Versete biblice populare din Iuwãu 4

Împărtășește

Tupana toineꞌen Ipaꞌãu yn yt heremo i miꞌi tupono toikyꞌesat miitꞌin miat tomotypot hap yt heremo i taꞌatupyꞌa piat kaipyi tomotypot hap. Aiwanetup we yn pywo sese e hap kaipywiat aipyꞌa pywiat mio toikyꞌesat tomotypot hap mana e.

Mesup ti aru tuut raꞌyn Tupana motypot hap yt mesuwat ewywuat i raꞌyn maꞌato Tupana motypot haria sese taꞌatupyꞌa pywiat taꞌatuwanetup hap kaipywiat raꞌyn imotypot hãpyk kahato haria raꞌyn tukupteꞌen Tupana mikyꞌesat ewy e.

Maꞌato uwe uwe mekewat uimiium yꞌy wo teꞌereꞌyꞌu miꞌi haria ti aru yt karamuo i raꞌyn teꞌereꞌyꞌutui e katupono uimiium yꞌy toineꞌen emoieineꞌen hamuat wuatꞌi eꞌat piat ihãite rakat raꞌyn. Uimiium yꞌy yresa sese ewy raꞌyn tuwẽtem yꞌy epyꞌa pyi mana e.

Miꞌi hawyi toiwesat -Yt etikuap i kahato mana uwe yꞌy ẽtup epe e. Yt etikuap i kahato kat som Tupana tum neran epe mana e. Etikuap pote ten meremo ehẽtup uhepe yꞌy sese woꞌomoieineꞌen hap emoieineꞌen wuatꞌi eꞌat piat hamuat e.

Miꞌi pote Iesui toꞌe. -Uiwyriaꞌin e aikotã miꞌu wo aiꞌok hawyi aimowepiit kahato miꞌi hap ewy uipoꞌoro hat mikyꞌesat nug uhepiat hap uimowepiit kahato atuꞌu hawyi e.

Mio tã e hawyi toiwesat -Yt kat i kahu ekuiruꞌa saity etiat yꞌy sat hamuat e katupono meiũwat pyi pya poityꞌi yi pe yꞌy e. Aikotã aru pyno etum uhepe yꞌy uimoieineꞌen hamuat e.

-Pywo Mimi atikuap taꞌyn meiũran ti aru Tupana tipoꞌoro temiit Aiporekuat nuat aimuꞌe yne hamuat mekewat Wuatꞌi Miitꞌin Porekuat e hap het rakat. Miꞌi ti yne etiat aimuꞌe hanuat e. -Yt meiũran i raꞌyn ti aru mana katupono tuut kahu raꞌyn. Uito raꞌyn meiũ mekewat emiekatup e haryporia pe.

Putꞌok toꞌe hawyi toꞌe itotiaria pe -Toꞌiro worohoꞌomoꞌakasa wẽtup ok miit iuẽpiat kape yne uiminug hap koꞌi toimoherep yne uhepe yt uwe piat i henoi pykai e. Tupana Mipoꞌoro Aiporekuat nuat apo Miꞌi Miit e iꞌatuepe.