Matthew 1
1
Jisü Messiah Laghaphi
1Hiye Jisü Messiah#1:1 Messiah ipi akeu ye Hebrew tsà ke eno Khristo ipi akeu no Greek tsà lono ke eno kinikujo akiqi ye Nukisheluve keu Jisü ipi ani. David nu, Abraham nuʼw laghaphi ke:
2Isaac ye Abraham nu,
Jacob ye Isaac nu,
Judah eno pa thiküzümiqo ye Jacob nu,
3Perez ngò Zerah pama ye Judah nu, eno pama pazá ye Tamar,
Hezron ye Perez nu,
Ram ye Hezron nu,
4Amminadab ye Ram nu,
Nahshon ye Amminadab nu,
Salmon ye Nahshon nu,
5Boaz ye Salmon nu eno pazá ye Rahab,
Obed ye Boaz nu eno pazá ye Ruth,
Jesse ye Obed nu,
6eno Akükau David ye Jesse nu.
Solomon ye David nu, eno pazá ye Uriah nipu (Bethsheba) ke,
7Rehoboam ye Solomon nu,
Abijah ye Rehoboam nu,
Asa ye Abijah nu,
8Jehoshaphat ye Asa nu,
Jehoram ye Jehoshaphat nu,
Uzziah ye Jehoram nu,
9Jotham ye Uzziah nu,
Ahaz ye Jotham nu,
Hezekiah ye Ahaz nu,
10Manasseh ye Hezekiah nu,
Amon ye Manasseh nu,
Josiah ye Amon nu,
11eno Josiah ye Jeconiah ngò pa thiküzümi khunoqo Babylon lo Israelmi kughusawu no ake ghuloki lo punu keno tipaqo papù ke.
12Babylon lo kughusawuve kethiu:
Shealtiel ye Jeconiah nu,
Zerubbabel ye Shealtiel nu,
13Abihud ye Zerubbabel nu,
Eliakim ye Abihud nu,
Azor ye Eliakim nu,
14Zadok ye Azor nu,
Akim ye Zadok nu,
Elihud ye Akim nu,
15Eleazar ye Elihud nu,
Matthan ye Eleazar nu,
Jacob ye Matthan nu,
16eno Joseph ye Jacob nu Mary kimi, eno Mary ye Jisü khuu Messiah ipi ku cheni keno pazá ke.
17Ike Abraham lono David kutólo tiqheli chighibidi ani, eno David lono Babylon lo kughusawuve ke kutólo tiqheli chighibidi ani, eno kughusawuve keu lono Messiah kutólo tiqheli chighibidi ani.
Joseph no Jisü pe Pa Nu Shiluve
18Jisü Messiah ye hitoi punúlu: Pazá Mary ye Joseph sasü külakupu shini ke tushoqhive, ikemu pama külakupu shimphi züu no Mary ye Aghungú Kimthe vechewo mishi aghíve. 19Ikemu li kimi Joseph ye amikucho shi ayeza pape chekemi kehu, pa ye aqha zülo no li shikukujomo nike ghenguno tuqhou no li sasü tishetiye shimove nikeu shi kümsüve.
20Ikemu pa no hipau kümsüluve kethiu, Ampeuʼw kungumi lakhi no asamou no pa lau ipeghino pi, “David nu Joseph, Mary pesü onipu shini keu lo müsà kevilo, kughengu li no mishí chekeu ye Aghungú Kimthe lau no ke. 21Li no anu lakhi punú nani, eno no ye pa je Jisü#1:21 Greek tsà ghola kiqi lo Jisü ye Joshua ipi ani eno tipau kiqi ye Ampe ye xakuluu. kutsü nani, kughengu pa no paw timiqo panongu xinéqo lono xalu nani.”
22Hi kümtsü shilu keu ye Ampeu no tungkupumi vechewo kiu pipüa keno shikupu niye ke: 23“Ilimi hu no mishiluve nani eno anu lakhi punú nani, eno panongu no pa vilo Immanuel ipi ku nani”#1:23 Isa 7:14 (Immanuel kiqi ye “ningu gholo Alhou ani”).
24Kughou Joseph no idaithughi keno, pa no Ampeuʼw kungumi no azah pa tsükeu kiqi lono Mary pesü pa nipu shiluve. 25Ikemu li no anu punú moke kutólo pa ye li sasü ashi-ajì küqhamoe. Eno Joseph no anu je pesü Jisü kuvetsüe.
Выбрано:
Matthew 1: STB
Выделить
Поделиться
Сравнить
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
