Versete biblice populare din ISAIAS 40

Împărtășește

Sia nagahatag sing gahum sa ginapunaw, kag sa wala sing gahum nagadugang sia sing kusug.

Bisan ang mga pamatan-an punawon kag lapyoon, kag ang mga pamatan-on nga lalaki mapukan sing bug-os; apang ang mga nagahulat sa GINOO magabag-o sang ila kusug, magatimbook sila nga may mga pakpak subong sang mga aguila, magadalagan sila kag indi paglapyoon, magalakat sila kag indi pagpunawon.

Wala ka bala makahibalo? Wala ka bala makabati? Ang nagapadayon nga Dios amo ang GINOO, ang Manunuga sang mga ukbung sang duta. Wala sia ginapunaw ukon ginalapyo, wala sing pagtungkad sang iya paghangup.

Ang tingug sang isa nga nagasinggit: “Amana ninyo sa kamingawan ang dalan sang GINOO, magtadlong sa desierto sing dakung dalan tungud sa aton Dios.

Ang hilamon nagakalaya, ang bulak magakalayong; apang ang polong sang aton Dios nagapadayon sa gihapon.

Kag ang himaya sang GINOO igapahayag, kag ang tanan nga unud makakita sini sing tingub, kay ang baba sang GINOO nagpamolong sini.”

Ang tagsa ka nalupyakan pataason, kag ang tagsa ka bukid kag bakolod paubson; ang mga bulubungyud panhayon, kag ang mga duug nga kudulkudul tapanon.

Sia magapahalab sang iya panong kaangay sang manugpahalab kungkungon niya sa iya butkon ang mga cordero, dalhon sila sa iya dughan, kag magatuytuy sing mahinay sang mga may tinday.

Itangla ang inyo mga mata sa hitaas kag tan-awa: sin-o bala ang nagtuga sini sa ila? Sia nga nagapagowa sang ila kasoldadosan sa isip, ginatawag niya sila tanan sa ngalan; paagi sa kadaku sang iya gahum, kag bangud nga makusug sia sa gahum wala sing isa nga nakulang.

Sia amo ang nagalingkod sa ibabaw sang natipolonan sang duta, kag ang iya mga pumuluyo subong sang mga tibakla; nga nagabitad sang mga langit subong sang kumbung, kag nagahumlad sa ila subong sang layanglayang nga puluy-an

Pamolong kamo sing malipayon sa Jerusalem, kag isinggit sa iya nga ang iya pag-away tapus na, nga ang iya kalautan napatawad. nga sia nakabaton sa kamut sang GINOO sing pilo tungud sa tanan niyang sala.

Ang tingug sang isa nga nagasiling, “Singgit!” Kag ang isa nagsiling, “Ano bala ang isinggit ko?” Ang tanan nga unud hilamon, kag ang bug-os nga katahum sa ila subong sang bulak sang latagon. Ang hilamon nagakalaya, ang bulak nagakalayong, bangud nga ang gininhawa sang GINOO nagahuyup sa iya; sa pagkamatuud ang katawohan hilamon.

Yari karon, ang Ginoong DIOS magakari subong nga gamhanan, kag ang iya butkon magagahum tungud sa iya; yari karon, ang iya balus upud sa iya, kag ang iya tumbas sa una niya.

Lipaya ninyo, lipaya ninyo ang akon katawohan, nagasiling ang inyo Dios.

Sin-o bala ang nagsukub sang mga tubig sa siku-ong sang iya tapnay kag nagtakus sang langit sa iya dangaw, nga nakahantup sang yab-ok sang duta sa sulukban kag nagtimbang sang mga bukid sa mga tilimbangan kag sang kabakoloran sa timbangan? Sin-o bala ang nagmando sa Espiritu sang GINOO, ukon subong nga manuglaygay niya nagtudlo sa iya? Sa kay sin-o bala sia nagpalaygay kag sin-o bala ang nagsaysay sa iya, kag nagtudlo sa iya sa banas sang katarungan, kag nagtudlo sa iya sing ihibalo, kag nagpakita sa iya sang dalan sang paghangup?