2 Johani 1
1
Kuvumenena
1Edi diñoro dyaa tunda ku kwange ame no mukuru, naa ñorera mbuyama o kuhanguriwa, karo naa ñorera nanenthzi awa na shima mushemwa. Kadi ame pohuma, unone namweya wahe awa a na dimuka oshemwa, 2inene oshemwa ou u di mu mwetu kenge wa kwikarerera netu diyere. 3Thsihemo, ñeke no thsiyaro ku tunda kwa Nyambi Tata noku kwa Yesu Krisitu Mwana Tata kenge ya kwikara netu mushemwa no mu thsishimo.
Kuenda mushemwa no mu thsishimo
4Na nyanyukire nene ku wana anoe amweya o kwa enda mushemwa, eci dyodi a i tu raererire Tata. 5Pano honi owe o mbuyama na shimiwa, ka ni ku ñorerire thsiraerera thsothsipe unone ethsi na tu yuvu ku tunda ku matatekero, naa mi romba ci tu cishimenu oandu. 6Thsishimo po ethsi, ku hengeka thsiraerera thsa Nyambi. Eci edi na mu i yuvu ku tunda ku matatekero ci thsiraerera thsenthzi po ku yoya mu thsishimo.
7Naa amba eyi, inene akwakwangera owangi a na thzi mu kaye, awo awa a na kana ku tawa ci Yesu Krisitu wa keyire konu. Munu o kengeyo po wa kwangera, karo yodiyo Shifoto Krisitu. 8Mu mamere ci katere mwa ku yawe eyi na mu kwamena, unone mwa ku wane muyambo ko kuyara. 9Munu yomuhe o ku panthzaana no kukana ku twarerera mwirongithsa ya Krisitu, oyo po ka a di na Nyambi. Unone o ku twarerera mwirongithsa o di na Tata no Mwana. 10Ngeci munu aa keya ku koe no kukana ku reta eyi erongithsa, oyo munu wa mu tawethza ku keya mu nthzio thzoe nji ku mu vumenena. 11Munu yomuhe o ku tambura munu o kengeyo aa shimba kwikwama yenthzi yoimango.
Maywi o mamaneneno
12Ni di neyi yoingi yo ku ku ñorera, unone ka ni fotire ku cikwathsithsa pepa nji enge. Apa i di kengeyo, naa kurupera ku na ku hungerithsa no ku na ambaura noe o ku tu na citanekera, ci thsinyanyu thsetu thsikare thso kukwana.
13Ana minoe o kuhanguriwa aa ku vumenena.
Selectat acum:
2 Johani 1: mho
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
©2023 The Seed Company