai baha i wimiheya i pa, ‘O luhogaleya mi Yudeya omi wasawasa a lupena haleya, bo?’ Pilato hai matababana amaka i galena tuhagaya, naka tu witalaguyaba babadahi, Yesu hiꞌmgenagenaliliyeya yaka hi numa panipani po ipa hina lihilageni. Tu witalaguyaba babadahi lawa u nugonugohi hi wohouni ipa Balaba ina lupena haleya.
Pilato i lubayada meme i pa, ‘Awai nugonugomi ipa mi Yudeya omi wasawasa uyahina a dewaya?’
Bolu atapuhi hi otu labatana hi pa, ‘Una witakeya!’
Pilato i lubayada i pa, ‘Ma powa awai i dewaya?’
Ma bolu hi otu meme hi pa, ‘Una witakeya!’
Pilato nugonugona ipa bolu ina winugohegoyahi. Pilato i baha po Balaba hi lupena haleya ma Yesu hi wilawi ma ipa hina niyeya po hoi ani take hina tutu lawiteya.

Ega yaka mi Loma hai tu wigawiya Yesu hi luiyeya taniwaga a numa baneina u hinena, ma tu wigawiya hai bolu atapuna hiꞌmboina gogona mai Yesu uyahina. Ma tu wigawiya Yesu tu wasawasa hai luilui hi wiluiya, ma a unuhau gologolowa waidonadonana hi dewaya po u unununa hi houni. Ma Yesu hi lauguyoguyougeya hi pa, ‘Tinani tam mi Yudeya hai wasawasa’. Ma unubolina hi kodili digona uyahinei, ma hi howaya ma hi tupolou po hi wotalagae koyakoyama. Hi luguyoguyougena woloeya ma wasawasa hai luilui hi wihaleya ma tauna a kaleko dumana hi wiluiya, ma hi niniyeya ipa hina witakeya.

Tahayagei hi nenae po lawa gehouna hi tuhagaya, gowana Simona tanogei i nenei ipa ina nae meyagai baneina uyahina. Ma tu wigawiya hi utani po Yesu anani take i awali. Simona tauna lawa Sailinagei natunatuna ololotohi luwaga Alesana ma Lupasi. Yesu hi niyeya oya gowana Gologota, a bui naka ‘Ununu Dobuna’. Ega yaka wine mulamula waigolana mitehi hi wila emoteya ma hi weleya, ma Yesu wine noka i wihinigigiyeya. Ma Yesu hoi ani take hi tutulawiteya ma a kaleko hi wikibugehi po hi tamihi.
Hougana Yesu hi tutulawiteya ani take uyahina mei iyeta bolina ina lauliyaliyani. Tauna ani wigouna hi giluma geleteya hi pa, GEKA MI YUDEYA HAI WASAWASA. Tu danene luwaga mitehi hi witake gogonehi gehouna u awala hinebawana ma gehouna u awala kehana. Lawa liyaliyanei hi nenae ma hi bahabaha gae ma hi ununu kwadikwadiyana, ma hi palipaliyeya hi pa, ‘Ee, u baha u pa emoemotam apo numa dalabu una hoe haleya, ma iyeta tonuga u hinena una wogomeya. Heki, tam una luyawihi mem po ani takegei una hopu.’
Ma tu witalaguyaba babadahi po lugagayo tanitaniwagahi tunawahi ma Yesu hi inameya hi pa, ‘Lawa gehouhi i wiluyagohanihi ma iyowai po tauna ega ita wiluyagohana meya? Itapa tauna Besinana lawana po mi Yudeya ata wasawasa, heki, geka hougana ani take uyahinei ita hopu mai po tata galeya ma tata witumaganeya.’ Tu danene luwaga Yesu mitehi hi take gogonehi tauhi gasi Yesu hi widibogi.

Iyeta i lautipolini ma kabudala lalana i wohouni po tupo atapuna i uguguwi a sigana kabudalana i hopu po ibiga i lutipolini. Houga noka uyahina Yesu i otu i pa, ‘Eloi, Eloi, lama Sabatani?’, anona ‘U Yaubada, U Yaubada, awai binei u wihinigigiyeu?’
Ma lawa gehouhi u liyaliyana hi towotowolo, geka bahana hi nonoli po hi pa, ‘Geka lawana Elaisiya e ototugeya’.
Ega yaka lawa gehouna uyahihiyei i bulili nae po baloi i waya po wine waitululuwana uyahina i wiyoli ma hige uyahinei i tupahigeya po i wiyoyoga giyeya u gamona ipa ina hanaguguya, ma i pa, ‘Heki, ona wohouna ma tana iotonana ma apo Elaisiya ina nei po ina wiluyagohani’.
Yesu ponana i lata apoma i hilage.
Ma numa dalabu baneina u hinena kaleko baneina i taketake i gunalolo luwageya, u moyana ma i hopu po u babana. Ma tu wigawiya hai taniwaga, Yesu u naona i towotowolo ma i gagaleya, ma Yesu a otu i nonoli, u mulina apoma i hawalele, yaka lawana i kawamoina i pa, ‘Baha dumana geka lawana Yaubada Natuna’.
Wiwine gehouhi uheiya hi towolo ma hi gagalena nae. Gehouna gowana Maliya Magadalagei ma gasi Maliya gehouna tauna Yamesa a waligeha ma walehina Yosa hinahi, ma Salome. Geka wiwinehi tauhi Yesu hi wotagoya po hi haguhaguya a wiwila tupo Galili uyahina. Ma gasi wiwine gehouhi Yesu mitehi Galiligei hi nei Yelusalem, tauhi Yesu a hilage matahiyei hi galeya.

Amaka aibiga po hai wononogo iyetana mi Yudeya hai dalabu binei. Ega yaka Yosepa Alimatiyagei i nei, tauna mi Yudeya hai tu wiwogatala dewadewana, ma i otonana Yaubada a taniwaga a houga nei. Yosepa tauna lawa nugonugomotuna yaka i nae Pilato uyahina po Yesu hinina i lupaliyeya ipa ina waya. A baha uyahina ma Pilato i goholi, po i pa, ‘Moina amaka i hilage?’
Ega yaka Pilato gawiya taniwagana i himili ipa Yesu a hilage ina limoineya. Ega yaka gawiya taniwagana i baha i pa, ‘Ee, amaka i hilage’. Apoma hinina i palihaleya Yosepa uyahina. Apoma hoi ani take i telehopuneya po kokowaga kalekonei i humaya. Kokowagana naka tapatapana hi hedali po i lui. Ma guduna gaima baneina, hi buiya po matetana hi lutomgeya. Ma wiwine luwaga hi gagalehi ma Yesu hi houni hoi kokowaga, naka Maliya i nei Magadalagei, ma a waligeha Yosa hinana.

සවන් දෙන්න Maki 15