Versete biblice populare din PHILIPI 4

Împărtășește

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

Houg: lang" byu yi se' da" nyain: dangain" tho' mo je" lid da" Mangso ngei pyoo: myenjham" khyoo: gi Khristu Yesu yo' deung: shoin" da" khyoo: moo nanu" da" nheigloem: e" myed, yo' myid soin: khyoo: dangain" moo zung" lhug byid: wa.

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

Hougsu" nghoid yoomo Mangsoo koem gi myonhoo: phung" yoeb, yo' phajhi" soid gain' athang agoin yo" jo, nyid ziyo' dakhyoo" ti"- nanu" ri Khristu khoug: moo nanu" da" ca" moo ca" ri jhoeb, pyeing" byid: wa nghoid.

Ngoo tid da" khoin" thui: joem yo' ngoo zei: so' da" lo, moo" joem khyo" nanu" nga" jang" mo shau" jhau" yu bye: da" khyoo: joem ri lo, ju" khyid: yug- cang zei: loo" ge' houg: lang" ngei pyo: da" apoem: Mangsoo gi nanu" yo' dage" danyid nyid wa zi nghoid.

Nanu" da" sam" dab, nu" nham, da" nheigloem: ri byu dangain" bang: da" shid khoin" moo toin" shid' nyid ge'- Hau" Aseing: ju" ri" wa da" ayo, gi jhang lo nyid bye.

Ca" nyid yo nyid wa ziyo' agoin ayu: yo" loo: jo, lo ri khasu" nyid wa ziri we' ngoo se- yoo" zoo: yoo" shug nghoid loug- zooyoid gyid shed' nghoid loug- myoo" sho' yoo" nghoid loug- dajhi' za: te: yoo" nghoid loug- kha: joyoo moo nghoid loug- kha: yo, kha: khyeing: moo nghoid loug- nheig shid: nheig deig tung" se' nyid da" he: da" yhoem" to" zau" to" da" phajhi" ringoo se' yu bye.

Ngoo hid: su" ein: tid da" khyoo: gi nanu" ngoori nung phoug pyam boem bye: ein: tid nau zi we' anghoid- khasu" wim ga: ri ngoo gi ngoo nyang: te: yo" gu: yo' nheig deug; lho: se' nyid ca" khyoo: ri se' yu bye.