Versete biblice populare din KOLOSE 3

Împărtășește

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

Moug: myid tho' moo jo, da" zi joem ri anghoid loo: za: moug: khung: tho' moo jo, da" ziyoo joem moo nheigloem: zug jo, ge'.

Nanu" gi ce" ja: koid nghoid loug we' byu shid' re" koid ti" anghoid loo: za: Aseing: shid re" koid yahg: ti"- nanu" da" nheigloem: emyid dangain" yo' yoem: kaid' nyid ge'.

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'. Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' ASEING Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

Nanu" gi Khristu yo' dage" doem dei to'' loo bye: ziri shau" kham: yu boem, bye: yoomo Mangsoo, yo shoid mo nya: Khokham" zhung: tang moo zhoung: jo, da" Khristu nyid da" moug: khung: mo zi joem ri nheig danhei: nyid ge'.

Khristu byid: da" ngei pyo: khyoo: gi nanu' da" nheigloem: ung: khoug: moo davhoeb, khang" nyid wigi houg: gi nanu" myid phyed' pharan da" khyoo: moo khyoo: shed' vhu" she: nyid baja"- khasu" wim ga: ri hau: ngei pyo: da" khyoo: ri shau" kham: zoo wa shid re" Mangsoo gi nanu" ri gung du: daloem: za: khyo" khe: yu bye: yoomo jeju" ri boin: so" nyid ge'.

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

Akhid" koem gi nheig yo: zi nheig no, nyang: yo: khyoo: anoug angei da" nheig loem-yooboo ri xoem" to" khyoo: sube" da" gei, sang: shang pyang: ziyo' khoin" co' loeb, khyoo: ri nanu" da" nhoid mo athu' nhang: loo: go.

Nyang: cang" nyang: -mhau' da" dang: ri atid nyid lo go"- khasu" wim ga: ri ri byu xoug" yo' dage" hau: da" akyang joem ri nanu" khyoid pyam' lho: gung du: aseig zhoug yu boem abye: go. Phain" so: to" da" Aseing: Mangsoo gi hau: byu seig ri Mangsoo nya: da" alhoo: aved' yo' je" je du goo" sho' khanham we' daso koid daso' nyheung nyid houg: su" so' koid so' nyheung: khyoo: gi nanu" gi hau: Aseing: ri joeb, byeung" sho' se' loo wa shid mo nghoid.

Yhoem: seing: pho, we' nanu" da" yhoem: seing: myhi' ri jheddab nyid wigi nyangnu" ri anoug akhyoid' pyi: sho: da" dang: ri atid nyid goo.

Zoo: shang: mi" we"- ce" ja: khyoo: moo we"- re" myhi, yo' re" pho, da" dang: ri khanham we' datam" gyo: nyid ge'- hau: khyoo: gi Khristain yi cang zei: loo" eung: da" moo" nghoid - Khasu" wim gari hau: khyoo: gi Mangsoo vho: da" khyoo: nghoid.

Yhoem: seing: myhi' we"- nyang: nya: da" yhoem: seing: pho, tid khyo" cang nyid ge'- hau: khyoo: gi Khristain byu dayug khyo" wigi hau: Aseing: moo cang yhe: loo" wa du, da" khyoo: nghoid.