मती 4

यीसु नै परखणो

(मरकुस 1:12,13; लूका 4:1–13)

1 # इब्रा 2:18; 4:15 जद पवितर आतमा यीसु नै सुनी जगा में लेन ग्या ताकी सैतान उणनै परख सकै। 2चाळीस दिन, अर चाळीस रात नींरणे काळजै रियौ, तो उणनै भूख लागी। 3तो परखणवाळै नै खनै आयनै उणनै कयौ, “जे थूं परमेसर रौ बेटौ है, तो कैह दे, ऐ भाठा रोटियो बण जावै।”

4यीसु जबाब दियौ, “पवितर सास्तर मे लिख्योड़ौ है,

‘मिनख सिरफ रोटी ही ऊं कोनीं,

पण हर एक वचन ऊं जिकौ परमेसर रै मूंडै ऊं निकळै है, जीवतौ रैला।’ ”

5तो सैतान उणनै पवितर नगर यरुसलेम मे ले जायनै मिंदर री चोटी ऊपर ऊभौ करयौ, 6अर उणनै कयौ, “जे थूं परमेसर रौ बेटौ है, तो अपणै आप इण चोटी ऊं नीचे कूद जा, क्यूंकै लिख्योड़ौ है,

‘वो थांरै बारै में आपरै सरगदूतो नै आग्या देवेला,

अर वे थांनै हाथोहाथ उठा दैला,

कठैई ऐड़ौ नीं हो की थांरै पगां मे भाठै री लाग जावै।’ ”

7यीसु उणनै कयौ, “ओ भी लिख्योड़ौ है, ‘थूं परभु अपणै परमेसर री परीकसा मत कर।’ ”

8पछै सैतान उणनै एक घणौ ऊंचौ भाखर माथै लेन गियो अर सगळै जगत रा राज अर उणरा धन दौलत देखायनै। 9उणनै कयौ, “जे थूं म्हनै झुकनै परणाम करै, तो म्हैं ओ सगळौ थनै दे दूं।”

10जद यीसु उणनै कयौ, “हे सैतान आगौ जा परौ, क्यूंकै लिख्योड़ौ है, ‘थूं परभु अपणै परमेसर नै परणाम कर, अर कैवल उणी री उपासना कर।’ ”

11जद सैतान उण रै खनै ऊं जातौ रियौ, अर सरगदूत आयनै उणरी सेवा करणै लागा।

यीसु रै सेवा-कांम री सरूआत

(मरकुस 1:14,15; लूका 4:14,15)

12 # मत 14:3; मरकु 6:17; लूक 3:19,20 जद यीसु ओ सुणियो की यूहन्‍ना नै बन्दी बणा लियौ गियौ है, तो वो गलील जातौ रियौ। 13#यूह 2:12अर वो नासरत नै छोड़नै कफरनहूंम जिकौ झील रै कांठै जबूलून अर नप्ताली परदेस में है, जायनै रैवण लागौ। 14जिकौ यसायाह भविसयदाता रै कयोड़ो है, वो पूरौ होवै,

15“जबूलून अर नप्ताली परदेस,

झील रै रास्ते ऊं यरदन नदी पार,

गैर यहूदी रा गलील,

16जे लोग अंधारै मे बैठा हा,

उणौ मोटो चांदणौ देखियौ

अर जिकौ मरण रै देस अर छाया मे बैठा हा,

उण माथै चांदणौ चमकियो।”

17 # मत 3:2 उण वगत ऊं यीसु परचार करणै अर ओ कैवणौ सरू करयौ, “मन फिराओ, क्यूंकै सरग रौ राज नैड़ौ आयौ है।”

च्यार मछुआरौ नै बोलाया

(मरकुस 1:16–20; लूका 5:1–11)

18एक वैळा यीसु गलील री झील रै कांठै फिरता उण दो भाई समौन जिकौ पतरस कहीजै है, अर उणरै भाई अन्‍द्रियास नै झील में जाळ नोखते देख्यां। क्यूंकै वे मछली पकड़न वाळा हा। 19यीसु उणनै कयौ, “म्हारै लारै चालया आओ, तो म्हैं थांनै परमेसर रै राज मे लोगां नै लावण वाळा बणाऊंला।” 20वे हाथोहाथ जाळ नै छोड़नै उणरै लारै चाल दिया।

21उठै ऊं आगै चालनै, यीसु नै अर दो भाइयो मतलब जबदी रै बेटौ याकूब अर उणरै भाई यूहन्‍ना नै देखिया। वे आपरै पिता जबदी रै साथै नाव ऊपर आपरै जाळो नै सावळ कर रिया हा। वो उणौनै भी बोलाया। 22वे हाथोहाथ नाव अर अपणै पिता नै छोड़नै यीसु रै लारै चाल दिया।

यीसु नै बीमारी अर दुखौ नै दूर करया

(लूका 6:17–19)

23 # मत 9:35; मरकु 1:39 यीसु सगळै गलील मे फिरता होया उणौरै पराथना घरो मे उपदेस करता, अर राज्य रा सुभ संदेस परचार करता, अर लोगां री हर तरैह री बीमारी अर रोगो नै दूर करता रिया। 24अर सगळा सीरिया देस में उणरै अचूम्बे रै कांम री चरचा फैलगी। अर मिनख सगळै बिमारों नै, जे किणी तरैह री बीमारियो अर दु:खो मे बन्धियोड़ा हा, अर जीण में भूत हा, अर मिरगीवाळा अर लकवे रै रोगियो नै उणरै खनै लाया अर वो उणनै ठीक करया। 25गलील अर दिकापुलिस#4:25 ऐ दस सैहर है, यरुसलेम, यहूदिया अर यरदन नदी रै पार ऊं भीड़ री भीड़ उणरै लारै होयगी।

Selectat acum:

मती 4: RWR

Evidențiere

Copiază

Compară

Împărtășește