Soma Biblia Kila Siku 09/2020Sample

Ezekieli anaelezea kuwa Mungu atakapoamua kuadhibu waliomwasi, hakuna atakayeweza kuiepuka ghadhabu hiyo (m.47-48, Tazama nitawasha moto ndani yako, nao utakula kila mti mbichi ndani yako, na kila mti mkavu; miali ya moto ule haitazimika, na nyuso zote toka kusini hata kaskazini zitateketezwa kwa moto huo.  Na watu wote wenye mwili wataona ya kuwa mimi, Bwana, nimeuwasha; hautazimika). Ikumbukwe kuwa siku zote BWANA MUNGU anachukia uovu, na kila tutendapo uovu tunasababisha ghadhabu yake kuwaka juu yetu. Hata hivyo yeye ni mwingi wa rehema, anatualika kutubu.Ugua, basi, Ee mwanadamu; kwa kuvunjika kwake viuno vyako, na kwa uchungu, utaugua mbele ya macho yao(m.6). Hivyo msomaji wa somo hili leo, usifanye moyo wako kuwa mgumu. Jitafakari juu ya mahusiano yako na Mungu, kisha tafuta kutubu na kuanza maisha mapya yapatanayo na toba.