Versete biblice populare din 1 Jon 2

Împărtășește

Waak muat sipsip ira magingin ma ira linge tano ula hanuo. Ing bia sige tiga nong i sipsip ira magingin tano ula hanuo, io, pai sip Mama. Iau tange huo kanong ira linge bakut tano ula hanuo, ira sakana harsipsip, ira sakana nes kalak, ma ira magingin na butbut, pai hanuat meram ho Mama. Taie. I hanuat mekai ra ula hanuo.

Ma no ula hanuo i patpataam hanahaan, ma diet mah ing diet sip no ula hanuo. Iesen sige tikai i gil haruatne ing God i sip bia na gil huo, io, na lon hathatika.

Sige tikai i tange bia i la kis taar ta God, io, i tahut bia na hanahaan hoing Jisas ga haan huo.

Iau pakat kaiken ra linge taar ta muat ira natigu gar ta Krais waing muat pa na gil ra sakena. Iesen bia tikai na gil ta sakena, audahat tikai kana nong i iangianga wara gaie dahat ra matmataan ta God. Ma aie ne Jisas Krais no takodasiana.

Sige tikai i tange bia i nunure tar ie ma sen pai taram ira uno harkurai, io, a ut na harabota ie ma ira tutun ta God pai kis tana.

Dahat nunure bia dahat nunure tar God hoken, ing bia dahat taram ira uno harkurai.

Sige tikai i tange bia i kis taar ra madaraas iesen bia i malentakuane no hinsakana gar ta Krais, io, i kis taar baak ra kankado.

Sige no ut na harabota? Aie nong i harus ise Jisas bia aie no Mesaia. Tiga mangana tunotuno huo, aie no suk ane Krais kanong i harus ise Mama ma no Natine.

Sige nong i harus ise no Natine pai hatur kawase Mama. Ma sige nong i haut bia Jisas no Nati God, io, i hatur kawase mah Mama.