Versete biblice populare din O ROMA 15

Împărtășește

Ma Jou Madutu ganga mangï ngini nimahi nganono. Tanu Unanga wadol̄a niahininga de hagala o mörene deʼ o dame karana ngini niwingaku Unangika, hupaya de ma Jou Madutu ai Womaha makuaha ngini idogo-dogo nimahi nganono ma Jou Madutuika.

Mata-mata itötuli-tulihi Ma Jou Ai Demo ma Buku magoronaka ganga mangale inä dotoko ngone. Hababu o dodötoko ngone hatotarima o Buku i Tebi-tebinino yadiai ngone hotongohono deʼ hokuata hiädono ngone yakunu homahi nganono ma Jou Madutuika.

Tanu ma Jou Madutu wohidöa-döaka o dongohono deʼ o lolaru o nyawaika, wonä riwo ngone la howango o hininga moi, hamoteke o Kristus Yesus aidulada. De o hininga moi Riadodoto mata-mata nirorimoi yakunu niwihigiriri ma Jou Madutu, o Yesus Kristus tongone nanga Jou ai Ama.

Hababu gënanga o Roriadodoto kokiani nimateke tarima moi de moi de niahininga isosanangi, hokä o Kristusö winïtarima ngini la niwihimulia ma Jou Madutu.

Iidulu yaino ngone moi-moi kokiani hasanangi tongone nanga roriadodoto manga hininga mangale toona manga oa, hupaya manga hininga ihigoungu iholoi ikuata.