Versete biblice populare din Romano 12

Împărtășește

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Avy heja porãmbavaĩ tijepy ndyrehe. Kyrãtẽ verã, jepyhe porãmba haikavivapy.

Pimoña hãndia rãĩmipo yngavape ryhaihu jyve, hareka pijapo kavi ijehe.

Añetevapepo ñandapisha jahaihu. Pimbijiche mbai porãmba hareka haikavivaĩ pijapo.

Katura piñyhãã piko kavi hãndi opavare.

Shyryvyre ahaihuva, avy pyheka pijepyjyve mbai pijapo verã, koñeĩ pyhejapo Tũpa poshykue jahehe; shara Ñandeja hei Mbyparavape: Sha'ãpova hai ñymyngovia, sheepo ñunupape amyngovia.

Kyrẽ'ỹpe pymba'apo hareka avypo pate'ỹ. Pymba'apo Tũpa pevarã, kyrẽ'ỹpe.

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Avy mbavape porãmba myngoviajyshu. Piñyhããpo haikaviva pijapo opavare hỹnonde.

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

Hãrã heijy: Ndyvaisho ñymbahyrã, meẽshu hou verã; ju'uherã, meẽshu tou. Hãma kyrã jajaporã, hai ikova rãĩmi reheĩpo ñymymarã.

Pehovasashu opaite maĩ'i pyreheare; pehovasashu hareka avy pijahehe. Pyvy'a hãndi vya'õre hareka jaheo'õre pijaheo hãndi.

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

Shara kyrã jyve heta ĩmejare ñandyrete ryhevare, hareka opaitevãã jyvache ĩmere poryha verã rãĩmi, kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.