Ore i mexü̃ ga Cuáü̃ ümatüxü̃ 2

2
Ngĩarü peta ga ĩane ga Canáwa üxü̃ ga Gariréaanewa
1Rü yexguma marü tomaepü̱x ga ngunexü̃ Gariréaanearü ĩane ga Canáwa nayexmagu ga Ngechuchu, rü nayexma ga wüxi ga ngĩarü peta. Rü yemawa ngĩxna naxugü ga naé ga Ngechuchu.
2Rü Ngechuchuna naxugüe namaxã ga norü ngúexü̃gü nax yéma naxĩxü̃ca̱x.
3Rü nagu̱x ga norü axexü̃ ga bínu. Rü Ngechuchu naé ngĩgürügü nüxü̃ ga Ngechuchu: —Marü nagúarü bínuã̱xgü —ngĩgürügü.
4Natürü Ngechuchu ngĩxü̃ nangãxü̃, rü ñanagürü: —Pa Mamax, ¿tü̱xcüü̃ chomaxã nüxü̃ quixu i ngẽma? Erü tauta nawa nangu nax chanaxüxü̃ca̱x i ta̱xacürü mexü̃ i Tupanaarü poramaxã chaxüxü̃ —ñanagürü.
5Natürü ga ngĩma ga naé rü ngĩgürügü nüxü̃ ga yema baegüxü̃ namaxã ga bínuchíü: —¡Penaxü̱x i guxü̃ma i ngẽma nüma pemaxã nüxü̃ yaxuxü̃! —ngĩgürügü.
6Rü yéma iyexma ga 6 ga tü̃xü̃ ga nutagü ngĩxca̱x. Rü wüxichigü ga yema tü̃xü̃wa rü yexma name ga 50 rüe̱xna 70 litrugü ga dexá. Rü yema tü̃xü̃gü iyixĩ ga yema Yudíugü ngĩxü̃ ixügüãcugücü ga yexguma dexámaxã nügü yaya̱u̱xme̱xgüchaü̃gu nax Tupanaca̱x nügü yamexẽẽgüxü̃ca̱x.
7Rü Ngechuchu rü yema baegüxü̃xü̃ namu, rü ñanagürü: —¡Dexámaxã ngĩxü̃ pixügüãcu i ñaa tü̃xü̃gü! —ñanagürü. Rü nümagü ga yema baegüxü̃ rü meama ngĩxü̃ nixügüãcu.
8Rü Ngechuchu ñanagürü nüxü̃: —Rü ñu̱xma chanaxwa̱xe i íxraxü̃ peyaxu, rü petaarü yoraxü̃tawa penange —ñanagürü. Rü yemaacü nanaxügü ga yema baegüxü̃.
9Rü yema petaarü yora nüxü̃ naxaxneta ga yema dexá ga bínuxü̃ nanguxuchixü̃. Natürü tama nüxü̃ nacua̱x nax ngextá nayauxgüãxü̃. Rü yema baegüxü̃xicatama nixĩ ga nüxü̃ cua̱xgüxü̃ ga dexámare nax yixĩxü̃ ga noxrix. Rü yexgumatama ga yema petaarü yora rü yema yatü ga ingĩ́xü̃ca̱x naca.
10Rü ñanagürü nüxü̃: —Guxü̃ i naanewa rü duü̃xü̃gü rü noxri rü namaxã nabae ya mecü ya bínu. Rü ngẽxguma marü meama guxü̃ma axegügu i ngẽma nüxna naxuxü̃, rü ngẽmawena rü nüxna nanaxã ya ngexcürüücümare ya bínu. Natürü i cuma rü marü nagúxchaü̃gu i peta, rü mexẽchicü ya bínumaxãtama cuyaxaxegüxẽxẽ i duü̃xü̃gü —ñanagürü.
11Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.
12Rü yemawena rü Capernáü̃ ga ĩanewa naxũ ga Ngechuchu. Rü naé rü naenexẽgü rü norü ngúexü̃gü rü ta ínayaxümücügü. Rü yéma guma ĩanewa nayexmagü ga ñuxre ga ngunexü̃.
Ngechuchu rü Tupanapata ga taxü̃newa ínanawoxü̃ ga yema duü̃xü̃gü ga yéma taxegüxü̃
(Mt. 21.12-13; Mr. 11.15-18; Lc. 19.45-46)
13Rü marü ningaica ga Yudíugüarü peta ga Üpetüchiga. Rü yemaca̱x ga Ngechuchu rü Yerucharéü̃wa naxũ.
14Rü yexma Tupanapata ga taxü̃negu nüxü̃ nayangau ga duü̃xü̃gü ga yéma norü wocagümaxã rü carnérugümaxã rü muxtucugümaxã taxegüxü̃. Rü yéma nüxü̃ nadau ta ga duü̃xü̃gü ga diẽru ngĩxü̃ üchicüügüxü̃ ga yéma rütogüxü̃.
15Rü yexguma yemaxü̃ nada̱u̱xgu ga Ngechuchu, rü nanaxü ga wüxi ga cua̱i̱xruxü̃ ga naxcha̱xmünaxca̱x. Rü yemamaxã Tupanapata ga taxü̃nea̱xtüwa ínanawoxü̃ ga yema duü̃xü̃gü guxü̃ma ga norü carnérugümaxã rü wocagümaxã. Rü yema diẽru ngĩxü̃ üchicüügüxü̃arü diẽru rü ñaxtüanegu ngĩxü̃ narüwoü̃. Rü norü mechagü rü ta nüxü̃ nawoneta.
16Rü yema muxtucugümaxã taxegüxü̃xü̃ ñanagürü: —¡Ípeyana i ngẽma perü muxtucugü i nua! Tama name i taxepataü̃xü̃ peyaxĩxẽxẽ ya daa Chaunatüpata —ñanagürü.
17Rü yexguma ga norü ngúexü̃gü rü nüxna nacua̱xãchie ga nũxcümaü̃xü̃ ga ümatüxü̃ ga ñaxü̃: “Chauxchi naxaie erü chanachu̱xu nax ta̱xacürü chixexü̃ naxügüxü̃ i Tupanapatawa”, ñaxü̃.
18Rü yexguma ga yema Yudíugüarü ãẽ̱xgacügü rü Ngechuchuna nacagü, rü ñanagürügü: —¿Ta̱xacürü cua̱xruxü̃xü̃ tá toxü̃ cudauxẽxẽ nax nawa nüxü̃ tacuáxü̃ca̱x nax aixcüma Tupana yixĩxü̃ ya cuxü̃ mucü nax ícunawoxü̃xü̃ca̱x i ñaa duü̃xü̃gü i nua? —ñanagürügü.
19Rü Ngechuchu nanangãxü̃, rü ñanagürü: —¡Nagu pepogüe ya daa Tupanapata ya taxü̃ne! Rü choma rü tomaepü̱x i ngunexü̃gu rü tá wena íchanadaxẽxẽ —ñanagürü.
20Rü yexguma ga yema Yudíugüarü ãẽ̱xgacügü rü nanangãxü̃gü, rü ñanagürügü: —Rü 46 ga taunecü nawa napuracüe ga duü̃xü̃gü nax naxügüã̱xü̃ca̱x ga daa Tupanapata ya taxü̃ne. ¿Rü ñuxãcü tá i cuma i tomaepü̱x i ngunexü̃ tátama wena ícunadaxẽẽxü̃? —ñanagürügü.
21Natürü gumá Tupanapata ga taxü̃ne ga Ngechuchu nachiga idexane rü naxü̃nechigatama nixĩ.
22Rü yemaca̱x ga norü ngúexü̃gü, rü yexguma Ngechuchu yuwa írüdaxgu, rü nüxna nacua̱xãchie ga yema ore ga Ngechuchu nüxü̃ ixuxü̃. Rü aixcüma nayaxõgü ga yema ore ga nüxü̃ yaxuxü̃ rü yema Tupanaarü ore ga nũxcümaü̃güxü̃ ga orearü uruü̃gü Ngechuchuchiga ümatügüxü̃.
Ngechuchu rü nüxü̃ nacua̱x i duü̃xü̃güarü ĩnü
23Rü yexguma Ngechuchu Üpetüchigaarü petaca̱x Yerucharéü̃wa yexmagu, rü muxü̃ma ga duü̃xü̃gü rü nüxü̃́ nayaxõgü, yerü nüxü̃ nadaugü ga yema taxü̃ ga mexü̃gü ga Tupanaarü poramaxã naxüxü̃.
24Natürü nüma ga Ngechuchu rü tama yema duü̃xü̃güaxü̃́ nayaxõ, yerü woetama marü nüxü̃ nacua̱x ga ta̱xacügu nax naxĩnüexü̃ ga guxü̃ma ga yema duü̃xü̃gü.
25Rü yemaca̱x ga nüma rü taxuca̱xma texé namaxã nüxü̃ tixu nax ta̱xacügu naxĩnüexü̃ ga yema duü̃xü̃gü. Yerü nümatama marü nüxü̃ nacua̱x nax ta̱xacügu naxĩnüexü̃ ga naãxẽwa ga wüxichigü.

Выделить

Поделиться

Копировать

None

Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь

YouVersion использует файлы cookie, чтобы персонализировать ваше использование приложения. Используя наш веб-сайт, вы принимаете использование нами файлов cookie, как описано в нашей Политике конфиденциальности