<div class="version vid1170 iso6393dgc" data-vid="1170" data-iso6393="dgc">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s">Nabuhay Ti Jesus</div><div class="p"> 1Nadid, k&#233;lipas no pangilin, a simba d&#233;n a amulaldew, &#233;y inumange ti Maria Magdalena to l&#233;b&#233;ng, sakay tu esa a Maria. 2Ey k&#233;dem&#233;t de sa, &#233;y bigla a linumindul ta mesib&#233;t, a tulos dinumibi i esa a anghel a g&#233;bwat ta langet. Siya &#233;y nigulung na tu bito a takl&#233;b no l&#233;b&#233;ng, sakay inumeknud sa siya. 3Tu idsura na &#233;y koman i kilat a makadile, sakay tu badu na &#233;y mel&#233;latak a tahod. 4Ey du sundalu a m&#233;gbantay sa, nam&#233;gp&#233;g side ta anteng de to anghel, a tulos natumba side a koman side i pate.</div><div class="p"> 5Nadid, kinagi no anghel to &#233;duwa a b&#233;be, a &#8220;Diyan kam m&#233;ganteng. Tukoy ko a ahayuk&#233;n moy ti Jesus, siya a nipako de. 6Pero &#233;wan se siya,&#8221; kagi na, &#8220;da nabuhay d&#233;n a kona to kinagi na. Kamon se, entan moy i l&#233;b&#233;ng naa. 7Sakay m&#233;glakad kam d&#233;n a kagin moy du alagad na a nabuhay d&#233;n a huway, a m&#233;gdetol d&#233;n siya dide ta Galilea. Meta moy siya ta &#233;ya. Tandaan moy i kinagi kua dikam.&#8221;</div><div class="p"> 8Nadid, p&#233;kabati du b&#233;be ta &#233;ya a kagi no anghel, &#233;y agad side hinumektat to l&#233;b&#233;ng. Sakay naginan side a nibaheta de du alagad i nanyaria. Ey m&#233;ganteng side a m&#233;sahat. 9To p&#233;ginan de, &#233;y sinambat side ni Jesus, a binati na side. Ey inumadene side a kin&#233;bk&#233;ben de i tik&#233;d naa, sakay sinumamba side diya. 10Ey kinagi ni Jesus dide, a &#8220;Diyan kam m&#233;ganteng. Angen moy kagin du top ko a umange side ta Galilea, &#233;y meta&#233;k de sa.&#8221;</div><div class="s">Tu Baheta Du Nagbantay To L&#233;b&#233;ng</div><div class="p"> 11Nadid, p&#233;glakad pabi du b&#233;be, &#233;y inumange ta banuwan du sundalu a nagbantay to l&#233;b&#233;ng, sakay nibaheta de du padi i nanyaria. 12Ey n&#233;guhon side du mat&#233;tanda. Sakay inatdinan de du nagbantay ta kuhata, 13a kinagi de dide, a &#8220;Basta ibaheta moy du tolay a inumange sa du alagad na, a tinako de tu bangkay na to k&#233;tidug moy. 14Diyan kam m&#233;ganteng,&#8221; kagi de. &#8220;Eng mabaheta ni Gubernador a natidug kam kan, &#233;y sikame i bahala a m&#233;gkagi diya, monda &#233;wan na kam parusaan.&#8221; 15Kanya du nagbantay, &#233;y tinanggap de tu kuhata, sakay ginamet de tu nibilin de dide. Ey hanggan nadid &#233;y saya i p&#233;niwalaa du Judeo.</div><div class="s">Pinumeta Ti Jesus Du Alagad Na</div><div class="p"> 16Nadid, du sapulu &#233;y ta esa a alagad, &#233;y inumange side ta Galilea, a hanggan to buked a nibilin dide ni Jesus. 17Ey to p&#233;keta de sa diya, &#233;y sinumamba side diya; pero i s&#233;nganya dide &#233;y nagalanganin side. 18Ey kinagi ni Jesus dide, a &#8220;Niat&#233;d diyak&#233;n Nama ko i &#233;tanan a kapangyarian ta langet &#233;y ta mundua. 19Kanya umange kam ta maski ahe ta mundua, a gemt&#233;n moy a maging alagad ko i tolay ta &#233;tanan a banubanuwan. Binyagen moy side ta ngahen Nama tam, sakay sak&#233;n a anak na, sakay ta Banal a Espiritu. 20Itoldu moy dide i &#233;tanan a niutus ko dikam. Ey tandaan moy, sak&#233;n i kaguman moy a palagi, hanggan ta katapusan na mundua.&#8221;</div><div class="m"></div>
 </div>
 </div>
</div>

Nadid, kélipas no pangilin, a simba dén a amulaldew, éy inumange ti Maria Magdalena to lébéng, sakay tu esa a Maria. Ey kédemét de sa, éy bigla a linumindul ta mesibét, a tulos dinumibi i esa a anghel a gébwat ta langet. Siya éy nigulung na tu bito a takléb no lébéng, sakay inumeknud sa siya. Tu idsura na éy koman i kilat a makadile, sakay tu badu na éy melélatak a tahod. Ey du sundalu a mégbantay sa, namégpég side ta anteng de to anghel, a tulos natumba side a koman side i pate.
Nadid, kinagi no anghel to éduwa a bébe, a “Diyan kam méganteng. Tukoy ko a ahayukén moy ti Jesus, siya a nipako de. Pero éwan se siya,” kagi na, “da nabuhay dén a kona to kinagi na. Kamon se, entan moy i lébéng naa. Sakay méglakad kam dén a kagin moy du alagad na a nabuhay dén a huway, a mégdetol dén siya dide ta Galilea. Meta moy siya ta éya. Tandaan moy i kinagi kua dikam.”
Nadid, pékabati du bébe ta éya a kagi no anghel, éy agad side hinumektat to lébéng. Sakay naginan side a nibaheta de du alagad i nanyaria. Ey méganteng side a mésahat. To péginan de, éy sinambat side ni Jesus, a binati na side. Ey inumadene side a kinébkében de i tikéd naa, sakay sinumamba side diya. Ey kinagi ni Jesus dide, a “Diyan kam méganteng. Angen moy kagin du top ko a umange side ta Galilea, éy metaék de sa.”

Nadid, péglakad pabi du bébe, éy inumange ta banuwan du sundalu a nagbantay to lébéng, sakay nibaheta de du padi i nanyaria. Ey néguhon side du matétanda. Sakay inatdinan de du nagbantay ta kuhata, a kinagi de dide, a “Basta ibaheta moy du tolay a inumange sa du alagad na, a tinako de tu bangkay na to kétidug moy. Diyan kam méganteng,” kagi de. “Eng mabaheta ni Gubernador a natidug kam kan, éy sikame i bahala a mégkagi diya, monda éwan na kam parusaan.” Kanya du nagbantay, éy tinanggap de tu kuhata, sakay ginamet de tu nibilin de dide. Ey hanggan nadid éy saya i péniwalaa du Judeo.

Nadid, du sapulu éy ta esa a alagad, éy inumange side ta Galilea, a hanggan to buked a nibilin dide ni Jesus. Ey to péketa de sa diya, éy sinumamba side diya; pero i sénganya dide éy nagalanganin side. Ey kinagi ni Jesus dide, a “Niatéd diyakén Nama ko i étanan a kapangyarian ta langet éy ta mundua. Kanya umange kam ta maski ahe ta mundua, a gemtén moy a maging alagad ko i tolay ta étanan a banubanuwan. Binyagen moy side ta ngahen Nama tam, sakay sakén a anak na, sakay ta Banal a Espiritu. Itoldu moy dide i étanan a niutus ko dikam. Ey tandaan moy, sakén i kaguman moy a palagi, hanggan ta katapusan na mundua.”

සවන් දෙන්න Mateo 28