<div class="version vid1125 iso6393cwe" data-vid="1125" data-iso6393="cwe">
   <div class="book bkGEN">
      <div class="chapter ch16" data-usfm="GEN.16">
         <div class="label">16</div><div class="s"><span class="heading">Salayi na Hajili</span></div><div class="p"><span class="content">  </span><span class="verse v1" data-usfm="GEN.16.1"><span class="label">1</span><span class="content">Salayi muke wake Abulamu kakala hanakweleka mwana. Kakala na mtumwa wa chike Mmisili yoyatangigwe Hajili. </span></span><span class="verse v2" data-usfm="GEN.16.2"><span class="label">2</span><span class="content">Salayi kamulongela Abulamu, &#8220;Kuvimanya Mndewa Mulungu haninogele kupata wana. Lelo kambandame mtumwa wangu muladi niwapate wana kufosela yeye.&#8221; Abulamu katogola chiya choyalongile Salayi. </span></span><span class="verse v3" data-usfm="GEN.16.3"><span class="label">3</span><span class="content">Maabaho Salayi kamsola Hajili mtumwa wake kulawa Misili kamwing'ha Abulamu yawe fana muke wake. Yano yalawilila lusita Abulamu viyakalile kuna isi ya Kanaani miyaka longo. </span></span><span class="verse v4" data-usfm="GEN.16.4"><span class="label">4</span><span class="content">Abulamu kambandama Hajili nayo kapata wimo. Hajili viyawonile kapata wimo, kandusa kumwehula Salayi.</span></span></div><div class="p"><span class="verse v4" data-usfm="GEN.16.4"><span class="content">  </span></span><span class="verse v5" data-usfm="GEN.16.5"><span class="label">5</span><span class="content">Salayi kamulongela Abulamu, &#8220;Wihi uno unitendiligwa kwizahusika nawo. Niye nikugolela mtumwa wangu wa chike, mbali viyawile na wimo kanyehula. Mndewa Mulungu nayahumize hagati ya niye na weye.&#8221;</span></span></div><div class="p"><span class="verse v5" data-usfm="GEN.16.5"><span class="content">  </span></span><span class="verse v6" data-usfm="GEN.16.6"><span class="label">6</span><span class="content">Abulamu kamulongela Salayi, &#8220;Mtumwa wako kahasi yako weye, mtendele choulonda.&#8221; Maabaho Salayi kamgaza Hajili mbaka kaibanga.</span></span></div><div class="p"><span class="verse v6" data-usfm="GEN.16.6"><span class="content">  </span></span><span class="verse v7" data-usfm="GEN.16.7"><span class="label">7</span><span class="content">Msenga wa Mndewa Mulungu kamvika Hajili kudibwilingu kuna inzasa ya mazi, nzila ya kuhita Shuli. </span></span><span class="verse v8" data-usfm="GEN.16.8"><span class="label">8</span><span class="content">Na kalonga, &#8220;Hajili msang'hani wa Salayi, kulawa kulihi na kohita kulihi?&#8221;</span></span></div><div class="p"><span class="verse v8" data-usfm="GEN.16.8"><span class="content">Kamwidika, &#8220;Nomkimbila Salayi yonimsang'hanila.&#8221;</span></span></div><div class="p"><span class="verse v8" data-usfm="GEN.16.8"><span class="content">  </span></span><span class="verse v9" data-usfm="GEN.16.9"><span class="label">9</span><span class="content">Msenga ija wa Mndewa Mulungu kamulongela, &#8220;Bwela kwa youmsang'hanila ukamtegeleza.&#8221; </span></span><span class="verse v10" data-usfm="GEN.16.10"><span class="label">10</span><span class="content">Maabaho msenga wa Mndewa Mulungu kamulongela, &#8220;Nizakwing'ha welesi mwingi habule munhu yondayadahe kuwapeta.&#8221;</span></span></div><div class="q"><span class="verse v10" data-usfm="GEN.16.10"><span class="content">  </span></span><span class="verse v11" data-usfm="GEN.16.11"><span class="label">11</span><span class="content">Msenga wa Mndewa Mulungu kamulongela,</span></span></div><div class="q"><span class="verse v11" data-usfm="GEN.16.11"><span class="content">&#8220;Weye kuna wimo na kwizakweleka mwana wa chilume</span></span></div><div class="q"><span class="verse v11" data-usfm="GEN.16.11"><span class="content">na zina jake kwizamtanga Ishumaili</span><span class="note f"><span class="label">#</span><span class=" body"><span class="fr">16:11 </span><span class="ft">Ishumaili fambulo jake Mulungu kohulika.</span></span></span><span class="content">,</span></span></div><div class="q"><span class="verse v11" data-usfm="GEN.16.11"><span class="content">kwaviya Mndewa Mulungu kohulika manhesa yako.</span></span></div><div class="q"><span class="verse v11" data-usfm="GEN.16.11"><span class="content">  </span></span><span class="verse v12" data-usfm="GEN.16.12"><span class="label">12</span><span class="content">Ishumaili kezakala fana mhunda mbago,</span></span></div><div class="q"><span class="verse v12" data-usfm="GEN.16.12"><span class="content">kezakuwa mwihi wa chila munhu,</span></span></div><div class="q"><span class="verse v12" data-usfm="GEN.16.12"><span class="content">na chila munhu kezakuwa mwihi wake.</span></span></div><div class="q"><span class="verse v12" data-usfm="GEN.16.12"><span class="content">Kezaigola na ndugu zake.&#8221;</span></span></div><div class="p"><span class="verse v12" data-usfm="GEN.16.12"><span class="content">  </span></span><span class="verse v13" data-usfm="GEN.16.13"><span class="label">13</span><span class="content">Hajili kamwing'ha zina Mndewa Mulungu yoyalongile nayo, &#8220;Weye ni Mulungu yoniwona.&#8221; Na kalonga, &#8220;Kweli niye nimuwona yeye yoniwona.&#8221; </span></span><span class="verse v14" data-usfm="GEN.16.14"><span class="label">14</span><span class="content">Lekamana nzasa ija yotangigwa Beeli Laha Iloi</span><span class="note f"><span class="label">#</span><span class=" body"><span class="fr">16:14 </span><span class="ft">Beeli Laha Iloi fambulo jake nzasa ya Mulungu yolola na yeli mgima.</span></span></span><span class="content">. Nzasa iyo yahagati ya Kadeshi na Beledi.</span></span></div><div class="p"><span class="verse v14" data-usfm="GEN.16.14"><span class="content">  </span></span><span class="verse v15" data-usfm="GEN.16.15"><span class="label">15</span><span class="content">Hajili kamwelekela Abulamu mwana wa chilume. Abulamu kamtanga zina jake Ishumaili. </span></span><span class="verse v16" data-usfm="GEN.16.16"><span class="label">16</span><span class="content">Hajili viyamweleke Ishumaili, Abulamu kakala na miyaka malongo manane na sita.</span></span></div>
      </div>
   </div>
</div>

Salayi muke wake Abulamu kakala hanakweleka mwana. Kakala na mtumwa wa chike Mmisili yoyatangigwe Hajili. Salayi kamulongela Abulamu, “Kuvimanya Mndewa Mulungu haninogele kupata wana. Lelo kambandame mtumwa wangu muladi niwapate wana kufosela yeye.” Abulamu katogola chiya choyalongile Salayi. Maabaho Salayi kamsola Hajili mtumwa wake kulawa Misili kamwing'ha Abulamu yawe fana muke wake. Yano yalawilila lusita Abulamu viyakalile kuna isi ya Kanaani miyaka longo. Abulamu kambandama Hajili nayo kapata wimo. Hajili viyawonile kapata wimo, kandusa kumwehula Salayi.
Salayi kamulongela Abulamu, “Wihi uno unitendiligwa kwizahusika nawo. Niye nikugolela mtumwa wangu wa chike, mbali viyawile na wimo kanyehula. Mndewa Mulungu nayahumize hagati ya niye na weye.”
Abulamu kamulongela Salayi, “Mtumwa wako kahasi yako weye, mtendele choulonda.” Maabaho Salayi kamgaza Hajili mbaka kaibanga.
Msenga wa Mndewa Mulungu kamvika Hajili kudibwilingu kuna inzasa ya mazi, nzila ya kuhita Shuli. Na kalonga, “Hajili msang'hani wa Salayi, kulawa kulihi na kohita kulihi?”
Kamwidika, “Nomkimbila Salayi yonimsang'hanila.”
Msenga ija wa Mndewa Mulungu kamulongela, “Bwela kwa youmsang'hanila ukamtegeleza.” Maabaho msenga wa Mndewa Mulungu kamulongela, “Nizakwing'ha welesi mwingi habule munhu yondayadahe kuwapeta.”
Msenga wa Mndewa Mulungu kamulongela,
“Weye kuna wimo na kwizakweleka mwana wa chilume
na zina jake kwizamtanga Ishumaili,
kwaviya Mndewa Mulungu kohulika manhesa yako.
Ishumaili kezakala fana mhunda mbago,
kezakuwa mwihi wa chila munhu,
na chila munhu kezakuwa mwihi wake.
Kezaigola na ndugu zake.”
Hajili kamwing'ha zina Mndewa Mulungu yoyalongile nayo, “Weye ni Mulungu yoniwona.” Na kalonga, “Kweli niye nimuwona yeye yoniwona.” Lekamana nzasa ija yotangigwa Beeli Laha Iloi. Nzasa iyo yahagati ya Kadeshi na Beledi.
Hajili kamwelekela Abulamu mwana wa chilume. Abulamu kamtanga zina jake Ishumaili. Hajili viyamweleke Ishumaili, Abulamu kakala na miyaka malongo manane na sita.

සවන් දෙන්න Mwanduso 16