Matayo 7
7
1 #
Rom 2:1; 1 Kor 4:5. “Siritubonokinete, yes da kinyeis atubokinio. 2#Mk 4:24. Naarai etube loitubete, ŋopeŋol kitubokinere; ka aitemis naitemioto, ŋipeŋin kitemere yes da, 3Aso kanukinyo isesenia igugut yenejai akoŋu naka onacekon, komam ipodo akitoi naejai akoŋukon kilopet? 4Arai ilimokini biai onacekon ebe, ‘Kinyek kalem igugut yenejai akoŋukon’; ido koany, ejai akitoi akoŋukon kilopet? 5Yenikesoswai ijo, kolem ber akitoi naejai akoŋukon kilopet; kosodi konyet asesen kotenan alemun igugut kakoŋu naka onacekon.
6 #
Mat 10:11. “Sirikiinakis iŋokwo ibore yenikalaunan, ido sirikicakakis akusilulun kakonyen nuka ipegei, kinyeis aicakacak kakejekec, ka aibelokin agwaragwar yes.
7 #
Mk 11:24; Luk 11:9-13; Yer 29:13,14; Yok 14:13; 16:23. “Kilipa, kiinakinio; komoata, idumunete; kikuŋukuŋoto, kiŋaikinio. 8Naarai ŋin yenilipi ijaikinio; yenemoi edumuni; ka yenikuŋukuŋi da enaikinio. 9Arai iŋai kereka kayesi, kilip ikokuke emugati, einakini tope amoru? 10Arai kilip agar, einakini tope ŋes emun? 11#Yak 1:17. Aso arai yes lukaronok ijenete ainakin ikusidwe ainakineta nuejok, mam kereka itelekarit noi Papakus loejai toma akuj ainakin ŋul Iuilipete ŋes iboro luejok? 12#Luk 6:31; Mat 22:39,40; Rom 13:8-10. Aso nuikotosi ituŋa aikonakin yes, kikonakis yesi da kes kwape kwaŋin: naarai ŋun kes ikisila ka inabin da.
13 #
Luk 13:24; Yok 10:7,9. “Kolomasi aitor orute loedidiŋ; naarai elal erut, ipajajai da erot, loebei amudiario, luelomarete da kotomake eraas luipu. 14#Mat 19:24; Asw 14:22. Edidiŋ erut, eridid da erot loebei aijar, luedumunete da eraas luikidioko.
15 #
Mat 24:4,5,24; Asw 20:29. “Kocoito inabin Iukeŋalak, lukiponikinete enapito inapen luka amerekekin, konye kotoma eraas ipeen luededeŋ. 16#Gal 5:19-22; Yak 3:12. Ijenunete kes kakeceraito. Edeŋete kereka ituŋa imusabibun kokito luka ikukwa, arai bo itinin kokodokodo? 17#Mat 12:33. Kwape kwaŋin ŋolikitoi loejok erai araito nuejok; konye do ekitoi loerono erai araito nueroko. 18Mam epedori ekitoi loejok aira araito nueroko, karaida ekitoi loerono aira araito nuejok. 19#Mat 3:10; Luk 3:9; Yok 15:2,6. Ŋolikitoi lomam erai araito nuejok ejepario, kocakakinai akim. 20#Mat 12:33. Kanuka ŋun ijenunete kes kakeceraito.
21 #
Mat 21:29; Rom 2:13; Yak 1:22,25; 2:14; 1 Kor 12:3. “Ŋinituŋanan yenikabala eoŋ ebe, ‘Ejakait, Ejakait,’ mere ŋes elomuni ajakanut naka akuj; dimarai yeniswamai nuekoto Papaka loejai toma akuj. 22#Yer 14:14; 27:15; Luk 13:25-27; 1 Kor 13:1,2. Katemarete luipu kapaaran kaŋin atiar, ‘Ejakait, Ejakait, mam kereka kipou kadwarata kokirorikon, kokirorikon da kereŋeasi ajokin, kokirorikon da keswamata aswamisio nukapedor nuipu?’ 23#Sab 6:9; Mat 13:41; 25:41; 2 Tim 2:19. Kasodi alimor mamakec ebe, ‘Mam lem kajeni yes nepecep da: konyoutu kama ajai, yes lukeswamak nukepali.’
24 #
Mat 7:21. “Aso ŋin yeniirari akakiro nu kiswama kes, ituputoorio ketuŋanan lokacoa, lokeduki eketogo atiida: 25kotep akiru, kolelek akalele, kokuta ikwamin, koleata etogo ŋol; mam ibiroro: naarai kepesikinitai atiida. 26Ŋin da yeniirari akakiro nu, komam iswamai, ituputoorio ketuŋanan lobaŋ, lokeduki eketogo asiŋe: 27#Esk 13:10,11. kotep akiru, kolelek akalele, kokuta ikwamin, koleata etogo ŋol; kibiror; akeibiror da korau naepol.”
28 #
Mk 1:22; Luk 4:32; Mat 11:1; 13:53; 19:1; 26:1. Kosodi kanen, kedau Yesu akiro ŋun, koumokis atukon jokan akeisisianakin, 29#Yok 7:46. Naarai kisisianakini kwape etuŋanan loejai apedor, kwabo mere kwape ikewadikakakec.
Выбрано:
Matayo 7: AOV1961
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Ateso Old Version Bible © United Bible Societies, 1961.