ਪਰਮੇਸ਼ੁਰ ਨੂੰ ਪਹਿਲਾ ਸਥਾਨ ਦਿਓSample

"ਪਰਮੇਸ਼ੁਰ ਦਾ ਸਥਾਨ, ਮੇਰਾ ਇਨਾਮ!"

ਪਹਿਲਾ ਸਥਾਨ - ਇਹ ਕਿਸੇ ਵੀ ਕਿਸਮ ਦਾ ਮੁਕਾਬਲਾ ਕਰਨ ਵਾਲੇ ਸਾਰੇ ਲੋਕਾਂ ਦੀ ਮੁੱਖ ਇੱਛਾ ਹੁੰਦੀ ਹੈ। ਭਾਵੇਂ ਕੋਈ ਵਿਅਕਤੀਗਤ ਜਾਂ ਟੀਮ ਮੁਕਾਬਲਾ ਹੋਵੇ, ਸਭ ਤੋਂ ਵਧੀਆ ਸਕੋਰ ਜਾਂ ਸਭ ਤੋਂ ਘੱਟ ਸਮਾਂ ਲੈਣ ਵਾਲਾ ਜਿੱਤਦਾ ਹੈ ਅਤੇ ਜਿਹੜਾ ਵਿਅਕਤੀ ਪਹਿਲੇ ਸਥਾਨ ਦੇ ਖਾਸ ਮੁਕਾਮ ਨੂੰ ਹਾਸਲ ਕਰਦਾ ਹੈ ਉਸ ਨੂੰਹਮੇਸ਼ਾ ਇਨਾਮ ਮਿਲਦਾ ਹੈ। ਹਮੇਸ਼ਾ, ਅਰਥਾਤ, ਇੱਕ ਮਹੱਤਵਪੂਰਣ ਅਪਵਾਦ ਦੇ ਨਾਲ।

ਸਾਡੀ ਮੁਕਤੀ ਤੋਂ ਪਹਿਲਾਂ, ਅਸੀਂ ਆਮ ਤੌਰ ਤੇ ਜੀਵਨ ਵਿੱਚ ਖੁਦ ਨੂੰ ਹੀ ਪਹਿਲੇ ਸਥਾਨ ਤੇਰੱਖਦੇ ਹਾਂ - ਆਪਣੇ ਲਈ ਜੀਉਣਾ, ਆਪਣੀਆਂ ਖੁਦ ਦੀਆਂ ਸੁਆਰਥੀ ਇੱਛਾਵਾਂ ਨੂੰ ਪੂਰਾ ਕਰਨਾ, ਆਪਣੇ ਖੁਦ ਦੇ ਏਜੰਡੇ ਨੂੰ ਅੱਗੇ ਵਧਾਉਣਾ। ਪਰ ਜਦੋਂ ਅਸੀਂ ਇੱਕ ਮਸੀਹੀ ਬਣ ਜਾਂਦੇ ਹਾਂ, ਤਾਂ ਅਸੀਂ ਪਹਿਲਾ ਸਥਾਨ ਖੁਦ ਨਹੀਂ ਰੱਖਣਾ ਹੈ; ਇਹ ਪਰਮੇਸ਼ੁਰ ਦਾ ਹੈ।

ਆਪਣੇ ਜੀਵਨਾਂ ਵਿੱਚ ਪਰਮੇਸ਼ੁਰ ਨੂੰ ਪਹਿਲਾ ਸਥਾਨ ਦੇਣਾ ਸਾਡੇ ਮੁਕਤੀ ਦੇ ਦਿਨ ਤੋਂ ਸ਼ੁਰੂ ਹੋਇਆ ਸੀ, ਪਰ ਪਰਮੇਸ਼ੁਰ ਨੂੰ ਸਾਡੇ ਜੀਵਨ ਦੇ ਸਾਰੇ ਖੇਤਰਾਂ ਵਿੱਚ ਪਹਿਲਾ ਸਥਾਨ ਦੇਣਾ ਇੱਕ ਨਿਰੰਤਰ ਪ੍ਰਕਿਰਿਆ ਹੈ। ਜਦੋਂ ਅਸੀਂ ਅਜਿਹਾ ਕਰਦੇ ਹਾਂ, ਤਾਂਅਸੀਂ ਇੱਥੇ ਧਰਤੀ ਉੱਤੇ ਮਸੀਹ ਵਿੱਚ ਇੱਕ ਭਰਪੂਰ ਅਤੇ ਮੁਬਾਰਕ ਜੀਵਨ ਜੀਉਂਦੇ ਹਾਂ ਅਤੇ ਸਵਰਗ ਵਿੱਚ ਹਮੇਸ਼ਾ ਲਈ ਪਰਮੇਸ਼ੁਰ ਦੇ ਨਾਲ ਅਸੀਮ ਬਰਕਤਾਂ ਵਾਲੇ ਇੱਕ ਸਦੀਪਕ ਜੀਵਨ ਦੇ ਅਧਿਕਾਰੀ ਹੁੰਦੇ ਹਾਂI

"ਹਰੇਕ ਪਹਿਲਵਾਨ ਸਭਨੀਂ ਗੱਲੀਂ ਸੰਜਮੀ ਹੁੰਦਾ ਹੈ। ਸੋ ਉਹ ਤਾਂ ਨਾਸ਼ਵਾਨ ਸਿਹਰੇ ਨੂੰ ਪਰ ਅਸੀਂ ਅਵਿਨਾਸੀ ਸਿਹਰੇ ਨੂੰ ਲੈਣ ਲਈ ਇਹ ਕਰਦੇ ਹਾਂI" 1 ਕੁਰਿੰਥੀਆਂ 9:25